Dr. Abdelrahman Bakry clinic

12/01/2025

16/07/2022

موضوعنا النهاردة موضوع شائع جدا خصوصا الفترة دي من الصيف وبيجيلي منه حالات كتير جدا مش فاهمين وقلقانين

ونسبة كبيرة من السيدات خصوصا...

بتحس بكورة او بلية تحت الابط .... تدخل في دوامة انها عندها سرطان ث*ي
والموضوع ممكن يكون التهاب عادي فى الغده الليمفاويه .

الموضوع ده تحديدا في ناس كتير مش فاهماه واللي فاهمه مش فاهمه كويس اوي.

يعني ايه غدد ليمفاوية؟ ودورها ايه؟ وهل لو كبرت وكان في ألم يبقي معناها (المرض الوحش) فعلا؟ وازاي اطمن ؟

وهاحاول اكون مبسط جدا....كالعادة 🙂

🌸🌸🌸🌸🌸🌸🌸🌸🌸🌸🌸🌸🌸🌸🌸🌸

اولا....يعني ايه غدد ليمفاوية🤔؟

هي عبارة عن غدد صغيرة شكلها بيبقي عامل زي (حبة الفول السوداني) متوزعة في اكتر من مكان في الجسم.

بتكون متوزعة في مجموعات مع بعض يعني كل مجموعة غدد مع بعض في مكان ما في الجسم.
جسم الانسان بيحتوي علي حوالي 600 غدة تقريبا

🌸🌸🌸🌸🌸🌸🌸🌸🌸🌸🌸🌸🌸🌸🌸🌸

طيب موجودة فين في الجسم؟ وهل انا ممكن احسها؟

اماكن توزيعها في الجسم متنوعة زي تحت الابط والرقبة وتحت الفك وحول وخلف الاذن وعند منطقة العانة وفي اماكن تانية برضه.
العادي ان الغدد مش محسوسة بطبيعتها يعني انت مش هتحسها...لو الغدة كبرت وبقت ظاهرة ومحسوسة هنا نبتدي نفكر...نبتدي نفكر مش نقلق 😮

🌸🌸🌸🌸🌸🌸🌸🌸🌸🌸🌸🌸🌸🌸🌸🌸

طيب ايه وظيفتها اساسا؟

ببساطة هيا عاملة زي (المكنسة)....بيتم فيها فلترة الجراثيم والخلايا الميتة والخلايا الغير صالحة وبعض نواتج اخراج الجسم.
وكمان الغدة بيتم تخزين فيها خلايا المناعة.

🌸🌸🌸🌸🌸🌸🌸🌸🌸🌸🌸🌸🌸🌸🌸🌸

ولما الغدة حجمها تكبر وتبقي محسوسة ده معناه ايه؟

معناه ان الغدة بيحصل فيها شغل كتير نتيجة وجود مشكلة ما.
خلايا مناعة كتير هتروح عند الغدة عشان تقاوم المشكلة وفي شغل جامد للغدة لفلترة للجراثيم والخلايا .

🌸🌸🌸🌸🌸🌸🌸🌸🌸🌸🌸🌸🌸🌸🌸🌸

وده كده معناه ايه؟

معناه ان الجسم لقي ان فيه مشكلة وبيحاول يتصرف معاها عن طريق واحد من اهم اسلحته (الغدد الليمفاوية)

🌸🌸🌸🌸🌸🌸🌸🌸🌸🌸🌸🌸🌸🌸🌸🌸

مشكلة دي يعني حاجة وحشة (المرض الخبيث مثلا) 😑؟

ده مفهوم خاطئ جدا
بنسبة كبيرة جدا تكاد تتخطي ال 80% بيكون السبب التهاب عادي او حتي التهاب شديد سببه بكتريا او فيروس ...الجسم بيتغلب عليه....وبعد ما الجسم ينتهي منه بترجع تاني الغدة لطبيعتها...غير ظاهرة وغير محسوسة.

