What are the opening hours?

Monday 9am - 11pm Tuesday 9am - 11pm Wednesday 9am - 11pm Thursday 9am - 11pm Friday 4:01pm - 11pm Saturday 9am - 11pm Sunday 9am - 11pm

https://www.facebook.com/275212282352233/

Elsafa labs معامل الصفا, � ام خنان بجوار البريد امام مسجد المطافي, Quweisna (2025)

19/09/2025

❤بسم الله الرحمن الرحيم ❤

موضوع الاسبوع عن تحليل البول واهميته 📌

عارف إن تحليل البول من أبسط التحاليل الطبية؟ بس علىتحليل البول (Urinalysis) من أهم وأبسط التحاليل الطبية اللي الدكتور ممكن يطلبها، وبيكشف معلومات كتيرة عن صحة الجسم.

✨ أهميته:

1. تقييم وظائف الكلى والمسالك البولية

يكشف إذا فيه التهابات، حصوات، أو مشاكل في الكلى.

2. تشخيص الالتهابات البولية (UTI)

وجود صديد أو بكتيريا أو دم في البول.

3. متابعة أمراض مزمنة

زي السكر: وجود جلوكوز أو أسيتون في البول.

زي ضغط الدم أو الكلى المزمنة: ظهور بروتين أو زلال في البول.

4. الكشف المبكر عن أمراض

البروتين أو الدم أحيانًا بيظهروا في البول قبل ظهور أعراض المرض.

5. متابعة العلاج

للتأكد إن الالتهاب أو المشكلة اتعالجت.

قد بساطته، بيكشف حاجات مهمة جدًا عن صحتك.
ممكن يبين إذا عندك التهابات في المسالك البولية، مشاكل في الكلى، أو حتى لو فيه سكر أو بروتين في البول.
كمان بيساعد الدكتور يتابع علاجك ويتأكد إن كل حاجة تمام.
يعني ببساطة.. تحليل صغير، بس بيطمنك على جسمك كله.
ما تستناش أعراض، واعمِله لو الدكتور طلبه منك."

📌تحليل البول مجانا اليوم الجمعه وخصم 50% لمده اسبوع من معمل الصفا

🏠ام خنان بجوار البريد امام مسجد المطافي

010 10385096

12/09/2025

❤بسم الله الرحمن الرحيم ❤

موضوع الاسبوع عن اليورك اسيد 📌

عارف يعني إيه تحليل يوريك أسيد؟📌
ده تحليل دم أو بول بسيط بيقيس نسبة حمض البوليك في الجسم.

الحمض ده بيتكون طبيعي لما الجسم يكسر مادة اسمها البيورين، ودي موجودة في أكل زي اللحوم الحمراء، البقوليات، السردين، والكبدة.

ليه مهم نعمل التحليل؟📌
لأنه بيوضح إذا كان في زيادة في اليوريك أسيد ممكن تسبب مشاكل زي النقرس، حصوات الكلى، أو تأثر على الكلى نفسها.

طب إيه أعراض ارتفاعه؟📌

ألم مفاجئ وشديد في مفصل واحد (خصوصًا إصبع الرجل الكبير).

تورم واحمرار في المفاصل.

حصوات كلى وألم شديد في الظهر أو الجنب.

إرهاق عام.

والوقاية منه إزاي؟📌

قلل من أكل اللحوم الحمراء والكبدة والبقوليات الكتير.

اشرب مياه بكمية كويسة عشان تساعد الكلى تتخلص منه.

حافظ على وزنك ونشاطك البدني.

ابعد عن الكحوليات والمشروبات الغازية الكتير.

يعني باختصار، تحليل بسيط زي ده ممكن يطمنك على 📌
مفاصلك وكليتك قبل ما يحصل أي مضاعفات."

