My care, Sohag (2026)

23/08/2020

بسم الله
_________________________

Fats .. الدهون

امنع الدهون .. اتجاه بياخدو كتير من الناس الى عامله دايت وبتخس اعتقادا منهم بمنعها هيؤدى لنتيجه افضل وطبعا الكلام ده خاطئ تماما وده لانها فيها فوايد كتير منها :-
* مصدر للاحماض الدهنية الاساسيه التى لا ينتجها الجسم
* مصدر للطاقه
* مهمه لتوازن الهرمونات ونقصها بيؤدى لنقص التستوستيرون والى بدوره مهم جدا فى عمليات الحرق
* مهمه لصحه المفاصل
* مهمه لامتصاص بعض الفيتامينات الذائبه فى الدهون (A.D.E.K)
* مهمة لصحة الجلد والشعر
* مهمه لصحة الدماغ
* مهمه لتنظيم مستويات السكر بالدم
بس طبعا الكلام ده مينطبقش على كل الدهون لانى فى منها انواع وهي :-
1 - unsaturated fat .. دهون غير مشبعه
وده افضل انواع الدهون وموجوده فى الفول السودانى و زيت فول الصويا و الافوكادو والاسماك البارده الدهنيه زى السالمون و السردين و الماكاريل والى فيهم كميه كبيره من الاوميجا ٣ والى ليها فوايد كتير جدا للجسم

2 - saturated fat .. دهون مشبعة
ودى مفيده بردو بس كترها مش كويس لانو بيرفع مستوى الكوليسترول الضار وعلشان كده يفضل كميتها متزدش عن 10% من اجمالى السعرات اليوميه وده حسب توصيه الجمعيه الامريكية للقلب ودى بتبقى موجوده فى اللحوم و منتجاتها .. الزبدة والسمنة .. زيت جوز الهند .. الجبن وخصوصا الانواع الصلبة منها

3 - trans fat .. دهون متحولة
ودى اسوأ انواع الدهون ولا ينصح بتناولها ودى الى موجوده فى الاغذية الى فيها زيوت نباتيه مهدرجه والى للاسف المنتجات دى ماليه السوبر ماركت من بسكوت وكيك وخلافه .

فمن الاخر كده الدهون غير مشبعه مفيدة ويفضل تناولها .. المشبعة تناول بحذر .. المتحولة سيبك منها

لايك وشير بقا لو عجبك البوست وفولو للصفحة لو عجبك المحتوى 😊
دمتم سالمين ❤
____________________________

Admin : Ahmed tuckey
للاستفسار عن خدمات التمريض المنزلى :-
موبايل : 01026868715📱
واتس آب : 01026868715⁦
او ابعتلنا على رسائل البيدج

19/08/2020

بسم الله
________________________
carbohydrates .. الكاربوهيدرات

الكارب نوعين :-
* simple carb .. كارب بسيط

وبسيط لانى هضمو سهل لانو مش بيحتوى على الياف بتبطأ امتصاصه فبتالى سريع فى الامتصاص فهيعلى مستوى سكر الدم بسرعة وهنا يجى دور البنكرياس الى بيفرز انسولين بشكل كبير
والى بدوره بياخد السكر الزياده ده من الدم و يدخلو الخلايا علشان يرجع مستوى سكر الدم للطبيعى .. وده زى السكر و العسل و منتجاتهم لانهم ابسط صوره للكارب واسرعهم فى الامتصاص والنوع ده عاده مش مستحب لانو فيه سعرات كتير على الفاضى من غير فيتامينات ولا معادن ده غير انو مش مستحب خاالص لمرضى السكر .
ملحوظه : مش معنى كده مناكلش عسل لا طبعا .. بس المقصود هو عدم الافراط فيه

* complex carb .. كارب معقد

ومعقد لانو هضمه بطئ بسبب احتوائه على الالياف الى بتبطأ هضمه فبتالى امتصاصه هيطول فمش هيعلى نسبه السكر ده بالعكس هيحافظ على المعدل الطبيعى للسكر فى الدم وده معناه هيحافظ على المستوى الطبيعى بردو للانسولين وده النوع الى بينصح بيه لمرضي السكر وطبعا هيكون فيه كميه فيتامينات و معادن محترمة
امثله :- شوفان .. بطاطس .. دقيق القمح الكامل .. بطاطا
فى انواع تانية ما بين البسيط والمعقد ودى بتحدد على اساس احتوائها للسكريات و الالياف بمعنى :-

