عيادة الدكتور اشرف رمضان لطب الفم و الاسنان

23/03/2026

التشخيص الدقيق هو أول خطوة لعلاج ناجح 👨‍⚕️🦷
من خلال الفحص المتقدم بنقدر نحدد المشكلة ونختار أفضل خطة علاج لكل حالة
صحتك تهمنا وابتسامتك هدفنا 💙
📍 العيادة: شبين الكوم – ميدان شرف – برج الفيروز
⏰ المواعيد: من 12 لـ 6 ماعدا الجمعة
📞 للحجز والاستفسار: 01015175702

26/11/2025

“إيه أحسن حشوة يا دكتور؟!
البلاتين (الأمالجم) ولا الكومبوزيت (الحشوة الضوئية اللي بيسموها حشوة (الليزر) ولا الجلاس آيونومر؟”

سؤال من أكثر الأسئلة اللي بنتسألها يوميا..

والحقيقة إجابته الصح إن مافيش أفضل بإطلاق
فيه الـ “أنسب” لكل حالة .
و الأنسب يتحدد بعوامل كتير مفروض إن طبيب الأسنان هو اللي بيحددها ويحدد إيه اللي هيرجح إنه أنسب وأفضل للحالة

لكن مافيش مانع نحاول نبسط الفوارق والعوامل قدر المستطاع

أول وأقدم وأشهر نوع حشو الأمالجم وده اللي مشتهر بين الناس بالحشو البلاتين أو الحشو المعدني وتعريبه (المملغم)
إيه هو؟
هو مكون من سبيكة معدنية من خليط أساسه الزئبق مع الفضة والقصدير والنحاس وساعات كمان الزنك.

مميزاته العامة: قوي في مواجهة الضغط، وبيتحمّل سنين طويلة في الأضراس الخلفية، وإلى حد ما متسامح مع رطوبة بسيطة أثناء العمل، وتكلفته مقبولة.

عيوبه: لون معدني ظاهر (مش تجميلي)، وبيحتاج إزالة كمية أكبر من السن لعمل “تعشيق ميكانيكي”، وممكن يسبب تصبّغًا رماديًا بجدران الضرس .

منظمات الصحة العالمية والـ ADA لم تُثبت ضررًا على الإنسان من الحشوات الأمالجم عند الاستخدام الصحيح، .

امتى نستخدمه؟
لو محتاج حشوة خلفية كبيرة بسبب تآكل جزء ضخم بالتسوس
أو عند مريض مضغه قوي
أو عند صعوبة التحكم المثالي في اللعاب والعزل
وطبعا يكون المريض مش فارق معاه الشكل.

متى نفضّل غيره؟
طبعا في الأسنان الأمامية أو عند مريض يهتم جدًا بالشكل أو نحتاج حفظ نسيج من السنة أكثر.

نيجي للنوع التاني والمفضل أكثر دلوقتي
الكومبوزيت
أو (الحشوة الضوئية) وما يسميه بعض الزملاء بحشو الليزر

إيه هو؟
مادة تعتبر أشبه بالبلاستيك شوية بنفس لون السنة تُلتصق بها بتقنية لاصقة أعقد من الأمالجم ويتم تنشيفها وإعدادها غالبا بالضوء الأزرق
هو بدقة ضوء أزرق خاص (في الطيف المرئي)

مميزاته:
1. تجميلي ممتاز شكله لو معمول كويس مش بيبان إنه حشو أصلا
2. يحافظ على نسيج السن لأن تثبيته “لاصق” مش ميكانيكي فمش بنحتاج نشيل كتير،
3. يصلح للأمام ومنه أنواع تصلح للأضراس الخلفية، ويصلّح كسور صغيرة ومتوّسطة.