🌸🌸🌸🌸🌸🌸🌸🌸🌸🌸🌸🌸🌸🌸🌸🌸

وايه تاني غير الالتهاب؟

ممكن امراض المناعة زي الروماتيزم او الذئبة الحمراء
وممكن طبعا الاورام الخبيثة (السرطان) سواء كان السرطان جاي في الغدد نفسها او جاي في عضو من اعضاء الجسم فوصل خلايا سرطانية منه للغدد المجاورة فكبرت وظهرت.

🌸🌸🌸🌸🌸🌸🌸🌸🌸🌸🌸🌸🌸🌸🌸🌸

ممكن مثال...؟

زي ما ذكرنا فوق .... وجود غدة ليمفاوية تحت الابط مثل شائع جدا بحكم ان المنطقة دي مكتومة باستمرار والعرق فيها كتير مع وضع بعض مزيلات رائحة العرق..كل ده ممكن يؤدي لالتهاب الغدد وكبر حجمها ولا علاقة له بسرطان الث*ي من قريب او بعيد.

🌸🌸🌸🌸🌸🌸🌸🌸🌸🌸🌸🌸🌸🌸🌸🌸

بس فعلا مع سرطان الث*ي الغدد الليمفاوية بتكبر؟

ده صحيح...لان الغدد اللي تحت الابط مسئولة عن فلترة منطقة الث*ي فلو عدي عليها خلايا سرطانية هتكبر وتلتهب....بس باكرر تاني ان لو في غدد ظهرت حتي لو تحت الابط بنسبة 80 % بيكون التهاب وليس سرطان....
وهنبقي نتكلم في بوست قريب ان شاء الله عن الث*ي والالتهابات والمرض الخبيث اللي ممكن تحصل فيه .

🌸🌸🌸🌸🌸🌸🌸🌸🌸🌸🌸🌸🌸🌸🌸🌸

طب اعرف منين ان الغدة الكبيرة دي التهاب او سرطان؟
طبعا رقم واحد استشارة الجراح بس في مؤشرات في الغالب تطمن نسبيا.

🌸🌸🌸🌸🌸🌸🌸🌸🌸🌸🌸🌸🌸🌸🌸🌸

ايه هي المؤشرات دي؟

👈تكون المشكلة في مجموعة واحدة من الغدد مؤشر كويس عن لو اكتر من مجموعة
👈يكون في ألم في الغدة مؤشر كويس عن لو مش مؤلمة (عكس ما الناس معتقده)
👈يكون في سبب ظاهر لكبر حجم الغدة زي جرح او خراج مؤشر كويس عن لو مفيش سبب ظاهر

🌸🌸🌸🌸🌸🌸🌸🌸🌸🌸🌸🌸🌸🌸🌸🌸

هل لو المؤشرات دي موجودة وانا كده اتطمنت لازم برضه اروح للدكتور؟

طبعا...زي ما قلنا الاحتمال الاكبر انه يكون التهاب...بس حتي الالتهاب ده محتاج علاج مظبوط....بدل الاهمال ما يحول الالتهاب البسيط الي التهاب شديد او خراج كان ممكن الغني عنه...فالدكتور هيرشدك للتعامل الامثل.

🌸🌸🌸🌸🌸🌸🌸🌸🌸🌸🌸🌸🌸🌸🌸🌸

ازاي؟

غالبا بيتم التشخيص من خلال الكشف...وممكن يحتاج صوردة دم او اشعات.. وممكن يحتاج استئصال الغدة لفحصها تحت الميكروسكوب.

🌸🌸🌸🌸🌸🌸🌸🌸🌸🌸🌸🌸🌸🌸🌸🌸

👈متقلقش لو لقيت غدة كبيرة زي ما قولنا في الغالب بيكون الموضوع بسيط.

