What are the opening hours?

Monday 6pm - 11pm Tuesday 6pm - 11pm Thursday 6pm - 11pm Friday 6pm - 11pm Sunday 6pm - 11pm

https://www.facebook.com/367759976417725/

عيادة/د.محمد فتحي عيسى لطب الاطفال وحديثي الولاده

Home
Egypt
Shebin al-Kom
عيادة/د.محمد فتحي عيسى لطب الاطفال وحديثي الولاده

Contact information, map and directions, contact form, opening hours, services, ratings, photos, videos and announcements from عيادة/د.محمد فتحي عيسى لطب الاطفال وحديثي الولاده, Doctor, شنوان،الناحية البحريه، امام صيدلية د. ندا القديمه, Shebin al-Kom.

ماجستير طب الاطفال جامعة المنوفيه .

⬅️مستشفى القصر التعليمي بشبين الكوم.

⬅️كايرو كلينيك المهندسين
يومي الثلاثاء والاربعاء

⬅️عيادة شنوان يوميا من ٦ ل ١٠
ماعدا الثلاثاء والاربعاء
بجوارمضيفة الرحمه أمام صيدلية د.ندا القديمه.

05/07/2025

"ازاي تقوي مناعة ابنك؟ 💪🍊"

🧒👧 ابنك بيعيي كتير؟ كل شوية برد وسخونية؟
يبقى محتاج نقوي مناعته من غير ما نعتمد على مضاد حيوي كل مره! 💊❌

🌟 أهم 6 حاجات تقوي مناعة الطفل:

1. الأكل الصحي = خط الدفاع الأول 🍽️
خضار، فاكهة، بروتين، زبادي.. كل دول بيزودوا الفيتامينات والمعادن اللي المناعة محتاجاها.

2. النوم الكفاية 😴
الطفل لازم ينام من 9 لـ 11 ساعة حسب سنه. قلة النوم بتضعف الجسم وتخليه عُرضة لأي فيروس.

3. الحركة واللعب = مناعة أقوى 🏃‍♂️🏃‍♀️
اللعب مش رفاهية.. ده مهم لجسمه ونفسيته ومناعته كمان!

4. التطعيمات في مواعيدها 💉
مش بس الإجباري.. في تطعيمات إضافية كمان بننصح بيها حسب كل حالة ، ودي هنبقى نتكلم عنها ف بوست لوحدها .

5. تقليل السكر والمعلبات 🍭❌
السكريات الكتير بتقلل المناعة وتغذي البكتيريا الضارة في الجسم.

6. أشعة الشمس وفيتامين د ☀️
شمس الصبح مهمة جدًا.. ولو مفيش، ممكن نحتاج مكمل فيتامين D بعد استشارة الدكتور.

🎯 لو ابنك دايمًا بيعيي أو بياخد مضادات كتير، احجز استشارة ونتابع مع بعض خطة تقوية مناعته من الأساس.

03/07/2025

👩‍🍼 "يا دكتور ابني بقاله يومين سخن ومش بيبلع ولا لقمة، ولقيت في بقه تقرحات! وطلع له حبوب في إيده ورجله! أنا اتخضّيت!"

👨‍⚕️ "اهدي يا ماما، ده فيروس اسمه متلازمة اليد والفم والقدم، وبيحب الأطفال الصغيرين!"

😅 شكله مرعب بس هو في الغالب بسيط
⚠️ بييجي فجأة ويسيب الطفل تعبان شوية

🔥 أعراضه:
حرارة
تقرحات مؤلمة في الفم
طفح على الكفين وباطن الرجل (وأحيانًا في منطقة الحفاضة كمان)

📆 غالبًا بيخف لوحده في ٧-١٠ أيام
وكل اللي نعمله:
💧 سوائل كتير
🧊 أكل بارد وطري
🛏 راحة
💊 خافض حرارة

❌ ممنوع يروح الحضانة أو يتعامل مع أطفال تانيين وهو لسه معدي!

