REFQ

REFQ "رِفْق للتخاطب والصحة العقلية والصحة النفسية"
نضع بصمة نرسم بسمة🩷

رسالة شكر وفخر🩷فخورة جدًا بطالبتي المتميّزة صفا خالد هاشم.حصدت الفول مارك في امتحان إتمام كورس "أمراض النطق والكلام" الد...
20/11/2025

رسالة شكر وفخر🩷

فخورة جدًا بطالبتي المتميّزة صفا خالد هاشم.
حصدت الفول مارك في امتحان إتمام كورس "أمراض النطق والكلام" الدفعة الأولى.

وهذا النجاح لم يكن صدفة… فمنذ اليوم الأول وهي مثال للطالبة المجتهدة: حضور، متابعة، طرح أسئلة ذكية، وحرص كبير على الفهم قبل الحفظ.

صفا كانت دائمًا مميزة في الكورس، حضورها يضيف قيمة، واجتهادها يلهم.
أبارك لها من كل قلبي، وأتمنى لها مزيدًا من التفوق والتميز في كل خطواتها القادمة.

مبارك يا Safa Khaled … تستحقين كل نجاح وأكثر.

بعض آراء المشاركين في كورس "أمراض النطق والكلام"،نسأل الله السداد والقبول🩷. ُوَيْرِيَّة_عَاصِم
14/11/2025

بعض آراء المشاركين في كورس "أمراض النطق والكلام"،نسأل الله السداد والقبول🩷.

ُوَيْرِيَّة_عَاصِم

يُعلن مركز "REFQ" عن بدء كُورس : "أمراض النطق والكلام"🧠🩷.----🎯 محتوى الكورس ومحاوره الأساسية:1️⃣ المدخل إلى علم التخاطب....
11/10/2025

يُعلن مركز "REFQ" عن بدء كُورس : "أمراض النطق والكلام"🧠🩷.
----
🎯 محتوى الكورس ومحاوره الأساسية:
1️⃣ المدخل إلى علم التخاطب.
2️⃣ أساسيات علم التخاطب.
3️⃣ أنواع اضطرابات التخاطب.
4️⃣ التقييم والتشخيص.
5️⃣ خطة العلاج والتأهيل.
6️⃣ جلسة التخاطب الناجحة.
----
📌 الحضور:
أونلاين عبر تطبيق تليجرام 💻.
----
👩‍🏫 المحاضر:چُويرية عاصم.
كلية التربية-قسم تربية خاصة.
----
📅 بداية الكورس:
السبت 18 / 10 / 2025.
⏳ لمدة 4 أسابيع.
🗓️ محاضرتان أسبوعيًا.
---
للحجز انضم لجروب الواتساب :
https://chat.whatsapp.com/CyWLVquWVdZ3LyvlVMRWB6?mode=wwc
----
📌 العدد محدود جدًا لضمان متابعة كل مشترك🩷.

23/09/2025

👨‍👩‍👧‍👦 الإرشاد الأسري… سر العلاقات الصحية

الإرشاد الأسري مش بس وقت المشاكل الكبيرة، لكنه وسيلة وقائية وداعمة تساعد كل أسرة إنها تبني علاقة أقوى وأعمق.

🌿 أهميته:
🔹 تحسين أسلوب التواصل بين أفراد الأسرة.
🔹 حل الخلافات بطريقة صحية وبعيدًا عن التوتر.
🔹 دعم الصحة النفسية للأطفال والكبار.
🔹 تعزيز التفاهم، الاحترام، والمسؤولية المشتركة.
🔹 تقوية الترابط العاطفي اللي بيخلي البيت مكان آمن ومريح.

الأسرة هي نواة المجتمع، وكل ما تكون الأسرة متماسكة وسعيدة، كل ما انعكس ده على المجتمع كله 🩷

🩷
🩷

29/07/2025

🧩 مشكلة أسرية بسيطة لكن بتتكرر كتير... والحل؟

أم بتشتكي إن ابنها مش بيسمع الكلام، دايمًا بيرد، وبيتعصب من أقل حاجة!
ولما بنسأل الأب بيقول: "أنا طول النهار في الشغل، هي المفروض تسيطر عليه!"

👪 هنا تظهر أهمية الإرشاد الأسري...
لأن المشكلة مش في الطفل بس، المشكلة في نظام الأسرة كله!

