د/هاجر محسن استشاري الاشعة التشخيصية و فحوصات الثدي

05/02/2026

مساء الفل 🌸🌸

👆👆👆ايه الخطوات الي ممكن نعملها و تقلل فرص الاصابة بسرطان الث*ي ؟؟

١- اكل صحي :
ناكل ايه
خضروات زي البروكلي و القرنبيط السبانخ و الملوخية و الجرجير
الاوراق الخضرا يعني🤗

٢- نلعب رياضة:
لو مش هنروح جيم
يبقى نمشي ٣-٤ مرات فالاسبوع نص ساعة يوميا
حلوة اوي و بتغير النفسيه تماما🥰🥰

٣- ناخد فيتامينات:
ماغنسيوم
و كالسيوم
و نهتم بفيتامين د نقص فيتامين دال بيزود نسبة الاصابة بالسرطان

٤- نقلل السترس و التوتر
سيبك من الي يزعلك يا ست الكل
انتي اهم و البقية تأتي 😃🤗🤗

٥- نعمل فحص دوري بالسونار و الماموجرام
٦ نقلل تناول هرمونات الا في حالة الضرورة القصوى و اثناء تناولها بنعمل فحص ث*ي مرة كل ٦ شهور

٦-نتابع وظايف الكبد باستمرار
الكبد هو الي بيخلصنا من الاستروجين الضار فالجسم

٧- صبغات الشعر و الي بيحب يغير لوك زيي كده
😂🙈🙈
نستخدم حاجة مفيهاش امونيا

٨-مزيلات العرق تكون خالية من الومنيوم
و بارابين فري
بلاااش شبة
الشبة الومنيوم
😎

٩ - الضوافر الاكريليك
وجدوا حديثا انها من مسببات الكانسر

١٠-شرب المية بكميات كبيرة 💪💪💪

بس كفاية كده انهارده 🤗🤗
دمتن سالمات 🥰🥰د

كان معكم د/ هاجر محسن 🌷🌷

19/01/2026

https://www.facebook.com/share/p/1Bk989YA4z/?mibextid=wwXIfr

03/11/2025

https://www.facebook.com/share/p/17Tk2QeEMt/?mibextid=wwXIfr

عيادة الاشعة التداخلية
يوم الخميس من كل اسبوع ٨ مساءا

الخدمات الاتية:

التردد الحراري :
-( كي بؤر الغدة الدرقية )
-كي الاورام الليفية الحميدة بالث*ي
سونار ث*ي
سونار تشخيص و متابعة حالات الغدة الدرقية
سونار سطحي لتشخيص مضاعفات حقن الفيلر و غيرها من الاجراءات التجميلية

اخذ العينات:
عن طريق السونار او الاشعة المقطعية
من مختلف اجزاء الجسم
تركيب دبوس الث*ي
تركيب سلك استرشادي بالث*ي
تركيب قساطر التصريف
بزل سائل بريتوني او بللوري


للاستفسار يرجى التواصل علي رسائل الصفحه أوالاتصال على الارقام التالية:
0663217001
0663217002
01557274511
بورسعيد ميدان ستالينجراد مبنى نقابة
المعلمين حي المناخ

25/10/2025

مساء الفل🌹🌹🌹

يعني ايه زيادة النسيج الليفي fibroglandular tissue فالث*ي و هل الموضوع مرتبط بالرضاعة من عدمها ??

الطبيعي ان الث*ي بيتكون من ٣ انواع من الانسجة :

-النسيج الليفي fibroglandular
-النسيج الدهني او الدهون fatty
- الغدد /القنوات اللبنية

الطبيعي ان النسيج الليفي بيكون زيادة شوية فالبنات الصغيرين
او في سن العشرينات ( بالتحديد من ٢٠-٤٠ او ٤٥ سنة)

طيب ايه علاقة الرضاعة بالموضوع؟؟؟

الفكرة تغيرات هرمونية 👀👀👀👀
بمعنى ان النسيج الليفي للث*ي الي هو ال fibroglandular tissue
بيستجيب لاي تغيرات هرمونية
Progesterone or estrogen
زيادتها او fluctuations ( تطلع و تنزل)يسبب الم او تكتلات او تغدد ( دي المصطلحات الي بتيجي السيدات تشتكي منها)

طيب اثناء الرضاعة بيبقى الزياده هو هرمون اللبن الي هو البرولاكتين و بالتالي الث*ي مرتاح من الاستروجين و البروجيستيرون