* كل ما زادت السكريات و قلت الالياف يبقى الهضم والامتصاص سريع يبقى كارب بسيط
* كل ما زادت الالياف و قلت السكريات يبقى الهضم و الامتصاص بطئ كارب معقد
* لو الاكل فيه نسبه سكريات و نسبه كارب فكده الهضم والامتصاص ما بين السريع و البطئ حسب كميه السكريات و الالياف فى الاكل

من الاخر الكارب المعقد او الى نسب السكر فيه قليله هو الاصح و الافيد بشكل عامل

لايك وشير بقا لو عجبك البوست وفولو للصفحة لو عجبك المحتوى 😊
دمتم سالمين ❤
____________________________
Admin : Ahmed tuckey
للاستفسار عن خدمات التمريض المنزلى :-
موبايل : 01026868715📱
واتس آب : 01026868715⁦
او ابعتلنا على رسائل البيدج

11/08/2020

بسم الله
_____________________________

protein .. البروتين
عنصر أساسي فى تكوين وبناء الخلايا ومهم للجسم للقيام بوظائفه الاساسية وطبعا مهم جدا للرياضيين بشكل خاص

البروتين بشكل عام نوعين :-
بروتين كامل وده الافضل طبعا والى موجود فى المنتجات الحيوانية ومنتجات الصويا
بروتين غير كامل وده الى جودته اقل والى موجود فى المنتجات النباتية.

البروتين بيتم تكسيره فى الجسم ل amino acids (احماض امينية) علشان الجسم يعرف يمتصة وال amino acids دى نوعين :-
* Essential amino acids .. احماض امينية اساسية
وعددهم 9
phenylalanine, valine, threonine, tryptophan, methionine, leucine, isoleucine, lysine, histidine.
* Non essential amino acids .. احماض امينية غير اساسية
وعددهم 11
arginine, cysteine, glycine, glutamine, proline, tyrosine, alanine, asparagine, aspartate, ornithine, sarine
الجسم بيقدر ينتج ال 11 حمض امينى الغير اساسيين لكن مش بينتج ال 9 احماض الاساسيين فلازم ندخلهم من الاكل

البروتين الكامل بيحتوى على النوعين essential و non essential
البروتين الغير كامل بيحتوى على non essential بس
ومش معنى كده انى الاعتماد الاول و الاخير على الحيوانى لا النباتى ممكن تدخلو فى نظامك بنسبه ٢٥ فى الميه من اجمالى البروتين .
احتياج الشخص الغير رياضى 1 جرام بروتين لكل كيلو من وزن الجسم .
احتياج الرياضى من 1.6 حتى 2 جرام لكل كيلو حسب شدة التمرين
بعض مصادر البروتين و النسب الموجودة بها لكل 100 جرام :-
اللحوم .. ٢٥ ج حسب نوع اللحم
الاسماك .. من ٢١ ل ٢٦ ج حسب نوع السمك
الدجاج .. من ٢٦ ل ٣٠ ج حسب الجزء (صدر . ورك . جناح )
البيض .. ٦ جرام للبيضه المتوسطة
الجبن القريش .. ١٢.٥ جرام
البقوليات .. من ١٥ ل ٢٥ حسب النوع

لايك وشير بقا لو عجبك البوست وفولو للصفحة لو عجبك المحتوى 😊
دمتم سالمين ❤
____________________________
Admin : Ahmed tuckey
للاستفسار عن خدمات التمريض المنزلى :-
موبايل : 01026868715📱
واتس آب : 01026868715⁦
او ابعتلنا على رسائل البيدج⁦🗨️⁩

26/07/2020

بسم الله
__________________________________________
*timeline*
الى مشافش الاجزاء الى فاتت ..