🧼 والوقاية؟ غسيل الإيدين ثم غسيل الإيدين… ثم غسيل الإيدين تاني 🙌

25/06/2025

كتير من الامهات بيسألوا لو الطفل عنده الجدري المائي (Chickenpox)
"هل ينفع أحمّيه؟ ولا لأ؟"
الجواب ببساطة: أيوه، ينفع... بس بشروط!
✅ إمتى ينفع نحمّي الطفل؟
• لو حالته العامة كويسة (مافيش حرارة عالية أو تعب شديد).
• لو بنحمّيه بلُطف ومن غير فرك للبثور.
• لو استخدمنا مياه فاترة مش سخنة، عشان ما تزودش الحكة.
• ممنوع الصابون العادي على البثور... ممكن نستخدم غسول طبي لطيف أو شوية نشا في الميه.
🛁 فوائد الاستحمام:
• بيرطّب الجلد ويقلل الحكة.
• بينضف الجسم وبيقلل احتمالية العدوى البكتيرية.
• بيريّح الطفل وبيساعده ينام أحسن.

🧴 بعد الحمام:
• استخدمي مرهم أو لوشن مهدئ للحكة (زي الكالامين لوشن).
• قصّي ضوافر الطفل علشان ما يحكش جامد.
• لو الحكة شديدة ممكن الدكتور يوصف مضاد هيستامين خفيف (حسب السن والوزن).
⚠️ ممنوعات:
• ممنوع استخدام اللوف أو الإسفنج.
• ممنوع الاستحمام بمياه ساخنة أو في الشمس.
• ممنوع الحكة أو فرق الحبوب.
• ممنوع مشاركة الفوط أو الملابس مع أي حد تاني.

23/06/2025

👶 هو أنا ابني عنده صفرا ولا لأ؟🤔
من أكتر الأسئلة اللي بتوصلنا من الأمهات أول أسبوع بعد الولادة 🙋‍♀️
الصفرا شائعة جدًا بين حديثي الولادة، لكن إمتى تبقي طبيعية؟ وإمتى نخاف؟

👶 تعالوا الاول نعرف يعني إيه الصفرا وازاي بتحصل ؟
الصفرا بتحصل لما نسبة مادة اسمها "البيليروبين" تعلى في دم الطفل. المادة دي بتنتج من تكسير كرات الدم الحمراء، والكبد بيخلّص الجسم منها.
بس عند حديثي الولادة، الكبد لسه مش ناضج كفاية، فبيحصل تراكم مؤقت.

📌 علامات ممكن تبينلك إن البيبي عنده صفرا:
🔸 إصفرار لون الجلد أو العينين
خدي بالك لو وشه أو بياض عنيه بدأوا يصفرّوا، خاصة من اليوم التاني بعد الولادة.

🔸 الإصفرار بيزيد لتحت؟
يعني بدأ من الوجه ونزل للصدر والبطن، وبعدها للرجلين؟ ده معناه إن النسبة بتزيد!

🔸 البيبي نايم طول الوقت؟
نومه كتير جدًا ومش بيرضع كويس؟ الصفرا ساعات بتخلي الطفل خامد ومش بيصحى للرضعة.

🔸 الرضاعة ضعيفة؟
قلة الرضاعة ممكن تزود الصفرا، وممكن كمان تكون علامة إنها زادت فعلًا.

🔸 لون البول أو البراز اتغير؟
لو البول غامق جدًا أو البراز فاتح بشكل غير طبيعي، لازم نطمن.

⚠️ طيب نعمل إيه؟
ماينفعش نعتمد على شكل الطفل بس، لازم تحليل نسبة الصفرا في الدم علشان نعرف إذا كانت محتاجة علاج ولا لأ.

