Dr.Doaa Kids Clinic-د/ دعاء صلاح عرف

Dr.Doaa Kids Clinic-د/ دعاء صلاح عرف الزماله المصريه لطب الأطفال
مستشفى شبين الكوم التعليمي
مستشفى الهلال للتأمين الصحى

عنوانا الجديد مستوصف أبشر فوق صيدليه د تامر ندا 🩷 مواعيدي يوم السبت والأربعاء من ٦ ل ٩ مافتتاح المكان يوم الاثنين القاد...
11/10/2024

عنوانا الجديد مستوصف أبشر فوق صيدليه د تامر ندا 🩷
مواعيدي يوم السبت والأربعاء من ٦ ل ٩ م
افتتاح المكان يوم الاثنين القادم بإذن الله و في دكاتره في جميع التخصصات 🤍

مواعيد العمل بالعيادة السبت والاثنين الأربع والخميس من ٧ ل ١٠ مساءاً مستوصف د/ أحمد الشبيني بكفر الشيخ خليل رقم الحجز / ...
28/06/2024

مواعيد العمل بالعيادة
السبت والاثنين
الأربع والخميس
من ٧ ل ١٠ مساءاً
مستوصف د/ أحمد الشبيني بكفر الشيخ خليل
رقم الحجز / 01141988068

14/04/2024

كل عام وانتم بخير
بإذن الله هكون متواجده في العياده من بكرا الاثنين
المواعيد يوميا من 7 ل 10 مساءا
ما عدا يومي الجمعة والسبت
رقم الحجز 01141988068
مستوصف د/أحمد الشبيني بكفر الشيخ خليل

مع بدايه فصل الربيع بتزيد الحساسية عند الأطفال ..😱ممكن تبقي حساسية في العين أو حساسية أنف أو حساسية صدر أو حساسية جلدية ...
24/03/2024

مع بدايه فصل الربيع بتزيد الحساسية عند الأطفال ..😱
ممكن تبقي حساسية في العين أو حساسية أنف أو حساسية صدر أو حساسية جلدية

طيب إيه سبب زيادتها في فصل الربيع بالذات ؟
ده بسبب رد فعل الجهاز المناعي لأطفالنا علي حبوب اللقاح وروائح النباتات والورود والأتربة المنتشرة في الجو في الوقت ده من السنة.🌤🌪

والأعراض بتظهر بشكل أساسي في الأغشية المخاطية المبطنة للأنف وفي العين وفي الجهاز التنفسي.

🔔طيب إيه هي أعراض الحساسية الموسمية عند الأطفال أو حساسية الربيع

حساسية الأنف :🤧
غالباً على شكل عطس متكرر وسيلان شفاف من الأنف وحكة في سقف الحلق والأنف.
ممكن يبقى معاها التهاب جيوب أنفية وصداع في الجزء الأمامي من الرأس😩

حساسية العين الربيعية 👀
خصوصا في الاعمار بين خمس و عشر سنوات وممكن تكون اعراضه شديدة وممكن تكون بسيطة في شكل
حكة و وخز و تدميع غزير.🥹

حساسية الجلد :🥵
تظهر على شكل احمرار في الجلد وطفح جلدي وحكة شديدة.

حساسية الصدر:😷
بتكون في صورة كحة بتهيج في الليل مع ضيق وصعوبة تنفس.

