28/10/2025
المصداقيه في ذمه الله خلااااص🙈🙈
بعترف قدامكوا اهه ان عادي بضعف وبآكل حلويات وممكن اكل اي حاجه نفسي فيها😍
كلنا بنضعف عادي قدام الاكل الحلو
وبنمل من الاكل التقليدي …. الاكل متعه برده😉
المهم بس نعرف نأكل ده امته وازاي
تعالوا اعرفكوا بأه بيتاكل ازاي👌
💫الحلويات والسكريات مبتتاكلش على معده فاضيه ابدااا ولا تتاكل واحنا جعانين لان ده كارثه تتاكل بعد وجبه كامله واحنا شبعانين عشان نقدر نتحكم في الكميه وكمان الانسولين ميعلاش مننا ونقدر نسيطر على شهيتنا باقي اليوم.
💫طبعااا دا مبيتاكلش كل يوم بنمشي بمبدأ ٢٠/٨٠ يعني ٨٠٪ من اكلنا صحي و ٢٠٪ اسيب مساحه للحاجات اللي بحبها حتى لو مش صحيه عشان منزهقش ومنملش 👌
💫افتكر ديماا ان اللي بيسبب السمنه والأمراض هو التأثير التراكمي للعادات الغلط مش ابداا اني باكل حاجه غلط كل فين وفييييين .
💫أخر حاجه بأه
البتاعه الخطييييره دي😋اللي مش فاكره إسمها ايه انا اكلتها انا وعيلتي
(٥ أفراد) واتبسطتنا كلنا وشبعنا منها ودا لييييه ؟؟؟
عشان زي ما قولتلكوا اكلناها بعد ما اتغدينا يعني كل واحد معلقتين وشبعنا
منهاااا جدااا😍
