عيادة د. أحمد عيسى للأطفال وحديثى الولادة

13/08/2025

قالو : ترك الرضيع يبكي يقوي رئتيه
وهذا خطأ

ترك الرضيع يبكي يعلمه منذ ميلاده أنك :
لا و لن تسمعيه …
لا ولن تفهميه ..
لا ولن يعتمد عليكِ ..
لأنك خذلتيه في أيامه و شهوره و سنواته الاولى ..
ترك الطفل يبكي يقلل من ذكائه في طفولته المبكرة و يزيد من تمرده و نقمه في مراهقته و يفقد القدرة على التحكم بإنفعالاته في شبابه ..

ترك الرضيع يبكي أذي في حقه لذلك لا تتركي رضيعك يبكي لوحده
.....
د.احمد عيسي 🍂
اطفال - حديثي ولادة

31/07/2025

كل ما #تبسّط الأمور ، كل ما تكون أكثر حكمة ، وتوصل للحل بسهولة 🍂...
🧒🏻حالة لفت على دكاترة كتير بسبب ان طفلها ٣ سنوات على طول فى نزلات معوية واسهال شبه مستمر ومغص وترجيع وعلى طول جفاف ومحاليل ،
ومعاها روشتات كتير وعلاج كتير جدا ،

كانت إجابتي لها ابسط من البساطة 👈

⚡ النظافة الشخصية يا ست الكل !⛈️

إزاي يا دكتور ؟؟

بصي يا ست الكل :
- استحمام يومى
- غسل الايدين قبل الاكل وبعده وقبل الحمام وبعده
- قص الأظافر
- حلق الشعر تماما
- تنظيف الغرفة والبيت من الذباب الناقل للعدويٰ قدر المستطاع
- عدم استخدام أدوات الغير
- عدم التقبيل من الفم والوجه عموما ، تقبيل من الرأس يكفي
- يمنع أكل الماركت شيبسيات وخلافه ويمنع اكل الشارع واى اكل معمول برة ...
عملت اللى اتقالها بالحرف على مدار سنة كاملة ✋...
جاتلي بطفلها ٤ سنوات ما شاء الله ، تؤكد انه ما اتعرضش لنزلة او اسهال او مغص وترجيع طول السنة وطول ما هى مطبقة نظام النظافة الشخصية ونظافة محيط الطفل زى ما علمتها 🙏

فى الأول والآخر الشافي هو الله وحده ،،
>>> لكن اهتمو بالحاجات #البسيطة قبل ما ندي علاج تقيل بدون داعي .



دمتم وأطفالكم بخير وسعادة 🌹
د.احمد عيسي 🍂
اطفال 🍀 وحديثي ولادة
الشهيد - زاوية أبو الفضل
01032313969 🍃

28/06/2025

سؤال ديما بيتسأل علي الواتس عندي فى وقت الطوارئ :

🍃 طفلي عضه حيوان زى حصان ، حمار ، قط ، كلب
أو قوارض زى فأر ، أرنب ، وعمل جرح ملوث ؟
بصيغة تآنية : ابني كان مجروح والجرع لعقه حيوان غير أليف أو أليف غير مُطعّم ؟.
😕 أعمل إيه يا دكتور ؟؟؟

🧑‍⚕️- هنروح بيه استقبال أى مستشفي ويعرض على دكتور أخصائي الجراحة ودكتور أخصائي الأطفال

🤰- طيب هيكتبوله ايه ؟

🧑‍⚕️- هيدوله الاتى :

1- مصل السعار ARV اللى من ٥ جرعات بالمواعيد دة لازم ، وعلي فكرة هو لقاح آمن وينفع اديه لطفلي منذ الولادة بشرط يكون فيه ضرورة

2- مصل التيتانوس فى حال كان عمره اكتر من ١٠ سنوات 🧒🏻

🤰طب ليه فى عمر أكتر من عشر سنوات مش اصغر من كدة ؟

* علشان تطعيم التيتانوس T.Toxoid طفلك اخده ضمن التطعيم الخماسي عند شهرين وأربعة وستة ك جرع اساسية
وجرع تنشيطية علي سنة ونص (يعني 18 شهر ) وعند 5 سنوات يعني فى سن دخول المدارس
والمصل دة نشط فى جسمه لمدة خمس سنوات من معاد اخر جرعة اخذها الطفل ، يعني عند ١٠ سنوات فقط
_________________

💥 ويرجع قرار اعطاء الامصال الى الطبيب المناظر للحالة وحالة الجرح نفسه من كونه غائر وملوث ام مجرد خدش بسيط