بوست السعرات 👈https://www.facebook.com/107692347518298/posts/159290395691826/

بوست الماكروز 👈https://www.facebook.com/107692347518298/posts/159480349006164/

بوست المايكروز 👈https://www.facebook.com/107692347518298/posts/159917848962414/

ال timeline دى ممكن نختصرها فى كلمتين .. what .. when
بمعنى ايه وامتى .. يعنى ايه الكلام ده بردو ..
يعنى بتظبط ايه الاكل الى هتاكلو و تاكلو امتا ..
مثال (1) .. رايح تمرين فعلشان تضمن احسن اداء ليك فى التمرين تاكل وجبه غنيه بالكاربوهيدرات و البروتين خصوصا لو كان التمرين عنيف زى رياضه كمال الأجسام
مثال (2) .. رايح تذاكر وعايز تركيذك يزيد ممكن تشرب قهوه لاحتوائها على الكافيين (وتنفع بردو للناس الرياضيه لانى الكافيين بردو بيحسن الاداء الرياضى)
(وان شاء الله هنتكلم عن الكافيين فيما بعد بتوسع شويه)
مثال (3) .. مينفعش قبل النوم تشرب قهوه لانى الكافيين محفز للجهاز العصبي فهيخليك مصحصح فيهاثر على جوده النوم
مثال (4) الفيتامينات و المعادن الى بتتعارض مع بعض مع الجرعات الكبيره وده وضحناه فى بوست المايكروز الى فات
عموما ال timeline مش مهمه قوى زى ال 3 اجزاء الى قبلها وممكن تتغاضى عنها لو تقدر .. بس لو اطبقت هيكون افضل اكيد ..

*suppliments .. المكملات الغذائية*
المكملات الغذائيه ودى الى هيا اى عنصر غذائى من الماكروز او المايكروز مترجم فى مستحضرات كيمائية او طبيعية على هيئه كابسولات .. اقراص .. حقن .. فوار ... الخ .. ومن اسمها مكملات غذائية يعنى بتكمل الناقص من اكلك .. بمعنى انك حسبت حسبتك وعملت النظام الغذائى بتاعك ولقيت فى الاخر الدايت بتاعك ناقص نوع فيتامين او معدن معين فبتكملو من المكمل .. وطبعا لازم تكون عارف ناقصك اد ايه من العنصر الغذائى ده علشان تعرف تجيب انهى منتج تكمل بيه احتياجك و تعرف كمان تاخد جرعته ازاى .. كام مره .. كل يوم اساسا ولا لا
ووضحنا فى بوست الماكروز و المايكروز الجرعات بتاعتهم بالظبط ولينكاتهم اول البوست
وبردو المكملات دى مش مهمه وملهاش عازه كمان لو دخلت كل العناصر الغذائيه بتعتك من الاكل

كده خلصنا اساسيات عمل نظام غذائى صحي متوازن
وهنبتدى نشرح بعد كده تفاصيل اكتر عن الكلام ده كلو عموما والى هتقصر المسافه و هتحسن الصحه بشكل كبير لو تم تطبيقها

لايك وشير بقا لو عجبك البوست وفولو للصفحة لو عجبك المحتوى 😊
دمتم سالمين ❤
____________________________
Admin : Ahmed tuckey
للاستفسار عن خدمات التمريض المنزلى :-
موبايل : 01026868715
واتس آب : 01026868715
او ابعتلنا على رسائل البيدج

24/07/2020

بسم الله
__________________________________________
*Micronutrients*
الى مشافش الجزئين الى فاتو من السلسله دى ..

بوست السعرات الحرارية 👈 https://www.facebook.com/107692347518298/posts/159290395691826/

بوست الماكروز 👈https://www.facebook.com/107692347518298/posts/159480349006164/

المايكروز الى هيا المغذيات الدقيقة الاصغر من الماكروز .. المغذيات الى بتتحسب بالملى او الوحده الدوليه والى هيا الفيتامينات و المعادن ..
الجداول الى تحت دى فيها كل الفيتامينات و المعادن و امثله على مصادر كل فيتامين او معدن و الاحتياج اليومى منو ..

فى حاجتين تقدر تحسب بيهم الاحتياح من الفيتامينات و المعادن
الاول من اللينك ده 👈 https://www.webteb.com/nutritionfacts وفى منو ابليكشن كمان على جوجل بلاى

وده انتا بتختار نوع الاكل من الى قدامك وهو بيقولك كل حاجه فى الاكل ده ايه .. طبعا الطريقه دى اصعب لانها يدويه شويه لانك هتطر تسد احتياج كل فيتامين ومعدن وحده وحده الموضوع هيكون مرهق
الطريقة التانية ودى الاسهل و المفضلة بالنسبالى و الادق كمان .. من اللينك ده 👈https://cronometer.com/ بردو فى منو ابليكشن على جوجل بلاى
بس للاسف الموقع ده انجليزى بس
البرنامج بردو محتاج تسجيل دخول باى اكونت و محتاج تعليم عليه بردو مش سهل التعامل بيه من اول مره

