Capsulative WHY NOT

Capsulative WHY NOT صفحة تابعة لأسرة Why Not بكلية الصيدلة جامعة المنوفية

لما تصوم وتلاقى الصداع ماسك فيك زى الدائن اللى مستنى فلوسه اعرف ان السبب واحد من دول👇🏻 سكر الدم نازل 📉: جسمك بيقولك "فين...
27/03/2025

لما تصوم وتلاقى الصداع ماسك فيك زى الدائن اللى مستنى فلوسه اعرف ان السبب واحد من دول👇🏻

سكر الدم نازل 📉: جسمك بيقولك "فين العصير يا نجم؟" 🍹

انسحاب الكافيين ☕: لو كنت مدمن قهوة او شاى زيى كده، فمخك بيطالب بحقه كمواطن 😵‍💫

الجفاف 💧: اشرب ميه كفاية، مش كل السوائل عصاير وقهوة وشاى بس! 😆

قلة النوم 😴: النوم متلخبط؟ مخك بيحاول يفهم هو في يوم إيه أصلاً! 💤

التوتر 🤯: طبيعي لما تفتكر إن لسه 5 ساعات على الفطار! 🍽️😩

💡 الحل؟

كل كويس في السحور والإفطار 🍛

قلّل القهوة والشاى بالتدريج قبل رمضان ☕🚫

اشرب مية كتير من المغرب للفجر 💦

نام بدرى شوية (أيوة عارفة إنها مستحيلة! 😂)

ولو الصداع مستمر... يبقى استحمل، كله في سبيل "السمبوسك " في الفطار! 🥟😜
(سمبوسك مش سمبوسة 😉)


25/03/2025

"رمضان كريم، والنقرس أليم! 🦶🔥"

يا جماعة الخير، عارفين إن الحلويات الرمضانية لذيذة وبتشد، بس لأصحاب النقرس، الحاجات دي زي البنزين عالنار! 🚨🍰 الكنافة، القطايف، والتمر والعصاير بكميات كبيرة بتزود نسببه الفركتوز في الدم، وده يخلّي اليوريك أسيد يعلى، والنقرس يصحى على ضرب نار في المفاصل! 💥

طب والحل: 🔍 نخفّف من السكريات، نشرب مياه كتيير ناخد حاجات فيها فيتامين سي 🍊🍋 ويسلام لو عملنا شويه رياضه🏃 عشان تصوموا براحة وتفطروا بدون وجع! 🥤✨

17/03/2025

بعد يوم طويل من الصيام ،كلنا بنقعد نفطر بشهية مفتوحة ورغبة في تعويض اللي فاتنا 🤦🏼‍♀️
لكن بعد اما بنخلص اكل علي طول بنحس اننا تقلنا وعايزين ننام😂

سألت نفسك قبل كدا ليه احنا بنحس بالتخمة بعد الفطار خاصة في رمضان 🧐

💟 الشعور بالتخمة بعد الأكل، خاصة في رمضان بعد الفطار، بيكون لعدة اسباب :

♡1.تناول كميات كبيرة من الطعام بسرعة: بعد الصيام لساعات طويلة، يشعر الشخص بالجوع الشديد، مما يدفعه لتناول كميات كبيرة من الطعام في وقت قصير قبل أن تصل إشارات الشبع من المعدة إلى المخ.

♡2. تناول أطعمة دسمة ومليئة بالدهون: الأكلات الرمضانية غالبًا ما تكون غنية بالدهون والسكر، مثل الأطعمة المقلية والحلويات التي يصعب علي المعدة هضمها ، مما يزيد من الشعور بالامتلاء والتخمة.

♡3. شرب كميات كبيرة من الماء أو العصائر أثناء الأكل: يؤدي ذلك إلى تمدد المعدة وزيادة الضغط على الجهاز الهضمي، مما يسبب الشعور بالانتفاخ.

♡4. عدم تحضير المعدة تدريجيًا للطعام: بعد ساعات طويلة من الصيام، يحتاج الجهاز الهضمي إلى وقت ليعمل بكفاءة، لذا فإن البدء بالأطعمة الثقيلة مباشرة يسبب التخمة وعسر الهضم.