✨ الحل؟
▪ أول خطوة: نفهم الطفل مش نلومه
▪ تاني خطوة: نسمع لبعض كأب وأم
▪ تالت خطوة: نعيد تنظيم الأدوار والمسؤوليات
▪ وأهم خطوة: نتعلم طرق تربوية جديدة بدل أساليب التهديد والعقاب

🧠 الطفل مش عنيد على طول… أوقات بيكون "مش مفهوم"!
والأسرة محتاجة دعم مش حكم!

📌 عشان كده دور الإرشاد الأسري هو:
نساعد الأسرة تفهم نفسها، وتحل مشاكلها بطريقة صحية، ونربي جيل أقوى نفسيًا وأهدى سلوكًا 🩷

🩷
🩷

16/06/2025

"اتأخر ابني في الكلام.. أستنى ولا أتحرك؟"
"كتير من الأمهات بتسأل:
ابني عنده سنتين ولسه ما بيتكلمش.. أستنى شوية؟ ولا أروح لأخصائي؟

وأنا دايمًا بقول:
التدخل المبكر = فرق كبير.

✅ الطبيعي إن الطفل في عمر سنة يقول كلمات بسيطة زي (ماما – بابا).
✅ وعند عمر سنتين يكون بيجمع كلمتين في جملة زي (عايز أكل – بابا راح).

لكن لو الطفل:
❌ مش بيقلد الأصوات
❌ مش بيستخدم إشارات بسيطة (زي إنه يِشاور)
❌ أو كلامه مش بيزيد مع الوقت
يبقى لازم نتحرك فورًا!

💡 مش كل تأخر لغوي سببه مشكلة كبيرة، بس كل تأخر محتاج تقييم علشان نطمن.

🎯 الهدف مش نخوف أولياء الأمور، الهدف نوعّيهم.
ابنك يستحق يسمّع صوته.. ويوصل أفكاره.🩷

تابعوني علشان نساعد أطفالنا يتكلموا بثقة 🩷

🩷
🩷

24/04/2025

كنت اتكلمت قبل كدا عن الوسواس القهري (OCD) 🩷..
النهاردة هتكلم عن علاج من علاجاته المهمة جدا واللي لو اطبق بطريقة علمية صحيحة بيكون فعّال جدا وهو:
العلاج السلوكي المعرفي (CBT).🩷
الأول إي هو العلاج السلوكي المعرفي (CBT) ؟🤔

العلاج بيتكون من جزئين رئيسيين:

1. العلاج المعرفي (Cognitive Therapy):

ده بيركز على تعديل الأفكار الوسواسية، اللي غالبًا بتكون غير منطقية أو مبالغ فيها.

مثال:

فكرة وسواسية: "لو ما غسلت إيدي ١٠ مرات، حيحصل مصيبة."

التعديل المعرفي: "مجرد فكرة مش معناها إنها حقيقية، ومفيش دليل إن دا بيحصل كل مرة."

2. العلاج السلوكي (Exposure and Response Prevention - ERP):

ده أهم جزء في علاج الوسواس، وبيتم كالتالي:

(أ) التعرض (Exposure):

تعرض نفسك بشكل تدريجي للأشياء اللي بتسبب لك القلق أو الوسواس.

مثال: لمس مقبض الباب بدون ما تغسله فورًا.

(ب) منع الاستجابة (Response Prevention):

بعد ما تتعرض للموقف، تمنع نفسك من أداء السلوك القهري (زي الغسل أو التحقق أو التكرار).

الفكرة إن مع الوقت، القلق بيقل لوحده، ومشاعر الخطر بتبدأ تختفي.

---

طب تعالوا نتكلم عن خطوات مبسطة لتطبيق CBT مع الوسواس:

1. سجّل أفكارك الوسواسية والمواقف اللي بتحصل فيها.

2. حدد الاستجابة القهرية اللي بتقوم بيها.

3. ابدأ تدريجيًا بتقليل السلوك القهري مع التعرض للموقف.

4. راجع الأفكار وشكّك فيها منطقيًا، واسأل نفسك: "إيه الدليل؟ إيه البديل؟"

5. كافئ نفسك على كل نجاح بسيط بتحققه.

🩷
🩷

تعرف إي عن اضطراب الشخصية الحدّية (BPD)؟ 🤔دا اضطراب نفسي بيأثر على المشاعر، العلاقات، والصورة الذاتية، وبيخلي الشخص يعان...
12/02/2025

تعرف إي عن اضطراب الشخصية الحدّية (BPD)؟ 🤔

دا اضطراب نفسي بيأثر على المشاعر، العلاقات، والصورة الذاتية، وبيخلي الشخص يعاني من تقلبات مزاجية حادة، خوف شديد من الهجر، وصعوبة في التحكم في مشاعره وسلوكياته. خليني أوضح لك تفاصيله بشكل بسيط:

أهم أعراض الـ BPD:

1. خوف شديد من الهجر حتى لو كان خيالي، ممكن الشخص يعمل أي حاجة عشان ما يحسش إنه مرفوض أو متروك.

