Psychotherapist/renadd

05/09/2022

" اللى أتكسر يتصلح " عمرى ماأقتنعت بالجمله دى لإن اللى أتكسر عمره ابدا ماهيتصلح
مثلا : هل انا دلوقتى لو جرحت حد بكلمه وهو زعل منى وجيت اعتذرتله وقِبِل الإعتذار هل ممكن ينسى الكلمه دى
الإجابه مستحيل طبعاً لإن القلب عامل زى الخشب لو غرست فيه مسمار ورجعت شيلته المسمار هيفضل ليه أثر مكان غرسه فى الخشب اهو المسمار ده هو بالظبط الكلمه اللى جرحت بيه اللى قدامك والقلب ده هو الخشب
عشان كده لازم كلنا نحافظ على مشاعر بعض ولما تحب تهزر فى اى حاجه هزر بس لازم تاخد حذرك وانت بتهزر عشان مفيش كلام يفلت منك تجرح اللى قدامك وتيجى بعدها تندم
يمكن زمان واحنا صغيرين كانوا اهالينا دايما بيقنعونا بالجمله دى ، لكن لما كبرنا عرفنا ان الجمله دى للاسف ملهاش اى اساس من الصحه ، واوعى ابدا تفتكر انك لما تجرح حد تبقى روش ومفيش منك لا انت تبقى مشوفتش تربيه مش اكتر

15/07/2022

لازم نتقبل فكرة " انه شخص معندوش طاقه" مش معناه انه اتغير أو إنه سيئ..

لما تلاقي شخص كان لطيف و صبور و متحمل و فجأة اتغير بقى عصبي و خلقه ضيق !

أو بينسحب بسرعه من النقاشات
متقولوش إنتَ اتغيرت ..
متستفزوش أكثر لأن هو غالباً مش هيوصل للمرحلة دى إلا بعد ما يكون استنفذ كل طاقتة في الجدال والمسايرة و الصبر و خلاص تعب..

ما ينفعش تديله الطاقة اللي يجادل و يتحمل ، و يرسم على وشه ابتسامه و يتعامل مع كل المحيط بيه بمنتهى الاريحية و رحابة الصدر ..!

قبل ما تقول لشخص " انت اتغيرت "
شوف ايه الظروف اللي حواليه اللى وصلته لكده ..

شوف كام مرة هو كان فيها لطيف و كويس و صبور و مهذب في أسلوبه مع الكل ..

لٰكن ببساطة بطاريته فضيت ..!

16/02/2022

واخيراً عملتلكوا فيديو جديد
الكذب عند الاطفال وايه انواعه وايه اسباب الكذب
ادخلوا على اللينك واعملوا لايك وsubscribe للقناه عشان تشوفوا تكمله للفدييو عن اساليب التغلب على الكذب

تكمله ان شاء الله للفيديو الجاى عن الكذب ايه هو اساليب التغلب عليه

12/02/2022

salut❤
عاملين ايه
عملت فيديو جديد ادخلوا اتفرجوا عليه هيعجبكم جداا ومتنسوش تدعمونى بقاا ❤
ايه هو مرض الإنفصام فى الشخصيه
اتمنى يعجبكم
متنسوش تعملوا اشتراك فى القناه

10/02/2022

salut ❤
عاملين ايه
دى قناتى على اليوتيوب اشتركوا فيها
وفيها اول فيديو انا عاملاه ادخلوا اتفرجوا عليه واعملوا subscribe للقناه او بالعربى اشتراك فى القناه

عند رغبتك فى الانتحار: اتصل على الفور برقم الطوارئ 911 أو رقم الطوارئ المحلي.اتصل باختصاصي الصحة العقلية.اتصل بالخط الساخن المخصص لمنع حالات الانتحار. اتصل ...