♡5. قلة الحركة بعد الأكل: الجلوس أو النوم بعد الإفطار مباشرة يبطئ عملية الهضم ويزيد الشعور بالامتلاء.

♡6.زيادة افراز بعض الهرمونات مثل (Serotonin and melatonin) بعد تناول بعض الاطعمة مثل الألبان، البيض ،والاسماك الغنية بحمض Tryptophan هذه الهرمونات تساعد علي الاسترخاء وتسبب الشعور بالنعاس بعد الأكل.

♡7.اضطرابات النوم في رمضان
التغير في مواعيد النوم والسهر لساعات طويلة يؤثر علي عملية الهضم ، مما يزيد من الشعور بالخمول بعد تناول الطعام .

♡8.هناك بعض المشاكل الصحية
في بعض الحالات قد يكون الشعور المستمر بالتخمة مرطبة بأمراض مثل السكر ، فقر الدم ،اضطرابات الغده الدرقية ،أو متلازمة القولون العصبي .

♡9.كذلك بعض الأدوية التي تتناول بعض الافطار يمكنها ان تسبب الشعور بالنوم كأثر جانبي لها.

♡10.كذلك تقلبات نسبة السكر في الدم :بعد تناول وجبة غنية بالسعرات الحرارية والسكريات ،يرتفع مستوي السكر في الدم بشكل سريع ،ثم ينخفض بشكل سريع ،مما يؤدي الي الشعور بالتعب والخمول .

زمانك دلوقت بتقول ياريتني ما كلت الكنافة بعد المحشي 🙈💗

قاعد صايم وكمان الهدوم بتضيق عليك وهى فى الدولاب ده ايه الزولم ده🥹😂 طب ما تيجي اقولك احنا ليه بنتخن في رمضان 🤷في أسباب ك...
15/03/2025

قاعد صايم وكمان الهدوم بتضيق عليك وهى فى الدولاب ده ايه الزولم ده🥹😂 طب ما تيجي اقولك احنا ليه بنتخن في رمضان 🤷

في أسباب كثير لكدا

1️⃣ اولها هي تناول الاطعمه المقليه زي السمبوسك و غيرها ودا اكل مليان دهون وده بيساهم في زيادة الوزن.

2️⃣تاني حاجه الإكثار من المشروبات السكريه تمر هندي، فروتي و الحاجات الحلوه دي بتزود السعرات الحراريه وبتزود الوزن.

3️⃣تالت حاجه هي قلة شرب الماء ودا بيؤدي إلى الشعور بالجوع الكاذب فيخليك تاكل كميات كبيره من الاكل.

4️⃣رابع حاجه هي اكل كميه كبيره من الطعام في الفطار فيؤدي لزيت السعرات الحرارية زياده عن اللازم.

5️⃣خامس حاجه هي قلة النشاط البدني إلى بيقلل حرق السعرات الحرارية.

6️⃣سادس واخر حاجه معانا هي الإفراط في تناول الاطعمه الغنيه بالدهون والسكريات زي الحلويات (قطايف ، جلاش ،كنافه ،وغيرها )الي بتزود السعرات الحرارية وبالتالي زياده الوزن.

في رمضان يومنا بيتغير وطبيعي مواعيد الأدوية بتتلغبطوهنا يجي دورك كصيدلي في مساعدة المرضي علي تنظيم مواعيد ادويتهم بطريق...
08/03/2025

في رمضان يومنا بيتغير وطبيعي مواعيد الأدوية بتتلغبط
وهنا يجي دورك كصيدلي في مساعدة المرضي علي تنظيم مواعيد ادويتهم بطريقة تحافظ علي صحتهم وصيامهم
طبعا الأدوية كتير فخلونا نبدأ بأدوية السكر والضغط

أدوية الصغط العالي
لو بتاخد قرص واحد في اليوم العادي : في رمضان يفضل تاخده بعد الفطار بساعة لتجنب انخفاض الضغط المفاجى

لو بتاخد قرصين في اليوم : الجرعة الأولي بعد الفطار بساعة، الجرعة التانية بعد السحور بساعة

مدرات البول : بعد الفطار بفترة كويسة مش قبل السحور ولا قبل النوم

ونصيحتنا لمرضي الضغط انه يشرب كمية مياه كافية من الفطار وحتي السحور، وإنه يتابع ضغطه بانتظام، ولو حس بهبوط شديد يفضل إنه يفطر ويراجع الطبيب

