National Veterinarian Abu khalid

06/06/2025

🕌✨
من قلبي، ومن قلب كل عجل هربان ولسه راجع 😂
كل سنة وأنتم بألف صحة وسلامة، وعيد أضحى مبارك عليكم وعلى حبايبكم!🥰🐂

مع تحيات
👨‍⚕️ National Veterinarian Abu Khalid

خبير في الطب، ,وفي الضحك على العجول الطايرة ✨💪

02/06/2025

Job Opportunity: Veterinary Surgeon – UAE

A veterinary clinic in the United Arab Emirates is looking to hire a Veterinary Surgeon with at least 3 years of experience.

📍 Location: United Arab Emirates
🌍 Applicants residing in Egypt are welcome to apply
📩 To apply, please send your updated resume to:
dvmahmedhamed@gmail.com

Please note: I am only sharing this job advertisement and do not have any further details. Contact will be made directly with suitable candidates.

03/05/2025

Hungary scholarship 🇭🇺 | طلاب جامعة القاهرة

المنحة دي ممولة بالكامل من الاتحاد الأوروبي من خلال برنامج إيراسموس+ لتبادل الطلبة والأكاديميين، وده بيشمل تذكرة الطيران، السكن، ومصروف شهري.

اللي يقدم لازم يكون طالب في جامعة القاهرة أو ليه صِلة بيها.

روابط مهمة:
لو عايز تعرف التخصصات المتاحة:
https://www.elte.hu/en/faculties

لو محتاج تحمل اتفاقية التنقل:
https://erasmus-plus.ec.europa.eu/resources-and-tools/mobility-and-learning-agreements/mobility-agreements

لمعلومات أكتر من الجامعة المستضيفة:
https://www.elte.hu/en/
https://www.elte.hu/en/incoming-mobility/erasmus-international-credit-mobility/incoming-students/

ولو عندك أي سؤال أو محتاج توضيح، كلم مكتب العلاقات الدولية في كليتك أو ابعت استفسارك على الإيميل ده:
mobility@iro.cu.edu.eg

08/04/2025

فيه شركه اسمها "كولوسال" شغالة في حاجة مجنونة جدًا: بيرجعوا الحيوانات المنقرضة للحياة تاني! واحدة من أول التجارب الناجحة بتاعتهم كانت مع "الذئب الرهيب" (Dire Wolf)، اللي كان عايش زمان جدًا في أمريكا واختفى من أكتر من 10,000 سنة.

العلماء في الشركة قدروا يفكوا الشفرة الجينية بتاعت الذئب ده باستخدام حمض نووي قديم من بقايا أسنانه وعظمه، وبعدين عدّلوا جينات ذئب رمادي عادي علشان تبقى شبه جينات الذئب الرهيب. بدل ما يستخدموا عينات نسيج تقليدية زي زمان، جربوا حاجة جديدة: خدو خلايا دم وعدلوها، وبعد كده زرعوها في بويضات من غير نواة، وزرعوها في بطون كلاب صحيتها كويسة علشان تحمل الذئاب الجديدة.

النتيجة؟ جابوا للدنيا 3 ذئاب رهيبة صغيرة: رومولوس، ريموس، وأختهم خاليسي. ولما كانوا بيكبروا، لاحظوا إنهم مش بيتصرفوا زي الكلاب العادية خالص. مفيش لعب ولا حضنات مع البشر، بالعكس بيبعدوا عنهم، وده سلوك متوقع من ذئاب برية.

شركة كولوسال مش ناوية توقف هنا، عندهم خطط يرجعوا كمان الماموث الصوفي، طائر الدودو، والنمر التسماني (الثايلسين). والجميل في الموضوع إنهم بيقولوا إن التكنولوجيا دي مش بس علشان نرجع المنقرضين، لكن كمان علشان ننقذ الحيوانات اللي بتواجه خطر الانقراض دلوقتي.

وطبعًا، فيه جدل حوالين المشروع ده، ناس خايفة من مشاكل أخلاقية وطبية زي اللي حصلت زمان مع الحيوانات المستنسخة، لكن الفريق العلمي واثق إنهم بيعملوا ثورة علمية هتفيد التنوع البيولوجي على الكوكب كله.

وفي لحظة مميزة جدًا، لما كانوا بيربوا الذئاب الصغيرة، واحدة من المساعدين غنت لهم أغنية من فيلم "عروسة البحر"، ولما غنت جزء فيه نغمة طالعة ونازلة، الذئاب الصغيرة ردت عليها بعواء! وكانت أول مرة من آلاف السنين يتسمع فيها عواء الذئب الرهيب على كوكب الأرض.