👈يفضل الكشف المبكر .... لو التهاب يخف بسرعة بدل مايزيد ولو حاجة وحشة العلاج في مراحل مبكرة بيدي نتايج ممتازة.
دمتم سالمين
- لو استفدت من المنشور عاوزين منك دعوة حلوة ومشاركة المنشور حتى يستفيد غيرك
- لو انت مش من متابعين الصفحة ارجوا عمل متابعة ليصلك الشرح المبسط لحالات الجراحة المكلكعه 😂😂
- اللى ليه اى استفسار يتفضل يسأل فى التعليقات وانا تحت امره 💟💟💟..........................................
دكتور محمد السيد الخطيب
أخصائي الجراحة العامة والأورام وجراحة الأطفال
مستشفي الأقصر الدولي
العنوان : اسنا -كيمان المطاعنة
أيام الثلاثاء والأربعاء والجمعة
للحجز أو الاستعلام : 01123363202

18/06/2022

.......... أروح لمين ..........
بوست توضيحي للتخصصات....................................
ولما كان حجم المضاعفات من عدم الالتزام بالتخصص كبير والخلط عند العامه كبير في بعض الأعراض والأمراض وجب علينا عمل بوست تعريفي للتخصصات
مع بيان تخصصات بعض الأمراض المختلطه عند البعض ولنذكر ان رأي طبيب مقيم لم تتجاوز خبرته ١٠ شهور في مجال التخصص افضل بكثير في مجال تخصصه من استشاري وعالم كبير في تخصص اخر يفتي في تخصص هذا الشاب.........................................
انتبه
امراض الشرج ... جراحه فقط وليست مسالك
التهابات المعده .. باطنه أو جهاز هضمي وليست جراحه
التهابات المسالك البولية ومشاكل البول ... مسالك أو كلي وليست جراحه أو باطنة
القدم السكري .... فريق طبي من جراحه عامه وجراحه اوعيه دمويه (وليس قلب واوعيه دمويه) وغدد صماء
حصوات المرارة... جراحه فقط وليست باطنه
اشتباه التهاب في الزائده ... جراحه فقط.
مشاكل الانجاب فى الذكور ... مسالك أو أمراض ذكور وليست جراحه
قولون عصبي اوالتهاب قولون .... باطنه فقط
دوالي الخصية .. مسالك وجراحه والافضل مسالك
فتق اربي جراحه فقط وليس مسالك
الغدد الليمفاوية جراحه ، أورام ، امراض دم وليست غدد صماء،
الالتهاب الخلوي أو الاظافر المنغمس والخراج جراحه وليست جلديه
الفطريات جلديه
البروستاتا مسالك وليست جراحه
تجميل الجروح.. تجميل وليست جراحه
تكبير وتصغير الث*ي تجميل وليست جراحه أو أورام
جراحه اليد (مثل الاوتار ) تجميل أو عظام
امراض الكبد ..طبيب كبد
الأنيميا ... امراض دم يبحث عن السبب (مش يدي حديد،😩)
دوالي الساق .. جراحه اوعيه دمويه وليس قلب واوعيه دمويه وممكن جراحه
تداخل الأمعاء في الأطفال... جراحه اطفال أو جراحة عامة
تنظيم السكر ... غدد صماء وليست جراحه ولو وجد جرح
امساك لأسباب جراحيه في القولون أو الشرج ... جراحه ولا يخص الباطنة
اسهال لأسباب جراحيه ... جراحه وليس باطنة
التهاب تقرحي أو ارتجاع بالمرئ باطنه أو جهاز هضمي لحين الاحتياج الي جراحه يتم تحويله.... كفايه النهارده 😄......

