04/02/2026
الببرونة.. مش بريئة زي ماكنتي فاكرة🍼😱
الطفل لما يشرب من الببرونة ايه اللي بيحصل؟؟
✔️ مجرد عضّ بسيط
✔️ اللبن ينزل بسرعة
✔️ خلال 10 دقايق يكون خلّص الرضعة👶
لكن الرضاعة الطبيعية مختلفة تمامًا🤱
الطفل لازم:
يحرك لسانه
يمص
يبلع
يبذل مجهود
وعلشان كدة أقل مدة رضاعة طبيعية حوالي 30 دقيقة
المشكلة بقى.. لما الطفل يتعوّد على الببرونة بيحصله كل اللي جاي
🔸 ييجي على ث*ي الأم ويعامله زي الببرونة
➡️ يعضّ على الحلمة
➡️ يسبب تشققات وألم للأم
وطبعا اللبن مش بينزل بنفس سرعة الببرونة🙃
➡️ الطفل يتعصب
➡️ يرفض الث*ي
➡️ الث*ي يحتقن
➡️ اللبن يقل
➡️ استخدام الببرونة يزيد
🔁 وندخل في دايرة ملهاش نهاية
ولسة.. الببرونة مشاكلها اكتر⚠️
بتضعف عضلات الفم للطفل
وبتقلل قوة المص عنده
وبتصعّب الرضاعة الطبيعية أكتر وأكتر
والحل؟
الموضوع بسيط..
🚫تجنّبي الببرونة أول 6 أسابيع من عمر الطفل👶
ولو الطفل محتاج لبن صناعي لسبب طبي
✔️ طبعًا هياخده
✔️ لكن ببدائل آمنة عن الببرونة
وده هنتكلم عنه بالتفصيل بعد كده 🤍
—
د. أمل
دكتورة أطفال وحديثي الولادة
#اطفال #مدينةالسادات
