04/12/2025
👈اه رايك فى شويه حاجات حتساعدك في رحلتك في الدايت 👇😍
🔴١- الدايت مش حرمان مينفعش وعمرك ماهتكمل بيه...امشي ع النظام اللي يريحك وتبقي مقتنع بيه ..وبالتالي حتي لو هو بيمثل حرمان عند آخرين ..بالنسبه ليك مش هيبقي حرمان لانك فاهم أنه صح🙈
٢- دايما تقليل الكربوهيدرات ( عيش ورز و مكرونه وعصائر وهكذا) احسن صحيا وافضل ف نزول الوزن ..فحاول دايما تقللهم هتلاقي شبع اكتر 💚
📌٣- خلي النشويات دايما ف وجبه واحده فقط مش اكتر وبكميه معتدله عشان ماتبقاش حرمت نفسك وف نفس الوقت يبقي قللت الكميه👌
🔴٤- حاول دايما تخلي في وقت مش بتاكل فيه( تصوم فيه عن الطعام ) ..بدل ماتفضل شغال على طول بتاكل 😋.يعني علي اقل صوم يوميا ١٢ ساعه ده هيفرق اوي ف الحرق وراحه الجسم وتقليل السعرات
٥- حاول باستمرار تعمل منظومه الكارب يعني ايام دخل فيه نشويات وايام اقطع فيها خالص ...دي من أنجح وافضل الوسائل لاستمرار النزول 💪
🔴٦- اوعي تعرف حد. انك بتعمل دايت ...الموضوع مش بس حسد...لا ده الناس لما بتعرف انك عامل دايت بيحبطوك بكلامهم.( زي مثلا اييييه ده انت خسيت اوي وبقيت وحش..او ايه ده انت مش باين عليك....الخ) .دي مهمه اوي🙏🙏
📌٨- دايما حاول تتحرك حتي لو نص ساعه ...لازم تسمع ضربات قلبك كل يوم من مجهود او رياضه عشان تتأكد انك كويس 👈اي نوع رياضه حتي لو رقص ف المكان علي اغنيه عبيطه أو حتي لعب مع عيالك ف البيت💚
🔴٩- نام كويس جدا 💤😴💤.النوم هو اللي بتحرق فيه وبتتخلص من دهون البطن...لو عندك مشكله ف النوم حاول ضرورى جدا تحلها✋
📌١٠- ابعد عن التوتر قدر المستطاع...خليك مع ربنا 🤩
📌١١- اوعي توزن كل يوم ...لو وزنت كل شهر افضل بكتير ..راقب مقاساتك هات لبس ضيق وشوف اذاى اتغيرت
🔴١٢- اشرب ميه ...مش شرط كتير ..بس لازم تفتكر انك شربت ميه خلال يومك..هتشبع وتحرق وتزيد حرقك👏👏
🔴١٣- متاكلش وتنام .....استني ٣-٤ ساعات لحد الاكل اللي انت واكله يتهضم تماما 🤜
🔴١٤- حب نفسك اوي 💚..ثق ف نفسك جدا.🤩..وابعد عن العلاقات الغير سويه😔المحبطه.
📌١٥- لو لغبطت مره ...مش هتموت...كمل عادي وتنسي اليوم ده انت مش فاشل ..انت بشر هتغلط ومافيش حد مش بيغلط ..اوعي تهدم نجاح عشان خطوه ... وافتكر دايما أن الفرق بين الفاشل و الناجح ..أن الناجح فشل وكمل وفشل وكمل تاني لحد مانجح...لكن الفاشل..فشل وقرر يكمل في فشله وينسي هدفه💪
دمتم فى رعاية الله وحفظه💚❤💚
