24/11/2025
الايكولاليا😬
يعني ترديد الكلام أو تكرار الكلام و هي إنك لما تيجي تسأل و تقوله ازيك يرد ازيك ومثلا تقوله عامل إيه يرد عامل إيه او حشتني يقولك وحشتني!
و مسمهاش" ايكولاريا "❌
و مش معنى إن اطفال التوحد احيانا بيكون عندهم ايكولاليا فأي طفل يبقى توحد او اي طفل عنده ايكولاليا يكون توحد و هنا لازم نقول عشان محدش يربطها بالتوحد بس ممكن تيجي لأي طفل و هي بتكون اضطراب في اللغه الاستقباليه هو مش فاهم معنى الكلام اللي بنقوله و إدراكه و فهمه ضعيف بس
و الايكولاليا ليها نوعين عندنا:
*اول واحدة ايكولاليا فوريه سريعه
زي لما تسأل الكتكوت إبنك تقول عامل ايه؟ يقولك عامل إيه عندك كام سنه ؟ يرد عندك كام سنه تجيب صورة و تسأله إيه دي ؟ يرد إيه دي
*اما بقي تاني واحدة الايكولاليا المؤجله او المتاخرة
بتكون ترديد لمعظم احداث يومه في وقت من أوقات فراغه يعني هتلاقيه قاعد بيسمع مع نفسه يومه في الحضانه أو المدرسه او موقف عايز يحكيه أو يسرد من 1 ل 10 لوحده كده بلا هدف وفاجاه
*طب و علاج الايكولاليا ايه بقي؟
و عشان أعالج الايكولاليا عندي اكتر من طريقه
النمذجه و السؤال و الاجابه
مش دي بس الطريقه السؤال و الاجابه
هندرب على الاجابه باه و لأ و مش عارف نشوف ازاي؟؟
هنجيب المجموعات الضمنية بتاعتنا هنقوله و نسأله دي تفاحه؟ و نرد اه و هزي راسك عشان يفهم دي موزه ؟ اه .... ده اسد ؟ اه ..... و هكذا بقي للاخر
خلصنا اه نخش على لأ🤨 هنعرض نفس الصور بس هنقوله
على صورة التفاحه دي موزه؟ هو هيرد اه هنروح قايلين دي موزه لاااا و نعمل إشارة لأ بإيدينا و تهز راسنا لأاااا ... نرجع نسأل (صوره بطه) دي خياره؟ لأااا
والتحسن إن إحنا نقول للطفل على شئ مش من نفس المجموعه زي مثلاً على صورة الموزه نقول دي عربيه ؟ على صورة الأسد نقول ده كرسي بتكون اسهل بالنسبالهم و ميحصلش لخبطه يعني خضراوات وفاكهه مع المنزل مثلا
**خلصنا لأ ندخل في مش عارف
و نعرض صور ميعرفهاش مثلاً (الجرجير او القلقاس) نسأله ده إيه ؟ و نسكت و نستنى يقول هو هيفضل ساكت أو هيحب يجود و نسأله عارف دي صورة إيه ؟ و نرد إحنا مش عارف و هكذا مع صور كتير ميعرفهاش خلصنا كده ؟؟ لأ بردو
هنصعب الاسئله شويه و نسأله
ده 🐒 بياكل موز ؟ده 🐎 من المواصلات ؟دي 👞 بناكلها ؟
وطبعا لازم تاخد بالك إنت محتاج تتأكد إنه اتدرب صح على المجموعات الضمنيه صح و وظايف الأشياء والعلاقات
**طرق تانيه لعلاج الايكولاليا :
* هنجيب دبدوب لعبه و نعمل معاه حوار و هنغير في الأداء الصوتي نشتغل سؤال و جواب
عندنا بردو النمذجه : ماما و بابا هيتكلموا قصاد الكتكوت بتاعنا و يعملوا حوار بابا يسأل مره و ماما ترد و ترجع تسأل مره و يشوف إيه إللي بيحصل و يدخل في اللعبه معاهم
و السؤال و الاجابه : بسأل السؤال بصوت واطي و اعلي صوتي في الاجابه و اجاوب بسرعه عليها وبس كدا
☺️💗
