https://www.facebook.com/102304849278401/

عيادة دكتور محمد يوسف عبد الصبور - أخصائي طب الأطفال, جزيرة شندويل/شارع المحطة بجوار المطافي, Sohag (2026)

04/09/2025

دكتور محمد يوسف أخصائي طب الأطفال وحديثي الولادة.. 👶🏻
يهنئكم بالمولد النبوي الشريف.. كل عام وانتم بخير 💙🎊

12/08/2025

🧒 ابنك نحيف؟ شهيته ضعيفة؟ وبتدوري على وصفات طبيعية وآمنة لزيادة وزنه؟
جربي مجموعة الوصفات اللي مجربينها الأمهات وهتشوفي الفرق 💪

🍲 أكلات دسمة ومغذية:
مهلبية بأنواعها (نشا، بطاطا، مانجه)
شوربة عدس أو لسان عصفور
بطاطس مهروسة بالبيض والزبدة أو زيت الزيتون
نشويات زي الرز والمكرونة والشعرية (لكن بعد البروتين)

🍖 بروتينات وزيوت صحية:
لحوم خالية من الدهون
زبدة فول سوداني بيتي (سوداني + زبدة)
سلطة حمص بالطحينة والبقدونس والليمون

🍯 وصفات مركّزة للطاقة والوزن:
عجوة مع عسل ولوز مطحون
زبيب منقوع مع الحلبة أو السمسم
خليط السمسم والعسل والسكر (معلقة على اللبن أو السريلاك)

🍎 أكلات سريعة ووجبات مساعدة:
سيريلاك القمح مع تحليه
بطاطا مشوية بالفاكهة أو مهلبية البطاطا
خلطة الشوفان + تفاح + تمر + قرفة
أفوكادو مهروس مع البطاطس أو على سلطة

🥤 مشروبات مغذية وسهلة التحضير:
عصائر الموز مع اللبن + زبادي + عسل أو زبدة فول سوداني
تمر بالحليب (ممكن نضيف مكسرات وزبيب)
كاكاو خام + موز + تمر + عسل
حلبة مغلية بعسل (قبل الأكل بنص ساعة)

📌 كل الوصفات مناسبة للأطفال حسب أعمارهم، وممكن تدمجي أكتر من وصفة حسب الحالة

💬 لو ابنك بيعاني من فقدان الشهية أو نحافة واضحة، تابع مع الدكتور لتحديد النظام المناسب

في عيادة دكتور محمد يوسف لطب الأطفال .. صحة طفلك بأمان 💙

◻ للحجز : 01281009162 - 01552838344

◻ مواعيد العمل بالعيادة : يومياً من الساعة 4 عصراً وحتى الساعة 10 مساءاً.

◻ العنوان : جزيرة شندويل - شارع المحطة بجوار المطافي

08/08/2025

🔥 جرثومة المعدة عند الأطفال ، مش كل حالة تحتاج علاج ⛔️
كتير من الأمهات بيقلقوا لما التحليل يطلع إيجابي، لكن الحقيقة إن
✔️ مش كل طفل عنده الجرثومة 🦠 لازم ياخد علاج
✔️ وجودها لوحده مش دليل على مرض خطير

🧐 إيه هي الجرثومة؟
جرثومة المعدة (H. pylori) نوع من البكتيريا بيعيش في المعدة، وممكن تفضل موجودة سنين من غير أي أعراض.
الخطر بيظهر لو عملت قرح أو التهابات نشطة
✅ أسباب العدوى:
🔹 أكل أو مياه ملوثة
🔹 اللعاب أو ملامسة أسطح ملوثة

❌ ليه مبنعالجش كل طفل؟
⬅️ العلاج مش بسيط: كورس مضادات حيوية قوي + أدوية، وممكن يسبب آثار جانبية ومقاومة للمضادات الحيوية، وكمان العدوى ممكن ترجع تاني
⬅️ العلاج العشوائي 💊 بيزود مقاومة المضادات الحيوية والجرثومة بتكون اقوي🦠
⬅️العدوى ممكن تتجدد بسبب البيئة المحيطة أو انتقالها من عدوي شخص اخر