عيوبه:
حسّاس جدًا للرطوبة—لازم عزل جيد
و لو الحفرة كبيرة جدًا قد يحتاج تقوية/حل غير مباشر، وقد يحدث انكماش بسيط أثناء التصلب بتسبب بعض الألم ومشاكل لو لم تتبع تقنيات وضع الطبقات بالطريقة الصحيحة.

متى نستخدمه؟
تجميل أمامي
حشوات خلفية صغيرة–متوسطة، تجويفات ذات حواف سليمة تسمح بلصق

متى نفضّل غيره؟ عند حفر كبيرة جدًا وبتتعرض لضغط عالي،
أو ظروف عزل فموي صعب.

💡 تنبيه مهم:
ناس كتير بتسمي الحشوة الكومبوزيت باسم "حشو ليزر"، وده في الحقيقة مُسمّى تسويقي مش علمي.
الحشوة نفسها مافيهاش ليزر…
اللي بيتم هو إننا بنستخدم ضوء أزرق مخصّص (Blue curing light) وساعات فوق بنفسجي مش ليزر
وده دوره المساعدة في تصلّب المادة الطرية بعد وضعها
وده تكنيك غير الليزر تمامًا.

الليزر الحقيقي في الأسنان له استخدامات تانية: زي بعض جراحات اللثة أو التعقيم أو إزالة التسوس بالحرارة الضوئية وده محدود جدا لسة وبعض تقنيات التبييض

يعني مجازا “الحشوة الليزر” = حشوة كومبوزيت بتتصلب بالضوء… لكنه مش ليزر حقيقي.

النوع التالت اللي عاوز أتكلم عنه هو الحشو الزجاجي (جلاس آيونومر (GIC) ومنه أنواع معدلة بالراتنج (RMGIC)

إيه هو؟
هو مادة تتفاعل كيميائيًا ويطلق فلورايد.

مميزاته: التصاق كيميائي بالسن
إطلاق فلورايد بيكون مفيد جدًا لمرضى التسوّس العالي ولو فيه جذور مكشوف ومع الأطفال
متسامح نسبيًا مع الرطوبة مقارنة بالكومبوزيت،
مناسب لحواف الجذر وتحت اللثة.

الأنواع التقليدية تتصلب كيميائيًا دون ضوء، بينما الأنواع المعدلة بالراتنج (RMGIC) بتتصلب بالضوء كمان وبتكون أقوى قليلًا ومظهرها أنعم.

عيوبه: قوة ومقاومة تآكل أقل من الأمالجم والكومبوزيت،
سطحه ممكن يتآكل أسرع في مناطق الضغط العالي.

متى نستخدمه؟
جذور مكشوفة
تسوس في عنق السنة
مرضى جفاف فم أو تسوّس نشط،

متى نفضّل غيره؟
في أضراس خلفية بحمولات ضغط عالي أو احتياج لتجميل شديد الصقل واللمعان

في أنواع تانية من الحشو غير مباشرة (Inlays/Onlays) وخامات أخرى زي السيراميك/الزركونيا/الذهب ودي بتتعمل في المعمل لما يكون الجزء المفقود من الضرس كبير ويحتاج تقوية جدران ودقة عالية ومتانة وتجميل (في السراميك)، لكنها أغلى وتحتاج أكثر من زيارة.

الميزة فيها إنها بتقلل انكماش الحشو، لأنها تتصلب خارج الفم، وبتلتصق بالسن بعد القياس بدقة عالية.

وفي كمان حشوات مؤقتة (ZOE/IRM): عند الحاجة لتهدئة العصب في بعض الحالات أو بين الزيارات قبل الترميم النهائي.