وعشان صحتك تهمنا عملنا التحليل مجاني اليوم الجمعه📌
وخصم 50% طوال الأسبوع

🏠 ام خنان بجوار البريد امام مسجد المطافي

010 10385096

06/09/2025

بسم الله الرحمن الرحيم ❤

موضوع الأسبوع عن مرض السكر 📌

حلاوة المولد وكل سنه وحضراتكم بخير
🍬، يعني حمصية وفولية وسمسمية لحد ما السكر في الدم يقول: كفااااية 😵.
الطبيعي إنك تفرح بالمولد، بس الأصح إنك تفرّح صحتك الأول…
حلّيت؟ طب اعمل تحليل سكر دلوقتي 🩸، عشان مايبقاش
العيد عيدين والعيادة كمان! 😂

أعراض السكري الشائعة📌

العطش الشديد و كثرة التبول:
زيادة إفراز الجلوكوز عبر الكلى تسحب معه السوائل، مما يؤدي إلى الشعور بالعطش المستمر وزيادة عدد مرات التبول .
الإرهاق المستمر:
الشعور بالتعب الشديد نتيجة عدم حصول الجسم على الطاقة الكافية من الجلوكوز.
الجوع الشديد:
بالرغم من زيادة نسبة السكر، قد يشعر الجسم بالجوع لأن الخلايا لا تستطيع امتصاص الجلوكوز لاستخدامه كطاقة.
ضبابية الرؤية:
ارتفاع مستوى السكر في الدم يؤثر على عدسة العين ويسبب عدم وضوح الرؤية].
فقدان الوزن غير المبرر:
قد يفقد الجسم الوزن على الرغم من زيادة الشهية، لأن الجسم يبدأ في حرق الدهون للحصول على الطاقة بدلاً من
الجلوكوز

أسباب الإصابة بمرض السكري📌

العوامل الوراثية:
وجود تاريخ عائلي للإصابة بمرض السكري يزيد من احتمالية الإصابة.
السمنة والوزن الزائد:
زيادة الوزن وقلة النشاط البدني من أبرز العوامل التي تزيد من خطر الإصابة بداء السكري .
نمط الحياة غير الصحي:
تناول أغذية غنية بالسكريات والدهون المشبعة وقلة الألياف والمغذيات يمكن أن يؤدي إلى مقاومة الأنسولين وارتفاع مستويات السكر في الدم .
أمراض البنكرياس:
بعض الحالات التي تؤثر على البنكرياس مثل التهاب البنكرياس أو السرطان قد تؤدي إلى السكري

طرق الوقاية من السكري 📌

الحفاظ على وزن صحي:
إنقاص الوزن الزائد ومكافحة السمنة يقلل من خطر الإصابة بالسكري.
ممارسة النشاط البدني:
ممارسة التمارين الرياضية المعتدلة بانتظام لمدة 30 دقيقة على الأقل في معظم أيام الأسبوع تساعد في تنظيم مستويات السكر في الدم.
اتباع نظام غذائي صحي:
تناول كميات كبيرة من الخضروات والفواكه والحبوب الكاملة، والحد من الأطعمة المصنعة والسكريات المضافة الكربوهيدرات المكرره
الإقلاع عن التدخين:

التدخين يزيد من خطر الإصابة بأمراض القلب والأوعية الدموية المرتبطة بمرض السكري.
الفحص المبكر لمرض السكري
يُعد الفحص المبكر ضروريًا للكشف عن السكري أو مرحلة ما قبل السكري، خاصة لمن لديهم عوامل خطر

عشان صحتك تهمنا عملنا خصم 50 في الميه ع تحاليل السكر الصائم والفاطر والعشوائي لمده اسبوع ❤

🏠 ام خنان بجوار البريد امام مسجد المطافي

010 10385096

30/08/2025

بسم الله الرحمن الرحيم ❤

موضوعنا عن فيتامين دال اهميته وانواعه ومخاطر نقصه في الجسم

▪️(vitamin D) ماهو
فيتامين يقوم الجسم بتصنيعه عند التعرض لاشعة الشمس حيث يتحول الكوليسترول الموجود على الجلد الى فيتامين دال -بفعل الأشعة الفوق بنفسجية من الشمس-
🍫ولكن الصورة الغير نشطة منه
▪️(cholecalciferol)
🍫ثم يكمل الكبد والكلى عملية تحويله إلى الصورة النشطة عن طريق إضافة مجموعتين هيدروكسيل (hydroxylation)

🍫ليصبح اسمه (dihydroxyvitamin D1,25)
🍫وهى دى الصورة الفعالة لفيتامين دال اللى بتشتغل ف جسمنا..