و لو مفيش رضاعة هيبقى الث*ي مرتاح من الهرمونات دي 🫠🫠

و بالتالي قلة الرضاعة او عدمها بيخلي نسيج الث*ي اكثر حساسية او استحابة للتغيرات الهرمونية ( فنشتكي بتغدد /تكتلات/الم خاصة قبل البريود)😉😉

دمتن سالمات
د /هاجر محسن❣️

24/08/2025

مفيش deodrant فيها بارابين تاني 🙄
مفيش شبة تاني ( الشبك فيها الومنيوم) 🙄

🚫 أظهرت الدراسات البارابين والفثالات (الشائعة في مستحضرات التجميل) وقود سرطان الث*ي.

لكن تبديل المنتجات يمكن أن يعيد الجينات مرة أخرى في 28 يومًا فقط. لا تنتظر لإحداث التغيير.

قد تنطوي مستحضرات التجميل ومنتجات العناية الشخصية على خطر خفي: المواد الكيميائية التي تتداخل مع هرمونات الجسم والتي من المحتمل أن تساهم في الإصابة بالسرطان.

ربطت الأبحاث بشكل متزايد مجموعتين مشتركتين من المكونات - البارابين والفثالات - بسرطان الث*ي. توجد في كل شيء من المكياج والمرطبات إلى طلاء الأظافر والروائح، هذه المواد الكيميائية هي معطلات الهرمونات.

بارابين تحاكي الاستروجين، بينما تتداخل الفثالات مع التوازن الهرموني للجسم بشكل أوسع. نظرًا لأن هرمون الاستروجين يمكن أن يدفع نمو بعض سرطان الث*ي، يحذر العلماء من أن التعرض المتكرر أو العالي لهذه المركبات يمكن أن يسبب المخاطر الصحية.

الأدلة تتصاعد على أن هذه التعرضات مهمة. تم اكتشاف البارابين في أنسجة الث*ي، مما يرفع أعلام حمراء حول الامتصاص طويل الأجل، ومن المعروف أن الفثالات تعطل تفاعلات هرمون التستوستيرون والاستروجين.

والأكثر إثارة للنظر، وجدت دراسة حديثة أنه عندما تحول الناس إلى منتجات خالية من هذه المواد الكيميائية، فإن النشاط الجيني المرتبط بخطر سرطان الث*ي انطفأ خلال 28 يومًا فقط.

بالنسبة للمستهلكين، يؤكد هذا البحث أهمية فحص البطاقات والنظر في بدائل أنظف. بينما يستمر العلم في التطور، فإن الرسالة واضحة: إن الحد من التعرض للبارابين والفثالات هو خطوة بسيطة واستباقية نحو تقليل مخاطر السرطان.

10/08/2025

سلام عليكم 🌹🌹
من زمان محطيناش بوست 🥹

جاتلي بنوتة انهارده ٢٢ سنة
كل مشكلتها ان في الم تحت الابط الايسر.
مع الفحص الث*ي سليم
لكن في التهاب فالغدد الليمفاوية🤔🤔

سألت البنوتة
بتستخدمي مزيلات عرق

و هنا كانت المفاجئة
بتستخدم شبة 🙄😶‍🌫️🥲🥲

قولت افكركوا الشبة الومنيوم 😳😳
غير انها بتزود فرصة الاصابة بسرطان الث*ي

هيحصل التهاب فالغدد الليمفاوية 😢

#بلاش شبة
# بلاش مزيلات عرق فيها الومنيوم او بارابين

دمتن سالمات 😍
هاجر محسن

02/06/2025

سلام عليكم🥰

—-اتكلمنا قبل كده عن حالات عدم تماثل حجم الث*يين
و قولنا ان فالغالب كلنا كسيدات عندنا ده بدرحات متفاوتة
و ده يعتبر طبيعي

و لكن جاتلي حالة انهارده فيها عدم تماثل بشكل ملفت
سيدة عمرها ٤٠ سنة🥲🥲

بقالها شهر الث*ي بيكبر🫣
و ده كان نتيجة لوجود كتلة بالث*ي
معروفة بسرعة نموها
اسمها phylloid tumor

و ده ورم حميد بالث*ي و دائما حله استئصال جراحي
لسرعة نموه و احتمالية رجوعه بعد الاستئصال مرة اخري

