05/10/2024
شاركوني رأيكم، أنا فعلا بقيت بفوت حاجات كتير وكدا اتطمنت علي نفسي ههههه
شوية تغييرات إيجابية هتحصلك في أواخر التلاتينات:
١- قدرتك على التأقلم والتجاوز هتفاجئك
٢- هتحسي بقيمة الوقت جدًا؛ مش هتقدري تقعدي في قعدات مش بتعملك personal growth، وقعدات الكلام في الناس وسفاسف الأمور مش هتسحمليها
٢- مش بتنبهري؛ وبتشوفي الحاجة على مقاسها بالظبط مهما كانت بتلمع
٣- أولوياتك هتترتب ترتيب منطقي كبير بعيدًا عن العاطفة
٤- مش هتحاولي تبقي مثالية؛ هتحاولي تبقي واقعية
٥- هتتقبلي الآخر؛ تتعاملي مع الإيجابي فيه بس
٦- هتقري مشاهد كتير مكنتش هتشوفيها؛ من كام سنة، في قعدة واحدة
٧- هتبقي لبقة وأنت بتقولي لا مش مناسبني وهتحبي تقولي لا بالطريقة الصح في الوقت المناسب
٨- هتتعاملي مع الحقائق أكتر من العاطفة
٩- هتقدري فيمة وقتك وقيمك مجهودك واستثمارك المالي هيكون أفضل
١٠- ذكائك العاطفي هينضج جدًا
١١- هتصغري أي حاجة ممكن تبان كبيرة؛ وهتشوفي آخرتها إنها بتتحل بتقدير ربنا
١٢- قدرتك على استقبال أقدار الله وحكمته أنضجك كتير
١٣- عمرك ما هتحاولي تبهري حد ولا مجتمع؛ وهتبقي صريحة أكتر
١٤- هتستمعي بكل سنة بتكبري فيها وأنت محافظة على أنوثتك بوقار
١٥- هتكرهي السوشال ميديا؛ وهتحبي الـme time الصامت اللي بتعيدي فيه ترتيب أفكارك وألوياتك
أتمنى البنات الي في التلاتين يشاركونا مرحلة النضج اللي عايشينها في التعليقات ❤️