🍫•ايه أهميته بالنسبة للجسم؟؛
1️⃣-بيزود امتصاص الكالسيوم والفوسفور ووصولهم للدم ثم وصول الكالسيوم للعظام
🍫فيمنع بذلك حدوث
▪️هشاشة العظام
(osteoprosis)
▪️ولين العظام
(osteomalacia)
▪️أو الكساح ( rickets)
عند الاطفال..
2️⃣-يزيد قوة العضلات وخصوصا فى حالات مرضى وهن او ضعف العضلات (fibromyalgia).💪
3️⃣-يزود قوة الجهاز المناعى 👉
4️⃣-تنظيم عمليات النمو الطبيعى للخلايا ومنع نمو الخلايا السرطانية 😊
5️⃣-تقليل الالتهابات
6️⃣-تقليل فرصة الاصابه بأمراض القلب والضغط والسكر من النوع الاول (Type1)
7️⃣-تقليل الإصابة بالاكتئاب ..

•ايه هى الأعراض اللى هتحس بيها لو لو نقص ف جسمك؟!
1️⃣-إرهاق مزمن
2️⃣-ألم مزمن ومتواصل ف أعضاء الجسم المختلفة
3️⃣-أمراض المناعة الذاتية( التصلب المتعدد-التهاب المفاصل...)
4️⃣-هشاشة العظام / لين العظام/ كساح لدى الأطفال..
5️⃣-تطور أمراض القلب وارتفاع ضغط الدم ونوبات قلبية
6️⃣-مشاكل ف الإنتباه لدى الكبار
▪️ (cognitive problems)
7️⃣-أعراض الأزما لدى الأطفال
▪️(severe athma)
8️⃣-واخيرا حدوث سرطان(cancer) ومازالت الدراسات قائمة على هذه النقطة ..

وعشان صحتك تهمنا تحليل فيتامين دال لمده اسبوع 300 ج فقط من معمل الصفا لاب ❤

🏠 ام خنان بجوار البريد امام مسجد المطافي

☎️ 010 10385096

15/08/2025

❤ بسم الله الرحمن الرحيم ❤

بشري ساره لاهالي المنطقة الكرام

📢يعلن معمل الصفا لاب بام خنان عن خصم 20 %علي كافه التحاليل الطبيه حتي اخر الشهر والله الموفق والمستعان

🏠 العنوان ام خنان بجوار البريد امام مسجد المطافي

يوميا من الساعه 9 صباحا حتي ال 11مساء ماعدا الجمعه من الساعه 5 عصرا

010 10385096

07/06/2025

❤ بسم الله الرحمن الرحيم ❤
كل سنه وانتو طيبين وعيد مبارك علي الجميع ❤ خلصتو اكل الفته واللحمه 😀
تعالو أقولكو اللحمه والاكل الدسم والدهون بتعمل في جسمنا ايه

📌 أول ما اللحمة بتنزل المعدة، الجسم بيفرح…
بس الكبد بيبدأ يشيل هم!
ليه؟ لأن اللحمة الحمرا خصوصاً لو دسمة، مليانة دهون مشبعة.
ودي بتزود الـ LDL – اللي هو الكوليسترول الوحش.
اللي بيحب يسدلك الشرايين ويعملك مفاجآت مش لطيفة 🫣

في الناحية التانية، عندنا الـ HDL – الكوليسترول الطيب…
اللي غالباً بياخد بعضه ويطفش في أيام العيد 🕊️

🎯 عشان كده، بعد العزومات والمعارك اللحميّة:
اعمل تحليل lipid profile

"بص يا صاحبي...

اسمه تحليل الدهون... أو زي ما الدكاترة بيقولوا: Lipid Profile.
تعالى أقولك ليه مهم، وازاي ممكن يحذّرك من مشاكل كبيرة قبل ما تحصل."

"التحليل ده بيقسلك ٤ حاجات مهمين:

1. الكوليسترول الكلي

2. الكوليسترول الضار (وده الوحش – اسمه LDL)

3. الكوليسترول الجيد (ده الحلو – اسمه HDL)

4. والدهون الثلاثية (دي ليها حكاية لوحدها!)"

