02/12/2025
هل لازم خلع ضروس لعلاج بروز الأسنان مع تقويم الأسنان ‼️🤔
لأ مش شرط .. لأن ده بيعتمد على تشخيص دكتور تقويم الأسنان المتخصص واللي بناءاً على حالتك والأشعات بيحدد سبب بروز الأسنان عندك.
هل هو فعلاً بسبب بروز الأسنان العلوية .. ولا بسبب زيادة درجة ميول الأسنان العلوية .. ولا بسبب بروز عظام الفك العلوي .. ولا بسبب تراجع الأسنان السفلية .. ولا بسبب صغر حجم أو تأخر نمو عظام الفك السفلي .. ولا أسباب أخرى ..
شايف الأسباب كتير ازاي 😅 ؟!
السبب هنا بيحدده الدكتور الشاطر والمتخصص في تقويم الأسنان .. وعلى أساس السبب ده بيبدأ يبني خطة علاج مناسبة لحالتك واللي ممكن يكون الحل أبسط من توقعاتك اللي كنت بتبنيها من خلال تجارب حالات ممكن بالنسبالك نفس المشكلة ظاهرياً لكن في الحقيقة هي مختلفة كلياً عنك ..!
وعلشان كده دايماً بقول إن جلسة الكشف والتشخيص والاشعات هي أهم خطوة خلال رحلة تقويم الأسنان .. لأنها هي الأساس اللي هتتبني عليه خطة العلاج اللي ممكن تخالف توقعك ويكون علاجك أصلاً مش مع تقويم الأسنان ..!
لو عندك مشكلة في أسنانك ووضعها وشكل ابتسامتك .. أكتر دكتور هيوجهك للعلاج الصح هو دكتور تقويم الأسنان المتخصص في المجال ده مش دكتور أسنان عام بيشتغل كل التخصصات بنفسه .. لإن دكتور تقويم الأسنان المتخصص هيقدر يحدد فعلاً سبب المشكلة عندك وحتى لو مش هتحتاج تقويم لأسنانك هيوجهك للحل الصحيح والأنسب لحالتك ..
هنستني زيارتك عندنا
😍😍
😍د ابرام مجدي شفيق
🥰🥰زميل الكليه البريطانيه في تقويم الاسنان
012 83110550
👈شارع مازن المتفرع من شارع الكاشف بجوار حلواني زكريا الاصيل