_________________
د.احمد عيسي 🍂
اطفال 🧒🏻 حديثي ولادة 👶
المستشفي التعليمي
الشهيد - زاوية أبو الفضل
هاتف :
01032313969

09/06/2025

🧸 هل لاحظتِ برازًا أسود عند طفلك؟ لا داعي للقلق، لكن لا تتجاهلي الأمر ! 🩺

في عيادتنا، نهتم بصحة أطفالكم من الألف إلى الياء، وواحدة من الأمور التي قد تُقلق الأمهات والآباء هي ظهور براز أسود عند الأطفال ،
فما أسبابه؟؟ ومتى يكون الأمر طبيعيًا؟؟ ومتى يستدعي زيارة الطبيب؟

إليكِ أهم الأسباب الشائعة :

🔹 1. الحديد والمكملات الغذائية:
إذا كان طفلك يتناول مكملات الحديد، فقد يُلاحظ تغيّر لون البراز إلى الأسود أو الغامق، وهو أمر طبيعي وغير مقلق.

🔹 2. بعض الأطعمة:
تناول أطعمة معينة مثل التوت الأزرق، العرقسوس الأسود، أو الأطعمة المحتوية على ألوان داكنة يمكن أن يغيّر لون البراز مؤقتًا.

🔹 3. النزيف من الجهاز الهضمي العلوي:
في بعض الحالات، قد يكون البراز الأسود علامة على وجود نزيف داخلي – مثل قرحة المعدة – خاصة إذا كان مصحوبًا بأعراض مثل ألم بالبطن أو ضعف عام . وهنا يجب زيارة الطبيب فورًا.

🔹 4. حالات خاصة عند حديثي الولادة:
في الأيام الأولى، يخرج الطفل ما يُعرف بـ"العِقي" (meconium) وهو براز أسود مائل للاخضر لزج طبيعي تمامًا. لا داعي للقلق!

---

🎯 متى يجب زيارة الطبيب؟

✅ إذا استمر لون البراز الأسود أكثر من يومين دون سبب واضح
✅ إذا كان مصحوبًا بقيء، ألم، أو علامات تعب وضعف
✅ إذا لم يكن الطفل يتناول مكملات حديد أو أطعمة داكنة

في عيادتنا المتخصصة بطب الأطفال ، نوفّر فحصًا دقيقًا ومتابعة شاملة لحالة طفلك، مع خبرة طويلة في التعامل مع كل ما يخص صحة الأطفال 🌹

--------------------
____________

📞 رقم العيادة : 01032313969
📍 العنوان: سوهاج - الشهيد - بعد برج الأطباء - بجوار زاوية ابو الفضل مباشرة
📆 مواعيد العمل : يوميا من ٤ مساءا ل ١٠ مساءا عدا الجمعة

06/06/2025

كل عام وحضراتكم جميعا بخير وسعادة 🌹
عيد أضحي سعيد ❤️
ويارب أولادنا ديما بخير وسلامة 🌹
__________

29/05/2025

لو سمحت يا دكتور
إبني كل شوية عنده مغص وكل ما اكشف واعمل تحليل يقولولى عنده (عسر هضم) وياخد علاج وما بيخفش ، اعمل ايه ؟

____________________

عسر الهضم يا ست الكل محتاج تغيير عادات ونظام غذائي اكتر منه علاج 🙏

* شوية حاجات بسيطة بنصح بيها عادة بتجيب نتايج ممتازة لو اتبطقت وهي :👇

- اطبخي الاكل كويس جدا جدا 🧑‍🍳

- علمى طفلك يقطع الاكل حتت صغيرة 🍞
والأهم يمضغه مضغ جيد جدا وياخد وقته فى المضغ قبل ما يبلعه 🍖🥩
السرعة فى الأكل بتخليه يبلعه دون مضغ ، وكمان بتخليه يبلع هوا ودة بيزود المشكلة

- بلاش الطفل يشرب مية كتير اثناء الاكل ، خليها مرة وفى اخر الوجبة لو امكن 🥃
عشان المية الكتير وف اثناء الاكل بتؤدى لتخفيف حامض المعدة المسئول عن عملية الهضم وبالتالى تقليل كفائته وعمله 🍁

- ممنوع ابنك ياكل قبل النوم على طول ، يفضل يفصل بين الاكل والنوم بساعتين على الاقل 😴💤