🎙️ ( التأثير على الجسم)

"الكوليسترول الضار ده بيترسب في الشرايين ويقفلها... يعني ممكن يسببلك جلطة وانت مش واخد بالك.
أما الدهون الثلاثية؟
لما تعلى قوي، بتبقى خطر على القلب... وكمان ممكن تضرب البنكرياس!"

🎙️ (علاقة الدهون بالضغط)

"طب إيه علاقة الدهون بالضغط؟
ببساطة، لما الشرايين تتسد، القلب بيضطر يضخ الدم بقوة أكتر... وده بيرفع الضغط.
يعني لو دهونك مش متظبطة، الضغط ممكن يعلى وانت مش حاسس."

🎙️ ( مين أخطر؟)

"مين أخطر بقى؟
الدهون الثلاثية؟ ولا الكوليسترول الضار؟

بصراحة...
الاتنين خطر!
بس الكوليسترول الضار أخطر في موضوع الشرايين والجلطات.
والدهون الثلاثية خطرها بيبان أكتر لو عندك سكر أو وزن زيادة."

🎙️ (النصيحة)

"تظبط دهونك ازاي؟

كل أكل صحي

قلل المقليات والدهون الحيوانية

اشرب ميّه كتير

حرّك جسمك كل يوم

وماتنساش تعمل التحليل ده كل ٦ شهور مثلاً…"

"تحليل بسيط... بس ممكن يغيّر كل حاجة.
لو مهتم بصحتك... ابدأ من هنا.

وعشان صحتك تهمنا عاملين خصم 50 % علي تحليل lipid profile لمده اسبوع

🏠 ام خنان بجوار البريد امام مسجد المطافي

23/05/2025

❤ بسم الله الرحمن الرحيم ❤

بمناسبة مرور سنة علي افتتاح معمل الصفا بام خنان خصم 20% علي كافة التحاليل الطبية لمده اسبوع

🏠 ام خنان بجوار البريد امام مسجد المطافي .

010 10385096

06/12/2024

❤ بسم الله الرحمن الرحيم ❤

موضوعنا الاسبوع ده عن الفيرتين او مخزون الحديد في الدم .

هو ايه الفرق بين #الحديد ومخزون الحديد ؟! وايه العلاقة بينهم ؟! 🤷

⏪ الحديد من المعادن المهمة الموجودة ف الجسم واللي أهميته بتكون ف إنه بيدخل في تكوين #الهيموجلوبين اللي بيكون مسؤول عن نقل #الأكسجين لخلايا الجسم كلها .

⏪ ونتيجة أهمية الحديد وإنه بيدخل في تكوين #بروتين مهم زي الهيموجلوبين موجود ليه بروتين مسؤول عن تخزينه وهو بروتين ( #الفيرتين ) ( ferritin) اللي هو مخزون الحديد ف الجسم .

⏪ ايه أهمية الفيرتين ؟
ال ferritin بيخزن الحديد الزيادة ف الجسم في الخلايا زي الكبد والطحال ونخاع العظم والعضلات .

⏪ ايه العلاقة بين الحديد وال ferritin ؟!
لما الجسم بيحصل فيه نقص ف الحديد بيبدأ يسحب من الحديد 👀😓 المتخزن ف الخلايا اللي الفيرتين مخزنه ففي البداية ممكن يبقي فيه نقص ف الحديد بس مش ملحوظ نتيجة انه بيتعوض من الحديد المتخزن 🤷

- بعد فترة من استهلاك الحديد المتخزن بنبدأ نلاحظ نقص الحديد وفي الحالة دي بيكون الجسم استهلك كل مخزون الحديد فعشان كده الشخص اللي بيشتكي من الأنيميا او الدوخة المستمرة او الصداع بيكون الأفضل إننا نعمل تحليل مخزون الحديد الأول لإن هو اللي بيبين بداية تعرض الجسم لنقص الحديد
💉 نقص مخزون الحديد.. مشكلة لا يجب تجاهلها!