💬 الصفرا ليها أنواع، وكل نوع ليه تعامل مختلف،
🟡 طيب ايه هي أنواع الصفرا🤔‼️
📍صفرا فسيولوجية (طبيعية)
▪️ بتبدأ بعد يومين أو ٣ من الولادة.
▪️ بتوصل لأعلى نسبة في اليوم الرابع أو الخامس.
▪️ بتختفي خلال أسبوعين بدون علاج في أغلب الحالات.
▪️ بتحصل في معظم الأطفال وبتكون خفيفة
▪️أكثر من 60% من الأطفال الطبيعيين بيجلهم
▪️بس لازم نتابع عشان نتأكد

📍صفرا مرضية (خطر)→ 🚫لازم نقلق!
▪️ بتظهر خلال أول ٢٤ ساعة من الولادة.
▪️ أو لو النسبة بتزيد بسرعة جدًا.
▪️ أو بتستمر أكتر من ٣ أسابيع.
▪️ ساعات بتكون بسبب اختلاف فصيلة الدم بين الأم والطفل (ABO أو Rh incompatibility)
▪️او بسبب أنيميا انحلالية (Hemolytic anemia)
▪️او عدوى داخل الرحم أو بعد الولادة أو عدوى، أو مشاكل في الكبد.

📍مستمرة بعد 3 أسابيع → صفرا ممتدة
– عند الرضع اللي بيرضعوا طبيعي (breast milk jaundice)
– أو نتيجة مشاكل في الكبد أو القنوات الصفراوية (زي "رُتق القناة الصفراوية" – biliary atresia

📊 نقيس الصفرا إزاي؟
ماينفعش نعتمد على العين بس!
لازم نعمل تحليل دم اسمه Total & Direct Bilirubin علشان نعرف النسبة بدقة.

🩺 العلاج بيكون إزاي؟
• ✅ لو النسبة بسيطة:
– رضاعة كتير جدًا (كل ساعتين)
– متابعة مستمرة للنسبة
• 💡 لو النسبة عالية:
– علاج ضوئي (تحط الطفل تحت لمبة معينة في الحضّانة)
– في حالات نادرة جدًا: تغيير دم

⚠️⚠️ مضاعفات خطيرة لو أهملنا الصفرا:
لو النسبة زادت جدًا وما اتعالجتش، ممكن تسبب:
▪️ ضرر دائم في المخ (حاجة اسمها kernicterus)
▪️ تأخر في النمو أو السمع
🧪 تحاليل الصفرا المهمة
• Total Bilirubin – النسبة الكلية
• Direct Bilirubin – الجزء المرتبط، اللي بيتحلل بالكبد
• Indirect Bilirubin – الجزء الحر، اللي ما وصلش للكبد
• أحيانًا تحاليل فصيلة الدم، وظائف كبد، صورة دم كاملة

🔆 العلاج الضوئي Phototherapy
أشهر علاج وأول خطوة:
• بيحول البيليروبين لشكل سهل يخرج في البول
• الطفل بيتحط تحت لمبة معينة بدون لبس، بعينين مغطّيين
• آمن جدًا وفعّال في أكتر الحالات

💉 تغيير الدم Exchange Transfusion
يستخدم فقط في الحالات الشديدة جدًا:
• لو الصفرا بتوصل لمستوى يهدد المخ
• بيتم سحب دم الطفل بالتدريج وضخ دم جديد

❗️متى الصفرا تكون خطر على المخ؟
📢لو زادت النسبة عن:
• 20 ملجم/ديسيلتر في طفل مولود كامل
• أو 15 ملجم/ديسيلتر في طفل خدّيج (مولود قبل الأسبوع 37)
ده ممكن يسبب: 🔺 kernicterus → ضرر دائم في الدماغ، شلل دماغي، تأخر عقلي

✅ نصائح مهمة لكل أم:
🔹 رضاعة طبيعية كل 2-3 ساعات عشان تسرّع خروج البيليروبين
🔹 متابعة الصفرا بالأرقام مش بالعين بس
🔹 متتأخريش في التحاليل أو الكشف
🔹 متستغنيش عن الحضّانة لو الدكتور قال ضروري

16/06/2025

:
💡 إيه هو التهاب الأذن الوسطى⁉️
هو التهاب بيصيب الجزء اللي ورا طبلة الأذن، وغالبًا بيجي بعد دور برد أو إنفلونزا، لأن القناة اللي بتربط بين الأذن والأنف (قناة استاكيوس) ممكن تسد، فيتجمع سائل ورا الطبلة ويعمل التهاب.