اخيرا دمتن سالمات
و الفحص منم اوي في حالة ملاحظة حدوث اي تغيير فالث*ي عن الطبيعي

د /هاجر محسن 🌹🌹

08/05/2025

سلام عليكم 😍

تأكيدا ع اهمية فحص المامو حرام سنويا بعد ٤٠ سنة
و كفحص مكمل لو اكتشفنا لا قدر الله وجود ورم خبيث بالث*ي

في بعض البنات او السيدات بيخافوا من فحص المامو و مش بيفضلوه
دي بعض النصايح الي ممكن تقلل من الالم اثناء الفحص لانه فحص مهم حدا و لازم كلنا نعمله بعد سن الاربعين مرة كل سنة :

١- اولا ممكن ناخد حبة مسكن
بروفين قبل الفحص بنص ساعة او ساعة

٢- نتجنب الفحص قبل او اثناء البريود و انسب و احسن توقيت هو بعد البريود باسبوع

٣- ممكن نتكلم مع الفنية اللي بتقوم بالفحص و خاصة السيدات الي لسة اخدين جلسات الكيمو بيبقى الث*ي مؤلم فهي بتقلل الضغط وقتها لاننا بنعمل الفحص فالتوقيت ده عشان نتأكد او نشوف حاجات معينة و مش محتاجين نضغط اوي

٤- نقلل خالص من شرب كافيين او القهوة قبل الماموجرام ب ٣ -٤ ايام لانها ممكن تزود الإحساس بالالم

٥- طبعا نلبس حاجات مريحة

٦- نقلل الضغط النفسي او الخوف من الموضوع و ناخد نفس جامد اثناء الفخص يساعد ع الهدوء و الاسترخاء

٧ - اخيرا المامو فحص مش خطير اطلاقا و جرعة الاشعة الي فيه قليلة جدا زي كانك نوتي نور و طفتيه تاني 🤗
بس مهم جداااا للتشخيص المبكر و وقت اكتشاف الورم

دمتن سالمات 🌹🌹
د/هاحر محسن

01/05/2025

صباح الفل 🌹

يا دكتورة بنسمع كتير ان العينة بتنشر الورم
الكلام ده صح

لااااا👀😅
مش صح خاالص

العينة مش بتنشر الورم
احنا بندخل بابرة ناخد جزء من الخلايا تتحلل عشان نعرف نوع الورم ايه و نبدا العلاج

دمتم سالمين 🌹
د / هاجر محسن

20/04/2025

سلام عليكم 🌹🌹🤗

ايه هي تكيسات الث*ي
او تليف الث*ي

او بشكل علمي تكيس الث*ي الليفي ؟؟؟؟
Fibroadenosis

🥸🥸🥸بتيجي السيدة تشتكي من الم فالث*ي
-بتقول نتشة
-الث*ي مغدد
_بتحس بتكتل تحت اديها

-و احيانا الالم ده يسمع تحت الابط

🤩🤩كلها اعراض للfibroadenosis

الث*ي بطبيعتة بيتكون من نسيج دهني و نسيج ليفي
النسيج الليفي بيستجيب للتغيرات الهرمونية
و ده بيخلي السيدات من سن ٢٠-٤٠ سنة
تيجي تشتكي بطبيعة الالم الي ذكرناها ( نتشة او شكشكة)

و خاصة قبل الدورة الشهرية باسبوعين ( فترة التبويض)
و بيقل الالم ده بالتدريج بعد نزول البريود و لغاية ما تخلص

💪💪ما نقلقش و ممكن مستشير طبيب معالج يساعد بادوية او مكملات غذائية تقلل من طبيعة الالم

👀👀👀و طبعا نتابع بالاشعة التليفزيونية

دمتن سالمات 🤗🤗😍😍
د/هاجر محسن

18/04/2025

مساء ال 🌹🌹
سؤال دايما المريض بيسأله
هل سحب العينة ممكن يخلي المرض ينتشر ؟؟
و الاجابة لاااااا😎😎😎😎

بالعكس تماما العينة عبارة عن ركن اساسي لتشخيص الورم
واحيانا متير المريض مش بيقدر يبدأ علاجه من غير نتيجة العينة

و احنا فالاشعة التداخلية بنقدر بتخدير موضعي و فتحة بسيطة جدا زي شكة الابرة اننا ناخد عينة من الورم سواء كان بآشعة مقطعية او تليفزيونية و بكده بنتفوق على فحوصات تانية 😉😉😉😉🤩
و بنجنب المريض انه يدخل جراحة

#دمتم سالمين
# هاجر محسن ❤️