https://www.facebook.com/106909984232787/

الخدمات التمريضية بالمنازل, تقسيم عمر بن الخطاب بالاشغال, Safaga (2026)

27/10/2023

❤️قلبك حياتك ❤️
حافظ عليه

27/10/2023

طول ماسكرك مضبوط
❤️قلبك مبسوط ❤️

04/06/2023

معلومه مهمه جدا ❤️💫👌

الاطفال أقل من 3سنين ممنوع منعاً باتاً ياخذ اي ابرة في العضلة الخلفية لأنك بكل بساطة ممكن تعمله شلل في رجل الطفل

السبب :لأن العضلة الخلفية غير مكتملة بشكل كافي عشان نحقن فيها واحتمال حدوث مضاعفات كبيره جدا بخلاف عضلة الفخذ تكون مكتملة وآمنة +
لازم الحقن الصحيح يكون في الفخذ .. بالضبط فى جانب الفخذ قسمة ثلاث أقسام بالتساوي واحقن في الثلث العلوي او الأوسط زي اللي في الصوره كده
دمتم بخير ❤️

03/10/2022

ممنوع منعا باتا عمل جلسات الاستنشاق بأي نوع من أنواع الميه بما فيها الميه المقطرة المعدة لتفكيك بودر الحقن أو الأدوية ...

السبب باختصار إن الميه في الجلسات بتزود ضيق الشعب الهوائية ... دي الخلاصة

الجلسات تتعمل بمحلول الملح أي كانت نسبة تركيزه وكل ما كان تركيزه أعلى كل ما كان مفعوله أقوى ...

يعني الشائع استعمال محلول الملح تركيز 0.9% لو متوفر تعملها بتركيز ال 3% هيكون أفضل طبعا ... وكمان لو محلول الملح مش متوفر - ساعات ده بيحصل لأي سبب- ممكن نستخدم نقط محلول الملح واللي فيه منها بنفس تركيز ال 0.9% زي نقط سالينكس salinex وزي نقط يونيمير unimer وزي أي بخاخة مية بحر تركيز ال isotonic أو hypertonic كمان !!

وممكن كمان نستخدم التركيزات اللي أقل من تركيز ال 0.9% زي :
نقط لايس بتركيز 0.65%
نقط اوتريفين بيبي سالين بتركيز 0.74%
بس طبعا هيكون تأثيرها ضعيف

البوست ده مكتوب بسبب إن فيه أكتر من حالة حالتها ساءت بسبب استخدام الميه دي ... خلو الأيام دي تعدي على خير لأنها أيام تقيلة في تعب الأطفال ... أيه أخبار محبي الخريف والشتاء ... كله تمام ؟! 😡😡😡

28/11/2021

(ليه بنشدد على أهمية غسيل الأنف بصورة صحيحة في أدوار البرد 🤧🤧والكحة)

مهم جدآ إن كل أم تعرف إن غسيل الأنف بمحلول الملح أو بمحلول ماء البحر ( بالصورة الصحيحة) من أكبر أسباب الشفاء السريع 💪💪. مش بس كده ...

في أبحاث علمية بتقول إن غسيل الأنف👃👃 بصورة صحيحة بيكون معادل في قوته لبخاخات الكورتيزون في مرضى حساسية الأنف.

وعلشان كده إحنا بنفهم الأمهات في العيادة إن رشح الأنف لو متغسلش بصورة دورية ممكن يعمل إلتهاب في الأذن الوسطى👂🤒🤒 وممكن يعمل إلتهاب في الشعب الهوائية أو الرئة 🫁🫁 لا قدر الله. مش بس كده...

مهم جدآ إن كل أم تبقى عارفة إن من أكبر أسباب الكحة عند الأطفال هو الرشح الداخلي إلي بيعالجه بصورة كبيرة غسيل الأنف بمحلول ماء البحر أو بالمحلول المحلي....

طيب ما تيجوا نتكلم عن الطريقة الصحيحة لغسيل الأنف👌👌

املي سرنجة طبية 💉💉💉بالمحلول الملحي. اطلبي من طفلك 👶🏻👶🏻 الوقوف فوق الحوض وإدخال طرف السرنجة في فتحة أنف طفلك والضغط برفق حتى يخرج المحلول الملحي من الفتحة الأخرى للأنف (لا تقومي بسد فتحة الأنف الأخرى).

طيب يا دكتور الولد بيعيط وبيضايق لما اغسل انفه🤔🤔؟

يا مدام وجع ساعة ولا كل ساعة حيضايق دقيقة أو دقيقتين لكن حيقعد مرتاح بعديها ٤ أو ٥ ساعات بإذن الله.

طيب يا دكتور انا بخاف 😒أعمل موضوع السرنجة ده؟

خلاص مافيش مشكلة 😊ممكن تجيبي أي بخاخة ماء بحر وهي أسهل بكتير في الإستعمال.

