02/07/2025
🌟 خد بالك من المسكنات! 🌟
معظمنا أول ما نحس بوجع بنجري على المسكنات من غير ما نعرف سبب الوجع أو إذا كانت مناسبة لحالتنا ولا لأ… وده ممكن يكون ليه أضرار على المدى الطويل لو استخدمناها غلط.
🟣 تعالوا نعرف مع بعض بعض مخاطر الاستخدام العشوائي للمسكنات:
1️⃣ قرحة المعدة
أدوية زي الإيبوبروفين والديكلوفيناك ممكن تسبب التهابات أو تقرحات في المعدة.
2️⃣ فشل كلوي
الاستخدام الطويل للمسكنات ممكن يأثر على الكلى، خصوصًا لو في مشاكل سابقة.
3️⃣ ضعف عضلة القلب
المسكنات ممكن تأثر على القلب، خصوصًا عند كبار السن أو مرضى القلب.
4️⃣ زيادة خطر الجلطات
زي ديكلوفيناك، ممكن تزود خطر الجلطات القلبية أو الدماغية.
5️⃣ ارتفاع ضغط الدم
مع الاستخدام الطويل أو المنتظم.
6️⃣ تلف الكبد والكلى
الباراسيتامول بجرعات عالية أو لفترات طويلة ممكن يسبب مشاكل في الكبد والكلى.
7️⃣ صداع ارتدادي
لو بتاخد مسكنات كتير للصداع، ممكن الصداع يرجع أقوى لما توقفها فجأة.
🔸 طيب نعمل إيه؟
المسكنات مش وحشة، بل ضرورية أحيانًا في حالات الطوارئ أو بعد العمليات، لكن لازم نستخدمها بحذر وتحت إشراف طبي. لو عندك ألم متكرر أو مزمن، الأفضل تستشير دكتور أو صيدلي عشان تعالج السبب مش العرض.
⭐ " لما تدي مسكن.. أنت بتعالج عرض مش مرض! " ⭐
ومعرفة السبب الحقيقي للألم هي أول خطوة للعلاج الصح.
📌 صيدليات سما دايمًا معاكم بالتوعية والعناية. صحتكم أولويتنا.