- طفلك بعد الأكل خليه يتحرك ويلعب دة هيحسن الهضم 🏃🏃

- قللي السكريات والمسبك فى الاكل 🍛

- زودى المهضمات زبادى خيار سلطات بطاطس مهروسة 🍚🥒

____________________

دمتم وأطفالكم بخير وسعادة 🌹

د.احمد عيسي 🍂
اطفال 👧🏼🧒🏻 وحديثي ولادة 👶
مستشفي اليوم الواحد 🏥
01032313969 🍁

20/05/2025

النزلات المعوية 😑
العيال متبهدلة اسهال وترجيع 👶
تعالوا نشوف أغلب الحالات سببها إيه الايام دي 👇

للاسف فيرس الروتا والفاكهة المرشوشة ، ودخول الصيف

مش مطلوب منك تفرق بين الاسباب دى وظيفة الطبيب

تعالوا نقول بعض النقط :

📌 الأعراض اللي منتشرة 👌
- قىء مفاجىء و عنيف يستمر من ١٢ ساعه إلى يوم كامل و معاه إسهال لمدة ٣ إلى ٧ أيام
- بعض الحالات معاها ارتفاع فى درجة الحرارة و مغص
- بعض الاطفال بيجيلها جفاف كمضاعفات للاسهال ،
وبعضهم بيحتاجوا إلى المحاليل لعلاج الجفاف

👌نتابع مع الدكتور كويس لتفرقة الانواع ، واخد العلاج المناسب ،
المهم مندخلش في جفاف

📌ايه العلاج ؟👌

⚡ اهم حاجة : محلول معالجة الجفاف ومنها بطعم البرتقال ذى الهيدروسيف ، كيس فى ٢٠٠ سم ماء سبق غليه
وبعد كل إسهال ٥٠ سم لو اقل من سنتين
فوق سنتين ١٠٠ سم بعد كل اسهال او ترجيع

لحد ما نكشف و نطمن

أغذية مفيدة و سهلة الهضم
⁦⬅️⁩ زبادى 🍚
⁦⬅️⁩ عصير تفاح 🍎
⁦⬅️⁩ بطاطس مسلوقة
⁦⬅️⁩ ارز و ماء الارز و ارز بشوربة 🍜🍨
⁦⬅️⁩شوربة خضار بها بطاطس و جزر 🥕🍟
⁦⬅️⁩ موز مهروس 🍌
⁦

👈 اعراض الجفاف 😱😰 :
⚾️لهفة علي شرب المية
🥎 العين بدأت تدخل لجوة
🏀والطفل عصبي..والجلد بيرجع ببطيء لما نمسكه ..
🥏 البول والدموع بيقلوا .. واللسان بينشف جداً
⁦

📌 ️️نحمي أطفالنا إزاي؟؟
🍉نحاول نتجنب الفواكه المرشوشة🥝🍍🍑
⁦⬅️⁩ونغطي الاكل كويس 🍔
🚫 بلاش اكل مجهول المصدر 🥘🍱🥘🍨
⁦☢️⁩لو ابنك لسا قبل ٣ شهور و ٢١ يوم نلحق نطعمه تطعيم الروتا مهم جدا 🥊
(بكتبه للحالة تجيبه وبديه بايدي للطفل فى العيادة )
( ضد النزلات المعوية )
👶 نعلم اطفالنا غسل الايد قبل الاكل 🚿🚰
🍼🍼غسل الببروناات جيدا
قص الاظافر كويس
🗻والتخلص من البامبرز لان مصدر العدوي في براز الاطفال المصابه وانتقال العدوي بتكون من خلاله 👆

📌 نخلى بالنا كويس و ربنا يشفى كل أطفالنا
📌 شير وفيد كل الناس
__________________

د.احمد عيسي 🍂
اطفال 👧🏼 وحديثي ولادة 👶
01032313969

20/05/2025

الحديث مع الطفل منذ ولادته يكون بلغة صحيحة سليمة ،
(كما الحديث مع الكبار)
ذلك يحفز ذكاءه و قدراته العقلية ،
الرجاء الأبتعاد عن لغة الأرانب الشهيرة 🐇 🐰
ولا تحذفي الحروف كما يحذفها هو ،
دعيه يتحدث بلغته وأنتِ تحدثي بلغة صحيحة معه ،
لأنه فضلا عن كونها عديمة المعنى ، فهي لن تضيف شيئاً لقدراته !
دعيه يسمع منك كل حرف صحيح ، لتساعديه فيما بعد على النطق السليم 🧠

18/05/2025

⚠️ الجديري المائي عند الاطفال كتيييير جدا اليومين دول

طب ايه المرض دة ؟؟

- الجديري المائي عدوي فيروسية بييجي من فيروس بينتشر بسهولة في الهواء🤧

* يعني لو حد عيّان كحّ أو عطس جنب طفلك، أو لعبوا مع بعض ولَمِسوا نفس الألعاب 🧸 الفيروس ممكن يتنقّل و بيتنقل كمان من لمس الطفح الجلدي اللي بيظهر ع الطفل العيان

