https://www.facebook.com/301010283879837/

دكتور مصطفى الزهيري لطب الأطفال

Home
Egypt
Sohag
دكتور مصطفى الزهيري لطب الأطفال

Contact information, map and directions, contact form, opening hours, services, ratings, photos, videos and announcements from دكتور مصطفى الزهيري لطب الأطفال, Doctor, العنوان: سوهاج/ميدان الشهيد/خلف تمثال الشهيد, Sohag.

03/06/2019

كل سنة وانتم طيبين بمناسبة عيد الفطر. نتمنى لكم عيد كله فرحة وحب مع أسرتكم .

28/04/2019

مش كل إنيميا تبقى نقص حديد وبس!!

الإنيميا عند الأطفال ممكن تحصل لعدة أسباب، من بينها:

-نتيجة نزيف أو جرح نتج عنه فقدان دم بشكل ملحوظ، زي نزيف اللثة، البواسير، نزيف الأنف أو أي نوع نزيف آخر.
-تكسير كرات الدم الحمراء في الدم (الانيميا التكسيرية)
-جسم طفلك لا يفرز كرات دم حمراء بشكل كافي أو يفقدها بسرعه.
-وللاسف فيه أسباب تانية كتير 😢

إزاي تعرفي أعراض أنيميا الأطفال؟🤔

الإنيميا أعراضها بتبقى معروفة وملحوظة، وهي:
الإرهاق المستمر والخمول
الضعف العام وفقدان الشهيه
فقد القدره على التركيز والاستذكار
تاخر مظاهر البلوغ
تساقط الشعر عند البنات خاصه حول البلوغ
شحوب أو اصفرار الجلد
ضربات قلب غير منتظمة
ضيق النفس
دوخة أو دوارًا
ألم الصدر
برودة اليدين والقدمين
الصداع المتكرر

لو لاحظتي أي من الأعراض دي، متقصريش ومتتاخريش فى الاستشاره عشان تتعمله الفحوصات الطبية ويتقدمله العلاج المناسب لحالته بسرعه قبل المشكله ما تكبر ويكون لها تاثير مباشر على نموه البدنى والعقلى

لو عايزة تعرفي إزاي تحمي اولادك من الإنيميا، تابعينا في البوستات القادمه على الصفحة ، هقولك إزاي تعملي ده وتطمني على صحتهم

ولان صحه اولادنا هيا حياتنا ومستقبلنا .. لايك 👍وشير للصفحه وانتظرونا فى بوستات وقائيه وتثقيفيه خفيفة ومفيده ✅ان شاء الله

وتقدرى تسألي ❓في التعليقات أو حتى في رسالة على صفحتنا دكتور مصطفى الزهيري لطب الأطفال بالمشكلة اللي بيعاني منها ابنك وهرد عليكى بنفسي إن شاء الله.

د/مصطفى محمود الزهيرى اخصائى الاطفال والرعاية وحديثى الولاده رئيس وحده النمو وامراض الغدد الصماء والسكر ف الاطفال بمستشفى سوهاج العام

للحجز والاستعلام📞: 01202712818 | 01009553425.
(الكشف بحجز مسبق)
العنوان : سوهاج • ميدان الشهيد • اول عمارة خلف التمثال مباشرة

29/03/2019

ابنك مش قصير بالوراثة!
نمو طفلك بيأثر فيه عدة عوامل لازم تخلي بالك منها، ومش كل مشكلة صحية أو جسمانية فيه بيبقى سببها العوامل الوراثية!

ابني مش بيطول ليه؟

ده سؤال الأم بتسأله لنفسها لما بتلاحظ أن عمر ابنها او بنتها بيزيد لكن نموه الجسماني واقف عند حد معين، فأول حاجة هتفكر فيها، إنه هيطلع قصير عشان فلان في العائلة قصير!