في كمان حشو بسيط اسمه سدّ الشقوق (Fissure Sealant) وده بيكون وقائي للأطفال اللي أخاديد ضروسهم عميقة للوقاية من تسوسها

بكدة أكون حاولت أبسط لك جل أنواع الحشوات وأهم خصائصها

طيب… الدكتور بيختار بناء على إيه؟

النقطة دي بالذات مسؤولية الدكتور ولازم يكون فيه قدر من الثقة في اختياره بناء على علمه وخبرته لكن من باب المعلومات لو حابب تعرف الخلاصة اللي الطبيب بيختار على أساسها فهي
1. مكان الحشوة
لو أمامي/منطقة ابتسامة → الكومبوزيت غالبًا هو الملك.
خلفي/حِمل مضغ عالي → أمالجم لحشوات كبيرة،

2. حجم وعمق التجويف
صغير–متوسط سطحي → كومبوزيت ممتاز.
كبير مُضعِف للسن → هيفكّر في ترميم غير مباشر يستعين بالمعمل لوضع طربوش أو onlay او inlay بدل حشوة مباشرة.

3. البيئة الفموية والعزل

عزل صعب/لعاب غزير/تجويف تحت اللثة أو معدل تسوس عالي يحتاج حلول علاجية مؤقتة
غالبا هيختار بين الحشو الزجاجي والأمالجم

أما لو العزل الكويس متاح → كومبوزيت يديك أفضل لصق
توقعات الشكل والتكلفة

لو الشكل أولوية قصوى والميزانية مناسبة هيختار غالبا كومبوزيت او سيراميك.

لو المتانة بس هي المطلب ومنطقة غير ظاهرة والميزانية محدودة ممكن يختار الأمالجم.

الخلاصة

الحشوات أداة، مش غاية.
والمعيار الحقيقي هو التشخيص وجودة التنفيذ، مع المتابعة الدورية وتظبيط العادات
ولو تصورك أو مطلبك الحشوة الأفضل بإطلاق أو التي تعيش للأبد فده للأسف مش مطلب واقعي ولا علمي
متوسط عمر الحشوة بيختلف حسب النوع:
الأمالجم ممكن تعيش 10–15 سنة،
الكومبوزيت 5–10 سنين حسب العناية،
الجلاس آيونومر من 3–5 سنين غالبًا،
أما الترميمات المعملية ممكن تتجاوز 15 سنة.
وطبعًا دي كلها نسب متوسطات، مش وعود نهائية.

سؤالك ومطلبك لازم يكون عن الأنسب لحالتك وبعد النقاش مع طبيبك الذي تثق به ستصلان سويا إن شاء الله للقرار الصح..

25/02/2024

فكرت قبل كده تحسن شكل ابتسامتك؟ 💫 دلوقتي ممكن بتركيبات الزيركون الجديدة! 🌟

لو فكرت تركب أو تغير التركيبات القديمة بتركيبات الزيركون، هتلاقوا ابتسامتك زي الفل! 😁

اتصل بينا دلوقتي علشان تعرف أكتر وتحجز معادك علشان ابتسامتك تنور! 🦷✨

للاستفسار اتصل على 01015175702 أو ابعتلنا رسالة وهنرد عليك في أسرع وقت ✨️

23/03/2023

كل عام وأنتم بخير،
رمضان كريم

16/01/2023

من الممكن تحسين الشكل وكذلك إصلاح التشوهات وتعويض المفقود من الأسنان 😁

للحجز والاستعلام: 01015175702
شبين الكوم، البر الشرقي، برج الفيروز، الدور الأول علوي

13/11/2022

إن العلاقة بين صحة الفم والأسنان وصحة الجسم ككل هي علاقة وطيدة بدون شك. فصحة الأسنان جزء لا يتجزأ من الصحة العامة للإنسان 🦷

للحجز والاستعلام: 01015175702
شبين الكوم، البر الشرقي، برج الفيروز، الدور الأول علوي

21/09/2021

تركيبات الزيركون تتميز بالصلابة والجمال ....
الصور بالتليفون المحمول

14/10/2020

تنويه ...
العمل بالعيادة يوميا من الساعة ١٢ظ._حتى الساعة ٥م.
للحجز و الاستعلام
ت.(٠١٠١٥١٧٥٧٠٢)