👶 ليه بيحصل أكتر للأطفال🤔‼️
• قناة استاكيوس عندهم أصغر وأقصر
• مناعتهم لسه بتتكوّن
• بيقضوا وقت طويل نايمين على ضهرهم أو بيرضعوا وهما نايمين، وده بيزود فرص دخول الرشح للأذن
• اللحمية الكبيرة (اللوز الخلفية) ممكن تضغط على قناة استاكيوس وتسدها

🔍 الأعراض بالتفصيل:⤵️
⬅️ألم مفاجئ في الأذن (خصوصًا بالليل)
⬅️شد الطفل لودنه أو ضربها
⬅️صعوبة في النوم
⬅️بكاء شديد ومفاجئ
⬅️سخونية (أحيانًا توصل لـ 39 أو أكتر)
⬅️ضعف سمع مؤقت (مايسمعش كويس أو مابيستجيبش للصوت)
⬅️سيلان من الأذن (لو الطبلة انفجرت بسبب الضغط)
⬅️فقدان الشهية أو رفض الرضاعة (البلع بيوجع الأذن)

🩺 إمتى لازم أروح للدكتور فورًا🏃‍♂️؟
• لو الطفل👶 أقل من 6 شهور وحرارته عالية
• لو الأعراض استمرت أكتر من يومين
• لو فيه سيلان من الأذن
• لو الطفل مش بيسمع كويس👂
• لو الالتهابات بتتكرر أكتر من 3 مرات في 6 شهور

💊 العلاج:
• مسكنات للألم والسخونية: زي الباراسيتامول أو الإيبوبروفين حسب وزن الطفل
• مضاد حيوي: لو الحالة شديدة أو مش اتحسّنت بعد يومين
• نقط أذن: أحيانًا لتخفيف الألم (لو الطبلة سليمة)
• أنابيب تهوية (Grommets): في الحالات المتكررة أو لو فيه سائل مزمن ورا الطبلة

⚠️⚠️اوعي تعملي كده🤚:
🚫 ما تحطيش زيت، ثوم، أو أي وصفات شعبية❌️
🚫 ما تستخدميش مضاد حيوي من نفسك❌️
🚫 ما تتأخريش في الكشف لو الطفل عنده سخونية أو وجع شديد❌️

🛡️ الوقاية:
• رضاعة طبيعية بتقوي المناعة
• إبعاد الطفل عن التدخين السلبي 🚭
• مايرضعش وهو نايم
• علاج اللحمية لو مسببة مشاكل
• تطعيم الإنفلونزا والروتا يقللوا فرص الالتهاب

11/06/2025

"ابني بيعيّط لو حطيتله خضار في الطبق! وكل يوم بيطلب رز ومكرونة وبس!"
مش لوحدك... ٩٠٪ من الأمهات عايشين نفس الموقف، وده طبيعي جدًا عند الأطفال من سن سنة لـ ٣ سنين.

📌 ليه الطفل بيبقى انتقائي في الأكل؟
• لأن حاسة التذوق عنده لسه بتتكوّن.
• بيحب يثبت استقلاله: "أنا اللي أختار!"
• أوقات بيخاف من الجديد: "الأكل ده شكله غريب = خطر" (اسمها: neophobia)
• وكتير منهم بياخدوا كفايتهم من كمية قليلة، وده طبيعي لو بينمو كويس.

