28/09/2023
تطعيم الانفلونزا
لقاح الشتا
🙎♀️ايه هو تطعيم الانفلونزا؟
👨⚕️عبارة عن فيرس انفلونزا لا يسبب المرض بس
يشغل جهاز المناعه عشان تكون جاهز لو حصلت أصابه بالفيرس.
🙎♀️ايه لازمته؟
👨⚕️التطعيم بيدي وقاية من حدوث مضاعفات الانفلونزا زى الالتهاب الرئوي او التهاب عضلة القلب.
🙎♀️يعني اللي ياخده ميجلوش برد
👨⚕️لا ممكن يجيله برد لان البرد بيسببه اكتر من ١٠٠ فيرس اللى له تطعيم هو الانفلونزا بس واللى ممكن يسبب مضاعفات الانفلونزا وطبعا الأخ كورونا.
🙎♀️طيب مين ياخد التطعيم؟
👨⚕️اى حد من عمر ٦ شهور لحد ١٠٠ سنه
ومهم اوي ان الناس اللى مناعتها ضعيفه او عرضه للمضاعفات انها تاخده زي الأطفال، مرضى الحساسيه، مرضى السكر والقلب واي مرض مزمن، كبار السن.
🙎♀️بيتاخد كام جرعة
👨⚕️جرعة كل شتا
الحقنه كاملة لاى سن
لو طفل اقل من ٩ سنوات واول مرة ياخده بياخد جرعتين بينهم شهر وبعدين كل سنه جرعه
👨⚕️السنه اللى مش هتاخده فيها هتكون عرضه للعدوى بالانفلونزا زى اى حد تانى ، مفيش اى خطر زيادة.
🙎♀️فى اى نصيحه تانيه
المصل بيتاخد خلال الفتره دي الي شهر أكتوبر قبل بداية فصل الشتا لانه بياخد اربع اسابيع علشان يدي مفعول
👨⚕️لازم تتأكد ان التطعيم بتاع السنه مش السنه اللى فاتت
بتاع السنه دى مكتوب عليه ٢٠٢٤/٢٠٢٣
متوفر الآن بصيدلية دكتور وليد محمد مصل الإنفلونزا
السلام ١ شارع البوسطة المقابل للمستشفي العسكري
اتصل بنا علي ٠١٥٥٥٥٥٢٨٥٢