2. علاقات غير مستقرة، فيها اندفاع بين الحب الشديد والكره الشديد لنفس الشخص في فترات قصيرة.

3. مشاكل في الهوية، ممكن الشخص يحس إنه مش عارف هو مين أو إيه هدفه في الحياة.

4. اندفاعية في التصرفات زي التبذير، الأكل بشراهة، القيادة المتهورة، أو حتى إيذاء النفس.

5. تقلبات مزاجية قوية تستمر لساعات أو أيام، زي الانتقال من فرحة شديدة لحزن واكتئاب مفاجئ.

6. شعور دائم بالفراغ وكأن الحياة بلا معنى.

7. غضب شديد وغير متحكم فيه، ممكن يكون على شكل نوبات صراخ أو عدوانية.

8. سلوكيات إيذاء النفس أو التفكير في الانتحار، وده واحد من أخطر أعراضه.

9. مشاكل في التفكير تحت الضغط، أوقات الشخص يحس إنه منفصل عن الواقع أو عنده أفكار وسواسية.

إيه اللي بيسببه؟

مفيش سبب واحد للـ BPD، لكنه غالبًا بييجي نتيجة خليط من العوامل زي:

التربية القاسية أو التجارب المؤلمة في الطفولة، زي الإهمال العاطفي أو التعرض لسوء المعاملة.

عوامل وراثية، أحيانًا بيكون فيه تاريخ عائلي للاضطرابات النفسية.

مشاكل في كيمياء المخ، خاصة في المناطق اللي بتنظم المشاعر والتحكم في الغضب.

طب إزاي التعامل مع شخص عنده BPD؟

ما تاخدش ردود أفعاله بشكل شخصي، لأنه أحيانًا بيكون متقلب بدون قصد.

ادعمه، بس من غير ما تخليه يعتمد عليك تمامًا.

لو في خلاف، حاول تهدي الأمور بدل ما تزيدها توتر.

لو بتحس إن العلاقة مرهقة ليك، خد مساحة لنفسك بس بطريقة متوازنة.

هل في علاج؟

آه، بس بيتطلب وقت وصبر. العلاج السلوكي الجدلي (DBT) هو أفضل علاج حاليًا، لأنه بيساعد الشخص على التحكم في مشاعره وردود أفعاله
كمان العلاج النفسي والدعم من الأهل والأصحاب بيكون له تأثير كبير.

في النهاية، الناس اللي عندهم BPD مش أشخاص "سامّين" أو "دراميين"، هما ناس بيعانوا من مشاعرهم بطريقة مضاعفة، وبيحتاجوا فهم ودعم مش حكم عليهم.

#نضع بصمة..نرسم بسمة 🩷

28/01/2025

تعالوا النهاردة نتكلم شوية عن موضوع مهم 🤗
وهو إزاي نطور اللغة عند الطفل؟🤔
(الماميز تركز معايا)🩷

"اللغة عند الأطفال بتبدأ من البيت، مش من جلسات التخاطب أو المدرسة.
البيت هو أول مكان بيتعلم فيه الطفل يتكلم ويتواصل. لو عايزة تطوري لغة طفلك، خلي اللعب والحديث اليومي جزء من حياتكوا.
تعالي أقولك إزاي، بطريقة بسيطة جدًا ومستندة على العلم:

1. اللعب هو المفتاح

اللعب مش بس وسيلة تسلية، ده بوابة الطفل لتعلم الكلمات والجمل.
لما تلعبوا مع بعض ألعاب بسيطة زي ترتيب الألوان، المكعبات، أو تمثيل شخصيات.
اتكلمي معاه طول الوقت: "دي عربية لونها أحمر، يلا نحركها بسرعة!"
أو: "إحنا بنبني بيت، هات المكعب الأزرق."
كل مرة بتتكلمي فيها، طفلك بيتعلم كلمات جديدة ويبدأ يربطها بالأشياء.

