21/08/2025
هو فعلا التربية ممكن تأثر عليا دلوقتي وانا راشد ؟؟
طبعا بتأثر لان احنا مش بنكبر ونسيب طفولتنا ورا ضهرنا الطفولة بتجري في دمنا زي الجذور اللي تحت الأرض محدش شايفها بس هي اللي مغذية الشجرة كلها.
الإهمال، القسوة، الوعود الكدابة، الصرامة اللي كانت بتوجع أكتر من العصاية والحزام وغيرهم دي كلها جذور اتزرعت جوا روحنا من واحنا صغيرين.
ومع مرور السنين الجذور دي طلعت فروع مؤلمة زي الخوف من المواجهة الغضب، قلق من غير سبب، إحساس بالذنب من غير غلطة فعليه، أو تعلق بالناس عشان نحس بالأمان اللي محسيناش بيه زمان.
اللي بيحصل جوانا النهاردة مش عيب فينا ده صدى لأصوات قديمة وشبح لذكريات معرفناش ندفنها.
الشفاء الحقيقي بيبدأ أول ما نعترف إن جوانا "شجرة صدمات الطفولة" ساعتها نقدر نمد إيدينا ونقص الفروع المسمومة ونزرع مكانها فروع جديدة مليانة حب ورضا وسلام.
وياريت تخلي بالك المره الجاية لأن انت اللي عليك الدور تزرع شجرة وتحط البذور فلما تيجي تحط البذور ياريت متاخدش من نفس البذور اللي زرعوها الاهل زمان وكمان متنساش تغير نوع الأسمدة لو عايز الثمار تتغير. 😁