⚠️ إمتى لازم نعالج؟
✔️ لو فيه قرحة مؤكدة بالمنظار
✔️ التهابات مزمنة مع أعراض قوية:
ألم متكرر في البطن، فقدان وزن، قيء مستمر، أنيميا مزمنة
✔️ تاريخ عائلي ، لأمراض المعدة أو حفظكم الله (سرطان المعدة)

💡 النصيحة الذهبية:
قبل أي علاج لازم تقييم دقيق من دكتور مختص، لأن:
مش كل جرثومة = مرض، ومش كل علاج = فائدة 👌🏻

في عيادة دكتور محمد يوسف لطب الأطفال .. صحة طفلك بأمان 💙

◻ للحجز : 01281009162 - 01552838344

◻ مواعيد العمل بالعيادة : يومياً من الساعة 4 عصراً وحتى الساعة 10 مساءاً.

◻ العنوان : جزيرة شندويل - شارع المحطة بجوار المطافي

23/07/2025

هل طفلك عنده مشكلة مع اللبن ومنتجاته 🍼
لو بعد كل رضعة أو أكل زبادي بنلاحظ

✅ انتفاخ شديد
✅ إسهال مائي مستمر أكتر من أسبوعين
✅ مغص وبكاء مستمر
✅ تسلخات حوالين فتحة الشرج لا تتحسن

فده ممكن يكون عدم تحمل اللاكتوز ❌

🧐 إيه السبب؟
اللاكتوز هو سكر موجود في اللبن، علشان الجسم يهضمه لازم إنزيم اسمه لاكتيز
لما الإنزيم ده يكون ناقص ➡️ يحصل تخمر في الأمعاء ➡️ مغص، إسهال، انتفاخ

📊 يظهر غالبًا بعد سن سنتين أو بعد نزلة معوية أو التهابات بالأمعاء
التشخيص بيكون غالبًا بالأعراض، وأحيانًا تحليل حامضية البراز

نصيحة مهمة 💡
لو الأعراض دي موجودة عند طفلك، متأجليش الفحص. واستبدلي اللبن بأنواع الأكلات الغنية بالكالسيوم البديلة عن منتجات الألبان 👌🏻

في عيادة دكتور محمد يوسف لطب الأطفال .. صحة طفلك بأمان 💙

◻ للحجز : 01281009162 - 01552838344

◻ مواعيد العمل بالعيادة : يومياً من الساعة 4 عصراً وحتى الساعة 10 مساءاً.

◻ العنوان : جزيرة شندويل - شارع المحطة بجوار المطافي

19/07/2025

إيه هو مرض السيلياك (حساسية الجلوتين) عند الأطفال؟
هو مرض مناعي مزمن بيحصل لما جسم الطفل يتعامل مع بروتين الجلوتين – الموجود في القمح والشعير والشوفان – كعدو 🔥

الجهاز المناعي يهاجم الأمعاء الدقيقة ويدمر المستقبلات اللي بتمتص الغذاء، فيحصل سوء امتصاص حتى لو الأكلالأكلات صحي

❗ الأعراض عند الأطفال
✔ ألم وانتفاخ في البطن
✔ إسهال مزمن أو إمساك
✔ فقدان وزن وتأخر نمو
✔ أنيميا لا تتحسن بالحديد
✔ طفح جلدي (خاصة في المراهقين)
✔ مشاكل الأسنان وتأخر البلوغ

🧪 إزاي نشخص المرض؟
✅ تحليل دم: (tTG-IgA)
➡ لو إيجابي، الدكتور ممكن يطلب منظار لأخذ عينة من الأمعاء للتأكيد

🍽 الأكلات الممنوعة للأطفال المصابين بالسيلياك
❌ العيش والمخبوزات من القمح
❌ المكرونة
❌ الكيك والبسكويت العادي
❌ البرغل والكُسكسي
❌ أي منتجات فيها شعير أو شوفان غير مكتوب عليها (خالي من الجلوتين)

✅ الأكلات المسموحة والآمنة
✔ الأرز والمكرونة الخالية من الجلوتين
✔ الذرة والذرة الصفراء
✔ البطاطس
✔ الخضروات والفواكه
✔ اللحوم والدواجن والأسماك الطازجة
✔ الحبوب الخالية من الجلوتين (زي الكينوا)

💊 هل فيه علاج؟
مفيش دواء يشفي السيلياك نهائياَ ❌
الحل : اتباع نظام غذائي خالي من الجلوتين ✅
مع الالتزام بالأكل المناسب، الطفل هيرجع طبيعي وهيتعافى جهازه الهضمي، وهيتحسن وزنه ونموه 📈

في عيادة دكتور محمد يوسف لطب الأطفال .. صحة طفلك بأمان 💙

◻ للحجز : 01281009162 - 01552838344

◻ مواعيد العمل بالعيادة : يومياً من الساعة 4 عصراً وحتى الساعة 10 مساءاً.