مرضي السكر
لو بياخد أقراص
لو قرص واحد في اليوم العادي : في رمضان هيبقي بعد الفطار مباشرة

لو جرعتين : الجرعة الأولي بعد الفطار مباشرة والجرعة الثانية قبل السحور بوقت كافي عشان مايحصلش هبوط

الاستثناء هنا هو عيلة ال sulfonyl urea اللي منها ال Glimpride الموجود في ادوية زي ال Amaryl العيلة دي بتعمل هبوط في السكر ففي الصيام الدكتور ممكن يقلل الجرعة أو التركيز عشان مايحصلش هبوط للمريض

طيب لو مريض السكر بياخد أنسولين ففي احتمالين
الانسولين طويل المفعول : الجرعة هتكون زي ماهي بدون تغير

الانسولين سريع المفعول زي ال novorapid : هيكون قبل الفطار وقبل السحور حسب ارشادات الدكتور

كدا نكون خلصنا اول بوست من سلسلة

قولنا بقي نتكلم عن أدوية إيه البوست القادم

الشعب المصري كله عنده نقص في الفيتامينات 😂غالبا في ناس كتير بتاخد مكملات غذائية.. ان لم تكن انت منهم يعني 👀🫵عشان كده هنت...
17/02/2025

الشعب المصري كله عنده نقص في الفيتامينات 😂

غالبا في ناس كتير بتاخد مكملات غذائية.. ان لم تكن انت منهم يعني 👀🫵

عشان كده هنتكلم النهاردة عن المواعيد الي ممكن تاخد فيها مكمل غذائي بحيث تحصل منه ع احسن امتصاص و نتيجة 🌚

_ الفايتامينات الي هي بتدوب في الدهون زي ( A , D, K , E)
دي يستحسن تاخدها بعد وجبة دهنية عشان تحسن من امتصاصها

_ الفيتامينات الي هي بتدوب في الماء زي فايتامين C ف يستحسن بعد الأكل تجنبََا ل اضطرابات المعدة

_ الحديد بقا دا أحسن وقت ليه هو علي معدة فارغة

_ انما الكالسيوم ف ممكن تاخده بعد الأكل عادي بس اهم حاجة انك بتتجنب تناوله مع الحديد عشان بيتعارض مع امتصاصه 🤷

كونك في صيدلة بيخلي الناس تبصلك بطريقة مختلفة 😂لازم تكون عارف كل حاجة و أي حد يسألك في أي حاجة لازم تكون عارفها 😂🤷ف ممكن...
15/02/2025

كونك في صيدلة بيخلي الناس تبصلك بطريقة مختلفة 😂
لازم تكون عارف كل حاجة و أي حد يسألك في أي حاجة لازم تكون عارفها 😂🤷

ف ممكن حد يجيلك يقولك انه تعب من كتر الأدوية الي بياخدها و معدته بتوجعه من كتر المسكنات و أدوية الضغط او السكر 🥴
ف محتاج حاجة تخفف وجع المعدة ده 🌚

ببساطة هتقوله أي حاجة فيها pantoprazole.. زي ال controloc أو pantoloc أو futapan

لإن دي ببساطة بتشتغل ك proton pump inhibitors
ف بتقوم بتقليل إفراز حمض المعدة و بالتالي بيقل التهيج و الإلتهابات و بالتالي نحافظ علي جدار المعدة
احلي ميزة في مادة ال pantoprazole إنها آمنة جدا علي مرضي الضغط و السكر..
و برده من مميزاتها إنها آمنة أكتر من ال omeprazole و ال esomeprazole علي مرضي الكبد والكلى

عمرك سألت نفسك ليه المرطب صديق رشوتات الجلدية وإن اغلب الروشتات بيكون فيها مرطب 🤔💟طب سألت نفسك ايه فايدة المرطب دا وهل م...
12/02/2025

عمرك سألت نفسك ليه المرطب صديق رشوتات الجلدية وإن اغلب الروشتات بيكون فيها مرطب 🤔

💟طب سألت نفسك ايه فايدة المرطب دا وهل ممكن نستغني عنه ؟!!

