19/05/2026
ليه أوقات بتحس بزغللة أو الدنيا ضلمت بسيط أول ما تقوم فجأة
سؤال جالي كتير ..بكون قاعد يا دكتور أو نايم ،وفجأة أقوم بسرعة بلاقي الدنيا ضلمت لحظة، أو الصورة بقت مشوشة ثواني بسيطة وترجع تاني .نعالوا نفهم الإحساس ده غالبا بيحصل ليه ..البسبب انخفاض مؤقت في ضغط الدم عند الوقوف بسرعة، وده بيقلل وصول الدم للمخ والعين للحظات قصيرة جدًا.
الموضوع ده ممكن يزيد مع:
- قلة شرب المياه
- الإرهاق والسهر
- الأنيميا
- انخفاض ضغط الدم
- عدم الأكل لفترات طويلة
وفي أغلب الأحيان، الأعراض بتختفي خلال ثواني.
طيب امتى نقلل :
- الزغللة بتتكرر كثير
- بتطول لفترة
- معاها دوخة شديدة أو إغماء أو فقدان واضح في الرؤية. وقتها ممكن يكون فيه سبب طبي محتاج متابعة
في النهاية لازم تعرف أحيانا جسمك بيحاول يقولك إنك محتاج تهتم براحتك وصحتك أكتر ..والعين من أول الأماكن اللي بتوضح ده
د/هبة سعيد ..استشاري طب وجراحة العيون
📩 للحجز والاستفسار تواصل معنا على 01029221724
أو ابعتلنا رسائل البيدج
العنوان📍: البتانون - الطريق الرئيسي - أمام سنترال غلاب