◻ العنوان : جزيرة شندويل - شارع المحطة بجوار المطافي

13/07/2025

لو طفلك عنده حساسية من الأكل أعملي كدا⏳
- كتير من الأمهات بتشتكي إن أولادهم بيشتكوا من مغص، انتفاخ، أو حتى إسهال بعد أي أكلة دسمة أو فيها بهارات. وده غالبًا بيكون بسبب إن معدة الطفل حساسة ومش بتتحمل أكل تقيل أو غير مناسب ❌
الحل؟ نظام غذائي خفيف وسهل الهضم ومضبوط لطفلك 👶🏻

أفضل أطعمة للأطفال أصحاب المعدة الحساسة ✅
بطاطس مسلوقة 🥔
كوسة وجزر مسلوق 🥕
أرز أبيض ❤
موز مهروس 🍌
تفاح مسلوق 🍎
شوفان بماء 🥣
لحمة مفرومة مطبوخة 🥩
شوربة عدس خفيفة 🟡

❌ ممنوعات مهمة لازم تبعدي عنها:
🍼 اللبن البقري كامل الدسم
🍫 الحلويات والمقرمشات
🍔 الأكل الجاهز والدهني
🧃 العصائر الصناعية

⏱ نظام الأكل الأفضل:
✅ وجبات خفيفة
✅ موزعة على مدار اليوم
✅ بكميات صغيرة
✅ بدون سكريات ودهون

ده هيساعد على راحة معدته، وتقليل المغص، وتحسين الهضم والوزن.
👨‍⚕️ ولو لسه مش مطمنة، تعالي نطمن عليه سوا، واحجزي كشف أو ابعتي على الواتساب للمتابعة 💬

في عيادة دكتور محمد يوسف لطب الأطفال .. صحة طفلك بأمان 💙

◻ للحجز : 01281009162 - 01552838344

◻ مواعيد العمل بالعيادة : يومياً من الساعة 4 عصراً وحتى الساعة 10 مساءاً.

◻ العنوان : جزيرة شندويل - شارع المحطة بجوار المطافي

28/06/2025

ابني جسمه ضعيف .. الترنج بتاعه من ٣ سنين ولسه بيلبسه ‼️
يا دكتور ابني عنده ٨ سنين، وزنه قليل جدًا، كل الناس بتقولي "حرام عليكي الواد
وأنا فعلًا تعبت ومش عارفة إيه السبب؟ 😞

مبدئيًا علشان نعرف هل الطفل فعلًا عنده نقص وزن (نحافة) ولا لأ، بنمشي على خطوتين 📌
1️⃣ نوزن الطفل (بميزان صيدلية أو موثوق)
2️⃣ نحط الوزن على منحنى النمو المناسب لسنه
لو الوزن طلع تحت "المنحنى الثالث" = الطفل عنده نحافة وده محتاج تدخل 📊

طيب إيه أسباب النحافة 🔎
الأسباب كتير، منها:
❌️ سوء تغذية أو أكل غير متوازن
❌️ مشاكل مزمنة في الجهاز الهضمي أو سوء امتصاص
❌️ أمراض زي: السكر، فرط نشاط الغدة، الديدان
❌️ عوامل نفسية أو مشاكل في الشهية

👀 المهم: لو ابنك بيأكل "كويس" وبرضو جسمه ضعيف → لازم نحلل ونشوف السبب

💊 إزاي نعالج النحافة؟
1️⃣ نعالج السبب المرضي بعد زيارة الطبيب
2️⃣ نحسّن التغذية: وجبات صغيرة متعددة + سعرات عالية
3️⃣ ممكن نستخدم مكملات غذائية لو الطبيب وصفها
4️⃣ نشتغل على الجانب النفسي والدعم الأسري
5️⃣ نوفر بيئة أكل مريحة، بدون نقد أو ضغط

📌 تابعينا وشوف الصفحة عليها بوستات كتير عن الوزن وزيادته بطريقة آمنة وسليمة 👌

في عيادة دكتور محمد يوسف لطب الأطفال .. صحة طفلك بأمان 💙

◻ للحجز : 01281009162 - 01552838344

◻ مواعيد العمل بالعيادة : يومياً من الساعة 4 عصراً وحتى الساعة 10 مساءاً.

