د/هند عمارة استشارى الطب النفسى والعلاج المعرفى السلوكى والإدمان

  • Home
  • Egypt
  • Shebin al-Kom
  • د/هند عمارة استشارى الطب النفسى والعلاج المعرفى السلوكى والإدمان

د/هند عمارة استشارى الطب النفسى والعلاج المعرفى السلوكى والإدمان استشارى الطب النفسى والعلاج المعرفى السلوكى
والإدمـــــــان

22/02/2024

المريض النفسي بيكون حساس لأي ملحوظه أو أي كلام بتقوله و زي ما الرسول عليه الصلاة والسلام"الكلمه الطيبه صدقه" و طبيعي أننا نفكر كويس جدا قبل ما نتكلم، اي كلمه مش مناسبه بتأذي مش بس المريض نفسيا كمان بتأذي أي شخص عادي😍
#صحةنفسية

19/02/2024

الأوامر مش هى الحل أبدا مع أطفالنا ..
شوفو الفيديو وشاركونا طرق التعامل مع أطفالكوا بتكون ازاى ؟

لا مش مقتنع بالدكتور النفسي هحكي وخلاصتروح تحكي لصاحبك يمعلشك...
12/02/2024

لا مش مقتنع بالدكتور النفسي هحكي وخلاص
تروح تحكي لصاحبك يمعلشك...

مين بيعمل في نفسه كدة ؟
09/02/2024

مين بيعمل في نفسه كدة ؟

اضطراب الشخصية الحدية هو إضطراب سلوكى تشعر فيه بعدم توازن تقلبات في المزاج والأفكار، خواء داخلى ، تهور واندفاعية، ميول ل...
06/02/2024

اضطراب الشخصية الحدية هو إضطراب سلوكى تشعر فيه بعدم توازن تقلبات في المزاج والأفكار، خواء داخلى ، تهور واندفاعية، ميول لإيذاء النفس أو أفكار انتحارية، لخبطة شديدة في العلاقات..
الأعراض صورها بتكون:
🔹التقلبات المزاجية الشديدة
🔹صعوبة تحمل التوتر
🔹صعوبة التحكم في الانفعالات
العلاج هنا بيكون أساسا علاج جدلى سلوكى باتعلم فيه مهارات الانتباه، كيفية التحكم في المشاعر المضطربة، ازاى ازود كفاءة العلاقات واتحمل الضغط الخارجى، لو عندك الصعوبات السابقة اطلب مساعدة ولا تتردد.


05/02/2024

لو حد يقدر ينكد عليك بكلمة واحدة
ده بيبقي راجع لتلات حاجات
اولهم مرونتك النفسية ومدي قدرتك علي استقبال الكلام اللي بيوجع وده راجع لماضيك و تربيتك و جيناتك و تفاعلك مع الحياة
ثانيا :علاقتك بالشخص نفسه اللي تخليك تصدق كلامه عنك او تتأثر بكلامه بزيادة..يعني تأثير كلام والدك او والدتك عليك وانت صغير اكيد اصعب بكتير من كلام مديرك او استاذك او صاحبك عليك وانت كبير
ثالثا:الكلمة نفسها و دلالتها جواك و علاقتها بحوارات قديمة جواك
ايه ده ؟؟طب و شخصية الشخص نفسه ؟؟لو نرجسي مثلا او سيكوباثي ..ده مالوش تأثير
للاسف لا ..مالوش تأثير ..حتي النرجسي بيستمد قوته من ضعفك و من علاقتك بيه ..فلو انت معندكش مشاكل تسمح بتسريب كلامه جواك ..مهما قال مش هيقدر ينكد عليك
يقدر يضايقك اه ..لكن ان كلمة منه تأثر علي مزاجك ..ده معناه ان في الغالب المشكلة جواك انت

04/02/2024

لو انتي اتشخصتي "اضطراب الشخصية الحدية "
او "اضطراب الشخصية الغير مستقرة عاطفيا"
البوست ده مهم جدا ليكي
ليه الشخصية الحدية معرضة للعلاقات الاعتمادية؟؟
اولا عشان عندها خوف شديد من الالتزام و بالتالي الشخص الاعتمادي اللي بيرتبط بيها بيبقي عنده استعداد يوافق علي شرط عدم الالتزام
يعني هي بتقولله "انا هقرب و مش هوعدك و هو اوك انا موافق بأي حاجة"
فبتلعب دور الاعتمادي المتواطيء في العلاقة دي
ثانيا: الشخصية الحدية نادرا جدا مابتثق في حد
من كتر خبرات الوجع و الفقد و الرفض اللي اتعرضت ليها
ولو وثقت بتحاول بكل الطرق ماتخسروش
عشان هي مش بسهولة تثق في شخص تاني
بالتالي معرضة انها تبقي اعتمادية مهما عمل الشخص التاني
وده بيخليها اعتمادية في العلاقة دي
والشخص التاني
فيه دراسات في المانيا بتقول ان الشخصية الحدية عند سن معين بيتبقي في حياتها تقريبا شخص واحد بس بتثق فيه !
فتخيل شخص كل ثروته شخص واحد غالبا هيبقي اعتمادي عليه
ثالثا:القبول السريع من اجل تجنب الم الفقد بعد علاقة طويلة
ده بيخلي الشخصية الحدية عرضة لعلاقات اعتمادية
فيه عالناحية التانية شخص مستني قبول سريع(الاعتمادي) عشان يقاوم مخاوفه