2. روتين الحكي اليومي

خلي الحديث عن اليوم جزء من روتينكوا.
اسأليه أسئلة بسيطة عن يومه:

"إيه أكتر حاجة عجبتك النهارده؟"

"مين كان بيلعب معاك؟"
ولو هو لسه صغير، احكي له عن اللي حصل: "إحنا النهارده روحنا السوق، اشترينا موز وبرتقال." الكلام ده بيساعده يفهم ترتيب الأحداث والجمل.

3. التكرار هو السر

الأطفال بيتعلموا بالتكرار.
لما تسمي الأشياء بنفس الطريقة كل مرة، ده بيساعد طفلك يثبت المعلومة في دماغه. مثلاً:

"دي كورة... الكورة دي لونها أحمر... فين الكورة؟"
كل مرة تكرري الكلمة، بتقربي خطوة إنه يقولها لوحده.

4. اهتمي بالتفاعل

لما طفلك يحاول يتكلم، حتى لو كلامه مش واضح أو غلط، اسمعيه باهتمام وصححي بهدوء:

هو: "عاوز ككة."

انتي: "عاوز كعكة؟ طب يلا، دي الكعكة."
ده بيشجعه يحاول أكتر ويصحح نفسه مع الوقت.

5. التواصل طول اليوم

الحديث مش لازم يكون في أوقات مخصصة، اتكلمي معاه طول اليوم:

وقت الأكل: "دي ملعقة، هنستخدمها ناكل الرز."

وقت اللبس: "هنلبس البنطلون الأول، وبعدها الجاكت."
كل لحظة في اليوم فرصة لتعلم حاجة جديدة.

افتكري دايمًا إن الطفل بيتعلم أفضل لما يحس بالحب والاهتمام.
كل كلمة وكل لحظة بتشاركيها معاه هي خطوة لتطوره.

✍️چُوَيْريَّة عَاصِم
#نضع بصمة..نرسم بسمة 🩷

تعرف إي عن الوسواس القهري (OCD)؟🤔"تعرف إن الوسواس القهري مش مجرد شوية أفكار عادية أو تصرفات بسيطة؟ هو اضطراب نفسي حقيقي،...
26/01/2025

تعرف إي عن الوسواس القهري (OCD)؟🤔

"تعرف إن الوسواس القهري مش مجرد شوية أفكار عادية أو تصرفات بسيطة؟ هو اضطراب نفسي حقيقي، بيمر بيه ناس كتير حواليك، بس للأسف أحيانًا بيتاخد باستخفاف. تعالوا نفهم أكتر عنه، ونعرف هو بيأثر إزاي على حياة الشخص

---

إيه هو الوسواس القهري؟

الوسواس القهري عبارة عن مزيج من حاجتين:

1. أفكار متكررة (وساوس): أفكار بتيجي في دماغك غصب عنك، بتفضل تلفّ وتدور وتزعجك. زي:

"إيديك مش نظيفة، اغسلها!"

"الباب مش مقفول، ارجع تأكد."

"لو ما عملتش الحاجة دي بالطريقة دي، حاجة وحشة هتحصل."

2. تصرفات قهرية: رد فعل عشان تهدي الأفكار دي وتقلل التوتر. زي:

تغسل إيديك أكتر من مرة وبدون سبب منطقي.

ترتب الحاجات بشكل مثالي.

تراجع الحاجة 10 مرات عشان تتأكد إنها تمام.

طب إي هي أنواع الوسواس القهري

النظافة والخوف من التلوث:
الشخص هنا بيحس إن كل حاجة حواليه مش نظيفة، ولازم يغسل كل حاجة بشكل مفرط.

الترتيب والتنظيم:
كل حاجة لازم تكون "مثالية"، ولو حاجة اتحركت مكانها، التوتر بيزيد جدًا.

التأكد المبالغ فيه:
زي مراجعة الباب والبوتاجاز والإضاءة أكتر من مرة خوفًا من إن فيه حاجة مش مظبوطة.

الأفكار المؤذية أو العدوانية:
أفكار زي "أنا ممكن أؤذي حد غصب عني"، وده بيخلي الشخص يحس بالخوف والذنب.

الوسواس الديني أو الأخلاقي:
الخوف من إنك مش بتعمل الحاجة الصح في العبادة أو بتقصر بشكل كبير.

طب ليه بيحصل الوسواس القهري؟

وراثة: لو في حد في عيلتك عنده اضطرابات نفسية، احتمالية الإصابة بتزيد.

خلل كيميائي في المخ: خصوصًا في مستوى السيروتونين، اللي بيأثر على المزاج.