◻ العنوان : جزيرة شندويل - شارع المحطة بجوار المطافي

23/06/2025

ابني لسه مولود وكل ما يرضع يعمل حمام 🍼
مفيش داعي للقلق يا ماما، اللي بيحصل ده طبيعي جدًا في أول أسابيع ولادة الطفل 👶🏻
❌ وبيكون بسبب فعل منعكس في الجهاز الهضمي اللبن بينزل البطن
ويحفّز على التبرز مباشرة، وده ممكن يحصل ٦ لـ ٨ مرات يوميًا ✅

مش هيدخله فى جفاف ولا يسببله اى مشكلة 👍🏻
لكن علشان نطمن أكتر، لازم نتحقق من شرطين أساسيين:
1️⃣ الوزن بيزيد كويس (من 600 جم لـ كيلو شهريًا أول 4 شهور)
2️⃣ نشاط الطفل ورضاعته ممتازين
❗️لو الشرطين دول موجودين، مفيش أي مشكلة

💥لكن خلي بالك من علامات الخطر اللي لو ظهرت لازم تروحي للدكتور فورًا
❌️ وزن الطفل مش بيزيد أو بيخس
❌️ الإسهال بكمية كبيرة أو بيعدي من الحفاض
❌️ براز فيه دم أو مخاط
❌️ حرارة أعلى من 38 درجة
❌️ ضعف في الرضاعة
❌️ إسهال مع ترجيع مستمر
❌️ خمول أو بكاء مستمر
❌️ علامات الجفاف: (بكاء بدون دموع – قلة التبول لمدة ١٢ ساعة – جفاف الفم – هبوط في العين)

👶 لو في علامات خطورة، دي بعض الأسباب المحتملة
⚠ عدوى زي "فيروس الروتا"
⚠ حساسية بروتين اللبن
⚠ عدم تحمل اللاكتوز - غير قادر على هضم اللبن
⚠ تحضير غلط للرضعة في اللبن الصناعي
⚠ تأثير بعض المضادات الحيوية

👨‍⚕️ ولو لسه مش مطمنة، تعالي نطمن عليه سوا، واحجزي كشف أو ابعتي على الواتساب للمتابعة 💬

في عيادة دكتور محمد يوسف لطب الأطفال .. صحة طفلك بأمان 💙

◻ للحجز : 01281009162 - 01552838344

◻ مواعيد العمل بالعيادة : يومياً من الساعة 4 عصراً وحتى الساعة 10 مساءاً.

◻ العنوان : جزيرة شندويل - شارع المحطة بجوار المطافي

19/06/2025

🥄 طفلي مش بيأكل وبيخس كل يوم، وعنده فقد للشهية ‼️
ده السؤال اللي دايمًا بيتكرر من الأمهات 📢
( يا دكتور، ابني مش بيكبر ودايمًا بيضعف ومش راضي ياكل خالص )

الحقيقة إن فقدان الشهية ليه أسباب كتير جدًا، ومش دايمًا الحل في فاتح شهية ❌
كل كلمة مهمة جدا و بوعدك بهدية 💌
لطفلك فى النهاية هتحل عنده مشكلة فقدان الشهية بلا رجعة باذن الله 🤲🏻

🔍 الأسباب بتتقسم لـ 3 مجموعات رئيسية
1️⃣ أسباب مرضية زي:
أنيميا - ديدان - جرثومة المعدة
وكل واحدة من دول ليها أسبابها ✅
( في بوست لكل حاجة منهم على الصفحة ⚠ )

2️⃣ أسباب نفسية:
في حالة من التوتر في البيت وعدم استقرار او تعنيف
ضرب أو مقارنة الطفل بغيره

