Milad Rezk ميلاد رزق

04/03/2026

الاختيار

الاختيار مش دايمًا بين صح وغلط…
أوقات كتير بيكون بين راحة مؤقتة وراحة حقيقية.

بين إني أهرب من إحساسي…
أو أقعد معاه وأفهمه.

بين إني ألوم غيري…
أو أتحمّل مسؤوليتي وأكبر.

كل يوم بنختار.
حتى لما بنقول “مفيش اختيار”… ده في حد ذاته اختيار.

يمكن الظروف تضغط علينا،
بس دايمًا في مساحة صغيرة جوانا نقرر هنتصرف إزاي.

اختيارك النهارده،
هو اللي هيشكّل شخصيتك بكرة. 🌱

#الاختيار #وعي #نضج #مسؤولية

02/03/2026

02/03/2026

02/03/2026

"في عمق الاكتئاب، لا يحتاج الإنسان إلى حلول بقدر ما يحتاج إلى من يفهم صمته."

01/03/2026

اذاي الالعاب الالكترونية بتشتغل علي نفسية الطفل
#الاطفال #صحة #تربية

01/03/2026

ايه اللي حصل للناس اللي بتابع أخبار الحرب؟

فيه اللي بقى يعمل كوميك.
وفيه اللي بيشجع كأنه في ماتش كورة.
وفيه اللي ماسك الموبايل وبيتابع لحظة بلحظة… كأن حياته واقفة على إشعار.

من منظور نفسي 👇

🔹 الكوميك والسخرية
مش دايمًا قسوة… أحيانًا دي آلية دفاع. العقل لما يعجز يستوعب الرعب، يحوّله لنكتة عشان يخفف الصدمة. الضحك هنا مش استهتار… أحيانًا هو مسكن ألم.

🔹 التشجيع والتحيّز الأعمى
لما الإنسان يحس بتهديد أو خوف، بيميل يتمسّك بهوية أو فريق. الموضوع يبقى “إحنا ضدهم”. ده بيدي إحساس زائف بالقوة والسيطرة، خصوصًا قدام مشاهد العجز.

🔹 التتبع اللحظي المرضي
المتابعة المستمرة بتدي إحساس إنك “متحكم” أو “فاهم الصورة”. لكن الحقيقة إن الدماغ بيدخل في حالة استنفار دايم… وده ممكن يزوّد القلق، الأرق، والإجهاد النفسي.

اللي بيحصل مش بس في ساحة المعركة…
فيه حرب تانية بتحصل جوانا:
حرب بين التعاطف والخوف، بين العجز والرغبة في الفعل، بين إننا نحس… وإننا نهرب من الإحساس.

مهم نسأل نفسنا:
أنا بتابع علشان أبقى واعي؟
ولا بتابع علشان أهدي قلق جوايا؟
ولا علشان أحس إني ضمن فريق؟

الوعي بشكل تفاعلنا مع أخبار الحرب… هو أول خطوة نحافظ بيها على إنسانيتنا. 🕊️

28/02/2026

"نحن لا نرى الأشياء كما هي،
بل نراها كما نحن."
آنايس نين – من مذكراته
💬 يعني كل واحد بيشوف الدنيا من منظوره
اللي قلبه مليان خوف هيشوف العالم مخيف،
واللي جواه سلام هيشوفه
انت شايف الدنيا اذاي ؟

27/02/2026

مش كل لعب إدمان… بس كل هروب له تمن.
لو اللعبة بقت المكان الوحيد اللي بتحس فيه إنك ناجح، قوي، ومسموع…
يبقى جواك احتياج حقيقي محتاج يتشاف 👀
مش ضعف إنك تقول:
“أنا بلعب علشان أهرب.”
الضعف الحقيقي إنك تفضل هارب وماتواجهش.
إنت تستاهل تحس بالقيمة في حياتك مش بس ورا شاشة ✨
وكل خطوة صغيرة برّه اللعبة… هي خطوة أقرب لنفسك. #ادمان #صحةـنفسية Milad Rezk

27/02/2026

🎮📱
إدمان الألعاب الإلكترونية… تسلية ولا هروب من وجع؟

مش كل لعب إدمان…
بس لما اللعبة تبقى هي المكان الوحيد اللي بحس فيه بقيمة، إنجاز، سيطرة… هنا لازم نقف ونسأل نفسنا شوية أسئلة 👇

🔹 هل بلعب علشان أستمتع… ولا علشان أهرب من ضغط؟
🔹 هل بعرف أوقف بسهولة… ولا لازم “جيم كمان”؟
🔹 هل مستوايا في اللعبة أهم من علاقتي بأهلي أو شغلي أو مذاكرتي؟

اللي بيحصل إن المخ مع كل فوز صغير بيفرز دوبامين 🎯
إحساس سريع بالمكافأة… يخلي الشخص عاوز يعيد التجربة تاني وتالت وعاشر.

المشكلة مش في اللعبة نفسها…
المشكلة لما تبقى هي المصدر الوحيد للشعور بالنجاح 💔

كتير من الشباب اللي قابلتهم بيقولوا:
“في اللعبة أنا حد مهم… في الواقع أنا عادي.”

وهنا بيبدأ الصراع 👇
كل ما الواقع يبقى أصعب… كل ما العالم الافتراضي يبقى أريح.
بس الراحة المؤقتة دي أوقات بتسرق الوقت، العلاقات، وحتى الثقة بالنفس.

📌 الإدمان مش ضعف إرادة.
هو محاولة نفسية لتنظيم مشاعر صعبة… بس بطريقة بتدفعنا تمن أكبر مع الوقت.

اسأل نفسك النهارده:
لو اللعبة اختفت أسبوع… أنا هحس بإيه؟

لو الإجابة قلق، عصبية، فراغ… يبقى محتاج أقف مع نفسي بهدوء ❤️



#وعي
#تربية

27/02/2026

ايه الاعراض اللي ممكن تقول ان ابني مدمن للالعاب الالكترونيه
#الالعاب #صحةـنفسية #ادمان

25/02/2026

📱 ابنك بيلعب علي الموبيل …
بس هل الموضوع لسه تسلية؟ ولا بدأ يدخل منطقة الخطر؟ 🤔

في فيديو مهم جدًا هتكتشف:
✔️ إمتى اللعب يتحول لإدمان
✔️ إزاي الألعاب بتأثر على نفسية أولادنا
✔️ نعمل إيه من غير صراخ ولا منع يزيد المشكلة

دقايق قليلة ممكن تفرق في مستقبل ابنك 👇
🎥 اتفرج على الحلقة كاملة من هنا:
https://www.youtube.com/watch?v=7n7ws9QtUww

لو يهمك تحمي بيتك… ماتعديش الفيديو 🙏
وشيره لأي أب أو أم محتاجين يعرفوا الحقيقة 💙

د / رشا عونياخصائي ارشاد نفسي و اسري و تربوي و تعديل سلوكو مؤسس اكاديمية i can للتربية الخاصة و صعوبات التعلما / ميلاد رزقمحاضر و مشير بمركز ميتانويا للمشورة...

22/02/2026

"المفارقة الغريبة هي أنه عندما أتقبل نفسي كما أنا، حينها أستطيع أن أتغير."
On Becoming a Person (أن تصير إنسانًا)
Carl Rogers