23/09/2025
حضن الرجوع بالسلامة بيفرق جدا مع أولادك خصوصا في أول يوم مدرسة.
في علم النفس بيقولوا أن التلامس الجسدي بين الأم وأولادها ولو لثواني بيؤثر فيهم أقوى من الكلمات لساعات.
وما تنسيش تسأليهم عملوا ايه في يومهم ومع اصحابهم والمدرسين وكل التفاصيل وفي النص اسألي عن السندوتشات أكلتوها ولا لا؟
فهمتوا وركزتوا في الدروس اللي اخدتوها ولا لا؟
بلاش يكونوا أول سؤالين أول ما يشوفوكي وانتي وشك متضايق زي وكيل النيابة اللي بيحقق مع المتهم.
الأم الفرفوشة رزق على فكرة..
عارف المسؤولية صعبة والله
ربنا يعينكم ويجعله في ميزان حسناتكم.
ويبارك في كل أولادنا
#دمحمدحسين