حاجه اخيره حابب اوضحها فيما يخص المايكروز .. فى فيتامينات و معادن كتير بتعطل امتصاص بعض لو اتاخدو بجرعه كبيره فيستحسن تبعدهم عن بعض ان امكن لو كانت الجرعه كبيره .. حاجه مثلا زى الحديد و الكالسيوم ... ال ٢ دول بيعطلو امتصاص بعض لو اتاخدو بجرعه كبيره وده لانى ال receptor او المستقبل بتاعهم فى الجسم بيكون واحد و ال receptor ده بياخد الكمية بتاعته منهم ومش بيستقبل اكتر منها حتى لو كنت مزود فى جرعتهم ..
وزى ما فيه حاجات بتتعارض مع بعض فيه بردو حاجات بتحسن امتصاص بعض فيستحسن تاخدهم مع بعض ان امكن زى مثلا فيتامين c و الحديد ..
عموما دى حاجه ممكن متركذوش معاها طلاما جرعات الحاجات الى بتتعارض مع بعض قليله او متوسطه ..
و ه جدول بردو بيبين الفيتامينات و المعادن الى بتتعارض مع بعض و الى بتحسن من امتصاص بعض ..

لايك وشير بقا لو عجبك البوست وفولو للصفحة لو عجبك المحتوى 😊
دمتم سالمين ❤
____________________________
Admin : Ahmed tuckey
للاستفسار عن خدمات التمريض المنزلى :-
موبايل : 01026868715
واتس آب : 01026868715
او ابعتلنا على رسائل البيدج

22/07/2020

بسم الله
__________________________________________
*Macronutrients .. Macros*
كنا عرفنا من بوست ال calories ازاى نحسب احتياجنا من السعرات بالظبط ..
لينك البوست للى مشفهوش .. https://www.facebook.com/107692347518298/posts/159290395691826/
ودلوقتى هنتعلم ازاى نقسم السعرات دى بالظبط علشان جسمك يدخلو كل العناصر الغذائية ..
ال macros .. يعنى المغذيات الكبيره والى بتتحسب بالجرام والى هيا .. بروتين .. كاربوهيدرات .. دهون
وعلشان نعرف نقسم العناصر دى لازم نعرف احتياجتنا من كل عنصر منهم و الجرام من كل عنصر بيساوى كام كالورى
جرام البروتين = ٤ سعر حرارى
جرام الكارب = ٤ سعر حرارى
جرام الدهون = ٩ سعر حرارى

البروتين للشخص البالغ الطبيعى :-
١ ل ١.٢ جرام لكل كيلو من وزن الجسم للغير رياضى
١.٦ ل ٢ او ٢.٥ جرام لكل كيلو من وزن الجسم للشخص الرياضى (حسب المستوى)
الدهون للشخص البالغ الطبيعى :-
من ٢٥ ل ٣٠ فى المية من اجمالى السعرات
الكاربوهيدرات للشخص البالغ الطبيعى :-
اجمالى السعرات اليومية ناقص اجمالى سعرات البروتين و الدهون
ابسطهااالك 😂
هناخد مثال على شخص مثلا ٦٠ كيلو وبيحتاج ٢٠٠٠ كالورى يوميا و عايزين نقسمهم ..
ركز بقا معايا فى الى جاى ..😬
اولا البروتين هنضرب فى ١ جرام لو مش رياضى ولو رياضى على الاقل ١.٦ .. وهنفترض انو مش رياضى
60*1= 60 جرام بروتين
وجرام البروتين = 4 كالورى
يعنى 60*4= 240 كالورى
طيب الدهون ودى قلنا من 25 ل 30 % من اجمالى السعرات .. هنفترض عايزين 25 %
2000*.25 = 500 كالورى
جرام الدهون = 9 كالورى
يعنى 500 /9 = 55 جرام دهون تقريبا
اخيرا الكارب :-
اجمالى السعرات - سعرات البروتين و الدهون
2000 - 740 = 1260 كالورى
جرام الكارب = 4 كالورى
1260 / 4 = 315 جرام كاربوهيدرات
كده اجمالى الاحتياج بالجرام :-
بروتين = 60 جرام
دهون = 55 جرام
كارب = 315 جرام
علشان تتاكد من النتائج صح ولا لا هتشوف كل عنصر جرامو بكام كالورى وتضربهم وتجمع نتايجهم والناتج لازم يطلع مجموع السعرات اليومية الى هو 2000
60 * 4 = 240 كالورى
55 * 9 = 500 كالورى
315 * 4 = 1260 كالورى
240 + 500 + 1260 = 2000 كالورى
وكده تبقى الحسبة تماااام 😉
طيب عظيم خالص اعرف منين بقا الاكل ده فيه كام جرام بروتين و كارب و دهون .. كنت سبت لينك فى بوست الكالوريز بيوضح انواع كتير من الاكل وكل نوع فيه كميه السعرات و البروتين و الكارب و الدهون
وده اللينك تانى اهو .. https://www.egyfitness.com/1654-2/
وطبعا الموضوع مش بالبساطة دى 😀 احنا لسه هنشرح انواع البروتين و الكارب و الدهون والفرق بين انواع كل عنصر ايه .. وايه الصحى والى مش صحى وتفاصيل كتير وليلة كبيرة اوى سعادتك😂 بس بعد ما نخلص باقى الهرم الغذائى على خير ان شاء الله .. تابعوناا 😉