03/02/2024

كل يوم في الشغل
فكر نفسك ان الفلوس اللي بتجمعها و العلاقات و كل ده
ممكن في لحظات ميبقالهمش قيمة
الجنية اللي انت جمعته السنة اللي فاتت ..خسر النهاردة ربع قيمته
لكن العلاقات خارج الشغل اللي عملتها
بقيت و كملت
الدقيقة اللي قعدتها مع ولادك ..افتكروها طول عمرهم
اختار اليوم ما يمتعك و يبقي معك غدا
اختر الخلود و البقاء و الحب

02/02/2024

عايز تفهم انت ليه متعطل ؟؟
الحقيقة مقدرش اضمنلك انك تفهم
لكن احب اطمنك ..انك بتحاول تفهم عشان تلاقي سبب تسامح بيه نفسك علي العطلة وعلي الوجع اللي فاتوا
لو اتعرضت للقبول ..مش هاتبقي عايز تفهم
او مش هاتبقي مستعجل تفهم
لأن اللي هيعمله القبول ..هيخليك مش محتاج تفهم عشان تعدي
احنا بنحتاج نفهم قوي عشان موجوعين قوي ..لما بنتقبل بعبلنا زي ماحنا
بنعدي و خلاص كدة
امال انت فاكر ايه

01/02/2024

الشكوي الكتير بتدل علي عدم الرضا بالحال.

و ده نتيجته ان الواحد بدل ما يبذل مجهود عشان يغير حاله (الي هو حاجه مش سهله طبعاً و لكن تتعمل عادي) بيبذل طاقته كلها انه يلقي الشكوي بطريقه تطلعه مظلوم من الحياه.
ربنا بيدي كل الناس حاجات حلوه و حاجات نتعلم منها دروس…

المره الجايه لما تقفش نفسك بتشتكي، حاول تغير العاده دي، و فكر في الطريقه الي ممكن تغير بيها حالك.. هتكون طريقة صعبه في معظم الاحيان و لكن انت الكسبان في الاخر. 💙

انا شاكة ان ابني عنده رهاب اجتماعي ؟!انا شاكة ان اختي بتعاني من الرهاب الإجتماعي ؟! 📍الرهاب الإجتماعي📍antisocial📍هو الخو...
01/02/2024

انا شاكة ان ابني عنده رهاب اجتماعي ؟!
انا شاكة ان اختي بتعاني من الرهاب الإجتماعي ؟!

📍الرهاب الإجتماعي
📍antisocial📍
هو الخوف والقلق والتوتر والخجل وقلة الثقة بالنفس اللي بيصيبو الشخص عندما يضطر للتفاعل مع الناس

طب ازاي ممكن اعرف ان الشخص ده عنده رهاب اجتماعي🤔👇
📌ارتعاش وارتجاف اليدين
📌 صعوبة التعامل مع أشخاص غرباء
📌 عدم حضور حفلات او لقاءات إجتماعية
📌 الخوف من الذهاب إلى العمل أو المدرسة
وأعراض كتير بتوضح ان الشخص ده عنده رهاب اجتماعي لازم ناخد بالنا منها 👌

وغالبا بيحتاج للمساعدة من دكتور متخصص في التخلص من الأعراض دي وتحسين نفسيته❤


01/02/2024

لما حد يرفضك رفض نهائي ..اقطعه من جواك ..متماطلش و متقاوحش و متوجدلوش مبررات ..خليك في الرفض قاطع و واضح
متديلوش فرصة تانية ..ولا تالتة ..ارفض اللي رفضك ..خصوصا لو مفيش بينكم ارتباط رسمي ..اقطع
والذكريات ؟؟ و العمر اللي فات ؟؟
بعدين تبقي تسامح نفسك عليها ..بس اقطع في الاول من جواك ..افصله من حياتك ..افكارك.. مشاعرك ..
الرفض مش بنتكلم ولا نتناقش فيه
متقنعش حد يكمل معاك ..سيبه يسيبك ..انت اغلي من اي رفض واضح ..
متتحايلش ولا تشحت الحب
الحب اما بييجي غالي ..او متشتريش ..
الحب اللي جاي بالمحايلة ..بيروح في دقيقة ..يمكن في ثانية
عزز مشاعرك ..عاللي رفضك ..حتي لو لسة شايفه افضل انسان في الوجود ..بكرة هتشوفه اقل من العادي
لأن افضل انسان هو اللي بيحبك !! وٱخر انسان ينفع تتعامل معاه ..هو اللي رفضك

Address

ميدان شرف برج الفيروز
Shebin Al-Kom

Opening Hours

Monday 11am - 3pm
Wednesday 11am - 3pm
Saturday 11am - 3pm

Telephone

+201022532175

Website

Alerts

Be the first to know and let us send you an email when د/هند عمارة استشارى الطب النفسى والعلاج المعرفى السلوكى والإدمان posts news and promotions. Your email address will not be used for any other purpose, and you can unsubscribe at any time.

Shortcuts

Share

Category