24/03/2025

ذهب الظمأ
وابتلت العروق 🔻

نعمل بوست عنه؟

10/03/2025

تخيل تصحى الصبح تلاقي دماغك مش في مكانها… وبرضو مكمل حياتك عادي! 😳🐠 السمكة دي حرفيًا مش فارق معاها لا رأس ولا جسم، وعايشة حياتها زي الباشا! إزاي؟ وليه؟ السر كله هنا… متفوتش الفيديو ده! 🎥🔥

22/10/2024

Fish schooling | a way of harmony

بتشوف في الفيديوهات بتاعت الغطس واستكشاف البحار، أو لو أنت نفسك جربت الغطس بنفسك، أكيد بتشوف بنفسك
ازاي مجموعات الأسماك بتتحرك بتناسق بشكل جماعي…تعرف إزاي وليه؟

تعال أقولك، السمك في تركيبه التشريحي بيتكون من خط ماشي بطول السمكة زي ما موضح في الفيديو، الخط دا اسمه (Lateral line) ودا بقى بمثابة عضو إحساس من مكونات الجهاز العصبي للسمكة والخط دا متغطي بحاجة اسمها (Mechanical receptors) ودي عبارة عن مستقبلات حركية
مكونة من شعيرات صغيرة واللي بتحس بتغيرات ضغط المية.
الموضوع كله بيبدأ لما سمكة واحدة تبدأ تتحرك وبالتالي بتدفع المية حواليها ناحية السمكة اللي جمبها
فالسمك اللي جمبها بيحس بضغط المية اللي بيتغير من جمبه بتأثير السمكة الأولى دي فبيستجيب للحركة دي وبيعمل زيها.
وعلفكرة دا اللي بيخيلك متعرفش تمسك السمك في المية لإنه ببساطة لما بتحرك إيدك في المية فالسمك بيحس بضغط المية من ناحية حركة إيدك فبيبعد عنك من غير ما يشوفك.

بس كدا يلا سلااام🙋🏻‍♂️

18/10/2024

هلا بالعودة!

فاكرين في فيلم أنيميشن كدا أُنتج سنة ٢٠٠٩ أكيد أغلب الناس تسمع عنه دا لو مكانوش شافوه فيلم "UP" طبعًا فيلم لطيف ولذيذ ولكن مش دا المهم، المهم بقى في الفيلم دا كان فيه كلاب فيها حاجة غريبة ومميزة وهي إنهم كانوا لابسين طوق كدا وبيتكلموا من خلاله، حاجة غريبة مش كدا؟
هتصدقني بقى لو قولتلك إن التكنولوجيا دي اتطبقت وموجودة على أرض الواقع حاليًا.

فيه شركة اسمها "Shazam" مطلعة طوق اسمها "Shazam band" دا بقى طوق بيشتغل بالذكاء الإصطناعي وبيحتوي على مستشعرات ومخارج صوت (Speakers and sensors) بتمكن الحيوان من إنه يتكلم…انت متخيل!

طبعًا استغلوا الطوق دا في إنهم يستخدموه ك متتبع للحيوان في حالة ضياعه وكمان في حالة مواجهة الحيوان دا لأي مشاكل أو إصابات، بيقولك بقى مدير الشركة دي جاتله الفكرة دي لما الكلب بتاعه (Roscoe) اتعض من تعبان ومات فهو كان ندمان إنه مكانش يعرف كلبه مات إزاي وتفاصيل عنه، فجاتله الفكرة دي.

الطوق دا بقى بيستخدم لأي نوع من الحيوانات الأليفة (كلب-قطة-معزة-وأي حيوان بأربع أرجل). فكرة عمل الجهاز دا بقى إنه بيحتوي على كمية بيانات ضخمة بنفس طريقة عمل ChatGPT، فالطوق بيحتوي على عدد من المستشعرات اللي بتستمع للكلمات بتاعتنا للحيوان وتتفاعل معاها وبتترجم السلوكيات الحركية للحيوان لصوت بشري والنتيجة هي إن الطوق بيعبر عن مشاعر الحيوان ومزاجه وبيرد عليك بالصوت، ومع التطور والتحديثات بيجمع داتا أكبر وأكبر وبالتالي محادثة أكبر وأكثر تفصيلًا…مش مصدق شوف الفيديو كدا وصاحب الشركة عمل فيديو للتجربة.مش بس كدا لا دا كمان الأصوات هي أصوات شخصيات مشهورة وتقدر تغير فيها براحتك والجهاز دا بقى متوفر حاليًا في النسخة الكاملة بسعر 595$ والعياذ بالله أنا مش عارف ليه بس أنا هسيب لينك الموقع للي هيفكر يشتريه بقى😂.