عشان كدة لازم نعرف أهم طرق الوقاية من أمراض الربيع :

⬅️ الاهتمام بتناول الأطعمة الصحية وخصوصا التي تحوي فيتامين C والكالسيوم والأطعمة التي ترفع مناعة الطفل.🍓🍋🍊🍐

⬅️ التهوية الجيدة للمنزل.🏡

⬅️ التقليل من الخروج من المنزل وإذا اضطر الأمر ارتداء الكمامة الطبية.😷

⬅️ تنظيف وغسيل مفارش السرير والاغطية وتعريضها لأشعة الشمس وكذلك ملابس الطفل.🧼

⬅️ الابتعاد عن العطور والأتربة ودخان السجائر.🚬

⬅️ الاستحمام بانتظام وغسل اليدين باستمرار.🛁

⬅️ وأخيراً الكشف الدوري علي الأطفال بيساعد في تشخيص أمراض الحساسية مبكرا👩‍⚕
وبدء العلاج الوقائي المهم جداً في الفترة دي💊🏥
ولأن ده الموسم بتاع حساسيه الانف عند الاطفال والكبار
عشان كده وجب التنويه علي شويه نقاط مهمه :
* اي طفل في اي سن بيعاني من رشح مستمر او عطس شديد او حكة بالأنف اكتر من أسبوع ‎فدا حساسية
* مضادات الهيستامين زي الزيرتك و التليفاست والايفاستين وغيرهم هم العلاج الامثل في الحالات دي 👌
وبخاخه الانف أمان والله يا ست الكل ومش هيتعود عليها ولا حاجه
طبعا ده كله بأمر الطبيب وتحت استشارته
لازم تعرفوا ان علاج الحساسيه زي نظارة النظر كدا ..اللي بيعاني منها ميقدرش يستغني عنها ومن غيرها هيخبط في شجرة والله ..افرازات خلفيه من الانف تنزل ع صدره تقفله وهكذا
* يعني العلاج بيطول كنوع من أنواع الوقايه من شهر ل ٣ شهور
* يعني موضوع اننا نوقف البخاخه اول ما الطفل يتحسن ده ممنوع 😡
ناخد بالنا عشان نعدي الفتره دي مع أولادنا بخير أن شاء الله

حفظ الله أطفالكم جميعاً🤲🏻❤️🤲🏻
دكتوره /دعاء صلاح عرف
مستوصف د/أحمد الشبيني بكفر الشيخ خليل
مواعيد العياده يوميا من 7 ل 9 مساءا ما عدا يومي الثلاثاء والجمعه
رقم الحجز /01141988068

الرضاعه والصيام كل عام وانتم بخير ورمضان كريم 🩵 طبعا كل الأمهات بتبقي نفسها تصوم بس في نفس الوقت خايفه الصيام يأثر على ا...
10/03/2024

الرضاعه والصيام
كل عام وانتم بخير ورمضان كريم 🩵
طبعا كل الأمهات بتبقي نفسها تصوم بس في نفس الوقت خايفه الصيام يأثر على ابنها ويضره
❎ مين الأم اللي مينفعش تصوم :
* أولا امهات الاطفال اللى اصغر من ست شهور واللى طبعا معتمدين على الرضاعه كليا في نموهم وتطورهم أكيد الامهات دى لازم تكون عارفه ان ربنا إستأمنهم على الطفل ده وبالتالى مش صح إنك تصومى وإنتي المصدر الوحيد للتغذية لابنك اللى مش هيعرف يقول إنه جعان
* امهات الأطفال التواءم اللى بيرضعوا طبيعي أكيد مش هتصوم
*الأمهات اللى كان عندها اى مشكله في الرضاعة وبتحاول تظبط المشاكل دى
* والامهات اللي اللبن عندها يادوب بيخلي الطفل وزنه يزيد بالظبط
* الأمهات اللى حامل ولسه بترضع طفلها الأول أكيد مش هتصوم
* واللى عندها اي مشاكل صحية مأثره على الرضاعة
✅ طيب مين ممكن تصوم :