خلينا نتكلم عن المرطب🌝

ببساطة كدا المرطب دا عبارة عن بعض المواد الكيميائية زي الزيوت الطبيعية او الجلسرين او حمض الهيالورونيك

بتعمل ايه بقا المواد دي🧐

المواد دي بتحبس الرطوبة داخل الجلد عشان تخلي الطبقة الخارجية (البشرة) اكثر ليونه ومرونه

طب كدا احنا عرفنا ايه المرطب بس معرفناش ليه برضو بنلاقيه في روشتات الجلدية وايه أهميتة وشغله فيها 🤷‍♀️

1️⃣ في البدايه كدا عايزين نعرف ان الجلد عنده طبقة حماية طبيعية بتمنع فقدان الرطوبة وتحميه من المهيجات والبكتيريا🦠
قالك بقا ان الطبقة دي لو تضررت بسبب(الجفاف،التهاب،أو استخدام منتجات قاسية) المرطب بيساعد في استعادتها وتقويتها💪

2️⃣ كتير من مشاكل الجلد زي الاكزيما،والصدفية،وحب الشباب بتزيد مع الجفاف ،فالترطيب بيساعد في تهدئة الالتهابات والحكة والتهيج عن طريق بعض المواد زي panthenol وceramide

3️⃣ كمان المرطب بيساعد في زيادة فاعلية الكريمات العلاجية لان لما بيكون الجلد رطب بيقدر يمتص الكريمات دي بشكل أفضل ✨

هل في حالات معينة ممكن ما نحتجش فيها مرطب 🥸

●في الاغلب المرطب بيكون جزء اساسي من العلاج الجلدي
لكن لو الكريم العلاجي أساسه مرطب فبالتالي مش هنبقا عايزين مرطب منفصل

●كمان في بعض حالات حب الشباب الشديدة (ونركز علي الشديدة دي )🫵
لو المريض بشرته دهنية جداً ،ومش بيعاني من جفاف بسبب العلاج ،ممكن الطبيب مايضيفش مرطب .

بس خلينا متفقين ان البشره الدهنيه طبعا محتاجه ترطيب لان ممكن الجفاف يخليها تفرز دهون اكتر لتعويض النقص ده ممكن يؤدي لحب الشباب 🤡

كمان لو المريض بيستخدم علاجات زي (Retinoid اوIsotretinion)لازم نستخدم مرطب حتي لو بشرة المريض دهنية
●في بعض الأمراض الجلدية الفطرية ممكن نتجنب المرطبات خاصة اللي بيكون فيها زيوت لأنها بتهيّئ بيئة رطبة بتساعد علي نمو الفطريات او نختار مرطب مناسب👌

لكن زي ما عرفنا ان في معظم الحالات حتي لو العلاج الأساسي في الروشتة مضاد للفطريات، الحبوب ،أو مقشر ، المرطب بيكون ضروري عشان يحافظ علي صحه الجلد ويحسن نتائج العلاج ويقلل الأعراض الجانبية زي الجفاف والتهيج 🙂‍↕

ولو بصينا من جانب بعيد عن روشتات الجلديه هنعرف أن المرطب لازم يكون جزء من الروتين اليومى عشان نتجنب اننا نشوف دكاترة الجلديه 🌝

بكدا نقدر نقول ان المرطب مش مجرد إضافة، لكنه جزء أساسي في روشتات الجلدية👀🤎

جايز مامتك كان عندها حق لما منعتك تربي كلب في البيت 🐶🤷‍♀️فاكرين الكلب سيكا اللي كان في كرتون بكار ورشيدة وكان بيبان كيوت...
10/02/2025

جايز مامتك كان عندها حق لما منعتك تربي كلب في البيت 🐶🤷‍♀️
فاكرين الكلب سيكا اللي كان في كرتون بكار ورشيدة وكان بيبان كيوت قدام بكار ولكنه كان كلب شرير 👹
طيب فاكرين القطة السمراء اللي كانت في كليتنا وكان في ناس بتشيلها 🙄

ايه مالهم دول؟
دول ياعزيزي هما المتهمين في المرض اللي هنتكلم عنه النهاردة 🧐
مرض ال Rabies او السعار او المعروف بداء الكلب 🐶
واللي بيتسبب في موت الآلاف من الأشخاص سنويا علي مستوي العالم 🌍
❇️ Rabies
مرض ال Rabies او السعار هو عدوي فيروسية
الفيروس المسبب ليه هو
RNA virus of the
rhabdovirus family
بيقدر يأثر علي الجسم بطريقتين

