22/10/2017
Stretch marks التفتحات فى الجلد
بتيجى بسبب تمدد الجلد من عده اسباب اهمهم و اكتر الاسباب اللى بنشوفها حمل او كورتيزون لفتره طويله سواء موضعى او اقراص او زياده ملحوظه فى الوزن. التفتحات غالبا موجوده فى البطن, الظهر, المقعده و الصدر. لون التفتحات بيكون احمر و دى اللى بتتميز بانها سهله و سريعه العلاج و اللون التانى الابيض و ده صعب فى علاجه و بياخد وقت.
نقدر نعمل وقايه منها بتجنب بعض الاسباب اللى تم ذكرها قبل كده و كمان نقدر نستخدم كريمات مرطبه و زيوت خاصه من بدايه الحمل.
التفتحات الحمراء يجب علاجها بسرعه لانها ممكن تتحسن بنسبه 80% و ده بيكون باستخدام اليزر الصبغى (PULSE DYE LASER).
التفتحات البيضاء زى ما قلنا قبل كده صعبه فى علاجها و علاجها معتمد على تحفيز الكولاجين و الخلايا اللى بتمنع حدوث التفتحات. كل حاله و ليها علاجها اللى معتمد على شكل و عمق التفتحات. العلاج عاده: الكريمات اللى فيها ماده التريتينوين و دى بتاخد فتره كبيره فى العلاج و كمان حاجات زى الديرما بن و الديرمارولار و معاها البلازما او الميزوثيرابى و بعض انواع التقشير الكيميائى اما احدث طريقه فى العلاج و نتايجها تكاد تكون الاحسن هو الريديوفريكوانسى ليزر.
و طبعا هاكد تانى على ان الى مسموح بيه فى الحمل هو الزيوت فقط لاغير.
Dr Reda
