مستشفى بورسعيد للصحة النفسية وعلاج الإدمان

19/02/2026

🌙 ملامح البهجة في "نفسية بورسعيد
": أطفالنا يستقبلون رمضان بالإبداع
تحت رعاية السيد الدكتور/ محمد عبد الرؤوف - مدير مستشفى بورسعيد للصحة النفسية، في إطار حرص المستشفى على تقديم الدعم النفسي المتكامل والدمج المجتمعي للأطفال..

نظم قسم الأطفال والمراهقين بالمستشفى، بقيادة الدكتورة/ شيماء كارم - رئيس القسم طب الاطفال والمراهقين ، وبالتعاون مع فريق العمل المتميز الأستاذ/ معتز عاشور.
الاستاذة / ريهام الجرايحى.
الاستاذة / سعاد صابر.
الاستاذة شيماء مجدى.
🎈🎈 يوماً احتفالياً خاصاً لاستقبال شهر رمضان المبارك. 🎈🎈

✨ محطات من يومنا الاحتفالي:
🎈شهد اليوم مزيجاً بين الجانب التوعوي والنشاط الترفيهي، حيث تم:

🎈إحياء التراث: تعريف الأطفال بفضائل الشهر الكريم وطقوس الثقافة المصرية الأصيلة في الاحتفال.

🎈ورشة "سجادة الصلاة": في لفتة تربوية، قام كل طفل بصنع سجادة الصلاة الخاصة به بلمساته الإبداعية.

🎈ركن الفنون والطباعة: تلوين الفوانيس والمساجد باستخدام تقنيات الطباعة، مما أخرج طاقات الأطفال الإبداعية.

🎈هدايا رمضان: اختتم اليوم بتوزيع الفوانيس وسط أجواء غمرتها السعادة والضحكات.

كل الشكر لكل من ساهم في رسم البسمة على وجوه أطفالنا، ودمجهم في أجواء الخير والبركة. 🌸

17/02/2026

💭 "كنت قاعدة وسط صحابي… بضحك، بس جوايا كنت مش موجودة.
حاسّة إني بتفرّج على نفسي من بعيد…
صوتي غريب، 🗣️ إيدي مش حاسّة بيها…
وكل ما حد يناديني باسمي، بحس إنهم بيتكلموا عن حد تاني… مش أنا." !!

"بقيت مش عارفة أنا مين… كل يوم بصحى بشخصية مختلفة جوايا 🎭... مرة بخاف ، مرة مفيش مشاعر ، مرة مش فاكرة أنا عملت إيه امبارح .
كل ده وأنا ساكتة… فاكرة إني لو اتكلمت الناس هتقول عليا مجنونة." 😔🌀

🧠 الحقيقة؟
اللي بتحسيه ده اسمه اضطراب انفصالي – Dissociation
وممكن يوصل لـ اضطراب الهوية الانفصالي (DID)
ودي حالة نفسية بتحصل لما العقل يحاول يحمي نفسه من صدمة أو ألم شديد مرّ بيه. 💔🧩
ودي مش حاجة “عيب” ولا “جنون” دي محتاجة احتواء 🤝، ووعي ، ودكتور نفسي يفهمك ويساعدك 🧑‍⚕️.

بالعلاج والدعم النفسي، تقدري ترجعي تحسي بنفسك من تاني🤍وتعيشي حياتك “وانتي جواها” مش بس بتتفرّجي عليها 🎬💫

متخليش اللي جواكي يفضل ساكت… اتكلمي، وساعدي نفسك.🗣️💙

15/02/2026

عمرك حسّيت فجأة إن قلبك بيدق بسرعة، نفسك بيقطع، وتحس إنك هتفقد السيطرة؟ 😰
اللحظة دي اسمها نوبة هلع… واللي بيحصل فيها مش فيك، في دماغك.🧠

الدماغ في اللحظة دي بيتهيأله إنك في خطر حقيقي، حتى لو مفيش أي حاجة حواليك.
جزء صغير جوا دماغك اسمه اللوزة الدماغية بيبدأ يدّي إشارة استنفار للجسم كله،
فتبدأ ضربات قلبك تعلى، تتنفس بسرعة، وتحس برجفة أو دوخة…
مش لأنك فعلاً في خطر، لكن لأن جسمك بيستعد للهروب من خطر مش موجود.🤔

الهرمونات بتشتغل بأقصى طاقتها، والأدرينالين بيزيد،
وفي نفس الوقت الجزء المسؤول عن التفكير الهادئ بيتعطل،
فتحس إنك مش قادر تفكر ولا تسيطر على إحساسك.

بس الحقيقة إن نوبة الهلع مش خطره، ومش بتموت.
هي مجرد رسالة من جسمك بتقولك إنه خايف أكتر من اللازم.

كل اللي محتاج تعمله وقتها إنك تهدى،
تاخد نفس عميق، وتفكر نفسك إن ده مجرد خوف مؤقت،
وهيمشي بعد شوية.

