Bassem Amer - باسم عامر

Bassem Amer - باسم عامر

باسم عامر I الأخصائي النفسي
‏‎- دراسة علم النفس"الجامعة الأمريكية"
- دبلوم الصحة النفسية "جامعة الإسكندرية"
- ماجستير العلوم الانسانية "جامعة شيملا"
- مشروع تخرج بعنوان "المحاكاة العصبية"
- العديد من الرسائل العلمية والأبحاث وورقات العمل في مجال "الصحة النفسية"
- برنامج "العلاج المنزلي" لمرضي الإدمان والإضطرابات النفسية
- مركز تعافي للعلاج النفسي "المعادي- العبور"
- مؤسسة الحرية لعلاج الإدمان
- بدأ مشواره في كتابة الروايات "٢٠١٥م" برواية الثمانية العاجزة والتي نشرت PDF كطريقة علاجية لتقوية تأثير الـ "CBT"
- الأخصائي النفسي الأول لدي المركز العربي للصحة النفسية "الإسكندرية"
- المشاركة في معرض الكتاب"٢٠٢٠م" برواية مقابلة في توقيت آخر ورواية تياترو
- درب أكثر من ١٠٠٠ متدرب في مجال "التمريض النفسي"
- تنفيذ ١١٣ ورشة للدعم النفسي "٢٠١٧-٢٠٢٠م"
- المشاركة في العديد من مؤتمرات وملتقيات الصحة النفسية
- المشاركة في العديد من مبادرات الدعم النفسي والاجتماعي
- مركز باسم عامر للاستشارات النفسية "مدينة السادات"
- الأخصائي النفسي لمدارس كامبريدج "٢٠٢١م"
- المشاركة في معرض القاهرة"٢٠٢١م" برواية مقابلة في توقيت آخر ٢
- المتحدث الإعلامي بإسم زمالة الصحة النفسية ومقرر اجتماعات زمالة المدمنيين المجهولين
- بروتوكول تعاون مشترك مع مؤسسة الدباغ للعلاج النفسي بدولة "عمان" لبدء العمل ببرنامج العلاج المنزلي
- مدير مركز "كويكول" لعلاج الإدمان والإضطرابات النفسية بمدينة السادات
- محاضر "التمريض النفسي" بأكاديمية "نيوفيجن" للتدريب والتنمية البشرية
- رئيس جمعية "إنقاذ" الخيرية لرعاية حالات الإدمان والإضطرابات النفسية
- المشاركة في معرض كتاب الأسكندرية بكتاب "علم الشر"

11/10/2025

قصة فـ ٦ كلمات، اكتب حكاية كاملة تخلي الواحد يبكي أو يضحك

النهارده مش بس يوم فـ التقويم، ده فرصة نفكر نفسنا إننا مش آلات، وإن التعب النفسي زيه زي أي وجع جسدي محتاج علاج مش تجاهل،...
10/10/2025

النهارده مش بس يوم فـ التقويم، ده فرصة نفكر نفسنا إننا مش آلات، وإن التعب النفسي زيه زي أي وجع جسدي محتاج علاج مش تجاهل، كتير مننا بيتحمل فوق طاقته عشان مايبانش ضعيف، بس الحقيقة إن طلب المساعدة قوة مش ضعف، كل مرة بتختار تتكلم، أو تزور أخصائي، أو حتى تريح نفسك من ضغط يومك، انت بتعمل لنفسك معروف كبير.

الصحة النفسية مش رفاهية، ومش بس عن الاكتئاب أو القلق، هي عن إزاي بتتعامل مع نفسك لما بتقع، وإزاي بتكمل رغم كل اللي وجعك، خلينا النهارده نطمن على اللي حوالينا، ونطمن على نفسنا كمان، يمكن كلمة عامل إيه بجد؟ تنقذ حد مش قادر يقول: أنا مش بخير.



فـ علم النفس بيقولوا إن أخطر حالة مش الرفض ولا القبول، الأخطر هي المنطقة الرمادية، الحالة اللي اسمها اللايقين، اللي بتاك...
09/10/2025

فـ علم النفس بيقولوا إن أخطر حالة مش الرفض ولا القبول، الأخطر هي المنطقة الرمادية، الحالة اللي اسمها اللايقين، اللي بتاكل الروح حتة حتة، وتخلي الإنسان مش عارف هو فين من نفسه ولا من اللي حواليه؛ الأبواب المواربة دي مش بس فـ العلاقات، دي فـ كل تفاصيل حياتنا، باب مفتوح نص فتحة بينك وبين ماضيك، بينك وبين شخص سايب فيك أثر، أو بينك وبين حلم واقف على السلم مش طالع ولا نازل.