طيب هي الطريقة ديه أمان ؟
أمان من عمر يوم واحد في عمر الطفل

08/11/2021

لكل ام عامله صيدليه جوا التلاجة بتاعتها 😅😅 شكرا متعمليش كدا تاني 😅😅

إرمي يا حجة السم اللي في تلاجتك ده واشتري جديد
ليه كده يا دكتور مكتوب مدة الصلاحية 5 سنوات 😳😳😳

⬅️الصلاحية طالما العبوة لم تفتح تظل كما هو مكتوب
⬅️لكن لو العبوة فتحت الصلاحية تتغير و تبدأي تعدي من اول يوم استعمال للدواء
لأن اختلاط الدواء بالهواء يسبب تفاعلات وتخمر وفساد للمادة الفعالة👌

⬅️ جميع ادوية الشراب للمضادات الحيويه
صلاحيتها بعد ما تتحلل اسبوع خارج الثلاجه واسبوعين جوه التلاجه
🎯ملاحظه ادوية Augmentin
وكل اللى زيه curam,emoxclav,hibiotic,
‏magnab iotic deltaclav,megamox
بعد ما يتحلوا لازم يفضلوا فى التلاجه طول فتره الاستخدام

⬅️الحبوب والكبسولات اللي تأتي في زجاج او علب بلاستيك وفيها حبوب
تكون صالحة ل ٦ شهور من مدة الفتح
📌لكن الحبوب التي تأتي كل قرص مغلف لوحده لا تفسد👌

⬅️ الحبوب الفوارة اللي تأتي في علب صالحة مدة شهر واحد بعد فتح العلبة

⬅️ادوية الشراب مثل ادوية الكحة او شراب الاطفال
صالحة ل شهر بعد الفتح
📌ولوظهر فى اى رائحه غريبه او تغير لونه أو ظهرت فيه turbidity (اى تعكر )نوقف استخدام الدواء

⬅️ القطرات غالبيتها يفسد في شهر
📌بس خلي بالك قطرات العيون تفسد بين أسبوعين ل 3 أسابيع

⬅️ الأدوية المعلقة ومكتوب عليها معلق من 3 إلى 4 أسابيع

⬅️ محاليل العدسات تفسد بعد فتحها بثلاثة شهور.

⬅️المراهم الجلدية من شهر لشهرين ومراهم العين شهر فقط

⬅️ الحقن من نوع البنسلين والأموكسسلين يجب إعطاءها فور حلها بالماء أما باقي الأنواع تقريبا تحتاج لوضعها بالثلاجة وتكون صالحة يومان
📌فيال الأنسولين ( شهر إلى شهر ونصف أو عند تغير لون محلول الدواء )

⬅️ الحديد و الفيتامينات المحتوية على الحديد يغمق لونها للبني الغامق في أول أسبوع و تظل صالحة من ٣ الى ٤ أسابيع ومثلها فيدروب شهر

28/07/2021

نحن فى خدمه 24ساعه

23/07/2021

انتظرونا غدا في كافيه السعاده
الحفله المنتظره وهدايا ومسابقات للأطفال والأمهات برعايه مركز الضحى للتمريض المنزلى