انتي كدة ممكن تظلمي ابنك وبنتك، لأن فيه أسباب تانية بتأثر في نمو وطول طفلك وهي:

1-سوء التغذية: ابنك مش بيتغذى كويس، لأنه في مرحلة النمو وخاصه المراهقة بيحتاج لنظام غذائي سليم وتغذية قوية لأن جسمه بيحرق كتير وبيحتاج يستهلك كل حاجة بتدخل جسمه عشان تساعده في عملية النمو، فلو ما اهتميتيش بغذائه فده هيأثر على نموه بشكل عام وطوله بشكل خاص.
2-نقص الفيتامينات : ممكن تكون المشكلة دي إن طفلك عنده نقص فى انواع معينه من الفيتامينات المهمه عشان تحفز جسمه على النمو .
3-الانيميا : ودى انواعها كتير اشهرهم نقص الحديد وهنتكلم عنها بالتفصيل فى بوستات لاحقه
4-نقص هرمونات: وده اكتر اسبابه بيرجع لخلل أو نقص فى هرمون الغدة الدرقيه او خلل في الغدة النخامية ونقص فى هرمون النمو وللاسف الموضوع بقينا بنكتشفه ونشوفه كتير مش قليل 😢
5-العامل الوراثي: وده آخر سبب ممكن نفكر فيه بعد ما نستبعد المشاكل الكبيره اللى فاتت وبعد ما نعمل الفحوصات الطبية اللازمة ونعرف سبب المشكلة إيه، وبعدها نحددله طريقة العلاج المناسبة.
6-متلازمات طبيه خاصه : اشهرها واكثرها انتشارا متلازمه داون ودى بيبقى قصر القامه معاه مشاكل تانيه

🌠وخلي بالك اذا حسيتى ان ابنك او بنتك طوله قصير او متاخر خاصه فى فتره البلوغ والمراهقه متظلميهوش ومتتاخريش عليه فى الفحص لان للاسف بتجيلنا حالات فى مراحل متاخره خاصه البنات فى مرحله المراهقه بيكون العضم بتاعها قفل ومش بنقدر نساعدها المساعده المطلوبه 😢
💡والايام دى فى حمله رائعه ف المدارس للكشف المبكر عن قصر القامه والانيميا والديدان ... فلو لا قدر الله لقيتى ابنك قصير او عنده مشكله يا ريت متتاخريش ف طلب النصيحه والعلاج.

ولان صحه اولادنا هيا حياتنا ومستقبلنا .. لايك 👍وشير للصفحه وانتظرونا فى بوستات وقائيه وتثقيفيه خفيفة ومفيده ✅ان شاء الله
وتقدرى تسألي ❓في التعليقات أو حتى في رسالة على صفحتنا .mostafazohairy بالمشكلة اللي بيعاني منها ابنك وهرد عليكى بنفسي إن شاء الله.

د/مصطفى محمود الزهيرى - اخصائى الاطفال والرعاية وحديثى الولاده ورئيس وحده النمو وامراض الغدد الصماء والسكر ف الاطفال بمستشفى سوهاج العام.

للحجز والاستعلام📞:
01202712818 | 01009553425.
(الكشف بحجز مسبق)
العنوان : سوهاج • ميدان الشهيد • اول عمارة خلف التمثال مباشرة

19/03/2019

كل سنة وكل أم طيبة وبخير ودائما يارب هي أولادها بكل صحة، وعشان صحة أولادك تهمنا، هنقولك ازاي تحافظي على صحتهم في تغيرات الجو اللي داخلين عليها من فصل الشتاء 🌨️ لفصل الربيع 🌻

أول حاجة متحاوليش تخففي ملابس أولادك لمجرد إن الجو درجته ارتفعت بشكل طفيف أو حتى لبعض الأيام لأن ده بيصيبهم بنزلات البرد والانفلونزا واللي بتسبب الحساسية والحكة وإنسداد فى الأنف والإصابة بالجيوب الأنفية، وغيرها من الأمراض.

تاني حاجة في بعض التعليمات اللي لازم تحرصي عليها مع أطفالك او اولادك وهي:

١. ارتداء ملابس ثقيلة طوال فصل الشتاء وحتى في فترة تغيرات الجو إلى منتصف شهر ابريل.
٢. الحرص على فتح الشبابيك قبل الخروج من البيت.
٣. شرب كوباية مياه ومسح وجه طفلك بالماء.
٤. منع أطفالك من نزع الكوفية او الايس كاب سواء خارج البيت او فور دخولهم للبيت.
٥. للأطفال اللي عندهم حساسية متخليهومش يمسحوا مناخيرهم لأن ده بيزيد من الحساسية والحكة.
6. لازم تخليهم ياكلوا خضروات وفواكهة لأنها غنية بالمعادن والفيتامينات اللي بتقوي جهاز المناعة عندهم، ده بجانب الحبوب الكاملة والمأكولات الغنية بزيت الأوميجا 3 وده بيكون في الأسماك والمكسرات.

تالت حاجه، لازم تهتمي بصحتهم وتخليهم ياكلوا الأغذية المفيدة اللي بتزود مناعتهم زي الخضروات والفاكهة وابعديهم عن الأكل اللي بيسبب ليهم حساسية.

وخلي بالك، مش كل دور كحة او نزلة ناخدلها مضاد حيوي على الفاضي والمليان! لازم نفحصه الاول ونشوف السبب، وهل محتاج المضاد ولا لا؟ علشان منضرش مناعه اطفالنا.

لايك وشير لصفحة دكتور مصطفى الزهيري لطب الأطفال علشان يوصلك كل جديد للحفاظ على صحة طفلك

للحجز والاستعلام📞: 01202712818 | 01009553425.
العنوان : سوهاج • ميدان الشهيد • اول عمارة خلف التمثال مباشرة
*الكشف بحجز مسبق.

23/02/2019

بتدورى على عيادة تكون متخصصة في طب الأطفال👶 وتقدر تقدملك أفضل عناية طبية ورعاية صحية لطفلك🤔؟ متسمعيش لكلام الناس واسألى طبيب متخصص يقدر يفيدك فى صحة ابنك 👍 ؟.
عيادة الدكتور مصطفى الزهيري، هي أول عيادة في سوهاج متخصصة في تشخيص و
علاج ومتابعة مشاكل النمو عند الأطفال👶 والمراهقين👦.
من خلال أحدث ما توصل إليه طب الأطفال من بروتوكولات علاجية📖، بنتابع ونعالج:
أولا: حالات ومشاكل النمو عند الأطفال👪 واللي بيكون أشكاله كتيرة، أبرزها: نقص النمو، مشاكل قصر القامة، نقص الوزن، فقدان الشهية 🌯، النحافة، تأخر ظهور الأسنان "التسنين"، تأخر المشي عند الأطفال🚶، الضعف العام وضعف الذاكرة📚، تأخر سن البلوغ عند الأولاد والفتيات👸، ضعف المناعة.

كمان بفضل الله بنتابع ونعالج مشاكل الغدد الصماء، وأبرزها:

حالات السكر💉 ،مشاكل الغدة الدرقية، مشاكل نقص الكالسيوم وهشاشة العظام، ومشاكل تأخر البلوغ، وحالات البلوغ المبكر ,والسمنة المفرطة.
ده اكيد بالإضافة إلى تشخيص وعلاج ومتابعة مشاكل الاطفال العامة، زي:
مشاكل الجهاز التنفسي 💨:(النزلات الشعبية، الالتهابات الرئوية، الكحة المزمنة) وغيرها.

مشاكل الجهاز الهضمي مثل: (المغص والانتفاخ،🙇 النزلات المعوية والجفاف، القيء "الترجيع" المستمر).

بالإضافة لمشاكل الحمى 🤒زي: (السخونية المستمرة والحرارة المرتفعة).

كمان علاج حالات الانيميا و نقص الفيتامينات والديدان🐛 وعسر الهضم والتبول اللارادى

وأخيرًا، بفضل الله بنفحص ونعالج حالات المبتسرين و حديثي الولادة 👶من صفرا وصعوبه فى التنفس وده اكيد مع متابعة علميه ودقيقة للنمو من بداية ولادة الطفل بإذن الله.

ولان صحة اولادنا هي حياتنا ومستقبلنا .. لايك 👍وشير للصفحه وانتظرونا فى بوستات وقائيه وتثقيفيه خفيفة ومفيده ✅ان شاء الله

وتقدرى تسألي ❓في التعليقات أو حتى في رسالة على صفحتي دكتور مصطفى الزهيري لطب الأطفال بالمشكلة اللي بيعاني منها طفلك وهرد عليكى بنفسي إن شاء الله.