📌 طب نعمل إيه؟ (نصايح عملية):
• 🥗 نقدّم الأكل بشكل مغري:
نفس الأكلة لو اتقدمت بألوان، أو بشكل لعب، الطفل ممكن يجرّبها.
• 👀 نخلّي الطفل يشوفنا بناكل الأكل ده:
الطفل بيقلد، مش بيسمع نصايح! لو شافك بتاكلي خضار ومبسوطة، هيبقى عنده فضول يجرب.
• 🧑‍🍳 يشارك في التحضير:
حتى لو بيغسل طماطماية، مشاركته بتحسّسه إن الأكل لعبته، مش عقاب!
• 🕒 نثبت مواعيد الأكل:
وجود نظام بيساعد جسمه ينظّم الجوع والشبع. الكحك والبسكويت طول اليوم بيبوّظ الشهية.
• 🚫 نبطّل التهديد والمقارنة:
جُمل زي: "كل علشان أحبك" أو "بُص ابن خالتك بيأكل"، بتزود عنده الرفض أكتر.

❗ امتى نقلق؟
لو الطفل:
• وزنه بيقل بشكل مستمر
• بيرفض كل أنواع الأكل حتى اللي بيحبها
• بيبلع بصعوبة أو بيرجع
يبقى لازم تقييم عند الدكتور .
💬 وخدوا دي مننا:
طفلك مش عنيد، هو بس صغير ولسه بيتعلم يحب الأكل.
المفتاح؟ صبر... محاولات... من غير ضغط.

24/04/2025

كحه بالليل؟ ومفيش حراره؟
ده ممكن يكون من الارتجاع أو حساسيه مش برد.
ارفعي راس الطفل شويه وقت النوم ، وابعديه عن الروائح القويه.
ولو الكحه استمرت...الأفضل نعرف السبب ونتعامل معاها بهدوء

23/04/2025

مهما كانت درجة الحرارة عالية اليومين دول، ماينفعش نخفف اللبس قوي للأطفال فجأة!

الجسم لسه متعود على جو بارد، وأي تخفيف زيادة ممكن يعرض الطفل لنزلات برد أو حرارة مفاجئة، خصوصًا إن درجات الحرارة هترجع تنزل تاني.

خلي اللبس خفيف نسبيًا بس فيه طبقة تقدرِي تشيليها أو تلبسيها حسب الجو.

دمتم واطفالكم بصحه وعافيه.

17/04/2025

"ابني بيسنن ودرجة حرارته 39! طبيعي؟ ولا في حاجة غلط؟"

ناس كتير بتربط التسنين بالسخونة العالية، لكن هل فعلاً ده طبيعي؟
اللي لازم نعرفه:

✅ التسنين ممكن يسبب:

✔️حرارة خفيفة 🤒(تكون أقل من 38 درجة)
✔️زعل بسيط في المزاج😧
✔️رغبة في العض😬
✔️زيادة في إفراز اللعاب🤤
✔️قلة في الشهية😷

❌ لكن حرارة 39 أو أكتر؟ ده غالباً مش من التسنين!
وده ممكن يكون بسبب:

✔️التهاب في الحلق
✔️نزلة برد
✔️التهاب أذن
✔️أو أي عدوى تانية🤷

ابعتلنا في الكومنتات:
– حصل معاك قبل كده إن ابنك جاله سخونية أثناء التسنين؟
– كانت كام درجة وعملتوا إيه؟

✅✅لو الحرارة زادت عن 38.5 أو استمرت أكتر من يومين، لازم نطمن ونتأكد مع الدكتور.
--------------------------------------------------------------------------------------------------------------

د/ محمد فتحي عيسى – اخصائي طب الأطفال وحديثي الولاده.