04/06/2022

عملية التكميم بالمنظار؟

عملية تكميم المعدة بالمنظار هي واحدة من أشهر جراحات السمنة وأكثرها إقبالًا من مرضى عمليات السمنة، وهي تعرف أيضًا بالقص الطولى للمعدة.
تعتبر عملية التكميم الحل الأمثل لمن عانوا كثيرًا من الفشل في النزول في الوزن بالدايت أو الرياضة، فهذه ليست النهاية لهم. توجد حلول جديدة ومتطورة وهي جراحات السمنة التى حققت حلم كان يراود الكثيرين وهو النزول في الوزن والوصول للوزن المثالي.
تتم عملية تكميم المعدة بالمنظار بدون جراحة عن طريق 4 فتحات صغيرة طولها لا يتعدى 2 سم. يتم في عملية تكميم المعدة قص حوالي 70% من المعدة؛ مما يجعلها تصل إلى شكل الموزة أو الكم، لذلك سميت بالتكميم.

كيفية إنقاص الوزن عن طريق عملية تكميم المعدة؟
- تصغير المعدة: إن تصغير حجم المعدة بنسبة كبيرة يُشعر المريض بالشبع بمجرد تناول كمية قليلة من الطعام.
- التحكم في هرمون الشهية: التخلص من هرمون الجوع في العملية ليصبح الشعور بالجوع بعد العملية أمر نادر.

أنواع عمليات تكميم المعدة:
الطريقة الأولى: هي التكميم التقليدي بالمنظار.
الطريقة الثانية: هي تكميم المعدة المعدل بإضافة حلقة من السليكون إلى المعدة بعد تكميمها، لكي لا تتمدد مرة أخرى في المستقبل.
الطريقة الثالثة: هي التكميم الدقيق وتم إطلاق هذا المصطلح لدقة الأدوات المستخدمة وبالتالي صغر حجم الشقوق الجراحية.
الطريقة الرابعة: هي التكميم البكيني الذي يتم من خلال فتحة السرة إلى جانب فتحتين فقط في منطقة البكيني الغير مرئية.
الطريقة الخامسة: هي تكميم المعدة بفتحة واحدة وهي السرة لتقليل الضرر على الأنسجة المحيطة.
الطريقة السادسة: هي التكميم المُغلف الذي يشتمل على خطوة تغليف خط الدبابيس لضمان عدم حدوث تسريب أو نزيف.
للإستفسار والتواصل
01128870707

25/05/2022

14/05/2022

☠️☠️اللسان الملتصق (المربوط) Tongue Tie ☠️☠️

💠 الحقيقة لما جيت اكتب عن اللسان المربوط قلت ابص فى بعض المراجع عشان يبقي كلامى دقيق علميا عشان الحلقات دى ممكن تكون مرجع لاحدكم ولابد من الامانة العلمية
لقيت معظم الكتب كاتبة عن الموضوع دا سطرين بس او سطر ونص ومش مديينه حقه .. فقلت لا احنا بخبرتنا نقدر نقول كل اللى عندنا وكل اللى بنشوفه من خلال شغلنا
يالا بينا نبدء 👇👇

💠 اولا :- يعنى ايه لسان مربوط
- اللسان المربوط هو حالة مرضية تظهر منذ الولادة ويكون فيها اللسان متصل بقاع الفم بواسطة شريط نسيجى قصير ومشدود ( لجام اللسان )

💠 أسبابه :-
الطبيعي ان لجام اللسان بيكون موجود طول فترة الحمل وهو الجنين فى بطن امه وعادة بيتم فصله قبل الولادة بفترة قصيرة ولكن فى حالة اللسان المربوط لا يتم هذا الفصل
والسبب غير معروف حتى الان ولكن ممكن ان يكون للوراثة دور فى هذه الحالة

💠اعراضه :-
١- صعوبة اخراج اللسان خارج الفم وعند المحاولة فانه يظهر على شكل قلب ❤
٢- صعوبة وصول اللسان فوق اللثة السفلية او الاسنان السفلية للطفل بعد التسنين
٣- صعوبة حركة اللسان لليمين او لليسار