لايك وشير بقا لو عجبك البوست وفولو للصفحة لو عجبك المحتوى 😊
دمتم سالمين ❤
____________________________
Admin : Ahmed tuckey
للاستفسار عن خدمات التمريض المنزلى :-
موبايل : 01026868715
واتس آب : 01026868715
او ابعتلنا على رسائل البيدج

22/07/2020

بسم الله
__________________________________________
*Calories .. السعرات الحرارية*
وده هيكون اول عنصر نشرحه فى الهرم الغذائى الى تحت ده ..
بس قبل ما نشرحة لازم نفهم يعنى ايه كالورى او سعره حراريه الاول ..
ال calorie بالمختصر كده هى مقياس الطاقه فى الاكل ووحدة الطاقة فى الجسم .. بمعنى انى كل اكل فيه كميه كالورى معينة و الكالورى دى هى وحدة الطاقة اللازمة للجسم للقيام بمهامة .. يعنى بالبلدى كده هيا البنزين بتاع بنى ادم .. وطبعا مش كلو بيحتاج نفس كمية البنزين كل يوم لتادية مهامه ... لان كمية الكالورى دى بتتحسب على اساس عوامل كتير منها .. الطول .. الوزن .. السن .. النوع .. معدل النشاط اليومى .. وطبعا كلنا نختلف عن بعض فى العوامل دى .. حتى التوائم😁
فلازم نحسب احتياج كل فرد علشان نعرف كمية الكالورى الخاصه بيه فاليوم ... ازاى بقاااا
بدون الدخول فى تفاصيل معادلات يدويه وتعقيدات .. هتدخل على اللينك ده .. https://www.egyfitness.com/tdeecalculator/
(صاحبة الكابتن الكبير محمد قاعود )
هتلاقى جدول فيه بيانات بالعوامل الى فوق (السن .. النوع .. الوزن .. الخ)
هتملا البيانات دى و استخدم معادلة مفلين سانت جوير .. بعد ما تحط البيانات و تدوس احسب النشاط هتلاقى رقمين ظهرو من تحت ..
اول واحد ده معدل الايض الاساسي ..
يعنى معدل السعرات الحرارية الى بيحرقها جسمك فى وضع السكون التام بدون اى نشاط
التانى الاحتياج اليومى من السعرات الحرارية ..
وده كمية السعرات الى جسمك محتاجها للقيام بمهامة اليومية .. ودى طبعا الى بتتحدد من خانة مستوى النشاط فى نفس الجدول
طيب حسبنا كمية الكالورى وعلى سبيل المثال طلعت ٢٠٠٠ كالورى فى اليوم .. لو عايز تزيد هتاخد اكتر من ٢٠٠٠ ولو عايز تخس هتاخد اقل من ٢٠٠٠ ولو عايز تحافظ على وزنك هتاخد ال ٢٠٠٠
وطبعا الرقم الى هتاخدو سواء اقل او اكتر مش بيكون عشوائى او كبير لسرعه الوصول للهدف وده الى هنوضحو فى الاجزاء الى جاية ..
طيب عرفنا الكلام ده كلو ... اعرف منين بقا كمية السعرات فى الاكل نفسو علشان اعرف ادخل الرقم بتاعى ..
اتفضل ده لينك فيه كمية السعرات فى معظم انواع الاكل بتاعنا .. https://www.egyfitness.com/1654-2/
وهتلاقى كمان كمية البروتين و الدهون و الكربوهيدرات كمان مش بس السعرات .. ودول الى هنوضحهم فى البوست الى جاى
وعموما لو فيه نوع اكل معين مش موجود .. تقدر تعمل سيرش عليه على جوجل ..
كده خلصنا اهم جزء فى الهرم ده بس مش معنى كده انى الباقى مش مهم .. بالعكس ده مهم جداااا فتابعنا علشان تشوف باقى الاجزاء