01/05/2019

أمور تهم الصائم لأحد العلماء :
الأدوية والعلاجات في الصيام
أولاً : ينبغي للمريض استشارة الطبيب المسلم لتقرير الأصلح أو الأنسب ( بغض النظر عن كون العلاج يفطر أو لا يفطر ) حرصاً على صحته ، وربما يكون العلاج لا يفطر ولكن المريض يحتاج للغذاء ، وربما يمكن تأخيره لما بعد الإفطار
كما ينبغي على الطبيب نصح المريض بتأجيل ما يمكن تأجيله إلى ما بعد الإفطار من صور المعالجات المذكورة لاحقاً ( احتياطاً وخروجاً من أي خلاف فقهي )
ثانياً : فيما يلي بعض الأشياء المستعملة في المجال الطبي (لا تفطّر )وكانت خلاصة لأبحاث شرعية قُدِّمت إلى مجمع الفقه الإسلامي في بعض دوراته وأصدر فيها الخلاصة التالية :
1- قطرة العين ، أو قطرة الأذن ، أو غسول الأذن ، أو قطرة الأنف ، أو بخاخ الأنف ، (إذا اجتنب ابتلاع ما ينفذ أو يصل إلى الحلق )
2- الأقراص العلاجية التي توضع تحت اللسان لعلاج الذبحة الصدرية وغيرها (إذا تم امتصاصها في الفم ولم يصل شيء منها إلى الجوف )
3- ما يدخل المهبل من تحاميل ( لبوس) أو غسول ، أو منظار مهبلي ، أو إصبع للفحص الطبي .
4- إدخال المنظار أو اللولب ونحوهما إلى الرحم .
5- ما يدخل الإحليل ، أي مجرى البول الظاهر للذكر أو الأنثى ، من قسطرة ( أنبوب دقيق ) أو منظار ، أو مادة ظليلة على الأشعة ، أو دواء ، أو محلول لغسل المثانة .
6- حفر السن ، أو قلع الضرس ، أو تنظيف الأسنان ، أو السواك وفرشاة الأسنان ، إذا اجتنب ابتلاع ما ينفذ إلى الحلق .
7- المضمضة ، والغرغرة ، وبخاخ العلاج الموضعي للفم إذا اجتنب ابتلاع ما يصل إلى الحلق .
8- الحقن العلاجية الجلدية أو العضلية أو الوريدية ، (باستثناء السوائل والحقن المغذية فهذه تفطر ).
9- غاز الأكسجين .
10- غازات التخدير ( البنج ) لا تفطر إلا إذي أعطي المريض سوائل ( محاليل ) مغذية فهذه تفطر .
11- ما يدخل الجسم امتصاصاً من الجلد كالدهانات والمراهم واللصقات العلاجية الجلدية المحملة بالمواد الدوائية أو الكيميائية .
12- إدخال قسطرة ( أنبوب دقيق ) في الشرايين لتصوير أو علاج أوعية القلب أو غيره من الأعضاء .
13- إدخال منظار من خلال جدار البطن لفحص الأحشاء أو إجراء عملية جراحية عليها .
14- أخذ عينات ( خزعات ) من الكبد أو غيره من الأعضاء ما لم تكن مصحوبة بإعطاء محاليل .
15- منظار المعدة إذا لم يصاحبه إدخال سوائل ( محاليل ) أو مواد أخرى .
16- دخول أي أداة أو مواد علاجية إلى الدماغ أو النخاع الشوكي .
17- القيء غير المتعمد لا يفطر بخلاف المتعمد ( الاستقاءة ) فإنها تفطر
* لا ننكر وجود خلافات فقهية في بعض ما سبق

18/12/2018

09/04/2018

محاولة إصلاح و تعديل جزئي لبعض حالات تشوه الأسنان بدون التدخل الجراحي أو التقويمي في وقت قصير ودون إرهاق مادي.