💠 المشاكل التى يسببها اللسان المربوط :-
١- يؤثر على الرضاعة الطبيعية
الرضاعة الطبيعية تستلزم خروج اللسان لاعلى اللثة السفلى لكى تكون ح**ة ث*ي الام بين سقف الفم واللسان مما يمكن الطفل من عملية المص فى الرضاعة الطبيعية
عدم وصول اللسان لفوق اللثة السفلي تحول عملية المص لعملية مضغ مما يسبب الام للام اثناء الرضاعة وايضا عدم حصول الطفل على الكمية الكافية من لبن امه مما قد يؤدي لحالة من سوء التغذية

٢- صعوبة فى النطق
قد تؤدي قلة حركة اللسان المربوط لعدم النطق السليم لبعض الحروف مثل ( ت - د - ز - س - ث - ر - ل )

٣- سوء نظافة الفم
فى بعض الاطفال الاكبر سنا قد يؤدي قلة حركة اللسان لعدم وصوله للاسنان وتنظيف بقايا الاكل المتبقي بينهم مما قد يؤدي لتسوس اسنان الاطفال و تكون رائحة كريهه نتيجة تخمر الطعام بين الاسنان

٤- بعض المشاكل الاخري التى يستخدم فيها اللسان
مثل ل*ق الايس كريم🍦🍦 او العزف على آلات النفخ 🎷🎷

¤¤ ملاحظة بسيطة ان اللسان المربوط موجود بالاولاد اكثر من البنات

💠 علاجه :-
اذا كان اللسان المربوط يسبب اي من المشكلات السابقة فيتطلب العلاج و الحقيقة علاجه الوحيد هو الاستئصال الجراحي للجام اللسان من تحت اللسان مباشرة

( وانا شخصيا افضل ان تتم الجراحة قبل وصول الطفل لمرحلة التسنين لان الاسنان السفلية تعوق حركة امساك الجراح بلجام السان وقطعه )

💠 مضاعفات الجراحة :-
هى جراحة بسيطة وعادة لا تكون لها مضاعفات الا فى حالات نادرة جدا يحدث جرح للسان من فرط حركة الطفل اثناء الجراحة او نزيف من الجرح فى الاطفال الاكبر سنا وهذه مضاعفات نادرة الحدوث جدا

💧 وبكده نكون خلصنا كل حاجة عن اللسان المربوط

10/04/2022

سؤال اتسأل الف مرة وجاوبنا عليه الف مرة ولازال بنشوف كورارث بسببه. متى يجب اجراء عملية الفتق الاربي (فتق الخصية) في الاطفال ؟؟ الاجابه ، بمجرد تشخيص الفتق و بشرط اللياقة الطبية للتخدير ، والموضوع لا يرتبط بعمر الطفل علي الاطلاق حتى لو عمره يوم واحد ، لياقة الطفل للتخدير بيحددها في الأغلب دكتور الاطفال و التخدير وممكن تخصصات تانيه حسب حالة الطفل ، لكن الاطفال الطبيعية بيتحدد ليقاتهم بواسطة طبيب الاطفال والتخدير فقط ، ببساطة لو طفل عمره أيام وعنده فتق اربي ومفيش موانع للتخدير يبقي نعمل العملية ع طول ، طيب ممكن نستني شوية لحد ميكبر ؟ لا لا لا ، ليه منستناش ؟لأن ممكن في أي وقت يحصل منه مضاعفات وكوارث ذي الانسداد المعوي ، غرغرينه في الأمعاء ، غرغرينه في الخصية وكل دا شفناه في حالات كانت مستنيه عمر 6 شهور علشان تعمل العملية ، بصراحة بقي العيب في النقطة دي مش علي الاهل ، هما بيلاقوا دكتور يقولهم استنوا شويه لحد م الواد يكبر إللي يقول إستني لعمر 6 شهور وإللي يقول سنتين وإللي يقول خمسه ، وكل دا لا أساس له من الصحة ، الكلام إللي بقوله مش رأي شخصي قابل للنقاش ، دا رأي علمي موجود في كل الكتب الأجنبية والمصرية المحترمة.
متعكم الله و أبنائكم بالصحة والعافية
- لو استفدت من المنشور عاوزين منك دعوة حلوة ومشاركة المنشور حتى يستفيد غيرك
- لو انت مش من متابعين الصفحة ارجوا عمل متابعة ليصلك الشرح المبسط لحالات الجراحة المكلكعه 😂😂
- اللى ليه اى استفسار يتفضل يسأل فى التعليقات وانا تحت امره 💟💟💟..........................................
دكتور عبدالرحمن سعد
طبيب الجراحة العامة والمناظير ،جراحه الأورام والسمنه
مستشفي الاقصر الدولي
01128870707