لايك وشير بقا لو عجبك البوست وفولو للصفحة لو عجبك المحتوى 😊
دمتم سالمين ❤
____________________________
Admin : Ahmed tuckey
للاستفسار عن خدمات التمريض المنزلى :-
موبايل : 01026868715
واتس آب : 01026868715
او ابعتلنا على رسائل البيدج

21/07/2020

بسم الله
_________________________________________
ماى كير مش بس صفحة للخدمات التمريضية المنزلية .. احنا بردو بنهتم بالصحة بشكل عام وبنعمل انظمة غذائية للزيادة او التخسيس محسوبه بدقه حسب الطول .. الوزن .. النوع .. العمر .. ومعدل النشاط الخاص بالعميل😎 .. وطبعا تفهم من الكلام ده انى مفيش نظام غذائى لواحد يمشى للتانى لانى طبعا هيكون فى تغيير فى اى عامل من العوامل الى فوق دى ...😎
فلو مش عايزنا نصمملك الدايت الخاص بيك بالفلوس💸 تابعنااا لاننا هنشرحلك بالتفصيل على كذه جزء ازاى تعمل كده لوحدك ببلاش من غير ما تدفعلنا مليم 😉

لايك وشير بقا لو عجبك البوست وفولو للصفحة لو عجبك المحتوى 😊
دمتم سالمين ❤
____________________________
Admin : Ahmed tuckey
للاستفسار عن خدمات التمريض المنزلى :-
موبايل : 01026868715
واتس آب : 01026868715
او ابعتلنا على رسائل البيدج

11/07/2020

بسم الله
________________________________
السكر .. Diabetes
الجزء الرابع .. part 4
لو مشوفتش ال 3 اجزاء الى فاتو فدى الروابط بتاعتهم

1.. https://m.facebook.com/story.php?story_fbid=153538699600329&id=107692347518298

2.. https://m.facebook.com/story.php?story_fbid=156180679336131&id=107692347518298

3.. https://m.facebook.com/story.php?story_fbid=156184739335725&id=107692347518298

وبعد الى عرفناه من ال 3 اجزاء الى فوق كده نطلع بسؤال

س .. انهى اخطر السكر المرتفع ولا المنخفض ؟
ج.. علشان نجاوب على السؤال ده لازم نعرف ليه فهناخدهم واحده واحده ..
فى حاله ارتفاع سكر الدم الجسم بيفرز انسولين علشان يخفض نسبه السكر الزياده ويوديها الخلايا زى ما شرحنا فى الاجزاء الى فاتت .. طيب لو فيه حاله انى المريض ماخدش علاج .. الجسم بيبتدى يضغط اعضائه ويعصرها علشان تنزل المياه الى فيها والمياه دى بتبقى فيها سكر فبتنزل فى البول فسكر الدم يقل ومن ضمن اعراض الارتفاع هو العطش الشديد و التبول الكتير زى ما وضحنا فالمريض هيضطر يشرب ويروح الحمام فالجسم هيعيد نفس القصه تانى لحد ما السكر يظبط . وفى نفس الوقت مفيش مصدر طاقه داخل لجسمك لانى السكر (مصدر الطاقه الاساسي للجسم) كلو فى الدم فيبتدى الجسم يستهلك مصدر تانى للطاقه وهو الدهون (مصدر ثانوى للطاقه فى حاله قلة السكر) فيحرق من الدهون وعلشان كده على المدى البعيد بيكون المريض الي السكر بتاعه اغلب الوقت مرتفع وزنه نقص وطبعا السكر مش بيرجع طبيعى بنفس سرعه العلاج .. طبعا الشخص الى وزنه زايد هيقول مصلحه ماخدش علاج واخس .. لاطبعا لانى الوضع ده بيهلك اعضاء جسمك وممكن جدا يحصل تلف فى اى عضو متحمل فوق طاقته .. ده غير انى المناعه بتكون فى اضعف حالاتها و لو كان فيه جروح هيكون صعب جدااا انها تلم وممكن متلمش لو السكر متظبطش يعنى من الاخر الى يفكر فى كده يبقى بيدمر نفسو حرفيا.

