03/09/2018
أمهات كتير سألتنا ايه هى التطعيمات الإضافية ؟ وهل لازم اخلي طفلي ياخدها بجانب تطعيمات الصحة ؟ 🤷♀️
التطعيمات الإضافية من أهم الوسايل اللي بنزود بيها مناعة الطفل ضد الإصابة بالامراض الخطيرة الوبائية 🙄
وده لأن الاطفال دلوقتي مقاومتهم أقل من زمان 👶
طيب ايه هي التطعيمات دي وامتى الطفل ياخدها ؟ 🤔
🔹تطعيم الروتا Rota virus
وده بيكون للوقاية من فيروس الروتا المسؤول عن النزلات المعوية الشديدة وعلاجه بيكون صعب 😟
و في معظم الحالات بتعمل جفاف والطفل وقتها بيحتاج يتحجز في االمستشفى ☹️
وبتكون عبارة عن نقط وبتتاخد علي 3 جرعات وبتبدأ من الشهر الثاني و الشهر الرابع و الشهر السادس 👌
وخدي بالك إنه بيتاخد في أول 6 شهور من عمر الطفل وبعد كده مينفعش يتاخد ☝️
🔹تطعيم المكورات الرئوية Pneumococcal vaccine
والتطعيم ده بيكون ضد المكورات الرئوية اللي بتسبب التهاب الرئوي و النزلات الشعبية و اللوز و التهاب الاذن الوسطى و التهاب اغشية المخ (الالتهاب السحائي) 👉
وبيتاخد من عمر شهرين لحد أي عمر 👀
والافضل إنه يتاخد خلال اول 6 شهور على 3 جرعات بين كل جرعة و التانية شهرين و بعدها جرعة منشطة في عمر سنة ونص 👌
🔹تطعيم الانفلونزا الموسمية seasonal flu
بيتاخد كل أول شتاء وبيعتبر تطعيم ضد معظم الفيروسات المسببه للانفلونزا 🤦♀️
و منظمة الصحة العالمية بتنصح بيه لكل الاطفال الاكبر من 6 شهور 👦
🔹تطعيم الهيموفيلوس انفلونزا Hib ( الإنفلونزا البكتيرية )
وده غير الانفلوانزا الفيروسية الموسمية واللي بيتاخد أول الشتاء ☝️
و التطعيم ده بيدي حماية من الالتهابات الرئوية والحنجرية الخطيرة و التهابات اغشية المخ و الاذن الوسطى اللي بتسببها البكتيريا 👉
والتطعيم ده بقى اجباري في مصر من بداية سنة 2014 ولو ابنك مولود قبل كده وديه لمكتب الصحة عشان ياخده 😌
ودي أهم التطعيمات الإضافية اللي لازم الطفل ياخدها 🙂
وفي تطعيمات تانية الدكتور اللي بيحدد مدى احتياج الطفل ليها 👌
في عيادة د. مصطفى عزوز بنوفرلك كل التطعيمات دي 😉
شرفينا دلوقتي عشان تطمني على طفلك 🤗
اعملي شير للبوست عشان غيرك يستفيد ولو عندك أي سؤال سيبلنا كومنت ود. مصطفى هيرد عليكي 😍