أعراض نقص مخزون الحديد:

🔴 نقص مخزون الحديد قد يسبب العديد من الأعراض التي تؤثر على حياتك اليومية، وأبرزها:

الإرهاق الشديد والتعب المستمر 😴 حتى مع بذل مجهود بسيط.😮‍💨
شحوب البشرة واصفرار الوجه.😰
ضعف وتساقط الشعر بشكل ملحوظ.💇‍♀️
تسارع ضربات القلب وضيق التنفس خاصة أثناء الأنشطة البدنية.💫❤️‍🔥
برودة اليدين والقدمين بشكل دائم.👐
هشاشة الأظافر وضعفها.💅
الدوخة والصداع المستمر.💫💥
صعوبة في التركيز وضعف الأداء الذهني.🧠😵‍💫

🍽 لتجنب هذه المشكلة:
✅ تناول أطعمة غنية بالحديد مثل اللحوم الحمراء،الكبدة،الزبيب ، السبانخ، والبقوليات.
✅ أضف فيتامين C إلى وجباتك لتحسين امتصاص الحديد
✅ لازم وضروري من التحليل لتحديد النسبة والعلاج

🔔 حافظ على صحتك.. وقم بالفحص الدوري لمخزون الحديد!.

29/11/2024

❤ بسم الله الرحمن الرحيم ❤

🔔 بشري ساره لاهالي المنطقة الكرام .

📌 في اطار سعينا لتقديم خدمه طبيه مميزه وحرصا مننا علي تقديم خصومات علي التحاليل الطبية كل فتره.

📌 تعلن معامل الصفا لاب عن خصم 25% علي كافه التحاليل الطبية لمده اسبوع علي كل الفروع .

📌 ومجانا لغير المقتدرين ❤

📌 مواعيد العمل من ال 9 صباحا حتي ال 11 مساء ماعدا الجمعه من الساعه 3 حتي الساعه11 .

27/09/2024

❤ بسم الله الرحمن الرحيم ❤

📢 موضوعنا الاسبوع ده عن فيتامين دال (D)
يعد فيتامين د من الفيتامينات الذائبة في الدهون، ويسمى أيضا بفيتامين الشمس.

📢 هناك نوعان أساسيان من فيتامين دال وهما:
فيتامين D2 (إرغوكالسيفيرول): يوجد في بعض المصادر النباتية.
📢فيتامين D3 (كولي كالسيفيرول): يوجد في المصادر الحيوانية.

📢مصادر فيتامين د

1-التعرض لأشعة الشمس يعتبر المصدر الرئيسي للحصول على فيتامين D
2-الأسماك الدهنية، كالسلمون
3- سمك التونة المعلب والسدرين
|4-صفار البيض
5-كبد البقر
6-زيت كبد الحوت(cod liver oil)

📢 فوائد فيتامين د
يساهم في عملية بناء العظام من خلال تسهيل امتصاص الكالسيوم.
المساهمة في نمو عظام الأطفال والوقاية من الكساح.
تنظيم مستويات الأنسولين في الجسم.
تقوية المناعة والحماية من السرطان والأمراض المزمنة خاصة لدى كبار السن.

📢تعزيز الخصوبة لدى الرجال عن طريق تحسين مستويات هرمون التستوستيرون، وكذلك تحسين جودة السائل المنوي.
الحفاظ على سلامة الأم الحامل والجنين، وتجنب الولادة المبكرة، والوقاية من تشوه عظام الجنين.

📢نقص فيتامين د يؤدي إلى هشاشة العظام، وتعب في العضلات، وكساح عند الأطفال(ليونة العظام)

📢 أخذ جرعات عالية من مكملات فيتامين د قد يؤدي إلى حدوث سمية فيتامين د .

❗|| وأظهرت # النتائج أن استفادة الجسم من فيتامين "د-3" الذي يتوفر من مصادر حيوانية مثل البيض والسمك تفوق بمقدار الضعف استفادته من فيتامين "د-2" الذي يتوفر من مصادر نباتية مثل الفطر.

❗|| # ويحتاج الجسم فيتامين "د" ليستطيع امتصاص الكالسيوم اللازم لنمو وصيانة العظام والأسنان ويهدد نقص فيتامين "د" الجسم بمشاكل صحية خطيرة أهمها كسور العظام وأمراض القلب و #السرطان.