❇️الاولي إنه ال peripheral Nervous system ومنه علي ال brain ويستقر فيه ويقضي فترة حضانته وبعدها يبدأ ظهور الاعراض 🤒🤕

❇️ التانية إنه يحصله replication داخل ال muscle tissue بعيدا عن ال immune system وبعد كدا يوصل بردو لل brain عن طريق ال neuromuscular junction
وبمجرد وصوله لل Brain يعمل acute inflammation of the brain وفي النهاية يؤدي ل
Coma, Death⚰️

❇️طيب ازاي المرض دا بيتنقل للانسان؟

إن حيوان مصاب بال rabies يعض إنسان أو حتي يخربشه فيتنقل ال saliva اللي فيه الفيروس للانسان وينتقل زي ماقلنا عن طريق الأعصاب الطرفيه ومنه لل CNS 🧠

او ان لعاب الحيوان المصاب يلامس جرح مفتوح او حاجة من ال mucous membrane زي ال eye 👀وال nose 👃

ودا مش بعيد يحصل لأن زي مابنشوف الناس اللي بتربي القطط والكلاب سواء في البيت او للتجارة بيكونوا بيتعاملوا معاهم بالأحضان وانهم بيكونوا ملامسين ليهم بشكل كبير

وخليني أقولكم إن الحيوانات اللي ممكن تنقل المرض
هي الكلاب 🦮
القطط 🐈
الخفافيش 🦇

❇️طيب نعالج ال rabies ازاي ؟

خلونا نقول ان الطبيعي إن في rabies vaccine دا بناخده for prophylaxis وبتكون ٣ جرعات من ال Vaccine علي مدار ٢٨ يوم

أما الشخص اللي بالفعل اتعض او اتخربش من حيوان فاانت هتتعامل معاه بالطريقة الجاية

1️⃣ يغسل مكان العضة أو الخربشة كويس جدا بالمياه لمدة ربع ساعة وممكن نستخدم soap او detergent او povidine iodine بيتادين يعني علشان نقلل عدد ال viral particle الموجودة في منطقة العض 💦

2️⃣ يتوجه للمستشفي فورا لتلقي العلاج
بياخد rabies vaccine وفي الحالة دي بنسميه post expoure prophylaxis
(PEP) لأنك هتدي ال Vaccine بعد مااتعرض للفيروس أصلا وفي الحالة دي هياخد ٥ جرعات + هياخد حاجة اسمها RIG ودا اختصار ل rabies imune globulin ودي antibodies جاهزة ضد ال rabies
For postexposure protection, previously unvaccinated people need four doses of the rabies vaccine, plus rabies immune globulin
(RIG

*وناخد بالنا من حاجة مهمة جدا جدا جدا وهتفرق في انقاذ حياة شخص!*

سواء انت عارف ان الحيوان اللي عض أو خربش الشخص مصاب بال rabies او متعرفش لازم لازم نتبع بروتوكول العلاج دا لأن ممكن الحيوان يكون مصاب ومش ظاهر عليه الأعراض وماتقولش دا خدشة بسيطة ومجابتش دم مش هتعمل حاجة!

لان الخدشة دي ممكن تكون سبب في وفاتك بعد طبعا ظهور الأعراض الصعبة جدا دي!! 💔💔

❇️نتكلم عن أعراض ال rabies
وخلينا فاهمين إن الأعراض بتظهو بعد فترة حضانة الفيروس ودي الفترة اللي الفيروس بيكون فيها في الجسم ومش ظاهر عليك أي أعراض. وبمجرد مالفترة دي هتخلص اللي هي في ال rabies بتكون من 8 أيام ل 8 أسابيع هتظهر عليك الأعراض ودا معناها إنك خلاص هتفارق الحياة لأن في الوقت دا مش هنقدر نعالجك 💔
❇️ نتكلم عن الأعراض
الشخص هيظهر عليه الاعراض دي زي ارتفاع في درجة الحرارة 🤒
وهلوسة وصداع وتعب في جسمه 🤕
زيادة في افراز اللعاب، تشنجات
وحاجة مميزة جدا ان الشخص دا هيكون عنده خوف شديد اول مايشوف المياه او حتي يفكر فيها 💦 بنسميها Hydrophobia
لان الفيروس بيسبب له spasm شديد في عضلات الحلق اول مايبلع المياه او حتي يفكر فيها وكمان بيكون عنده خوف من الضوء photophobia 💥
وفي الاخر بينتهي بيه الحال إلي غيبوبة وموت ⚰️