للحجز : 01558600394

واتساب: 010 21929611

📝المواعيد :

◀️عيادة شنوان : يوميا من ٦ ل ١٠ ما عدا الثلاثاء والاربعاء
العنوان : شنوان بجوار مضيفة الرحمه أمام صيدلية د.ندا القديمه.

◀️كايرو كلينيك المهندسين: الثلاثاء والاربعاء.

15/04/2025

: ليه ميصحش العسل قبل سن السنه🤔⁉️
أمهات كتير بتحب تدي الطفل عسل🍯 لانه "طبيعي"

⚠️بس هل تعرفي ان العسل ممكن يسبب تسمم خطير قبل سن السنه ؟
وده لان جهاز مناعة الطفل بيكون لسه مش جاهز لمواجهة البكتيريا اللي بتبقى في العسل ، خصوصا "الكلوستريديم بوتيولينيوم"🦠

عشان كده :
العسل =بعد السنه الأولى فقط!✅✅
___________________________________________________________
عيادة/د.محمد فتحي عيسى
اخصائي طب الاطفال وحديثي الولاده مستشفى القصر التعليمي شبين الكوم

مواعيد العيادات

⬅️عيادة شنوان : يوميا من ٦ ل ١٠ ما عدا الثلاثاء والاربعاء
العنوان : الناحيه البحريه-بجوار مضيفة الرحمه-مول المختار -أمام صيدلية د.ندا القديمه.

⬅️كايرو كلينيك المهندسين : الثلاثاء والاربعاء

☎️للحجز : 01558600394
010 21929611

01/03/2025

كل عام وأنتم بخير بمناسبة شهر رمضان المبارك! 🌙✨
جعله الله شهر رحمة ومغفرة لكم ولأحبابكم، وكتب لكم فيه القبول والرضا🙏🏻💖

📢مواعيد العياده يوميا من الساعه ٧ ونصف بعد صلاة العشاء وحتى انتهاء الحالات.

🌙رمضانكم مبارك، وأيامكم عامرة بالطاعات! 💖

#د.محمد فتحي عيسى.
اخصائي طب الاطفال وحديثي الولاده
مستشفي شبين الكوم التعليمي.

📌العنوان : شنوان بجوار مضيفة الرحمه -المول الجديد- امام صيدلية د.ندا القديمه.

📞للحجز : 01558600394

20/02/2025

📢 فوائد الرضاعة الطبيعية للطفل 🍼💙
الرضاعة الطبيعية هي أفضل بداية لحياة صحية لطفلك، لأنها تحتوي على كل العناصر الغذائية اللي يحتاجها جسمه، بالإضافة إلى الحماية الطبيعية من الأمراض.
تعالي نتعرف على أهم الفوائد!

⬅️⬅️ تقوية مناعة الطفل🦠
لبن الأم غني بالأجسام المضادة (Antibodies)، اللي بتحمي الطفل من العدوى والأمراض مثل:
✅ نزلات البرد والإنفلونزا.
✅ التهابات الأذن والحلق.
✅ الإسهال والتهابات المعدة.
✅ الالتهابات الصدرية مثل الالتهاب الرئوي.

⬅️⬅️ تحسين النمو العقلي والإدراكي🧠
🔹 الرضاعة الطبيعية بتساعد على تطور الدماغ بشكل صحي، وده بسبب احتوائها على دهون صحية (مثل DHA) اللي بتقوي الذاكرة والتركيز.
🔹 الأطفال اللي بيرضعوا طبيعي بيكون عندهم معدل ذكاء أعلى وفقًا للدراسات العلمية.

⬅️⬅️ سهولة الهضم وتقليل المغص🌿
🔹 لبن الأم خفيف على معدة الطفل وسهل الهضم مقارنةً بالحليب الصناعي.
🔹 يقلل من المغص، الانتفاخ، والإمساك، وبيساعد على تكوين بكتيريا نافعة تحمي الجهاز الهضمي.