فـ نظرية اسمها الارتباط غير الآمن، بتشرح ليه بعض الناس بيعيشوا فـ دايرة التردد لا قادرين يقفلوا الباب ولا قادرين يفتحوه، يفضلوا مستنيين إشارة من الطرف التاني، أو علامة من القدر، فـ حين إن الرسالة كانت واضحة من أولها الباب ده مش بتاعك خلاص. المشاعر المعلقة دي بتستنزف طاقة رهيبة، العقل بيحاول يعمل عملية اتزان معرفي بين اللي نفسك فيه واللي الواقع بيقوله، بس مفيش توازن فـ حاجة مش محسومة وده اللي بيولد حالة القلق، الإحساس إنك عايش بس مش عايش، حاضر بجسمك وغايب بروحك، سدوا الأبواب المواربة لأن الباب اللي نصه مفتوح مش بيدخل هواء نقي، بيدخل تيار برد يوجعك كل شوية ولأن الفرصة اللي معلقة بتفضل تاخد منك أمل، لكن مش بتديك واقع.

فـ علم النفس العلاجي، فيه مصطلح اسمه الحسم الانفعالي وده معناه إنك توصل لنقطة نهاية حتى لو النهاية دي وجع، تقول لنفسك كفاية وتلم البقايا، وتكمل مش ضعف دي قوة اسمها الوعي بالنهاية. الناس اللي بتسيب الأبواب مواربة دايمًا عندهم أمل إن اللي فات يرجع، بس الأمل ساعات بيكون فخ نفسي اسمه إنكار الفقد، اللي بينكر الخسارة بيعيش فيها طول عمره، بيتحرك فـردايرة مش بيخرج منها، زي اللي بيحلم فـ نص نومه وبيصدق الحلم. سدوا الأبواب المواربة وقفلوا العلاقات اللي انتهت، الأحلام اللي بتموت، والذكريات اللي مش نافعة غير للألم، سيبوا مساحة جديدة تتنفس، لأن النفس اللي محبوس بين الماضي والمستقبل مش هيعرف يعيش الحاضر أبدًا.

أوقات القرار مش محتاج قوة محتاج بس صدق إنك تعبت كفاية، وإن الباب ده مش هيفتح على راحة، وإنك تستحق سكون بعد الزحمة. وفـ الآخر، متخافوش من القفل اللي بيقفل باب النهارده بيفتح لنفسه غيره بكرة بس لو فضلتوا سايبين الأبواب مواربة، الهوا هتفضل داخلة، والدفا هيفضل ناقص.

كتبه باسم عامر
١٦ ربيع آخر ١٤٤٧هـ

08/10/2025

- ماتخليش حاجة تسرق منك طاقتك، ولا حد يقلل من شغفك، ابدأ يومك بابتسامة، وافتكر دايمًا إن اللي بيكمل مش الأقوى،
اللي بيكمل هو اللي بيؤمن إن التعب النهارده هو راحة بكرة، خطوتك الصغيرة النهارده ممكن تبقى أول طريق لحلم كبير قول لنفسك: أنا قادر، ومفيش حاجة بعيدة عني طول ما قلبي حي.

07/10/2025

يارب كلنا نتقابل هناك محدش يغيب فينا

06/10/2025

هل عمرك خدت بالك إن فيه لحظات بتكون فيها تمام من بره، بس جواك فيه وجع ساكت؟ مش وجع جامد بس كأنه نقطة تعب محبوسة فـ الروح، بتظهر لما تبقى لوحدك، أو لما تهدى، جرب النهارده تسأل نفسك: هو أنا فعلاً مرتاح؟
ولا متأقلم على التعب عشان خلاص اتعودت؟

أوقات بيكون جواك مشاعر حلوة أوي حب، حنين، أو حتى امتنان بسيط بس بتختار تسكت، مش عشان المشاعر راحت، لأ عشان الظروف مش منا...
05/10/2025

أوقات بيكون جواك مشاعر حلوة أوي حب، حنين، أو حتى امتنان بسيط بس بتختار تسكت، مش عشان المشاعر راحت، لأ عشان الظروف مش مناسبة، أو الوقت غلط، أو الخوف من الرد مؤلم أكتر من الصمت نفسه، فـ علم النفس "الكبت الانفعالي" مش دايمًا ضعف ساعات بيبقى آلية دفاع، العقل بيحاول يحمي القلب من وجع جديد، وساعات بيبقى نضج عاطفي، لأنك بتختار تحتفظ بالمشاعر بدل ما تبوح بيها غلط.