وبس يا سيدي يلا سلام 🙋🏻‍♂️

16/06/2024

‏(ذَٰلِكَ وَمَن يُعَظِّمْ شَعَائِرَ اللَّهِ فَإِنَّهَا مِن تَقْوَى الْقُلُوبِ)
لأجل أننا مُسلمون
وتعظيم شعائرِ الله فريضة؛
عيد مُبارك عليكم ان شآء الله 🥳🐏♥️

21/03/2024

منحة دولة رومانيا 🇷🇴
بالتوفيق للجميع

Access Google Forms with a personal Google account or Google Workspace account (for business use).

21/12/2023

Most asked questions about scholarships opportunities:

1- لو أنا عايز/ة منحة بقدر ألاقي المنح فين؟
المنح بتقدر تلاقيها بطريقتين إما من خلال الجهة الجامعية المنتمي ليها ودي بيتم الإعلان عنها وتوفرها بحسب علاقات الجامعة الدولية مع الجامعات الأخرى، أو من خلال البحث الذاتي بنفسك من على صفحات الجامعات المختلفة.

2- اي الأوراق المطلوبة مني للسفر من خلال منحة دراسية.
جواز السفر، الدعوة أو جواب القبول، تصريح السفر (للذكور)، كشف حساب بنكي وأخيرًا تذاكر الطيران.

3- هل لو أنا طالب في السنة النهائية للدراسة مسموح ليا السفر في المنح.
لأ، غير مسموح.

4- هل أثناء التقديم على المنحة مهم يكون عندي جواز سفر؟
لأ، مش بالضرورة ولكن عند القبول لازم تعمله وتجهزه لمقابلة السفارة.

5- هل تقديري في الكلية مهم؟
لأ، ولكن أحيانًا بيكون مهم في مرحلة اختيار في مرحلة المقابلات الشخصية في الجامعات المنتمي ليها الطالب.

6- هل تكلفة المنحة عليا هتكون كبيرة؟
على حسب المنحة نفسها، فيه منح ممولة بالكامل وتشمل بعضها مصروف جيب مقدم من الجهة المانحة وفي الحالة دي مش هيكون عليك أي تكاليف غير تكلفة تجهيز جواز السفر، ومنح تانية ممولة جزئيًا بتدفع جزء فقط ومنح أخيرة غير ممولة.

7- هل اللغة الإنجليزية مهمة للمنح وهل هحتاج شهادة لغة؟
أكيد مهمة جدًا ولكن شهادة اللغة غير مهمة إلا إذا طلبت.

8- ما هو خطاب الحافز وهل ضروري؟
بيكون عبارة عن مستند بتوضح فيه أنت مين وايه اللي بيميزك وليه مقدم على المنحة دي، ونعم هو ضروري.

9- ايه هي أسباب عدم القبول؟
بشكل أساسي بتكون مش موافي الشروط المطلوبة أو أحدها، قدمت متأخر، مقدمتش المستندات المطلوبة أو أخيرًا خطاب الحافز مكانش مناسب.

10- ازاي بعرف اذا تم قبولي في المنحة؟
بتوصلك رسالة على الإيميل خلال أسبوعين لشهر، وفي حالة عدم القبول فمش بيتم إرسال أي رسالة.

🔅لو عندك أسئلة تانية، ابتعتلنا واحنا نساعدك. 😃

29/11/2023

برنامج التدريب الصيفي المقدم من جامعة Dresden الألمانية 2024 🇩🇪
بتقدمها الجامعة كل إجازة صيفية ما بين شهري يوليو وسبتمبر.
- خاص بالحاصلين على البكالوريوس
- التدريب بيغطي تكاليف التنقلات والإقامة بالإضافة إلى راتب يومي 36 €
- اتقان اللغة الإنجليزية مطلوب
- ديدلاين: February 23, 2024
FOR MORE DETAILS, kindly leave a comment below ⬇️

متنسوش الشير، لأن مهم إن المحتوى يستمر 🩵