⬅️⬅️ تعزيز الصحة النفسية والعاطفية
🔹 الرضاعة الطبيعية بتدي الطفل إحساس بالأمان والراحة النفسية بسبب التلامس الجسدي بينه وبين أمه.
🔹 بتساعد على تقوية العلاقة العاطفية بين الأم والطفل، وبتخليه يحس بالحب والدفء.

⬅️⬅️ دعم النمو الجسدي والوزن الصحي
🔹 لبن الأم متوازن تمامًا لتلبية احتياجات الطفل في كل مرحلة من عمره، وبيساعده على النمو بشكل صحي.
🔹 يقلل من خطر السمنة في المستقبل لأنه يحتوي على كميات مناسبة من الدهون والبروتينات.

⬅️⬅️تقليل خطر الأمراض المزمنة في المستقبل🛡️
الرضاعة الطبيعية بتقلل من خطر إصابة الطفل ببعض الأمراض المزمنة لما يكبر، زي:
✅ السكري من النوع الثاني.
✅ الحساسية والربو.
✅ أمراض القلب والسمنة.

⬅️⬅️تحسين صحة الفم والأسنان🦷
🔹 الرضاعة الطبيعية بتساعد في تطور الفك والأسنان بشكل صحي.
🔹 تقلل من خطر الإصابة بتسوس الأسنان ومشاكل العضّ عند الأطفال
⬅️⬅️ تقليل خطر متلازمة موت الرضع المفاجئ (SIDS)💡
🔹 الأبحاث أثبتت إن الأطفال اللي بيرضعوا طبيعي عندهم معدل وفيات أقل بسبب متلازمة الموت المفاجئ للرضع مقارنةً بالأطفال اللي بيرضعوا صناعي.
🤱 الرضاعة الطبيعية هي هدية حياتك لطفلك!
كل نقطة لبن من الأم فيها عناصر غذائية ومناعية بتساعد على بناء جسم قوي وصحي. علشان كده، حاولي تستمري في الرضاعة الطبيعية أول 6 شهور على الأقل، وبعدها كمصدر غذائي أساسي مع الأطعمة الصلبة لحد سنتين.

⬅️⬅️نصائح لتسهيل الرضاعة الطبيعية:
🔹 ارضعي طفلك خلال الساعة الأولى بعد الولادة لتقوية مناعته.
🔹 كلي أكل صحي واشربي مياه كتير للحفاظ على إنتاج اللبن.
🔹 نامي كويس وارتاحي علشان جسمك يقدر يفرز اللبن بكفاية.
🔹 لو عندك أي صعوبة، استشيري دكتور الأطفال أو استشاري رضاعة طبيعية.
📍 في عيادتنا، بنساعد كل أم علشان تخوض رحلة رضاعة ناجحة وصحية لطفلها. لو عندك أي استفسار، إحنا هنا علشانك! 🤗

ــــــــــــــــــــــــــــــــــــــــــــــــــــــــــــــ
عيادة/د محمد فتحي عيسى.
اخصائي طب الاطفال وحديثي الولاده بمستشفي القصر التعليمي بشبين الكوم.

📌العنوان : شنوان الناحيه البحريه بجوار مضيفة الرحمه المول الجديد امام صيدلية د.ندا القديمه.

🗓️المواعيد : يوميا من ٥ ل ٩ .

☎️للحجز : 01558600394
010 21929611

Address

شنوان،الناحية البحريه، امام صيدلية د. ندا القديمه
Shebin Al-Kom

Opening Hours

Monday	6pm - 11pm
Tuesday	6pm - 11pm
Thursday	6pm - 11pm
Friday	6pm - 11pm
Sunday	6pm - 11pm

Telephone

+201558600394

Website

facebook.com

Alerts

Be the first to know and let us send you an email when عيادة/د.محمد فتحي عيسى لطب الاطفال وحديثي الولاده posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to عيادة/د.محمد فتحي عيسى لطب الاطفال وحديثي الولاده: