02/02/2026
النهارده شفت مصيبه وكارثه فوجب التنبيه👌
تنبيه طبي هام: عن مخاطر "حقن السخونية" للأطفال
شفت النهاردة في العيادة طفلة (وزنها ٩ كجم) بتعاني من سخونية، وللأسف كانت واخدة ١ سم #كيتوفان عضل
مع ١سم #ديكساميثازون " مع بعض.
ودا طبعا كارثه بكل المقاييس لإن الطفل ممكن يضيع مننا؟
👈 #الكيتوفان: مش مجرد خافض حرارة،
ده مضاد التهاب قوي غير موصى به للرضع والأطفال
لان مع السخونية والجفاف بيقل تدفق الدم للكُلى
وممكن يسبب فشل كلوي حاااد (Acute Kidney Injury).
كمان إن الجرعة اللي اتاخدت ١ سم مخصص لوزن ٥٠-٧٠ كجم فإعطاؤه لطفلة وزنها ٩ كجم
هو جريمه وجرعة مفرطة" بكل المقاييس.
👈خطر #الديكساميثازون:
الكورتيزون بيغطي على الأعراض وتدهور الحالة
والجمع بينه وبين الـ NSAIDs بيضاعف المخاطر الصحية بدون أي مبرر طبي.
🩸القاعدة الأساسية: السخونية "عرَض" مش مرض، ونزولها مش لازم يكون على حساب أمان الطفل.
🫶التصرف الصح🫶:
١. باراسيتامول بجرعة محسوبة بدقة حسب الوزن.
٢. تقييم سبب السخونية مع الطبيب.
٣. إعطاء سوائل كافية والمتابعة.
أطفالنا أمانة، والالتزام بالإرشادات العلمية مسؤولية الجميع.
