عيادة د / أحمد السيد كامل لطب الأطفال و حديثي الولادة

14/03/2026

في جو زي ده حساسية الأنف و الصدر بتعمل احتقان شديد مع الكبير و الصغير

فبلاش تخرج طفلك إلا لضرورة

09/03/2026

📢📢
تنبيه هام
🚨🚨
ابتداءا من الثلاثاء ستكون مواعيد العمل فترة صباحية فقط بإذن الله

05/03/2026

( امساك ) في طفل بيرضع
قبل ما تعطي ملينات و لبوس و نفكر في حاجات بعيدة
لازم تستبعد الأول ( قلة الشبع )
أشهر و أبسط سبب و كتير بينساه
طفل مش بياخد ما يكفيه من اللبن لازم هيحصل معاه قلة إخراج

24/02/2026

من الأمور الجميلة اللي بتقابلنا في عيادات الأطفال في شهر رمضان
النقاشات مع الأم المرضع حول موضوع الصيام
تلاقي حرص شديد من الأم إنها تصوم الشهر تعظيماً لحرمة الشهر و لأنها حتى مع وجود العذر مش قادره تفطر و الناس صايمه حواليها
و هنا ببين للأم حسب حالتها إذا كان ينفع تصوم و لا لأ

بس من الحاجات الأجمل لما ألاقي طفل عمره لسه لم يتجاوز 7 سنوات و مصمم يصوم اليوم كله و كمان ممكن يبقى جاي تعبان و برده عاوز يصوم و فين لما يقتنع إنه ممكن يفطر بحجة المرض حتى

و هنا أنت بتعجب من فطرة الطفل السوية و إصراره العجيب إنه يقوم بعبادة جميلة زي الصيام رغم صعوبتها عليه و صغر سنه و عدم تكليفه بيها

احنا كناس كبار مالناش أعذار محتاجين نتعلم دروس كتير من المواقف دي والله

17/02/2026

كل عام و أنتم بخير
ربنا يجعل شهر رمضان مباركاً علينا و على كل المسلمين

مواعيد العمل في شهر رمضان بإذن الله تعالى
فترة صباحية : 1 ظهراً حتى 4.30 عصراً
فترة مسائية : 9 مساءاً حتى 11 مساءاً

العشر الأواخر يكون العمل فترة صباحية فقط

16/02/2026

تصومي رمضان و لا تفطري لو عندك طفل رضيع ؟!

09/02/2026

https://vt.tiktok.com/ZSme8hNo6/
مهم عشان الأم اللي بترضع تعمل إيه في شهر رمضان

‏127 من تسجيلات الإعجاب، 21 من التعليقات. "تصومي شهر رمضان و لا تفطري لو عندك طفل رضيع ؟ 🌛”

07/02/2026

الأب لما يجي يكشف على ابنه أو بنته

- الدكتور : إيه اللي تاعب الطفل خير ؟
- الأب : هو سخن بقاله شوية

- الدكتور : من امتى و هل فيه شكوى تانية ؟
- الأب : مش عارف ، هي مامته اللي عارفه ، استنى كده ابعت لها ع الواتس

الأم لما تيجي تكشف

- الدكتور : إيه اللي تاعب الطفل خير ؟
- الأم : و الله يا دكتور هو أول ما اتولد دخل حضانة ساعتين عشان يشفطو له و بعدين كان رجع ميه صفرا بس كنت في البنج النصفي و تعبانة فمكنتش معاه
خالته اللي اخدته
و كان أخد رضعة صناعي مرتين بعدها رضع طبيعي
كان ممكن يشرق و يرجع ساعات بس الحمد لله معدش فيه حاجة من الكلام ده

- الدكتور : طب ده لما كان مولود ، هو الوقتي عنده ١٠ سنين ، إيه المشكلة حالياً ؟
- الأم : هو عنده شوية رشح بقالهم أسبوع و بعدها كحة من ٣ أيام و كان بيسخن بس بتروح و تيجي

- الدكتور : طب السخونية من امتى ؟
- الأم : الساعة ٢ بالليل يوم التلات و نزلت الفجر الساعة ٥ و رجعت زادت يوم الأربع الساعة ٦ و ربع المغرب و يوم الخميس كان كويس لحد يوم الجمعة الساعة ٤ إلا ربع العصر و بعدها زادت أوى وصلت ل ٣٨.٧ و نزلت ٣ شرط بعد الخافض و قعد ٤٦ دقيقة زادت بعدها ل ٣٩.٣ و .....

و ترجعوا تقولوا الرجالة مش بيستوعبوا الستات 😏
بس الحق يقال الست عارفه كل التفاصيل
الراجل عايش في مية البطيخ 😁

27/01/2026

طفل رضيع رضاعته ضعيفة بعد الولادة هل ده طبيعي و لا خطر
#الرضع

27/01/2026

تلاقيه جنبه كومة مناديل
و ملبس العيال شرابين فوق بعض
و كلسون و جاكيت و زعبوط
و يجي الطفل يكشف مش باين منه غير عنيه
و يقولك ( الشتا ده حبيبي .. على قلبي زي العسل )
😏

26/01/2026

لما شاب خليجي يجي يكشف عندي على ابنه و يقولي ( أنا حاسس إن المويه عندكم مو نظيفة و هي سبب تعب الولد و تعبي ) 👇

بس بصراحة هو معاه حق 😓

21/01/2026

صديق من فانزاتي عنده 4 سنين تقريبا هيسافر إن شاء اللّه خارج مصر
و هو خارج من غرفة الكشف بيقولي ( هجيب لك هدية و أنا جاي ) 🥺

و صديقة تانيه عمرها سنة و نص مامتها بتقولها اعملي باي للدكتور قامت عاطياني ( بوسة ) كده على الطاير 😚

هم الفانزات دول اللي مصبرين الواحد في التخصص بتاعنا 🤗