❇️نيجي لدورك كصيدلي في توعية الناس وإنك لازم لو اي حد جالك قالك إنه اتخربش أو اتعض من حيوان اليف هو مربيه فأنت لازم توجهه فورا لأقرب مستشفي 🚑
وتفهمه إن الموضوع خطر وهيكلفه حياته عشان مايكسلش 🤷‍♀️
وبكدا نكون اتكلمنا باستفاضة عن مرض السعار 🐶
ولكن في سؤال بيطرح نفسه 🌚
هو لو انا اتعضيت او اتخربتش من الفار 🐭 في سكشن في الفارما هل الفار ممكن يكون مصاب بالسعار ولازم آخد ال Vaccine ؟
ابحثوا ومستنين اجابتكم في الكومنتس
وتنسوش تشيروا الفيديو مع أصحابكم اللي بيحبوا تربية القطط والكلاب 🐶🐱

🚨 طلّع تحليل وظائف الكبد وخلينا نفهمه مع بعض🔍لقيت AST عالي؟ 😱 أول حاجة بتفكر فيها: "أنا عندي مشكلة في الكبد؟!" 😔 بس استن...
05/02/2025

🚨 طلّع تحليل وظائف الكبد وخلينا نفهمه مع بعض🔍
لقيت AST عالي؟ 😱 أول حاجة بتفكر فيها: "أنا عندي مشكلة في الكبد؟!" 😔 بس استنى، الكبد بريء في حالات كتير
💡 الحقيقة إن AST مش إنزيم خاص بالكبد بس وارتفاعه ممكن يكون سببه حاجات تانية كتير زي:

💪🏻 إصابات العضلات: التمارين العنيفة 🏋🏼، التهاب العضلات، أو حتى نقص فيتامين D و B6
❤️ مشاكل القلب: زي الجلطة 💔 أو التهاب عضلة القلب.
🔥التهاب البنكرياس أو اضطرابات الغدة الدرقية ممكن يكونوا السبب.
🍻 الكحول وبعض السموم ممكن يأثروا بردوا.
💊 بعض الأدوية: زي أدوية الكوليسترول والصرع، وحتى المسكنات.
🩸 بعض أمراض الدم (Hematologic Disorders) زي:
🩸Hemolytic Anemia
🩸Lymphoma and Leukemia
🦴 مشاكل نخاع العظم: اضطرابات إنتاج خلايا الدم أو تكسرها.
🩸 نقل الدم أو التسمم بالحديد.

🔬 إزاي تعرف السبب الحقيقي؟
✔️ لو ال Creatine Kinase عالي المشكلة في العضلات 💪🏻
✔️ لو ال Tropnin عالي فالقلب هو السبب ❤️
✔️ لو ال Lipase/Amylase عاليين المُتهم هو البنكرياس
✔️ لو ال TSH,T3,T4 مش طبيعين فالغدة الدرقية داخلة في الموضوع
✔️ لو ال CBC أو LDH عاليين احتمال اضطراب دموي🩸

📌 النسبة الطبيعية لإنزيم AST (Aspartate Aminotransferase):
✔️ للرجال: من 10 - 40 (Unit/Liter)
✔️ للنساء: من 9 - 32 (U/L)
✔️ للأطفال: ممكن تكون أعلى شوية لكن غالبًا في نفس النطاق.
⚠️ ملحوظة: النسبة قد تختلف من معمل لمعمل أو حسب العمر والجنس لكن بشكل عام النطاق يتراوح بين 8 - 48 (U/L).