**الأم اللى ابنها اكبر من ٦ شهور ودخل أكل وبياكل وجبتين مشبعتين في اليوم ووزنه كويس والأم مكنش عندها اي مشاكل في الرضاعة في الحالة دى الأم هتجرب تصوم
--وتكون عارفه وزن الطفل قبل رمضان ووزنه تاني بعدها بأسبوع تقريبا
--مع عدم وجود اي علامات تدل على ان الطفل في الاسبوع ده رضاعته ما تأثرتش زي
١- ان عدد مرات البول وكميته خلال اليوم قلت
٢- أو لون البول بقي اغمق
٣- او لونه برتقالي أو إن الطفل بقي مضطرب وبيعيط أكتر من العادي بتاعه ٤-او إنه بينام كتير أووى علشان يوفر الطاقه ويقلل استهلاكه ليها في ظل عدم وجود لبن كافي
٥-أو طفل وزنه بيقل أو مش بيزيد بصورة صح
٦-او الام اللى مع الصيام والرضاعه بتشعر بارهاق شديد وعدم تحمل للصيام و اللبن عندها قل بشكل ملحوظ

خلينا فاكرين ان كل طفل حاله فردية
ولازم قبل ما نقرر نصوم نفتكر إننا بنصوم ليه و أن القاعدة دايما لا ضرر و لا ضرار
دمتم سالمين 🩷
د/ دعاء صلاح عرف
مستوصف د/ أحمد الشبيني بكفر الشيخ خليل
ت/ 01141988068
مواعيد شهر رمضان يوميا من 7 ل 9 مساءً ما عدا الثلاثاء والجمعه

رمضان كريم 🤍 كل عام وانتم بخير ❤️بإذن الله مواعيد العمل بالعياده خلال شهر رمضان / كل يوم من الساعه ٧ ل ٩ مساءً ما عدا ال...
08/03/2024

رمضان كريم 🤍
كل عام وانتم بخير ❤️
بإذن الله مواعيد العمل بالعياده خلال شهر رمضان / كل يوم من الساعه ٧ ل ٩ مساءً ما عدا الثلاثاء والجمعه
وخصم 40% على الكشف يوم الاثنين أول ايام شهر رمضان الكريم 🩵
أعاده الله علينا بالخير واليمن والبركات 🙏
مستوصف د/ أحمد الشبيني بكفر الشيخ خليل
رقم الحجز 01141988068

اتكلمنا في البوست اللي فات عن ايه هو مرض أنيميا الفول و ايه أعراضه ⛔ الاعراض دي بتظهر لو الطفل المصاب بأنيميا الفول ات...
07/03/2024


اتكلمنا في البوست اللي فات عن ايه هو مرض أنيميا الفول و ايه أعراضه

⛔ الاعراض دي بتظهر لو الطفل المصاب بأنيميا الفول اتعرض للمواد المؤكسدة،
زي تناول أطعمة تحتوي على مواد التأكسد أو بعض الأدوية زي ما هنقول دلوقتي ⬇️

🔶 ما هي قائمة الممنوعات للمصابين بأنيميا الفول؟
بعض الأطعمة بها مواد مؤكسدة ، هذه المواد تسبب ظهور أعراض أنيميا الفول ،
والطبيب الذي تتابع معه سيعطيك قائمة بالأطعمة والأدوية الممنوعة على طفلك:
1️⃣ جميع أنواع البقوليات (فول و عدس و حمص و لوبيا و فاصوليا و فول سوداني و هكذا) و أهمهم الفول الأخضر و البعد تماما حتي عن استنشاق رائحة الفول الأخضر، فإن كنت تسكن في الريف أو قريباً من مزارع الفول ابعد طفلك المصاب عنها.
2️⃣ الأطعمة التي تحتوي على فيتامين C بجرعات كبيرة مثل الليمون والبرتقال
أو الادوية التي بها فيتامين C
3️⃣ بعض المسكنات، وخافضات الحرارة مثل الأسبرين والبروفين و الدولفين
4️⃣ بعض الأدوية المضادة للقيء مثل مشتقات الفينوتيازين.
5️⃣ تناول مضادات حيوية تحتوي على مشتقات السلفا Sulfa أو السلفوناميدات مثل (ستريم) او الكلورامفينيكول
6️⃣ تناول الأدوية المضادة للملاريا التي تحتوي على مثل الكلوروكين و الكيناكرين.
7️⃣ بعض مضادات الالتهابات غير الستيرويدية
8️⃣ بعض المواد الكيميائية مثل المنثول .
9️⃣بعض الأدوية لأمراض القلب مثل الهيدرالازين
🔟 أدوية السل مثل الإيزونيازيد وأدوية تليف الكبد.