3️⃣ عادات غذائية خاطئة:
🔹 أكل كتير من السكريات والحلويات
أنا كطفل قدامى أكل مليان سكر
وأكل من غير سكر ..هاكل ليه البروتين 🍗 والخضار 🥒‼️
🔹 شرب مية أو عصاير كتير قبل الأكل
+ لوعملنا تحليل براز لمعظم أطفالنا هتلاقوا (+++)
مقارنة بمعظم الأكل يظهر عسر الهضم الشديد اللى موجود عندهم عشان نوع الأكل اللى بنقدمهولهم ‼️
🔹 إستمرار تعويد الطفل على الإعتماد الكلى على أمه في الأكل ⏪️
🔹 بيأكل قدام التليفزيون او بيلعب شوية ويرجع ياكل

سبحان الله تلاقى الطفل ٥ سنين وبيركب عجل🚴‍♂️ ويلعب سباحة 🏊 وكورة ⚽️
ويجى عند الأكل ميمسكش المعلقة 🥄وأمه لسه بتحط الأكل في بقه أو لازم التليفزيون يا إما مياكلش‼️
❌️عارف إنك بتأكليه عشان كده أسرع
❌️ بتاكليه عشان تطمنى إنه أكل كل حاجة

الصعوبة بتبقى في الأول💥 بس بعد كده هيتعود بإعتماده على نفسه 🤲ومع الوقت هو اللى هيطلب ووظيفتك بس إختيار الطعام المناسب ووضعه قدامه ⚠ طيب لو مأكلش .. مرة على مرة هيجوع ويطلب بعد ما تكونوا خرجتوا برة البيت مثلا فيتعلم إنه ياكل ويبطل دلع ومتقلقيش مفيش طفل بيقدر ع الجوع ✅

✅ الحلول:
🟢 عوّدي طفلك يعتمد على نفسه
🟢 تقليل المشروبات والمياه واللبن قبل الأكل الأساسي
🟢 قلّلي الشيبسي والعصاير قبل الأكل
🟢 شجّعيه يشارك في تحضير الأكل
🟢 قدّمي الأكل بشكل حلو وجذاب
🟢 اختاري بدائل للأكلات اللي بيرفضها او ادمجي أكلتين مع بعض
🟢 نوّعي في الوصفات، وابدئي بكميات قليلة
🟢 علّميه إن وقت الأكل له وقت محدد، مش نسيب الاكل طول اليوم
🟢 تجنّبي تديله الهدايا علشان الاكل أو التهديد والزعيق وقت الأكل
🟢 نستغل الأكل اللي بيحبه انه يأكل أكل بيرفضه

♦️مثال♦️ : إنه بيحب السريلاك ف نضيف له لبن أو قطع فاكهة
نغطي بالأكل اللى بيحبه نوع تاني مش بيحبه لإخفاء طعمه زي إضافة الجزر المبشور🥕 في الكفتة 🥓أو السبانخ🥦 في المكرونة بالبشاميل

🎁 المفاجأة: لو ابنك بيعاني من فقدان شهية، ابعتيلي:
1️⃣ اسمه وتاريخ ميلاده
2️⃣ وزنه وطوله
3️⃣ تحليل براز
4️⃣ صورة دم كاملة
✉️ على الرسائل أو الواتساب وهبعتلك خطة علاج غذائي مفصّلة… مجانًا وبدون أي رسوم، بس بدعوة حلوة 🙏

في عيادة دكتور محمد يوسف لطب الأطفال .. صحة طفلك بأمان 💙

◻ للحجز : 01281009162 - 01552838344

◻ مواعيد العمل بالعيادة : يومياً من الساعة 4 عصراً وحتى الساعة 10 مساءاً.