ضغوط نفسية أو صدمات: أوقات بيظهر بعد مواقف صعبة أو تجارب مؤلمة

الوسواس القهري مش مجرد توتر لحظي. هو حاجة ممكن تعطل حياتك اليومية تمامًا.

ممكن تقعد بالساعات في تنفيذ طقوس معينة.

شغلك، دراستك، وحتى علاقاتك الاجتماعية بتتأثر جدًا.

لو مش متعالج، ممكن يسبب اكتئاب أو عزلة.
---

طيب العلاج؟

الحمد لله فيه طرق علاج فعالة جدًا:

1. العلاج السلوكي المعرفي (CBT):
بيعلمك إزاي تواجه الوساوس من غير ما تنفذ التصرفات القهرية، وده بيخفف التوتر تدريجيًا.

2.وطبعا الأدوية ودا بيكون عن طريق استشارة الطبيب النفسي .

3. الدعم الأسري:
إن أهلك وأصحابك يفهموا طبيعة المرض ويدعموك بدل ما يحكموا عليك.
---

رسالة أخيرة

الوسواس القهري مش "دلع" ولا "شخصية موسوسة"، ده اضطراب حقيقي ممكن ييجي لأي حد. لو حاسس إن عندك أعراضه، أو تعرف حد بيعاني، متترددش تطلب مساعدة.
الاستشارة النفسية مش رفاهية، دي زي أي استشارة لما جسمك بيتعب.

اهتم بنفسك، وافتكر دايمًا إن الشفا موجود ومش لوحدك في ده. 🩷
✍️چُوَيْريَّة عَاصِم

#نضع بصمة.. نرسم بسمة 🩷

21/01/2025

تأخر الكلام عند الأطفال🤗

"كتير من الأمهات بتسأل: ليه ابني متأخر في الكلام؟ وهل الموضوع طبيعي ولا محتاج تدخل؟ 🤔

أول حاجة لازم نعرفها إن كل طفل ليه معدل نمو خاص بيه، بس فيه علامات لو ظهرت، بتخلينا نركز أكتر ونتصرف. 🌟

إيه هو تأخر الكلام؟

تأخر الكلام بيحصل لما الطفل ميوصلش لمراحل التطور اللغوي المناسبة لسنه. مثلاً:

عند سن سنة: مش بيقول كلمات بسيطة زي "ماما" أو "بابا".

عند سن سنتين: مش بيقدر يكوّن جملة من كلمتين زي "عايز ميه".

طيب إيه الأسباب اللي ممكن تخلي الطفل يتأخر؟

1️⃣ مشاكل في السمع: لو الطفل مش بيسمع كويس، هيبقى صعب عليه يتعلم الكلام.
2️⃣ التوحد أو اضطرابات نمائية: أحياناً التأخر في الكلام بيكون من اضطرابات تانية زي التوحد.
3️⃣ قلة التحفيز اللغوي: لما الطفل ميلاقيش حد يكلمه كتير أو يلعب معاه، ده بيأثر على تطوره.
4️⃣ مشاكل عضوية: زي ضعف عضلات الفم أو اللسان.
5️⃣ وراثة أو عوامل جينية: لو فيه حد في العيلة كان متأخر في الكلام.

إمتى أبدأ أقلق؟

لو ابنك:

مظهرش أي اهتمام بالكلام أو الأصوات.

بيعتمد على الإشارة بدل الكلام بعد سنتين.

عنده صعوبة في نطق الحروف أو الكلمات.

أعمل إيه لو شاكك إن طفلي متأخر؟

✅ أول خطوة: اعرضه على دكتور سمعيات عشان تتأكد إن سمعه تمام.
✅ بعد كده: استشير أخصائي تخاطب، اللي هيقيم حالته ويحدد لو محتاج تدخل أو لأ.
✅ وفي البيت:

كلم طفلك كتير حتى لو مش بيرد.

اقرأ له قصص بأصوات مختلفة.

شاركه في ألعاب تشجعه يستخدم كلامه.

افتكر دايماً إن التدخل المبكر هو المفتاح! 🗝️ كل ما تبدأ بدري، كل ما النتايج هتكون أفضل. 💪

✍️چُوَيْريَّة عَاصِم
#نضع بصمة.. نرسم بسمة 🩷

Address

Nasr City

Website

https://ngl.link/jowayriaasem1/dealbreaker

Alerts

Be the first to know and let us send you an email when REFQ posts news and promotions. Your email address will not be used for any other purpose, and you can unsubscribe at any time.

Shortcuts

Share

Category