🛑 أسباب نقص الفيتامين د:

1- سوء التغذيه ❌🍰
2- عدم التعرض الكافي لأشعة الشمس 🌞
3-سوء الٱمتصاص في الأمعاء ( أصحاب المشاكل في المعدة والقولون)
4-أمراض الكلى والكبد
5-السمنة

🛑 أعراض نقص الفيتامين D :

1- الإرهاق والضعف العام 😫
2-تقلب المزاج😡😂
3-القلق.🥺
4-زيادة الشعور بالنعاس أو الخمول.
5-تساقط الشعر.
6-زيادة الوزن أو صعوبة في التخلص من الوزن الزائد.
7-ألم العضلات
8-آلام العظام والمفاصل، وخاصة آلام الظهر.
9-هشاشة العظام
10_ضعف الجهاز المناعي😑

20/09/2024

❤بسم الله الرحمن الرحيم ❤

📢 موضوعنا انهارده عن الانيميا

📌هو ف حد مجالوش أنيميا لحد دلوقتي ، ده فاضل الشجر نفسه ينطق انه جاله انيميا وتعب وورقه وقع وأصفر ودبل!!

📌وأنت بردو لما بتجيلك أنيميا بتصفر ووشك يبهت وشعرك يقع وعندك خمول وضعف وصداع وممكن متقدرش تاخد نفسك فتحس ان نفسك مكتوم وحاجه ضاغطه ع صدرك!

📌ده كله بسبب نقص الاكسجين الي بتتنفسه فأنت اصلا اكسجينك قليل يبقي نفسك هتحسه مكتوم وف حاجه ضاغطه ع صدرك

📌الاكسجين ناقص عشان الهيموجلوبين نفسه ناقص ، ومال الهيموجلوبين بالموضوع ما انت عشان أي حته ف جسمك تشتغل صح محتاجه تتنفس يعني محتاجه اكسجين والي بينقل الاكسجين لها هو الهيموجلوبين ، ولان الهيموجلوبين نفسه بيكون جوا كرات الدم الحمراء RBCs يبقي هي كمان هتبقي ناقصه!

📌كل النواقص دي ف مصطلح اسمه أنيميا anemia
يعني ف حاجه حصلت خلت كرات الدم الحمرا عندك قليله فخلت الأكسجين الي يوصل لجسمك كله يوصل قليل !

- 📌عرفت ان ده حصل وعندي أنيميا أروح اخدلي برشمتين حديد يظبطوا البايظ مش حوار يعني! ؟

📌هو انت عارف عندك أنيميا من انهي نوع! يعني تعرف ان الانيميا اكتر من 5 انواع وكل نوع وراه قصه ده هو نوع واحد بس الي بتعالجه ببرشام الحديد والباقي ممكن ميبقاش له علاج (مش لازم نعك ف الادويه يعني 😏)

انواع الانيميا

💉1- أنيميا نقص الحديد iron deficiency anemia

أشهر نوع للانيميا أنك متكونش بتاكل اكلات فيها حديد او أصلا بتاكل اكل فيه حديد لكن ف مشكله وجسمك مش بيستفاد بيه

- ليه المشكله ف الحديد هو احنا بنبني عماره ؟😬
- اه فعلا بتنبي عماره والعماره هنا عباره عن الهيموجلوبين الي بيشيل الاكسجين يوصله للجسم عشان الهيموجلوبين مينفعش يتكون من اي عنصر تاني غير الحديد فلو نقص الحديد ينقص الهيموجلوبين تنقص كرات الدم الحمرا ، تبدا انت وشك يدبل وتتعب ويجيلك خمول وصداع...

💉2- النوع التاني اسمه hemolytic anemia
يعني كرات الدم الحمرا بتاعك او دمك مثلا بيتكسر بسرعه بطريقه تخلى معدل انتاجها مش عارف يعمل توازن معاها ، يعني المفروض معدل تكسير كرات الدم الحمرا يساوي معدل انتاجها ، مينفعش واحد يزيد ‘التاني يقل دي كارثه ، ولان الكارثه دي بتحصل بس بتحصل بسبب اتنقلك دم من شخص مكنش نفس فصيلتك او فصيلته مينفعش تدخل مع دمك لان وقتها هيتكون دم الشخص ذه لو مشي ف دمك هيكسره ويتحلل ، بردو الحاله دي بتحصل مع مريض الملاريا ومع مريض انيميا الخلايا المنجليه او ف مرض مناعي ذاتي..