18/03/2022

- الورم الغدي الليفي بالث*ي (Fibroadenoma)
هو عبارة عن ورم حميد يصيب الث*ي، و يسمى كذلك لأنه يتكون من غدد و أنسجة ليفية من نفس الورم، يُعرف أيضا بين الناس بالورم الليفي أو كتلة ليفية.

هو شائع جدا عند الإناث من عمر 15-30 سنة، و لكنه قد يحدث في أي عمر قبل سن الخمسين.
عادة يظهر هذا الورم ككتلة ملساء صلبة دائرية الشكل، و تكون في الغالب غير مؤلمة ويمكن الإمساك بها وتحريكها باليد. ولذلك تسمى بفأرة الث*ي، و قد تبقى في الث*ي لسنوات طويلة، وقد تزداد في الحجم، وأحيانا أخرى تصغر.

ما أسباب تكون الورم الغدي الليفي؟
إن سبب تكون هذا النوع من الأورام غير معروف، ولكنه في الغالب مرتبط بالهرمونات الأنثوية؛ لذلك فهو عادة يظهر لدى صغيرات السن، و قد يظهر أو يزداد حجمه خلال الحمل.

أعراض هذا الورم
عادة تبدأ السيدة المصابة بالإحساس بكتلة دائرية و صلبة صغيرة الحجم تتحرك بسهولة بين الأصابع.
يمكن أن تزداد حجما مع الوقت لتصل إلى 2 أو 3 سم، وأحيانا تصل إلى أكثر من 5 سم.
غير مؤلمة في معظم الأحيان.
يمكن أن يكون لدى بعض النساء أكثر من ورم في نفس الث*ي أو في كلا الث*يين.

طرق العلاج

العلاج الوحيد للتخلص من هذه الأورام هو الاستئصال الجراحي.
و قد يكون الاستئصال مطلوبا في الحالات التالية:
إذا طلبت المريضة نفسها استئصال الورم، إما لأن الكتلة مؤلمة، أو لأنها غير مرتاحة لوجودها في ث*يها، أو لأسباب أخرى.
إذا كانت الكتلة أكبر من 3 سم في الحجم؛ فيفضل إزالتها للتأكد من التشخيص، و لكي لا تؤثر على حجم الث*ي في المستقبل.
إذا كان التشخيص غير مؤكد بعد عمل العينة؛ فيجب استئصال الورم وفحصه كاملا في المختبر للتأكد من نوعه.

إن استئصال هذا النوع من الأورام يعتبر عملية سهله نسبيا، حيث يتم عمل جرح صغير حسب حجم الورم و يستأصل الورم كاملا.

هل من الممكن أن يعود الورم بعد استئصاله؟
قد يعود الورم في بعض الأحيان إذا لم يستأصل بشكل كامل، و ذلك لأن الجزء المتبقي قد ينمو و يزداد في الحجم مع الوقت.

و في النهاية، فإن الأورام الغدية الليفية هي أورام حميدة شائعة الحدوث، و في معظم الأحيان لا تحتاج إلى أي علاج غير المراقبة. ولكن في كل الأحوال يجب التأكد من التشخيص قبل ذلك.