اما بقا لو انخفض السكر فالمفروض اننا بندى الحاله سكر او محلول جلكوز تركيذ ١٠ او ٢٥ فى الميه حسب الحاله وده طبعا لو المريض مكنش واعى .. طيب فى حاله مخدش حاجه خالص .. الاول بيحصل دوخه وتعب وارهاق بعدها اغماء وتشنجات ولو استمر الوضع هيحصل death (موت) وده لانى السكر مصدر الطاقه الاول والمفضل للجسم .. زى العربيه لو مفيهاش بنزين مش هتشتغل
الخلاصه :-
الجسم مصمم انو ينزل السكر لوحدو فى حاله الطوارئ .. بس مش مصمم انو يلحق نفسو من غير علاج فى حاله انخفاض السكر وده لانى بنزين الجسم نفسو خلص .
فى قانون فيزيائى بيقول الطاقه لا تفنى ولا تستحدث من عدم .. ونفس القانون ينطبق على الكلام ده
يعنى اجابه السؤال ده .. انخفاض السكر اخطر من ارتفاعه
بمعنى انى لو قدامى ٢ مرضى واحد سكرو منخفض و التانى عالى هشتغل على الى سكرو منخفض الاول

وبكده نكون خلصنا موضوع السكر ويارب تكونو استفدتو .. تابعونا ...

لايك وشير بقا لو عجبك البوست وفولو للصفحة لو عجبك المحتوى 😊
دمتم سالمين ❤
____________________________
Admin : Ahmed tuckey
للاستفسار عن خدمات التمريض المنزلى :-
موبايل : 01026868715
واتس آب : 01026868715
او ابعتلنا على رسائل البيدج

11/07/2020

بس الله
__________________________________________
السكر .. Diabetes
الجزء الثالث .. part 3
وضرورى تكون شوفت الجزء الاول و التانى علشان تفهم الجزئين الى جايين
الجزء الاول https://www.facebook.com/107692347518298/posts/153538699600329/

الجزء التانى : https://www.facebook.com/107692347518298/posts/156180679336131/

شرحت فى الجزء الى فات انواع داء السكر وايه الى بيحصل فى كل نوع وطرق العلاج و الاسباب وهنا هنوضح الاعراض وهنقسمهم لجزئين :-

ارتفاع سكر الدم .. Hyperglycemia
1.. شعور مستمر بالعطش
2.. ارهاق
3.. كثره التبول
4.. تشوش بالرؤية
5.. صداع
ولو الارتفاع ده كان بشكل مستمر بيكون فيه اعراض اخطر زى تلف بالاعصاب .. تلف بشبكية العين .. فقدان للوزن .. صعوبه التركيذ .. دوخه شديدة.
انخفاض السكر .. Hypoglycemia
1.. ارهاق
2.. شحوب بالجلد
3.. شعور بالجوع
4.. رعشة
5.. قلق وعرق شديد
وفى حاله الانخفاض المستمر بالسكر بيحصل تعتيم للرؤيه .. فقدان للوعى .. تشنجات ..
طيب انتا عمال تشرح فده كلو ومقولتش بيعلى لما يبقى كام و ينخفض لما يكون كام وكام الطبيعى اساسا
حاضر يا عمنا اتفضل ده جدول فيه النسب الطبيعية للسكر حسب العمر
وكده يبقى فاضل الجزء الرابع والاخير وتابعو الصفحة علشان هتستفيدو منو جدا

لايك وشير بقا لو عجبك البوست وفولو للصفحة لو عجبك المحتوى 😊

لايك وشير بقا لو عجبك البوست وفولو للصفحة لو عجبك المحتوى 😊
دمتم سالمين ❤
____________________________
Admin : Ahmed tuckey
للاستفسار عن خدمات التمريض المنزلى :-
موبايل : 01026868715
واتس آب : 01026868715
او ابعتلنا على رسائل البيدج

11/07/2020

بسم الله
_________________________________________
Diabetes .. السكر
part 2 .. الجزء التانى
وعلشان تفهم البوست ده والى بعدو كمان لازم تشوف الجزء الاول
https://www.facebook.com/107692347518298/posts/153538699600329/
مبدئيا كده لازم نعرف انواع السكر ونعرف ايه الى بيحصل فكل نوع لان كل نوع ليه طريقه مختلفه فى العلاج
واول نوع هنشرحه هو Type 1 (النوع الاول) اسمو كده 😅
وزى ما شرحت فى البوست الاول انك لما بتاكل سكر البنكرياس يفرز انسولين بيروح للسكر الزياده فى الدم يوديه لخلايا جسمك علشان يرجع المعدل الطبيعى للسكر فى الدم
النوع ده بقى بيحصل فيه absent insulin secretions وده معناه انى جسمك مش بيفرز انسولين
وعاده بيكون السبب فى جهاز المناعه الى بيهاجم جزر لانجرهانس (الخلايا المنتجه للانسولين فى البنكرياس) فبيدمرها فالبتالى لازم ندى انسولين من مصدر خارجى
وعلشان كده النوع ده بنسمية .. insulin dependent diabetes (السكر الى بيعتمد فيه المريض على انسولين خارجى )
وعاده بيكون السبب بالاصابه بالنوع الاول وراثى او تاريخ مرضي فى عائله المريض عموما