د/مصطفى محمود الزهيري - اخصائى الاطفال والرعاية وحديثى الولاده ورئيس وحده النمو وامراض الغدد الصماء والسكر ف الاطفال بمستشفى سوهاج العام.

للحجز والاستعلام📞: 01202712818 | 01009553425.
العنوان : سوهاج • ميدان الشهيد • اول عمارة خلف التمثال مباشرة
*الكشف بحجز مسبق.

17/01/2019

زي ما قولنا قبل كده إن النمو السليم لطفلك هو مؤشر هام على صحته الجسمانية💪 والعقلية 🤓واننا لو لاحظنا أي خلل في نمو الطفل 🤒يجب محاوله إكتشاف أسبابه وعلاجه ومتابعته مبكرًا.👍

طيب إزاي نلاحظ مشكله في النمو في الأطفال لا قدر الله ولازم نتدخل فورا 🤔؟

1- لو مولود ناقص ووزنه او حجمه قليل👶
2 لو شهيته ضعيفه واكله دايما قليل 🙊🌮
3- لو اتأخر عن باقي الأطفال في التسنين.⏳
4- لو اتاخر في انه يسند راسه🚼 او فى الحبو أو المشي🚶 عن باقي الأطفال.
5- التأخر في تعلم الكلام.😷
6- وزنه او طوله ثابت ومش بيزيد.🚻
7- وزنه في نقصان مستمر وبيعاني من النحافة🚺
8- مشاكل في التركيز والاستيعاب خاصه فى سن الدراسه.🖍🗒
9- بيصاب بنزلات متكررة ومناعته ضعيفه .🤒
10-اتأخر أو اتأخرت في ظهور علامات البلوغ.👦👸

كل دي علامات ومؤشرات لازم تركزي فيها💡 ولو لاحظتيها لازم تفحصيه عند دكتور متخصص فورًا ☝لمعرفة أسباب تأخر نموه لإنه زي ما قولنا بيأثر على تطوره ونموه العقلى والجسماني وصحته بشكل عام.

لو عايزة تعرفي أكتر عن مشاكل نمو الأطفال وإزاي تقدري تعالجيها، تابعيني على صفحتنا عيادة دكتور مصطفى الزهيري لطب الأطفال.

للحجز والاستعلام: 01202712818 | 01009553425

العنوان: سوهاج • ميدان الشهيد • اول عمارات المساكن خلف التمثال.

06/01/2019

🤱النمو السليم هو مؤشر مهم جدًا على صحة طفلك خاصة في السنوات الاولى من حياته. وواجب عليكي كأم إنك تهتمي وتتابعي وتقيسي نمو طفلك بانتظام خاصه في السنوات الاولى وفي مراحل البلوغ عشان تطمني على صحته.

وده بيساعدنا كأطباء في التشخيص المبكر لأي اضطراب في النمو لا قدر الله واللي بيأثر على صحة طفلك وقدراته الجسمانية والعقلية في المراحل العمرية المختلفة.

وخلي بالك❗️ أي تأخير في قياسات نمو طفلك أو إختلاف عن المعدلات الطبيعية يجب تقييمه ومعرفة أسبابه وتقديم أنسب طرق العلاج ليه ومتابعته عشان طفلك يكون بصحة كاملة وسليمة ويكمل حياته بشكل طبيعي ومنتظم.

👈لو عايزة تعرفي أكتر عن أعراض تأخر النمو و إزاي تلاحظيها علىى طفلك وتقدري تعالجيها، تابعينا على صفحتنا دكتور مصطفى الزهيري لطب الأطفال - اخصائى الاطفال وحديثى الولادة ورئيس وحده النمو وامراض الغدد الصماء بمستشفى سوهاج العام.

للحجز والاستعلام: 01202712818 | 01009553425

العنوان: سوهاج • ميدان الشهيد • خلف التمثال

Address

العنوان: سوهاج/ميدان الشهيد/خلف تمثال الشهيد
Sohag
11201

Telephone

01009553425

Website

facebook.com

Alerts

Be the first to know and let us send you an email when دكتور مصطفى الزهيري لطب الأطفال posts news and promotions. Your email address will not be used for any other purpose, and you can unsubscribe at any time.