04/05/2020
سلام عليكم
هنتكلم النهارده عن تحليل الميكروب السبحى و علاقته بالحمى الروماتيزمية
للأسف فيه اعتقاد خاطئ ان اى طفل عنده التحليل ده طلع عالى يبقى عنده حمى روماتيزمية ولازم ياخد حقن بنسلين طويل المفعول بس الواقع مش كده خالص ده يعبر عن حدوث عدوى بالميكروب السبحى خلال الفترة الأخيرة إللى ممكن توصل ل شهرين تلاتة و كمان ممكن تكون حصلت من غير اى أعراض و المناعة قاومت الميكروب بدون حدوث أعراض او حاجة لعلاج
سؤال طيب إللى عنده التحليل ده عالى على طول يعمل ايه ؟
اولا عندنا ف مصر المستوى إللى بنتعتبره عالى لازم يكون من ٣٥٠ إلى ٤٠٠ لكن ٢٠٠ اللى مكتوب ف التحليل مش معتبر عندنا خالص
ثانيا اللى عنده التحليل عالى علطول ده لو مفيش أعراض تانية ده بياخد مضاد حيوى مناسب بجرعة مناسبة و مدة لا تقل عن ١٠ ايام و بعد فترة شهرين او تلاتة نعيد التحليل لو لسه عالى و فيه التهاب مزمن فى اللوز يبقى نستاصلها جراحيا اما لو عنده أعراض تانية زى الام شديدة فى المفاصل او غيرها من الأعراض إللى ممكن تخلينا نشك فى الحمى الرومتيزمية فده هنتكلم عنه فى البوست الجاى ان شاء الله
كل سنة و أنتم طيبين
أخصائي طب الأطفال وحديثي الولادة
قليوب : ش سيدى عواض برج دياب
صنافير : ش مسجد الفتح
للاستعلام : ٠١٠٩٣٧٤٧٨٥١
