14/08/2023
الفرق بين اكل الفاكهه وعصير الفاكهة حتى لو بدون سكر؟
تساؤل جميل منك على فكرة وهتقول لنفسك ما انا هعصر ثمرة واحدة مانجو بدل لما اكلها ومش هحط فيها سكر وهضربها بماء ومش هحط حتى عسل نحل طبيعي عايز مني ايه بقى.
هقولك ربنا خلقنا بنظام معين معقد جدا على فكرة والبشرية بقالها مئات السنين بتحاول تفهمه فاكيد كيمياء الجسم الحيوية في فيها حاجة بتخلي اكل الفاكهه افيد بكتير من شربها.
١- بص يا سيدي سواء كنت هتاكل فاكهه او غيرها، اول حاجة فكرة الاكل او الشرب نفسها ديه عامل مؤثر مهم جدا هيخلي الجسم كله هيستعد سواء هرمونيا او حمضيا ان في اكل او شرب جايله فقعدتك على الترابيزة وتاكل افضل بكتير من السناك اللى عمال على بطال ده لانه هيتخن.
٢- القطم و المضغ:- ده في حد ذاته محفز اخر لعملية الهضم والامتصاص فكل على مهلك وامضغ ففي فوايد كتير جدا ممكن نتكلم عنها بعدين ، علشان كده لو تعرف تقلل استخدام السكينة وتقطم الاكل باسنانك يبقى افضل ان امكن.
٣- فكرة ان كمية سكر اللى في الفاكهه حتى لو قليلة تنزل محملة على الياف الفاكهة نفسها تختلف تماما عن انك تشربها عصير وتنزل مرة واحدة لجسمك.
كل فاكهة باعتدال كمية قليلة ٥ ايام يوميا في الاسبوع مش اكتر من كده.