فيه فرق كبير بين اللي ما بقاش مهتم، واللي لسه مهتم بس مضطر يخبي، الأول بيهرب لكن التاني بيحارب جواه عشان ما يخسرش اللي بيحبه ولا نفسه، فـ لو حد اختفى فجأة، أو بطل يقول كلام حلو زي زمان، ماتحكمش بسرعة يمكن لسه بيحبك، بس بيتعامل بحذر مع وجعه. المشاعر الحقيقية مش بتموت هي بس بتستخبى، لحد ما الزمن أو الأمان يرجع ينده عليها.

وأوقات بيكون الصمت هو الطريقة الوحيدة تحافظ بيها على حاجة غالية من غير ما تبوظها، لأن الكلام أحيانًا بيكسر اللي السكون بيحميه، القلب مش دايمًا قادر يشرح، والعقل مش دايمًا عارف يرتب اللي جواه، فـ تلاقي نفسك ما بين عايز تقول ومش قادر تقول، وبين الاتنين بتختار السلام المؤقت على الوجع الدائم.

صدقوني، اللي بيخبي مشاعره مش بيتقل ده بيتوجع بصمت، بس بيحاول يحافظ على كرامته وعلى التوازن اللي صعب يرجع لو انهار، فـ النهاية المشاعر الحقيقية مبتحتاجش إعلان، هي بتفضل ساكنة فـ التفاصيل الصغيرة، فـ الدعوة اللي بتتقال بالليل، وفـ الذاكرة اللي لسه بتبتسم لما اسمك يتقال.

كتبه باسم عامر
١٢ ربيع آخر ١٤٤٧هـ

فيه نوع غريب من الشخصيات، أول ما يلبس بدلة الترشيح، دماغه تتحول من واحد من الناس لـ واحد فوق الناس، بيبقى شايف نفسه الم...
04/10/2025

فيه نوع غريب من الشخصيات، أول ما يلبس بدلة الترشيح، دماغه تتحول من واحد من الناس لـ واحد فوق الناس، بيبقى شايف نفسه المنقذ المنتظر، والناس حواليه مجرد أصوات مش بشر، يبدأ المشهد بالابتسامة العريضة، والـ ١٠٠ جنيه اللي بتلم العقول قبل الجيوب، وبعدها ينسى كل شارع كان بيعدي عليه وهو بيقول ساعدوني.

نفسيًا النوع ده عنده حالة اسمها تضخم الأنا الانتخابي، بيصدق إن المال يساوي محبة، وإن الكرتونة أهم من الكرامة، وبيعتبر شراء الصوت مش رشوة، لا ده "جميل" استغل بيه حاجه الناس، ولما يدخل المجلس، بيحس إن الكرسي مش مقعد تمثيل شعب، ده تخت السلطان اللي لازم الكل يعظم فيه. بس الحقيقة إن اللي يشتري الناس يوم، عمره ما هيحترمهم بعد كده، اللي بدأ طريقه بالفلوس، هينهيه بالفضيحة، ولو فتشت فـ نفسيته، هتلاقي طفل صغير جواه بيخاف يتنسى، فبيشتري الاهتمام بأي تمن، بس يا خسارة، مفيش أغلى من الاحترام ولا أرخص من اللي يبيعه!


04/10/2025

اللي ناوي ينهض بينهض، اللي ناوي يعيش بيخلق لنفسه سبب، مفيش يوم بيبدأ ع الفاضي، كل إشراقة شمس هي نداء: قوم، الدنيا لسه ليك، انس الهبوط، انس الخيبة، وانفض ترابك، ابدأ كأنك اتولدت دلوقتي، كأن النهارده هو أول فصل فـ نجاحك اللي اتأجل.

وخلي شعارك: مش هفوت يوم من غير ما أسيب علامة.
صباح الصاعدين، مش العابرين.