🔶 كيفية الوقاية من حدوث التكسير في الدم؟
1️⃣ الالتزام بالبعد تماماً عن قائمة الممنوعات ⬆️
2️⃣ راجع الأطعمة المقدمة لطفلك وابعدها عنه بأسلوب يناسب طفلك
3️⃣ اخبر المدرسة أو الحضانة بالقائمة الممنوعة حتى لا يقدمونها له
4️⃣ تأكد من نسبة الهيموجلوبين عند طفلك بعمل فحص دوري له.
5️⃣ في حالة تعرض طفلك لارتفاع درجات الحرارة اذهب به للطبيب المتخص فوراً
ولا تشتري أدوية له من تلقاء نفسك
6️⃣ تحدث مع طفلك عن أنيميا الفول واشرح له بالصور التوضيحية المُيَسَرة للأطفال،
وعند وصول طفلك لسن مناسب تحدث معه عن أنيميا الفول وضرورة الابتعاد
عن الأشياء الممنوعة.
7️⃣ حبب طفلك في الطعام الذي يتناوله بطريقة تناسبه.
8️⃣ إن كان أحد أفراد العائلة مصاباً بأنيميا الفول، في هذه الحالة قم بأخذ عينة من
دم طفلك وهو رضيعاً للتأكد من عدم إصابته.
9️⃣ إذا عرضت طفلك علي طبيب لأول مرة أخبريه بإصابة ابنك بأنيميا الفول لتجنب وصف الممنوعات من الأدوية و ذكري طبيبك في كل زيارة بذلك (جل من لا يسهو)
🔟 لو عندك تاريخ مرضي في العيله لأنيميا الفول
خاله او أبناء خاله او خالته الولاد
اخري دخول الفول لبعد السنه
ويفضل نعمل تحليل انزيم ال G6PD عشان نتأكد أن الطفل سليم
🔶 ما هي بدائل الأطعمة الممنوعة عن الطفل المصاب؟
بدائل البقوليات هي الأسماك و اللحوم الحمراء و الدواجن و المشروم أو عيش الغراب و الألبان وبياض البيض.

❤️ في النهاية إصابة الأطفال بأعراض أنيميا الفول ليس نهاية العالم
و لكنه أمر بسيط يمكن تخطيه بالابتعاد عن قائمة الممنوعات
والالتزام بنصائح الوقاية والعلاج
🔶 لو استفدت من البوست اعمل شير لتعم الفائدة 🌷

❤️ إن شاء الله دايما مع بعض من أجل صحة أفضل لأولادنا

دكتوره / دعاء صلاح عرف
مستوصف د/ أحمد الشبيني بكفر الشيخ خليل
01141988068

مره واحده ابنك اغمي عليه ولونه اصفر جريتي بيه ع المستشفي لقيتي عنده انيميا شديده واتشخص انيميا فول 🤷 وبما أن ده موسم الف...
06/03/2024

مره واحده ابنك اغمي عليه ولونه اصفر جريتي بيه ع المستشفي لقيتي عنده انيميا شديده واتشخص انيميا فول 🤷
وبما أن ده موسم الفول الاخضر الحراتي
تعالوا نعرف ايه هي انيميا الفول عند الاطفال 🤔🤷
انيميا الفول مرض وراثي بيعمل تكسير في كرات الدم الحمراء و بيتنقل من الوالدين للأبناء و غالبا بيصيب الأطفال الذكور
و تظهر الأعراض لما الطفل بياكل بعض الاطعمه اللي من أهمها الفول