💉3- النوع التالت اسمه pernicious anemia او انيميا بسبب نقص فيتامين B12

عشان كرات الدم الحمرا تتكون محتاجه فيتامين B12 وعشان لما أكل أكل فيه فيتامين B12 ، فأنا محتاج حاجه اسمها intrinsic factor عشان يرتبط بالفيتامين ده ويخلي الجسم يستفيد بيه وكدا الخلايا RBCS تتكون.

جيت أنا مبأكلش أكل فيه فيتامين B12 ومهمل ف أكلي يبقي كدا كرات الدم الحمرا مش هتتكون بشكل طبيعي ،

بلاش دي انا بأكل وزي الفل ومالي معدتي بس في مشكله ف intrinsic factor ده يبقي بردو هتظهر الانيميا دي وأكلك مش هتستفاد بيه ، intrinsic factor ده موجود ف خلايا ف جدار المعده أول ما بتاكل هو بيطلع ع طول لكن لو عندك مشاكل ف المعده او قرح او روحت شيلت جزء من المعده زي عمليه تكميم المعده فكدا الفيكتور ده بيتاثر وهو مش بيتجدد بالاكل هو حاجه ف جسمك بتطلع لوحدها..

💉4-النوع الرابع اسمه aplastic anemia
هنا العيب مش ف الاكل ولا الشرب ولا الشكل ولا المعده ، العيب ف مكان التصنيع نفسه ، يعني كرات الدم الحمرا بتتصنع ف مكان اسمه النخاع العظمي bone marrow (هتفهم الكلام ده لو بتاكل كوارع 😂 الحاجات الي بتكون جوا العضم دي هي دي الي بتكون دمك) المهم يعني النخاع ده لو فيه مرض او فيه ورم او كانسر او التهابات او اتعرضت لتسمم او عدوي فيروسيه او حصل مرض مناعي ذاتي ، هو مش هيكون قادر يصنع الدم فكدا هتجيلك انيميا والعيب ف المكان ده وللاسف الانيميا هنا ملهاش علاج ملازمه معاك طول العمر.

💉5- النوع الخامس اسمه انيميا البحر المتوسط
thalasemia (الثلاسيميا )
سموها أنيميا البحر المتوسط عشان لما اكتشفوا النوع ده اكتشفوه ف مدن البحر المتوسط ، الموضوع مش مرتبط بالبحر ولا المحيط ولا له اي علاقه يعني (الا حذ يفكر ان الي جاله الانيميا دي كان بيعوم ف البحر😂) ، المهم بردو ان السبب ورا الانيميا دي مرض وراثي جيني ( عندنا الهيموجلوبين ده بيتكون من جزءين جزء اسمه (هيم) ده الي بيمسك فيه الحديد والتاني اسمه جلوبين globulin وده بروتين وعشان البروتين يتصنع ف الجسم عايز جينات الاول والجينات دي اصلا ربنا خلقك كدا بعيب فيها فلما تجي تطلع بروتين الجلوبين ده تطلعه بشكل مش طبيعي يقوم هو يروح يمسك ف الهيم ويدوني الهيموجلوبين يقوم الهيموجلوبين يكون كرات الذم الحمرا بردو بشكل مختلف عن شكلها العادي يقوم الي يشوف المنظر ده الطحال (الي بيكسر الدم البايظ) هو بيعمل دوره العادي لو لقي شكل غريب للدم ياخده يكسره فياخد دمك كدا يكسره ، والمفروض دمك بيتكسر كل 120 يوم لكن هنا بيتكسر كل يوم وكل شويه ، النخاع ملتزم بمعاد انتاج معين فمش ملاحق ع الي بيعمله الطحال ،
(عشان كدا مريض الثلاسيميا بيتنقله دم كل أسبوع) 😢

💉6- النوع الاخير انيميا بسبب الامراض المزمنه ف الكلي والكبد anemia of chronic diseases

- مرض مزمن في الكلي ايه يخليه يسبب لي انيميا ؟
ما هو عشان عمليه تصنيع Rbcs تتعمل لازم لها هرمون اسمه erythropiotein وده مبيطلعش غير من الكلي ، فالكلي نفسها فيها امراض ومشاكل فكدا الهرمون ده يتاثر فتحصل انيميا كدا!