06/07/2021

*قواعد حديثي الولادة الأربعون* 🙂
١_رضعي طبيعي
٢_بلاش أعشاب
٣_بلاش بيبي درينك
٤_بلاش جلوكوز
٥_ڤيتامين "د" من أول الشهر التالت ٤ نقط ڤي دروب يوميا.
٦_تطعيم ڤيروس بي أول ٢٤ ساعة حتى في أيام الجمع و العطلات الرسمية .. في الوحدات الصحية و أقسام النساء في المستشفيات الحكومية
٧_ما تربطيش حاجة على السرة
٨_ممنوع الحفاضة تغطي السرار
٩_نظفي السرار بالكحول من ٤_٧ مرات يومياً .
١٠_رضعي طبيعي ..بس.
١١_بلاش بيبي درينك..اتمنع من وزارة الصحة
١٢_تحليل الكعب من اليوم الثالث للسابع يوم السبت و الثلاثاء في كل الوحدات الصحية..
١٣_حديث الولادة إنسان و بيحتاج النظافة ..و بيستحمى عادي
١٤_ممنوع بوس الطفل من الفم.
١٥_بلاش بوس أحسن ..بينقل أمراض.
١٦_تطعيم الدرن "حقنة الكتف" ..في أول شهر ما تتأخريش.
١٧_مفيش في السبوع غربلة ..الغربلة=نزيف في المخ .
١٨_تكحيل الطفل بالبصل ممنوع..عينه هتضيع.
١٩_نقط مطهرة للعين روتين في أول أسبوع.
٢٠_ورق مهم و هتحتاجيه شهور : كراسة التطعيمات..منحنيات النمو تشمل الوزن و الطول و محيط الرأس
٢١_ركزي مع وزن طفلك ساعة الولادة ..احفظيه، الطبيعي من ٢.٥ يزيد في المتوسط ٧٥٠ جم أول شهر.
٢٢_٦٠٪ من المواليد بيصفروا ..صفرا طبيعية حميدة ما تقلقيش.
٢٣_الصفرا عايزة رضاعة و متابعة أو حضانة و علاج ضوئي مش عايزة نيون و لا ڤيتامين.
٢٤_المولود إنسان ..إحساسه بالجو زينا..بلاش بطاطين في أغسطس ..هيفطس
٢٥_الزغطة و الخنفرة و الحزقة ظواهر طبيعية هتقل مع الوقت.
٢٦_ظواهر تقلقك : الطفل رافض الرضاعة أو مش قادر يرضع ، لونه بيزرق، نفسه فيه نهجان ، مدروخ و مش بيصحى.
٢٧_اهتمي بنفسك و صحتك عشان تقدري تهتمي بمولودك..كلي أكل صحي و متوازن ، بلاش أدوية من غير داعي، اشربي لبن ..كتير، و بلاش اكل حراق أو بيعمل انتفاخات .
٢٨_حديث الولادة بينام كتير بس متقطع..نومك هيتلخبط ..بترضعي و تغيري و تدلعي و تنيمي.
٢٩_حديث. الولادة بيسمع من و هو جنين ف اخر شهور الحمل..لو مفيش فزع أو خضة من الصوت العالي تقلقي .
٣٠_لازم طفلك يعمل براز في أول ٢٤ ساعة ..لو معملش استشيري الطبيب
٣١_أنماط الإخراج مختلفة عند حديثي الولادة..فيه طفل بعد كل رضعة يعمل براز و طفل يعمل مرة في اليوم .
٣٢_النوم على البطن ممنوع ..إلا بعد الرضاعة للتجشؤ و انتي صاحية .
٣٣_غيري الحفاض من ٣_٤ مرات يوميا و نشفي كويس. و ادهني زيت زيتون..هتحميه من التسلخات.
٣٤_لو بنت اتأكدي من وجود فتحة المهبل..لو ولد حسي الخصيتين و شوفي فتحة القضيب في مكانها و لا لأ..
٣٥_الأب:فينك ؟! ..واحشنا و الله
٣٦_أول ما فترة النفاس تخلص شوفي وسيلة منع حمل مناسبة ما تنسيش ..طفلك محتاج رعايتك قبل ما تعمليها تاني و صحتك هتروح
٣٧_طفلك بيعيط كتير ..عليكي تخمني السبب و مع الوقت هتفهميه.
جعان _رضعيه ،، شبعان و منفوخ _كرعيه،، عنده مغص دلكيه ،، عايز حد يشيله شيليه ..ما تسيبيش طفلك يعيط عشان ما يتعودش على الشيل..هو إنسان و عايز اهتمام و الاهتمام ما بيطلبش .
٣٨_السخونية و الكحة في حديثي الولادة مش طبيعية و مش حميدة ..لازم دكتور و تحاليل.
٣٩_حبي طفلك ..ولد أو بنت..أسمر أو ابيض ..سليم أو مريض ..ده قطعة من روحك ما تخليش حد أبدا يصنفه.
٤٠_مع نهاية الشهر الأول الطفل بيبدأ يبتسم لو لاعبتيه ..لو بيعيط و اتكلمتي معاه هيهدأ ..
اتعاملي معاه على إنه إنسان محتاج غذاء و حب و عناية

04/07/2021

صيف ساخن جدا
الاهتمام بالأطفال في الحر الشديد

- برجاء عدم خروج الأطفال في النهار إلا للضرورة القصوي فقط وعندها نستخدم غطاء الرأس وملابس خفيفه جدا وقطنيه وقزازة الميه ما تفارقش ايدينا عشان الاطفال.

-شرب الكثير من المياة .

-الاستحمام المتكرر.

-وضع الاطفال في جو رطب ونشغل التكييف او المرواح و خصوصا للمواليد الجدد .

-ياريت الملابس تكون قطنيه وتكون طبقه واحده.

-لون البول ممكن يكون غامق وكميته قليله في الأطفال وده طبيعي ومقبول نظرا لقلة سوائل الجسم.

-وياريت نخلي بالنا إن الجفاف من اخطر الحاجات علي الطفل فنخلي بالنا من السوائل.
-الأم المرضعة اشربي مياه وسوايل كتير.

-حرارة الطفل في الحر الشديد لا تقاس باليد.. لابد من استخدام الترمومتر من تحت الإبط( الباط )..ولا تستخدم خوافض الحراره الا في ارتفاع درجة الحراره مش حسيتي الواد دافي اديله خافض... طبيعي في الحر هيكون دافي في الصهد ..شربيه ميه وحميه افيدله.

-في النزلات المعويه او حتى الاسهال فقط لابد من استخدام محلول معالجة الجفاف حسب تعليمات الطبيب المعالج .

ادام الله الصحة على اطفالكم

الخدمات التمريضية بالمنازل

27/10/2023

27/10/2023

04/06/2023

03/10/2022

28/11/2021

08/11/2021

28/07/2021

23/07/2021

06/07/2021

04/07/2021

Address

Telephone

Website

Alerts

Contact The Practice

Shortcuts

Share