05/07/2025
🩵 ابني كبر.. أقول له إيه؟! 🩵
رسالة من أب لابنه اللي كبر وبقى راجل بجد.. 🙈❤️
١️⃣ الرجولة يا صاحبي مش في صوتك الخشن ولا العضلات، الرجولة في أخلاقك وتربيتك..
أفعالك هي اللي بتقول إنك راجل، مش شكلك. 👌🏻
٢️⃣ عايز الناس تدعي لي؟!
خليهم يدعوا لي لما يشوفوا أخلاقك ودينك وحُسن معاملتك، دي أكبر هدية ممكن تقدمها لي. 🌹
٣️⃣ احترم الكبير والصغير.. احترم عامل النظافة والضعيف.. احترامك للناس هو احترامك لنفسك. ❤️
٤️⃣ صحتك هتعيش معاك طول عمرك، اهتم بيها، كُل كويس، اتحرك، وخلي إرادتك قوية. 💪🏻
٥️⃣ نعمة صحتك ما تستخدمهاش في أذية حد، بل استغلها في الخير واشكر ربنا عليها.
٦️⃣ الدنيا تعب وسعي.. اجتهد وأتقن اللي بتعمله، وسِيب النتيجة على ربنا، وهو مش بيضيع تعب حد.
٧️⃣ لما تختار طريقك في الشغل.. اختار اللي يفيد دينك والناس، واللي يدي معنى لوجودك في الحياة.
٨️⃣ مهما وصلت، إوعى تتكبر أو تكسر بخاطر حد محتاجك.
٩️⃣ ساعد الناس، مساعدتك هترفعك عند ربنا، وافتكر دايمًا: "اللهم استخدمنا ولا تستبدلنا".
🔟 معرفة الناس كنوز.. بس خلي عندك حدودك.
١١️⃣ إوعى تذل نفسك لحد، خليك دايمًا عندك عزة نفس، ومتخليش حد يستغلك.
١٢️⃣ بيوت الناس ليها حرمة مهما كانت القرابة.. استأذن، متدخلش بإيدك فاضية، ومتفتحش حاجة مش بتاعتك، وغُض بصرك.
١٣️⃣ آداب التعامل مع البنات والستات مهمة.. سيب لهم الطريق، ماسك لهم الباب، متضايقهمش، واحترمهم زى ما تحب الناس تحترم أختك وأمك.
١٤️⃣ لو بنت أو ست احتاجت منك حاجة وأنت مسئول عنها، متتهربش.. الرجولة مسئولية وإنفاق، مش بس كلام.
١٥️⃣ واجباتك الاجتماعية مهمة.. في الفرح قبل العزا، كن موجود.
١٦️⃣ جرب حاجات جديدة، بس اسأل: "هل بتضرني؟ هل تغضب ربنا؟" لو نعم.. بلاش منها.
١٧️⃣ إياك والتعلق بغير ربنا.. الدنيا بتتغير، الناس بتتغير، وربنا بس هو الثابت اللي هتلاقي فيه راحة وسعادة.
١٨️⃣ مهما كبرت.. هتفضل في عيني حبيبي الصغنن 😍، وده عمرك ما تتكسف منه، عيشه قبل ما يفوت الوقت.
---
🩵
مروه محمد عبد الحفيظ