- مرض مزمن في الكبد ايه يخليه يسبب لي انيميا؟
ما هو عشان عمليه تصنيع الهيموجلوبين تتم لازم يتكون الهيم (heme) عشان ده يتكون بيتكون في الكبد مش حته تانيه يجي الكبد يحصل فيه مرض فيأثر ع تصنيع الهيموجلوبين فيحصلك أنيميا بردو

عشان تعرف عندك انيميا ولا لا ؟
بالتحليل ده

CBC
هتلاقي Rbcs قليله ، Hb قليل ، Hct قليل

Melegy Mohamed

06/09/2024

❤ بسم الله الرحمن الرحيم ❤

Thyroid gland
👇👇👇

هي غده تقع في الرقبه تحت الحنجره،تكون اكبر من الغده
النخاميه وتتكون من فصين يرتبطان معا بواسطة رباط لتأخذ الغدة شكل يشبه الحرف H.
🌸🌸🌸🌸🌸🌸🌸🌸🌸🌸🌸🌸🌸🌸🌸
تنتج الغدة الدرقيه نوعان من الهرمونات:-
اولا:- الهرمونات الحاويه على اليود وهي
الثايرونين ثلاثي اليود T3
الثايرونين رباعي اليود T4

ثانيا:-الهرمونات الخاليه من اليود وهي
الكالسيتونين Calcitonin
🌸🌸🌸🌸🌸🌸🌸🌸🌸🌸🌸🌸🌸🌸🌸
وظائف هرمونات الغدة الدرقيه:-

1-تأثيرها في النمو والتطور وتخصص الانسجه.

2-تأثيرها في ألايض.
3-تأثيرها في توليد الحراره.

🌸🌸🌸🌸🌸🌸🌸🌸🌸🌸🌸🌸🌸🌸🌸
أضطرابات الغده الدرقيه:-

1-فرط نشاط الغده الدرقيه Hyperthyroidism
يعرف أيضا بالتسمم الدرقي حيث تحصل زيادة في فعاليه الغدة الدرقيه وبالتالي زيادة في إفراز هرموناتها T3 و T4 لهذا يحصل مرض يسمى

Grave disease
من أعراض المرض👨🏻‍🌾👩🏻‍🌾👩🏻‍🌾

:-1-زيادة نبض القلب بسبب زيادة الايض الذي يزيد من
درجة حراره الجسم.

2-التعرق.

3-التشنج العصبي وارتعاش اليدين

4-زيادة نشاط الجهاز الهظمي والاسهال.

5-انخفاض الوزن.

6-صعوبة النوم.

🌸🌸🌸🌸🌸🌸🌸🌸🌸🌸🌸🌸🌸🌸🌸
2-قصور نشاط الغدة الدرقيه Hypothyroidism
يحصل نقص في هرمونات الغده الدرقيه وبالتالي تتضخم الغده لغرض الحصول على اليود من الدم لبناء هرموناتها T3 و T4 لهذا يحصل مرض يسمى الدراق Goiter.
من أعراض المرض:-

1-الشعور بالبرد بسبب إنخفاض هرمونات الغده حيث يحصل إنخفاض الايض وبالتالي انخفاض درجة حرارة الجسم والشعور بالبرد.

2-جفاف الجلد.
3-الامساك.

4-زيادة الوزن.

5-الاختناق.

6-الاعياء والتعب

Elsafa labs معامل الصفا

19/09/2025

12/09/2025

06/09/2025

30/08/2025

15/08/2025

07/06/2025

23/05/2025

06/12/2024

29/11/2024

27/09/2024

20/09/2024

06/09/2024

Address

Opening Hours

Website

Alerts

Shortcuts

Share

Category

Monday	9am - 11pm
Tuesday	9am - 11pm
Wednesday	9am - 11pm
Thursday	9am - 11pm
Friday	4:01pm - 11pm
Saturday	9am - 11pm
Sunday	9am - 11pm