◻ العنوان : جزيرة شندويل - شارع المحطة بجوار المطافي

14/06/2025

أنيميا الفول مش يعني الطفل أكل فول واتعب وخلاص 📢
الموضوع أعمق من كده لأنه مرض وراثي بيظهر بسبب نقص إنزيم مهم في كرات الدم الحمراء
وده بيخلّي الطفل يتأثر جدًا لو أكل فول أو بقوليات، أو حتى خد أدوية ممنوعة
مرض شائع ⬅️ أصيب بيه حوالى ٤٠٠ مليون شخص على مستوى العالم ‼️

أهم الأعراض الإصابة بأنيميا الفول 🔍
⛔ شحوب في الوجه وإرهاق مستمر
⛔ بول لونه بني غامق
⛔ صفراء في الجلد والعين
⛔ ضربات قلب سريعة
⛔ صداع، أو همدان مفاجئ

💡 واللي يخوف؟ إن مفيش أعراض بتظهر غير !!
لو الطفل اتعرض لحاجة ممنوعة زي الفول أو أدوية معينة

مين الأكثر تعرض للمرض 🧬
👦 الأولاد أكتر من البنات بسبب الجينات
وعشان كده لازم تحليل الفول من بدري لو في تاريخ وراثي في العيلة

التشخيص بيتم إزاي؟ 💉
صورة دم كاملة + تحليل نسبة الصفراء
تحليل إنزيم G6PD (بعد الأعراض بـحوالي شهرين)

العلاج؟ وخطورة الحالات 💊
لو حصل تكسير شديد ونسبة الهيموجلوبين قليلة → ممكن يحتاج نقل دم فورًا
لو مفيش تكسير → أهم حاجة نبعد الطفل عن الأطعمة والأدوية الممنوعة

🛑 ممنوعات لازم تبعدي عنها تماما
⚠️ الفول بكل أنواعه، والبقوليات زي العدس والفاصوليا والحمص
⚠️ التوت الأزرق وبعض المكسرات والسمسم ومنتجات الصويا
⚠️ أدوية زي: الأسبرين، الفيتاسيد، السلفا، أدوية الإسهال، وأدوية الملاريا والسل
⚠️ عدم إستخدام المطهرات زى الفنيك او النفتالين فى وجود الطفل
📌 في المقابل: ✅ الأطعمة الآمنة هي اللحوم، الأسماك، المشروم، الألبان، وبياض البيض

🧸 نصائح مهمة جدًا لكل أم
🔹 عرفي الحضانة والمدرسة بوضع ابنك
🔹 راقبي قائمة أكله وامتنعي عن التجريب العشوائي
🔹 افحصي إخواته واعرفي حالتهم بدري
🔹 ماتديش أدوية من نفسك لأي ارتفاع حرارة ، لازم ترجعي للطبيب

🔶️هل انيميا الفول بتتعالج ، يعنى الطفل ممكن يخف منها
للاسف حتي الان لا يمكن شفاء مريض انيميا الفول طول حياته لان جينات تكوين كرات الدم الحمراء هتفضل غير قادرة علي انتاج كرات دم حمراء تحتوي علي ما يكفي من الانزيم ده طول الحياة ولكن الحالة هتتحسن جدا مع النمو وغالبا معظم الاطفال المصابين بيتحسنوا عند البلوغ 👍

أنيميا الفول مش نهاية العالم، بس محتاجة وعي والتزام عشان ابنك يعيش حياة طبيعية 👨‍⚕️

🎁 لو حابة تطمني على طفلك ، وتعرفي معلومات أكتر عن انيميا الفول
وجميع أنواع الاطعمة والادوية الممنوعة وطرق التعامل السليمة
.. اكتبي كومنت او ابعتيلنا رسالة " انيميا الفول "

⚕️عيادة دكتور محمد يوسف لطب الأطفال .. صحة طفلك بأمان 💙

◻ للحجز : 01281009162 - 01552838344
◻ مواعيد العمل بالعيادة : يومياً من الساعة 4 عصراً وحتى الساعة 10 مساءاً.
◻ العنوان : جزيرة شندويل - شارع المحطة بجوار المطافي

11/06/2025

"يا دكتور... ابني مش بيكبر، بيخس، وبيهرش طول الليل‼️
المشكلة ممكن تكون من أهم وأشهر أسباب ضعف النمو عند الأطفال: الديدان المعوية
✔️ أعراض تخلينا نشك في وجود ديدان 👇🏼

⛔ مغص متكرر، ضعف وزن، أنيميا مش بتتحسن
⛔ هرش شديد حوالين فتحة الشرج خاصة بالليل
⛔ صداع وده عرض ممكن بشكل كبير سبب، أو جوع كاذب، أو إمساك أو إسهال
⛔ همدان دايم، ريالة وقت النوم، أو حتى إنك تشوفي الديدان بعينك 😱
🧪 ومش شرط كل الأعراض تظهر… أحيانًا عرض واحد يكفي يقلقنا!