Type 2 .. النوع الثانى
وده بيكون فيه البنكرياس كويس و بيفرز انسولين وزى الفل .. امال ايه الى بيحصل 🤔
السبب هنا مش فى انتاج الانسولين زى النوع الاول ولكن السبب فى صعوبه وصول الانسولين نفسه للدم فبيحصل insulin resistance (مقاومة الانسولين)
فبيتم العلاج بالاقراص الفمويه والى بتكون بمثابة مفتاح لاى سد بيقاوم الانسولين ويعطله عن شغله
ال Type 2 بيحصل لكذا سبب زى ..
1.. عادات غذائيه خاطئه زى اكل السكر ومنتجاته بكميات كبيره
2.. زيادة نسبه الدهون بالجسم فبيحصل over waight
3.. الناس الكبيره فالسن بتكون معرضه بشكل اكبر للاصابه بسكر النوع ٢
٤.. التاريخ المرضي بردو
٥.. قلة النشاط البدنى
النوع التالت وهو سكر الحمل .. gestation diabetes
وطبعا من اسمو بيحصل بس فى بعض السيدات الحوامل والسبب غير معروف وفى الى بتخف منو وفى الى بتكمل بيه حتى بعد الولاده

انا شرحت نوع العلاج وايه الى ينفع لكل نوع وليه .. لكن بالنسبه للجرعات و نوع الانسولين او الاقراص نفسها فده راجع للطبيب .. بس عاده فى حالات الطوارئ بيتم استخدام الانسولين المائى فى الارتفاع و السكر العادى او محلول جلكوز لو الحاله اغمى عليها فى حالات الانخفاض
هنكمل فى الجزء الثالث علشان البوست ميطولش .. تابعو الصفحة

لايك وشير بقا لو عجبك البوست وفولو للصفحة لو عجبك المحتوى 😊
دمتم سالمين ❤
____________________________
Admin : Ahmed tuckey
للاستفسار عن خدمات التمريض المنزلى :-
موبايل : 01026868715
واتس آب : 01026868715
او ابعتلنا على رسائل البيدج

02/07/2020

بسم الله
_____________________________________________
السكر .. Diabetes

واحد من اشهر الامراض المزمنة الى بيعانى منها الناس على مستوى العالم وطبعا مصر بالاخص
قبل الدخول فى تفاصيل كتير حابب اوضح انى بمجرد ما بيدخل للجسم كمية سكر كبيره نسبيا سكر الدم بيعلى وهنا بقا بيتدخل البنكرياس وبيفرز انسولين بكمية كبيره ..
الانسولين بقا هو حصان الطرواده الى بيروح للدم ويسحب منو السكر الزياده و يوزعها على خلايا الجسم علشان يتم استخدامها كطاقه و الفائض منو بيتم اختزانه كدهون فى الجسم
والعمليه دى بتحصل فى اى انسان عادى مريض او مش مريض
طيب الاصابه بالسكر بتكون ازاى .. ولو فضل مرتفع ايه الى هيحصل ولو انخفض مستوى السكر عن الطبيعى ايه الى هيحصل بردو ...
ان شاء الله هيتم شرح كل ده واكتر كمان فى الاجزاء الى جايه ... تابعونا

لايك وشير بقا لو عجبك البوست وفولو للصفحة لو عجبك المحتوى 😊

لايك وشير بقا لو عجبك البوست وفولو للصفحة لو عجبك المحتوى 😊
دمتم سالمين ❤
____________________________
Admin : Ahmed tuckey
للاستفسار عن خدمات التمريض المنزلى :-
موبايل : 01026868715
واتس آب : 01026868715
او ابعتلنا على رسائل البيدج

My care

23/08/2020

19/08/2020

11/08/2020

26/07/2020

24/07/2020

22/07/2020

22/07/2020

21/07/2020

11/07/2020

11/07/2020

11/07/2020

02/07/2020

Address

Website

Alerts

Shortcuts

Share

Category