📢 لو الرقم أعلى من الطبيعي متقلقش على طول شوف الأسباب التانية اللي ذكرناها، وراجع التحاليل التانية عشان تعرف السبب الحقيقي 🫡

واقف في الصيدلية في أمان الله ولاقيت حد معاه روشته عادي يعني..بس لاقيت فيها صنفين أغرب من بعض و كنت مفكر انهم مينفعش يكت...
03/02/2025

واقف في الصيدلية في أمان الله ولاقيت حد معاه روشته عادي يعني..
بس لاقيت فيها صنفين أغرب من بعض و كنت مفكر انهم مينفعش يكتبوا مع بعض

دوفلاك.. و نانازوكسيد 🤡
الله... طب ايه الي جاب القلعة جنب البحر
ايه علاقة الإمساك ب الإسهال..
و بينما اتنهد .. سألت هل صاحب الروشته عامل عملية ولا حاجة ايوه فعلا عامل عملية البواسير 🤔
اوووبسسسسس
هنا نتوقف عند الموضوع بقا و نبدأ نبصله من منظور مختلف واحد عامل عملية البواسير ف لازم يكون مكتوبله حاجة تمنع الإمساك ( ال دوفلاك) و دا طبيعي لإن لو حصل أي constipation ف غالبا العملية هنا باظت..
طيب دا منطقي.. ليه بقا مكتوب نانازوكسيد 🤔🧑‍🦯 نبدأ نفكر هو ال نانازوكسيد دا اصلا ايه.. ف تلاقي انه في الأساس anti parasitic..
بس بس بس
كده كل حاجة منطقية..
عملية زي دي لازم يكون معاها حاجة تمنع ال infection الي ممكن يحصل.. لإنه وارد جدا

طيب سؤال هنا بقا.. ليه بالذات اتكتب natazoxanide..
يعني ليه الدكتور مقالش flagyl و دا الطبيعي ف كل العمليات الي زي دي لو المريض متعود على flagyl و الدكتور عارف ان جسم المريض متعود عليه ف اتضر يكتب حاجة اقوي منه تقدر تعالج اي infection ممكن يحصل

💉 "حقنة البرد السحرية" اللي كادت تخلص على مصطفى! ⚠️مصطفى شاب عنده 30 سنة، اشتغل طول اليوم في البرد ورجع بيته مرهق، سخوني...
01/02/2025

💉 "حقنة البرد السحرية" اللي كادت تخلص على مصطفى! ⚠️

مصطفى شاب عنده 30 سنة، اشتغل طول اليوم في البرد ورجع بيته مرهق، سخونية، وجع في جسمه، وكحة ناشفة 🤒. صاحبه قاله: "خد الحقنة السحرية ديكسا + فولتارين، هتفوقك في 10 دقايق!"

وبالفعل، خد الحقنة... وبعد نص ساعة كان واقف على رجله! 💪🔥 لا سخونية، لا وجع، ولا أي تعب!
لكنه ماكانش يعرف إن دي البداية لكارثة! 😨👇

بعد ساعات، بدأ يحس بـ:
❌ دوخة شديدة وهبوط مفاجئ في الضغط!
❌ مغص وحموضة كأن معدته بتتحرق!
❌ إرهاق غريب وتنميل في جسمه!

لما راح للدكتور، اكتشف الحقيقة الصادمة:
الحقنة دي مجرد "مُسَكِّن مؤقت"، بتخفي الأعراض لكنها بتضر الجسم بشدة! 😱

⚠️ ليه الحقنة دي خطيرة؟
❌ قرحة ونزيف في المعدة.
❌ هبوط خطير في الضغط لو عندك حساسية من مكوناتها
❌ تدمير للكلى مع الاستخدام المتكرر.
❌ ضعف المناعة بسبب الكورتيزون، فتلاقي البرد بيرجع أقوى!

💡 الحل؟ بدل ما تغطي المرض، عالجه صح!
🥤 اشرب سوائل دافية.
🛌 خد راحة كافية.
💊 استخدم أدوية مناسبة تحت إشراف طبي.

⚠️ متخليش حقنة مؤقتة تدمر صحتك على المدى الطويل! صحتك تستاهل اهتمامك! 💙

#ديكساميثازون #فولتارين

Address

مصر
Shebin Al-Kom

Website

Alerts

Be the first to know and let us send you an email when Capsulative WHY NOT posts news and promotions. Your email address will not be used for any other purpose, and you can unsubscribe at any time.

Shortcuts

Share

Category