🔍 طيب بتيجي منين؟
⚠️ من طفل مصاب بينقل البويضات في كل مكان حواليه
⚠️ أكل أو شرب ملوث، لبن غير مغلي، خضار وفاكهة مش متغسلين كويس
⚠️ أو حتى لمس حيوانات أليفة مصابة

🛡️ إزاي نحمي أطفالنا؟
🔹 غسل اليدين قبل وبعد الأكل وبعد الحمام
🔹 قص الضوافر والعناية الشخصية والتزام النظافة
🔹 نقع الخضروات والفاكهة في خل وغسلها جيدا
🔹 شرب مياه نظيفة معروفة المصدر
🔹 نظافة المنزل شئ اساسي وتغيير الملابس وبالخصوص للبنت
🔹 تحليل براز كل 6 شهور أو على الأقل مرة في السنة

💊 العلاج؟
نبدأ بـ تحليل براز علشان نعرف نوع الديدان
وارد يكون فيه ديدان وتحليل البراز يطلع سليم ‼️ وممكن نعمل تحليل ٣ مرات ورا بعض علشان نحاول نطلع الديدان ‼️
ولو التحليل سلبي والأعراض موجودة، ممكن نبدأ علاج وقائي
في حالة الديدان الدبوسية: لازم كل أفراد الأسرة ياخدوا العلاج، حتى لو مفيش أعراض!
اه كله 👨‍👩‍👦 حتي الأب والأم وكل اللي بيعيشوا في مكان واحد
⬅️ لأن الديدان دي معدية جدا وغالبا الكبار بيكون عندهم بس مبتأثرش فيهم

🎁 لو حابة تطمني على ابنك: اعمليله تحليل براز وابعتيه لينا في الرسائل وهنبعتلك العلاج المناسب حسب حالته 💬⚕️عيادة دكتور محمد يوسف لطب الأطفال .. صحة طفلك بأمان 💙

◻ للحجز : 01281009162 - 01552838344

◻ مواعيد العمل بالعيادة : يومياً من الساعة 4 عصراً وحتى الساعة 10 مساءاً.

◻ العنوان : جزيرة شندويل - شارع المحطة بجوار المطافي

09/06/2025

اخطر شخص علي المجتمع هو الاحمق القادر علي ايذاء نفسه والاخرين بدون هدف واضح ...... يرحمكم الله ....بعيدا عن الدين والانسانيات والدخول في النوايا والظروف...
العيادات في مصر هي مشاريع ملكيه خاصه لاصحابها مقدمي الخدمه اللي الدوله حرفيا بتعتبرهم تجار والشعب كله بيعتبر الدكاتره جزارين(بس هيموتوا ويطلعوا عيالهم زيهم ولو بالغش) .... فالمحليات تطالبهم بدفع عشرات الالاف كقيمه تصالح للعقار والشرطه تطالبهم برسوم حمايه مدنيه لاطفاء الحريق( وهي خدمه غير مفعله) وصاحب المنزل يلزمهم ايجار او تمليك الطاق اتنين والعيان في مصر بمختلف طبقاته وتعليمه لا ياتي للطبيب الا عندما تتدهور حالته وتحدث مضاعفات ويفضل انفاق المال في مجال اخر عن مجال الرعايه الصحيه ويعيش اغلب حياته متسولا للنصيحه الطبيه المجانيه من الصيدليه ومن المحيطين به ويهرع الي ترك الطبيب مقابل اخر يقدم عروض وكشوفات مجانيه ويعتبر العياده مثل اي مكان تجاري اخر...

