30/04/2025
لكل أم وأب… لو ابنك أو بنتك أغلى حاجة عندك، فدي رسالتنا ليكم النهارده 👇
🔹التحرش الجنسي بالأطفال مش نادر.. ومش لازم يستنى يحصل علشان نتحرك.
احموا أولادكم بالوعي، بالكلام، وبالثقة 💪
الوقاية مش صعبة.. بس محتاجة نبدأ من دلوقتي .. عشان كدة خدوا بالكم من الآتي:
١- علّموا ولادكم أسماء أجزاء جسمهم الحقيقية، ووضحوا إن فيه أماكن محدش ينفع يلمسها.
٢- افهموا العلامات: الانطواء، الخوف الزايد، تغير السلوك المفاجئ ممكن يكون جرس إنذار.
٣- اسمعوهم كويس… وصدقوهم.
٤- ما تخلوش حد يقعد معاهم لوحدهم في مكان مقفول، حتى لو قريب.
٥- عرفوهم الفرق بين السر الحلو والسر الوحش.
٦- اتكلموا معاهم دايمًا عن حدود الجسم، واللمسة الصح واللمسة الغلط.
٧- لو حصل أي موقف، ساعدوهم يتكلموا بدون ما تحسسوهم بالذنب أو العيب.
٨- شيلوا فكرة “عيب نتكلم في كده” من دماغكم… الكلام ممكن ينقذ طفل
🚨 ودوركم مش بس مع أولادكم… اسأل نفسك كأب أو أم:
-هل أنت فعلاً مصدر أمان لابنك؟
-هل عندك استعداد تسمعه من غير ما تحكم عليه؟
-هل بتفكر في اللي بيتفرج عليه على الإنترنت؟
-هل علمته يرفض بقوة؟ ويقول "لأ" من غير ما يخاف؟
🚨 وللمراهقين تحديدًا افتح معاهم كلام واضح وصريح عن حدود الجسد والعلاقات الصحية.
🔹 فهمهم إن جسمهم ملكهم، وإن أي لمسة بدون رضاهم تعتبر تعدي.
🔹ساعدهم يعرفوا يتكلموا من غير خوف لو اتعرضوا لأي موقف مؤذي.