الحلم مش رفاهية، الحلم هو الوقود اللي بيخلي الروح تتحرك، واللي يسيب حلمه يقع، بيخسر نفسه قبل ما يخسر الدنيا عشان كده، خل...
03/10/2025

الحلم مش رفاهية، الحلم هو الوقود اللي بيخلي الروح تتحرك، واللي يسيب حلمه يقع، بيخسر نفسه قبل ما يخسر الدنيا عشان كده، خليك متمسك باللي جواك، حتى لو كله حواليك بيقولك مستحيل، ونقسم ألا نسقط لأن كل سقطة هي تدريب على قوة أكبر. إوعى تفتكر إنك ضعيف عشان وقعت مرة واتنين بالعكس، الوقعة مش عيب، العيب الوحيد إنك تفضل تحت، كل مرة بتقوم فيها بتضيف لنفسك طبقة من الصلابة، طبقة من الخبرة، طبقة من العزيمة. خلي كل دمعة بتنزل من عينك، بتسقي أرض جديدة جواك، الأرض دي هتطرح يوم حصادك، يوم ما تقول: أنا نجحت رغم كل الظروف، متخليش دموعك تروح هدر، خليك مؤمن إنها جزء من طريقك.

ونقسم ألا نسقط لأن اللي بيبان قدام الناس هزيمة، ممكن يكون هو بداية انتصار داخلي، أوقات كتير الخسارة اللي بتحصل قدام الكل، بتكون هي المدرسة اللي بتعلمك إزاي تنتصر لنفسك وساعتها مش هتحتاج تصفيق ولا اعتراف، لأنك إنت اللي هتعرف قيمتك. يمكن نحس بالوحدة، بس الحقيقة إن فيه آلاف زينا، بيمروا بنفس الدواير، بيحاربوا نفس الأفكار، وبيحاولوا يثبتوا لنفسهم إنهم يقدروا، إنت لـ وحدك فـ المعركة إنت جزء من جيش كبير بيقاوم. المستقبل مش معمول عشان نستناه، المستقبل بيتصنع، كل خطوة صغيرة بتاخدها النهاردة، هي حجر فـ طريق بكرة ماتستناش الظروف تبقى مثالية، الظروف عمرها ما بتكون كده بس الإرادة تقدر تغير المعادلة.

ونقسم ألا نسقط، لأننا نستاهل نعيش حياة تليق بينا حياة فيها كرامة، وفيها معنى، وفيها نور يهدينا حتى وسط العتمة، الحياة مش هتديك فرصة لوحدها إنت اللي لازم تنتزع فرصتك. وافتكر يا صديقي إنه كل مرة هتقول: خلاص مش قادر، بيطلع جوانا صوت تاني يقولل: لأ لسه قادر، ده الصوت الحقيقي، صوتك اللي جاي من عمق روحك، اسمعه، صدقه وخليه يقودك. ولأننا واثقين إن ربنا مش بيكسر حد عشان يسيبه، دايمًا فيه حكمة فـ كل اختبار، وكل وجع جايب معاه رسالة، إحنا علينا نصبر، نكمل، ونثبت وبكره هنعرف إن اللي افتكرناه هزيمة، كان هو سبب أعظم انتصار.

قوم دلوقتي ماتستناش بكرة، لو وقعت مية مرة، اجمع نفسك وقول: أنا لسه موجود. ماتخليش خوفك يحكمك، ولا خيالك الأسود يسرق منك قوتك، إنت أقوى من اللي حصلك، وأجمل من كل جرح فاتك، إبدأ بخطوة بسيطة حتى لو صغيرة أوي، المهم تتحرك المهم ترفض الاستسلام، وإوعى تنسى اللي بيقاوم، حتى لو تعبان، دايمًا بيكسب فـ الآخر، لأن الهزيمة الحقيقية مش فـ الفشل، الهزيمة الحقيقية إنك تستسلم وتقول أنا مش قادر.

فاحلف لنفسك وقول اقسم ألا أسقط.
كتبه باسم عامر
١٠ ربيع آخر ١٤٤٧هـ

02/10/2025

لا شيءَ فـ مَدحِ الرَّسولِ يَفِيهِ
كلُّ المحاسنِ والمكارمِ فيهِ

فـ سكون الليل، بنكتشف صوت جوا روحنا كنا مش سامعينه، وبنلاقي نفسنا اللي ضاعت وسط الزحمة والضوضاء، الليل بيلم شتات الروح و...
01/10/2025

فـ سكون الليل، بنكتشف صوت جوا روحنا كنا مش سامعينه، وبنلاقي نفسنا اللي ضاعت وسط الزحمة والضوضاء، الليل بيلم شتات الروح ويرتب الحكايات المنسية، وبيفكرنا إننا لسه عايشين ولسه قادرين نبدأ من جديد، تُصبحون علي خير.

Address

EL. Sayeda 3aesha
Sadat City
12345

Telephone

+201556044070

Website

Alerts

Be the first to know and let us send you an email when Bassem Amer - باسم عامر posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Bassem Amer - باسم عامر:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category