لذلك ايوه من حق الطبيب يختار عدد الكشوفات اللي هيكشفها !!!
ايوه من حقه يختار عدد ساعات العمل اللي هيشتغلها؟؟؟
من حقه يحدد قيمه الكشف طبقا لقانون العرض والطلب ونظام العمل بالعياده بما يتفق مع ظروفه!!!!
من حقه يحدد معاد الكشف والاعاده ومن حقه يحدد الدوا المناسب ويرفض البديل الاقل جوده ويطلب تحاليل او اشعه من المكان الموثوق به لانه ببساطه هو الوحيد المسؤل عن النتيجه مش اي حد تاني وهو ادري بكواليس الشغلانه زي اي حد تاني في اي مجال!؟؟؟
من حقه يرفض يتعامل مع زبون سب الدين قبل ما يدخل كشف واعتدي علي المساعد بالضرب وعليه بالتصوير والتشهير!؟؟
من حقه يختار نوعيه الحالات اللي يتعامل معاها تحت مظله قانون مسؤليه طبيه باطش مجحف!!!!
من حقه يرفض الكشف علي اي عيان شايفه قنبله مشاكل ومن حقه ميكشفش علي عيان مش هيدفع اتعاب الكشف زي المحامي والمهندس والمدرس وصاحب المطعم والصيدلي ومقرئ القرٱن..
العياده ليست اوقاف او سبيل عام ... التكيه الصحيه في مصر هي المستشفيات المركزي وقريبا هتبقي بفلوس ايها المواطن النطع..
ومن حق الطبيب لو لقي اعتداء بالقول او الفعل او الفوضي في عيادته المرخصه اللي هي ملكيه خاصه (وعمل ذا طبيعه خاصه )انه يدافع عنها ولو موت حرفيا المعتدي محدش ليه حاجه عنده
ومن حقه يفشخ اي حد يصوره ويشهر بيه
لا يوجد اي مهنه تقدم خدمه خاصه مدفوعه الاجر
مستباحه باسم الانسانيه
----
لكن السفسفطه الكدابه والدين بيقول ايه واصل انسانيا ده لما نبقي شعب سوي والناس بتقدر بعض.....
انا كطبيب ف قريه مش بعرف اركن عربيتي لان كل صاحب بيت بيتأفف ومعتبر الشارع ملكيته الخاصه تبع زمام البيت ولما بشتري حاجه بتحاسب عليها الطاق اتنين واي دوا او تحليل او اشعه بطلبهم لصالح العيان بلاقي شك من الناس واتهام ضمني ان عامل ديل و لو رنيت علي كهربائي سباك ميكانيكي بعد المغرب لاي ظرف طارئ مش هيعبروني ولن ياتو ويقدروا الظروف.....ولو حبيت اعمل دعايا بلاقي استغلال من المواطن الجميل اللي عايز فلوس علشان هعلق اليافطه بالقرب من منزله فعادي تفتكر هتعاطف مع حاله طوارئ اساسا مش عارف اخدمها...
العلاقه بين الزبون المريض والطبيب التاجر الوحش الجزار مقدم الخدمه هي علاقه عمل وعرض وطلب فقط ولا يوجد بها عشم او اي مكان للانسانيات او الاخلاقيات المثاليه او المزايدات الدينيه # تحكمها قوانين ولوائح واي خرق لهذه القوانين من ناحيه الطبيب من حق العيان يشتكي واي خرق من ناحيه العيان من حق الدكتور يشتكي ..
اما عن دكتور قنا ...انا مش قلقان عليه هيطلع وهيكمل شغل فعيادته وما يحدث شغل منحط من صحافه صفرا رخيصه وموقع سيئ السمعه وشعب مكبوت لا نسمع صوته الا في ماتشات الكوره او التنظير الاجتماعي الرخيص .. اما بالنسبه لادعاء الناس واصحاب المنطق المهترئ والعقول المسطحه والفضيله المزيفه في مدي صحه التصرف وانه كان من الواجب ان يقوم بالتطبيل للمرافقين المدعين المهملين الانطاع الذين قبلو بفضح وتصوير امهم وعرضها ع الملا وتكاسلو عن الذهاب للمستشفي وتحمل مصاريف ومشقه اكبر ومطالبه الطبيب ان يضع السماعه ويظهر التعاطف ويتحلي بكرم الضيافه بعد شتيمته والتعدي ع التمرجي اقول لهم متزعلوش نفسكم عند الله تجتمع الخصوم والقانون هيقول كلمته...

عيادة دكتور محمد يوسف عبد الصبور - أخصائي طب الأطفال

04/09/2025

12/08/2025

08/08/2025

23/07/2025

19/07/2025

13/07/2025

28/06/2025

23/06/2025

19/06/2025

14/06/2025

11/06/2025

09/06/2025

Address

Website

Alerts

Shortcuts

Share

Category