👈اعراض انيميا الفول:
بتظهر في حالة تكسير كرات الدم الحمراء في صورة 👇🏻
1️⃣شحوب بالجلد.
2️⃣تغيير لون الجلد وبياض العينين للون الأصفر.
3️⃣تغيير لون البول للأصفر الداكن او الأحمر
4️⃣ الإرهاق الشديد والصداع.
5️⃣زيادة ضربات القلب ومعدل التنفس.
6️⃣ ممكن حدوث ارتفاع درجات الحرارة.

بيتم تشخيص المرض من خلال إجراء بعض تحاليل الدم و قياس نسبة الإنزيم المسبب لانيميا الفول "G6PD".

👈العلاج:
⬅️بيعتمد العلاج في المقام الأول على تجنب أنواع الطعام والأدوية التي تحفز حدوث تكسير في كرات الدم الحمراء وظهور أعراض المرض.
⬅️يمكن وصف مكملات الحديد و حمض الفوليك في بعض الحالات.
⬅️يحتاج الطفل للحجز بالمستشفى في حالة حدوث انيميا حادة و تكسير شديد في كرات الدم الحمراء .. و العلاج بيكون عبارة عن نقل الدم للطفل.

تابعونا في البوست الجاي عشان تعرفوا ايه هي الاطعمه الممنوعه في أنيميا الفول

💚💚دمتم بصحه وسعاده💚💚

د/ دعاء صلاح عرف
مواعيد العياده كل يوم من ٥ ل ٨ مساءا ماعدا الثلاثاء والجمعه
مستوصف د/ أحمد الشبيني بكفر الشيخ خليل
01141988068

١٠ حاجات الطفل محتاجها، تعالوا نشوف جبنا كام من ١٠ 😊😅🙈١. يتعرض للشمس (بعد ما يتم ٦ شهور)٢. يتساب يلعب براحته فى بيئه آمن...
03/03/2024

١٠ حاجات الطفل محتاجها، تعالوا نشوف جبنا كام من ١٠
😊😅🙈
١. يتعرض للشمس (بعد ما يتم ٦ شهور)

٢. يتساب يلعب براحته فى بيئه آمنه، لعب تخيلى

٣. يتحضن🤗

٤. يلاقى كتف يعيط عليه و ودان مستعده تسمعه

٥. يخرج فى الطبيعه من آن لآخر...يشوف شجر...بحر...حيوانات...يشوف عالم حقيقى بره الشاشات

٦. روتين يومى و بعض الثوابت اليوميه

٧. محتاج يسمع انه كويس...و كويس فى إيه

٨. بيئه هاديه و امان

٩. يضحك...الطفل محتاج يضحك...و احنا كمان و الله🙈

١٠. نلعب معاه فى بعض الأحيان...نسيب تليفوناتنا و ننزل ع الارض و نكتشفهم بدون احكام او نية للتوجيه

الهدف مش السباق...الهدف نحاول نفتكر....و ربنا يقوينا كلنا بجد

#منقول

02/03/2024

مواعيد العمل بالعياده خلال شهر مارس لحد بدايه رمضان بإذن الله 🩵
كل يوم من 5 م ل 8 م ماعدا الثلاثاء والجمعه
ومواعيد شهر رمضان هنعلن عنها قبلها بإذن الله
كل عام و انتم بخير ❤️

Address

مستوصف ( أبشر ) فوق صيدلية د. تامر ندا
Shebin Al-Kom
كفرالبتانونوكفرالشيخخليل

Telephone

+201141988068

Website

Alerts

Be the first to know and let us send you an email when Dr.Doaa Kids Clinic-د/ دعاء صلاح عرف posts news and promotions. Your email address will not be used for any other purpose, and you can unsubscribe at any time.

Shortcuts

Share

Category