15/03/2025
السلام عليكم ورحمة الله وبركاته.
كنوز المعرفة والروحانية، مجموعة من البودكاست والبرامج اللي هتغير حياتكم للأفضل، هتلمس قلوبكم وعقولكم، وهتضيف لحياتكم معنى وقيمة.
📌 بودكسات استراحه
📌 بودكسات بدون ورق
📌 برنامج قطايف
📌 برنامج قصة واية للشيخ نبيل العوضي
📌 برنامج خلاصة التفسير للشيخ حسن الحسيني
تعالوا نتعرف عليهم🌚🙈
📌في حلقة العبودية من بودكاست استراحة، الشيخ وجدان العلي قال حديث جميل جداً:
"إِنَّ لِكُلِّ عملٍ شِرَّةً، ولِكُلِّ شِرَّةٍ فترةٌ"
كل حاجة في حياتنا بتبدأ بحماس شديد، وبعدين بيجي وقت الفتور. حتى العبادات مش بتسلم من ده. بس الفتور ده مش دايماً وحش، بالعكس، ممكن يكون فرصة للراحة والتجديد، بشرط إننا منستسلمش ليه، ومنتخلاش عن الحد الأدنى من العبادات، الفرائض.
والأجمل من كده، قول الإمام أبو زيد:
"دعوت نفسي إلى الله فأبت علي واستعصت، فتركتها ومضيت إلى الله عز وجل"
يا الله! الكلام ده لمس قلبي بشكل لا يوصف. لما تحس إن نفسك بتعاندك، ومش عايزة تتقرب من ربنا، سيبها، ومتضغطش عليها، والجا لربنا بقلبك، ادعيه إنه يهديك، استمد قوتك منه، وهو هيعينك.
الكلام ده عظيم جداً، ومعانيه أعمق من أي وصف.
📌 في بودكاست "بدون ورق"، رحلة تفتح لنا آفاقًا جديدة وتُضيء لنا دروبًا مظلمة.
الحلقة دي مش مجرد حلقة عادية، دي كنز دفين، رحلة طويلة شوية، بس صدقوني، كل دقيقة فيها تستحق الاستماع. هتخرجوا منها بأكثر من 10 مواضيع مختلفة، كلها بتدور حول محور واحد، القرآن الكريم، بس بأسلوب ساحر، ممتع ومقنع، هيخليكم تشوفوا القرآن بمنظور جديد تمامًا.
الدكتور نايف بيغوص في أعماق الأيات، بيستخرج منها كنوزًا من الحكمة والمعرفة، بيسلط الضوء على تربية النفس في ضوء القرآن، وكيفية تدبر معانيه، وطريق البدء في رحلة التدبر.
وكمان، هيشرح لنا أصل الانحدار الأخلاقي الغربي المعاصر، وهيوضح لنا ليه لازم نرجع للقرآن، ليه لازم نعتبره مشكاة نستنبط منها جميع العلوم الأخرى.
الحلقة دي مش مجرد معلومات، دي رحلة تغيير، رحلة هتخليكم تحبوا القرآن أكتر، هتخليكم تفهموه بشكل أعمق، هتخليكم تعيشوا بيه حياتكم.
بس كدا سلام عليكم 🧑🦯🫡
|محمد جاد