15/01/2022

الكبسولة المبرمجة (الذكية) وبالونة المعدة

خلينا نتفق الاول ان الكبسولة الذكية هي نفسها بالونة المعدة بس فيها امكانية انها تتبلع بواسطة المريض ككبسولة وهو صاحي وبعد ما توصل المعدة بتتنفخ بطريقة معينة وتبقى زي البالونة
وكمان بعد ٦ شهور بتفضي المياه اللي جواها اتوماتيك وبترجع صغيرة تاني وبتنزل مع البراز... فبكدة مش بتحتاج بنج ولا منظار سواء واحنا بنحطها او واحنا وبنشيلها.. والمريض بياخدها ببق مياه زيها زي اي كبسولة دواء

عشان كدة لما نتكلم عن مميزات وعيوب هنجمع الاتنين مع بعض سواء الكبسولة او بالونة المعدة لان الفرق الوحيد هو اللي ذكرناه فوق

المميزات هتساعدك تخس من ١٠ ل ١٥ كيلو بالكتير ٢٠ كيلو بدون اي عمليات لا قص معدة ولا تحويل مسار ولا اي حاجة بس بتحتاج منك مجهود شوية انك تبعد عن الاكل اللي سعراته عالية وكمان تساعدها بالرياضة

العيوب انها بتعتمد على فكرة الامتلاء.. فطول ما هي موجودة اكلتك هتبقى قليلة وبتشبع من كميات صغيرة
لكن بمجرد ما تنزل بعد ٥ شهور تقريبا (الكبسولة المبرمجة) او بمجرد ما تشيلها بعد ٦ شهور (البالونة) معدتك بترجع زي ما كانت ومالم تحافظ على اكلك الصحي والرياضة هترجع تتخن تاني.. يعني هي بتديلك دفعة بس مش اكتر ومالم تغير من اسلوب حياتك هترجع تتخن زي الاول وممكن اكتر كمان في وقت سريع جدا

عشان كدة استخدماتهما (البالونة والكبسولة) محدودة شوية

١- حد زايد ١٠ او ٢٠ او بالكتير ٣٠ كيلو وعايز يخسهم.. دول مش مناسبهم العمليات فممكن يستخدموا البالونة او الكبسولة انهم يخسوا الكام كيلو دول بس يبقوا عارفين انهم لو محافظوش بعد ما الكبسولة او البالونة تتشال هيرجعوا يتخنوا تاني.. وكأن شيئا لم يكن
٢- حد وزنه عالي جدا جدا جدا ومثلا حجم الكبد كبير لدرجة صعوبة الجراحة.. او التخدير مستحيل بسبب الوزن العالي.. ممكن نجرب معاه البالونة او الكبسولة كحل مؤقت بحيث تنزله ١٠ ولا ٢٠ كيلو تساعدنا اننا نعمل له العملية.. لكن مش حل نهائي

عشان كدة الناس اللي زايدة ٥٠ ولا ٦٠ كيلو.. او معدل كتلتها اكبر من ٤٠ وبتعاني من سمنة مفرطة الكبسولة المبرمجة والبالونة مش حل ليهم اطلاقا... لانها بالكتير هتنزلهم ٢٠ كيلو (ممكن توصل ل٢٥ كيلو دة لو عملوا مجهود جبار معاها زي الرياضة والدايت) وبكدة هيكون وزنهم لسة زايد ومتخلصوش من كل السمنة وكمان احتمالية الزيادة بعد ما تتشال عالية جدا جدا
فاللي بيعاني من سمنة مفرطة (معدل كتلته اعلى من ٤٠) ويعمل بالونة او كبسولة في الغالب بيرمي فلوسه في الارض والاولى يوفر فلوسة لحل تاني

اتمنى اكون قدرت اوصل المعلومة