03/10/2022
السلام عليكم متابعين الصفحة الكرام
الحمد لله اللي اتعامل معايا في مجالي
او بره مجالي عارف اني اخر واحد ممكن تاخد موقف عدائي
لان من اكتر الناس سهل التعامل مع الناس ولا بعادي حد ولا احب حد يعاديني واي حد بيغلط اخري ربنا يسامحك
فيه موقف حصل كالتالي ناس محترمين جابوا والدتهم تعمل حاجة في اسنانها استقبلناهم بكل احترام طلبت منهم اشاعة
وجت الجلسة اللي بعدها حصل مشكلة في الدخول بسبب الزحمة وبسبب اني بطول في شغلي
وانا الدخول عندي باسبقية الحضور بس بنسمح بساعة من كتابة الاسم
حضروا بعد ساعة ونص وعايزين دورهم السكرتيرة قالتلهم انا قايلة لحضراتكم تعالوا ٦,٣٠
المهم انفعلوا زي ما تكون البنت غلطت فيهم
ونكلم الدكتور فابنها بيتكلم قالي انا ساكن علي بعد شارعين
قلتله خد الحاجة وروح وانا اتصل بيك تجيبها علي الدخول علي طول معجبوش الكلام
المهم روحوا وكمية هجوم علي شخصي علي الصفحة
بطريقة غريبة زي ما نكون اعداء
و عمايل غريبة وتعليقات واتهامات اغرب
وافتراء اني بدخل الناس علي حسب اللي بيدفع اكتر مع انهم كانوا طالبين خدمة مش موجودة في العيادات اللي حوالينا
والدفع فيها كتير جدا ( يعني هم اكتر ناس هايدفعوا 😃 )
اول مرة اتعرض في حياتي لناس بالشكل ده
وانتحلوا شخصيتي وعملوا صفحة باسمي ودخلوا بيبوظوا ويشوهوا صورتي وياريتني اذيت والدتهم او غلط فيهم ده هايكون رد فعل طبيعي
بس اللي حصل ده فعلا لا زيادة ولا نقصان
والله علي ما اقول شهيد
الماركتينج اللي ماسك الصفحة عمل ريبورتات علي الاساءة
والله يسامحهم وخلاص مش هاشغل بالي بالصغائر دي
( المهم ان اتهامهم ليا انهم بينتظروا كتير ده شهادة منهم بان الحمد لله بيحاول بكل ما اوتي من علم انه يرضي ربنا في عمله )
اليوم التاني بعد انتحلوا شخصيتي وعملوا صفحة باسمي ودخلوا بيردوا علي الناس ويعملوا رياكت علي كل تعليق
وتهديد غير مبرر من اكونت fake
( والله فعلا انا مش فاهم ايه الغلط العظيم اللي حصل خلاهم يعملوا كده غير انهم علي ما اعتقد عملوا الكلام ده كتير ونجح ابتزازهم قبل كده )
بس انا بالقانون ان شاء الله هاعرف اخد حقي
ولو اني والله ما فاهم باردوا سبب ده كله ايه
ومضايق اني هامشي في طريق مش بتاعي بس زي ما انا في حالي وفي شغلي ومش باذي حد مش هاسكت علي حد بياذيني
بالمناسبة اسعار الماتريال الحشوات والخامات زاد والله اكتر من ٦ او ٧ اضعاف في شهر نتيجة ان الاستيراد واقف
وانا بشتغل بخامات غالية جدا
البنج من شهر ١١ السنة اللي فاتت فيه مشكلة لدرجة ان العلبة وصلت من الاستغلال ل ١٧٠٠ جنيه
اقسم بالله مازودت جنيه علي خدماتي من اول السنة
وقلت كده كده الناس في نفس الازمة الاقتصادية زينا
وماقلقتش من خاماتي ولا جبت حاجات اقل جودة
مش بنكلم ولا بنشتكي و لا بننطق بكلمة وبنقول الله المستعان
الكلام ده بمناسبة ان في تعليق بيقولوا اني بدخل اللي بيدفع اكتر
اولا حسبي الله في كل حد بيفتري
قيمة الكشف بتاعهم لو سالوني فيه قبل ما يخرجوا انا برجع
كشوفات من غير ما المريض يطلب ادام جه العيادة وملقاش خدمته او استفسر علي شئ بستحرم اخد منه كشف
لو طلبوا كشفهم هاديهلهم عن طيب خاطر لانه ميلزمنيش فلوس منهم
ليه الكراهية والابتزاز والتشهير ده نفسي اعرف
واول مرة اشوف شهادة زور بكل اريحية بتتكتب
علي فيه ربنا سبحانه هايحاسبنا
وفيه قانون في البلد بيطبق علي الكل
ولله الامر من قبل ومن بعد
والله علي ما اقول شهيد