كل ما تفهم اللي بيحصل جوا دماغك، كل ما تقدر تتحكم في خوفك أكتر 💪
و تقدر تزورنا في مستشفي بورسعيد للصحة النفسية لاي استشارة او تشخيص 💙

11/02/2026

تعرف إن الإقلاع عن التدخين قبل سن الأربعين بيقلل من خطر الوفاة بسبب الأمراض المرتبطة بالتدخين بنسبة 90 %؟
ابدأ في الإقلاع عن التدخين وحافظ على صحتك وصحة اللي حواليك
شكرًا للفنان تيام مصطفى قمر لمشاركته في حملة الإقلاع عن التدخين
الخط الساخن للمساعدة في الإقلاع عن التدخين: 105

11/02/2026

الإدمان بيقيّد روحك ويغير ملامحك وبيأثر على علاقتك الأسرية .. خليك قوي وقادر على التعافي ووقف مخدرات دلوقتي 🙏
📞الخط الساخن للمساعدة في الإقلاع عن التدخين: 105
📞الخط الساخن للاستشارات النفسية وعلاج الإدمان
16328
خدمات المنصة الوطنية الإلكترونية الأولى لخدمات الصحة النفسية وعلاج الإدمان بالمجان👌
http://nmhp.mohp.gov.eg/mental/web/ar

28/01/2026

⚠️ متخليش التجربة تكون هي النهاية. الآيس مش بس بياخد صحتك، ده بياخد مستقبلك وعلاقتك بأهلك وكل غالي عندك.

لو أنت أو حد يهمك وقع في الفخ ده.. لسه في فرصة! 📞 كلم الخط الساخن: 16023 ✅ العلاج مجاني تماماً. ✅ السرية كاملة ومضمونة. ✅ إحنا جنبك لحد ما توصل لبر الأمان.

22/01/2026

الادمان مش سجن مأبد🙅🏽 ، الادمان هي حالة نقدر نتعافي منها، بس كتير من مرضي الادمان مش بيعرفوا يكملوا العلاج بسبب خرافات المجتمع الي بتحكم عليهم.
تعالوا نكسر أشهر ٤ خرافات عن الإدمان:

❌ الخرافة 1: الإدمان ضعف شخصية
🔬 الحقيقة الطبية: الإدمان اضطراب في كيمياء المخ بيأثر على مراكز القرار والمكافأة يعني مش ضعف ديه حالة مرضية.

❌ الخرافة 2: اللي عايز يبطل… يبطل
🔬 الحقيقة الطبية: المخ بيحصل له اعتماد كيميائي وبيحتاج علاج ودعم علشان يتعافى الإرادة لوحدها مش كفاية.

❌ الخرافة 3: الانتكاسة معناها فشل
🔬 الحقيقة الطبية: الانتكاسة عرض محتمل في الأمراض المزمنة زي الضغط والسكر مش نهاية الطريق دي علامة إن الخطة محتاجة تعديل.

❌ الخرافة 4: العلاج النفسي مش مهم
🔬 الحقيقة الطبية: العلاج النفسي جزء أساسي من علاج الإدمان لأنه بيعالج الأسباب مش السلوك بس من غيره نسبة الانتكاس أعلى.

الإدمان مش وصمة ومش عيب ولا حكم مؤبد. هو حالة مرضية وله علاج وأكتر حاجة بتعطّل التعافي هي الخرافات. كل ما فهمنا أكتر ساعدناهم اكتر.💙
#الادمان
#التعافي

19/01/2026

🙍الاكتئاب مش ضعف… ومش قلة إيمان
الاكتئاب مرض نفسي حقيقي، بيأثر على التفكير والمشاعر والطاقة، وبيخلّي أبسط الحاجات تقيلة وصعبة.
ممكن شخص يضحك قدام الناس، وهو من جوّه تعبان ومجهد وبيحارب أفكار مؤلمة كل يوم.

📌من أعراض الاكتئاب:
حزن مستمر أو فقدان الاهتمام بالحياة
تعب وإرهاق بدون سبب واضح
اضطرابات النوم أو الشهية المستمرة
إحساس بالذنب أو انعدام القيمة
صعوبة التركيز
أحيانًا أفكار بإيذاء النفس

المهم نعرف إن:
الاكتئاب قابل للعلاج
والطلب للمساعدة قوة مش ضعف
والدعم النفسي والعلاج الطبي بيصنعوا فرق حقيقي 💙

لو إنت حاسس إنك مش بخير، كلم حد تثق فيه و تقدر تزورنا في العيادات الخارجية للمستشفي
#الاكتئاب

06/01/2026

قام السيد الدكتور/ أيمن محمد عباس، رئيس الإدارة المركزية للأمانة العامة، بزيارة تفقدية لمقر مستشفى بورسعيد للصحة النفسية مع الوفد المصاحب له ؛ وذلك لمتابعة سير العمل والوقوف على آخر المستجدات الميدانية.

وكان في استقبال سيادته :_
الدكتور / محمد عبد الرؤوف. مدير المستشفي
الدكتور/ اسلام عبد السلام. نائب مدير المستشفى
الاستاذة /أماني خلف عبداللاه المدير المالي والاداري
الاستاذة/ دعاء المحمدي. رئيسة هيئة التمريض بالمستشفي.

شملت الجولة مراجعة شاملة لما تم إنجازه من أعمال تطوير وتجهيز، تماشياً مع خطة المنشأة للوصول إلى الجاهزية القصوى لنيل الاعتماد. كما أكد سيادته خلال الزيارة على ضرورة الالتزام الكامل بتطبيق معايير الجودة لضمان تقديم أفضل خدمة طبية للمواطنين.

للمقترحات
www.gahar.gov.eg/Home/Contact
للاستفسار برجاء الاتصال علي الخط الساخن:- 16328
https://mentalhealth.mohp.gov.eg/mental/web/ar

03/01/2026