🤔 طب ايه الأعراض؟ 😷

• بيبدأ بسخونية 🤒 وأعراض شبه نزلة البرد ❄️

• نقط حُمرا صغيرة تطلع وتتحوّل لبثور فيها تتملي ميّة💧
بتظهر من فوق لتحت و بتظهر في الجسم كله عادة

• حَكّة و هرش تخلّي الطفل مش عارف يهدى أبدا

____________

🥷 طرق الوقاية :

✅ تطعيم الجديري المائي يؤخذ تحت الجلد على جرعتين بعد عمر سنة بشرط عدم التعرض للمرض قبل كدة

✅ ابعدي طفلك عن أي حد لسة طالع له الطفح لحد ما يِنشَف تماماً (١٠ أيام تقريبا).

✅ غسيل إيدين كتير بالمية والصابون 👐🫧

______________________

العـــــلاج :
🌹 بيتحدد بعد فحص الطفل و تحديد شدة حالته وكل ما الطفل كشف بدري و خد علاجه الموضوع بيكون أسهل و أحسن

خلي بالك، الجُديري معدي جدا، بس الوقاية والتعامل الصح يريح طفلك ويمنع العدوى ❤️👶

ربنا يحفظكم و يحفظ اولادكم دايما 💚

_____________
د.احمد عيسي 🍂
اخصائي الاطفال وحديثي ولادة 🌾
المستشفي التعليمي
العنوان : سوهاج - زاوية أبو الفضل - بحري برج الأطباء - برج الشفاء الدور ( 4 )

☎️ 01032313969

17/05/2025

هذه الكلمات من أسباب سعادتي 🌹

🌹 ديما بقول إن التشخيص والعلاج نص الطريق ، والنص التانى هي الأم الشاطرة الملتزمة بالعلاج حتى تمام الشفاء ،

🌿 الأم اللى بتظبط المنبه بتاعها مجرد ما تطلع من العيادة على مواعيد العلاج ،
وتفتكر كل كلمة قالها الدكتور بخصوص ابنها من حرصها علي ابنها واهتمامها ،
- وتحاول تفهم وتحفظ العلاج ، وتعرف طبيعة تعب ابنها ،
وتصبر وتتابع

🍁 الست دى يكمن فيها كل العلاج والذى قد ينسب نجاحه إلى للطبيب ، ولكن الحقيقة أن الشفاء هو من عند الله أولا ،
وجعل الله السبب الأول فى الشفاء هى الأم الشاطرة ،

ثم يأتى من بعدها #الطبيب .
________________

🌹


________________

🍂 🍁
- أخصائي الأطفال 🧒 وحديثي الولادة 👶 والعناية المركزة
- مستشفي سوهاج التعليمي
العنوان -: سوهاج - الشهيد - زاوية ابو الفضل - بحري برج الأطباء
- للحجز والاستعلام يرجي الاتصال على رقم

01032313969
🎊🙏💐

- اعتذر عن رسائل الماسنجر لعدم المتابعة

27/03/2025

بنعرفها من عينة كعب الرجل عند الرضيع اللى بتتاخد فى الوحدة بعد يومين من الولادة

كلمتين عن /


🔸كسل أو خمول الغدة الدرقية يعد من اكثر الأمراض شيوعًا بين الأطفال
وترجع أسباب إصابة الطفل بخمول الغدة الدرقية إلى الأسباب التالية :

🔸إما أن يولد الطفل بدون غدة درقية أصلًا وهو عيب خلقي في هذه الحالة.

🔸أو أن يولد بغدة درقية معطلة والتي تكون ناتجة من حالات تؤدي إلى فشل في تكوين هرموناتها وهو سبب مكتسب.

🔸وغالبية حالات قصور الغدة الدرقية تكون ناتجة من خلل مناعي يقوم بمهاجمة الغدة الدرقية

🔸هذه العلّة شائعة الحدوث لدى الأطفال المصابين بمتلازمة داون.

🔸وبعض حالات الإصابة تكون نتيجة تعرض منطقة الرقبة للإشعاع أو تناول بعض الأدوية.

🔸يعد هذا المرض احد اهم الاسباب للإعاقة الذهنية والتخلف العقلي في حالة تأخر علاجه لا سمح الله.

❤️

🌿

🌺☘️

22/02/2025

البسكوتة دى موجودة ف كل بيت 🎋
______________
د.احمد عيسي 🍂
اطفال 🧒🏻 وحديثي ولادة 👶