24/05/2025
كان شاب رياضي جاي المعمل يعمل تحليل HOMA IR ، والتحليل طلع قيمته طبيعيه !
المفروض أنه كان صائم 8 ساعات من بالليل للصبح ، بس وهو قاعد في اوضه السحب قالنا أنه كان عنده تمرين امبارح خلصه وبعد كدا صام 8 ساعات
بسبب الجمله الي قالها دي ، خلانا نشك في قيمه HOMA IR أنها قيمه مش حقيقيه اصلا فمش معني انها طلعت طبيعيه أو أنه شخص رياضي ومعروف أنه ملتزم صحيا وبدنيا أن ده يخليني اكتب نتيجه التحليل وانا مطمئن ومأخدش بالي من الي عمله قبل التحليل !
لان فكره ان ده واحد لعب رياضه امبارح قبل الصيام مباشره فهي واحده من اهم العوامل الي بتعمل تداخل علي قيمه fasting insulin level ، خلي بالك الرياضه اصلا بتحسن insulin sensitivity عند الشخص لمده اكبر من 24 ساعه بعد انتهاءها والمعروف أن كل ما تزيد insulin sensitivity كل ما insulin resistance تقل (الاتنين مصطلح عكس بعض اصلا) ، فأنت عملت حاجه قبل التحليل بتحسن insulin sensitivity فمتوقع النتيجه بتاعه قيمه HOMA IR تطلع لك ازاي !
معروف أن الرياضه بتأثر علي مستوي fasting insulin level حتي لو انت التزمت بعدد ساعات صيام التحليل لكن في عوامل قبل الصيام بتأثر ع قيمه التحليل ، بصرف النظر أن كمان لعب الرياضه هيبدا يحفز هرمونات تانيه زي مثلا cortisol, adrenaline وكل دول لهم تأثير مباشر وغير مباشر علي مستوي insulin , glucose
تيجي انت تعمل معادله HOMA IR الي هي قايمه بشكل أساسي ع مستوي قيمه fasting insulin level و قيمه fasting glucose level ودول اصلا في الحاله دي اتاثروا بالعامل بتاع لعب الرياضه قبل التحليل ، فمتوقع قيمه HOMA IR تطلع عامله ازاي !! هتطلع أقل من قيمتها الفعليه الي هنا طلعت طبيعيه ، فمش معني خالص أن الإنسان الي قدامي قيمه تحليله طبيعيه أنها فعلا القيمه الحقيقيه بتاعته !
وان لازم الي جاي يعمل تحليل HOMA IR يبطل رياضه قبل التحليل ب24 ساعه علي الاقل .