12/01/2022

جبر الخواطر ده أعظم حاجة ممكن الانسان يعملها .. إنك تخلي حد يبات و هو مبسوط و سعيد و الضحكة مالية وشه .. و دعواته مش بس بيتحرك بيها لسانه لا ده بيدعيلك بقلبه .. إذا سمحتم ما تكسروش قلب حد و حافظوا على مشاعر بعض .. الأيام الصعبة بيهونها الناس السهلة اللينة .. كلمات بسيطة بتفرق في حياتنا كتير .. شكرا .. ربنا يكرمك .. حقك على راسي .. ما تزعلش .. عمري ما اقصد اضايقك .. كلمات بسيطة جدا في منطوقها .. عظيمة جدا في تأثيرها .. و الله ما فيه أعظم من انك تمسح دمعة حد بكلمة حلوة .. و ترسم على وشه ابتسامه بكلمة تطيب بيها خاطره .. حنوا على بعض يا جماعة و لو الظروف قاسية .. خلينا احنا حنينين .. هتهون والله
وزع الفرحه هترجعلك💞

24/12/2021

أنا مبسوطه إن السنة دي أني قاطعت كل الناس إللي متستاهلش أنها تبقي موجودة في حياتي، ومبسوطه أنى داخله سنة جديدة بناس نضيفة وناس تستاهل فعلاً أنها تبقي موجودة معايا في حياتي، مبسوطه أن قفلت دايرتي علي قد ما أقدر من عدد معين من الناس الكويسة اللي تستاهل فعلاً أن أعمل معاهم كل حاجة حلوة من غير ندم، مبسوطه أن قدرت أتخطي كل الناس الوحشة رغم أني بيني وبينهم سنين بس البقاء للأحسن وإللي بيقدر دايماً وشايفك في نظره حاجة جميلة وكبيرة وبصراحة مبقتش حابه أوجع دماغي بناس متستاهلش أنها تبقي موجودة، ومبسوطه أن قدرت أخلي دايرتي صغيرة كده مفهاش غير إللي يستاهل يبقي موجود.❤

20/12/2021

كل شخص مننا محتاج يلاقى حد يحبه زى ماهو بشخصيته وبتفاصيله وبشكله الكلى كده من غير ما يبقى محتاج انه يكون شخص متصنع لمجرد بس انه يبهر إللى قدامه
احنا كلنا محتاجين نحس إن فى حد بيحبنا من غير مايظهر فينا اى عيوب سواء العيوب دى كانت عيوب نفسيه أو خلقيه أو جسدية أو غيره لإن أكيد فى عيوب كده احنا ملناش ذنب فى وجودها اصلا من البدايه.
احنا فعلا محتاجين حب حقيقى من أشخاص حقيقيين
الناس إللى بتحب بجدد
مش حب من ورا الشبابيك ❤

17/12/2021

سمعنا كتير اوى بعض الامثله زى دول كده
" الطيور على أشكالها تقع "
" القلوب عند بعضها تلتقى "
طب يعنى ايه الامثله دى؟!
معنى كل واحده منهم تقريبا نفس المعنى
هو ان احنا كلنا بنتمنى نقابل حد شبهنا فى كل حاجه مش فى الشكل ولكن فى الروح الحلوه ونقاء القلب وجمال الجوهر الداخلى كلنا بنتمنى نلاقى حد كده بس طبعا الناس دى تقريبا بقت نادره اوى ومبقناش نشوفهم إلا كل فين وفين وعشان كده بتمنى ان ربنا يبعد عننا الناس اللى مش بتتمنالنا الخير من طريقنا ويقربلنا الناس الحلوه اللى روحها تشبهنا
وان ربنا يبعد عننا كل عين بصلنا فى حياتنا
صباح الخير ❤🕊

16/12/2021

صباح الخير ♥
طبعا معروف ان صحتك النفسيه اغلى بكتير من صحتك الجسديه
لإن طبعا لو اى حاجه اصابت جسدك فممكن بتقعد فتره مؤقته وبيروح أثرها بينما لو اى حاجه اصابت نفسيتك سواء كانت كلمه جرحتك اوى او اى حاجه من كده فطبعا صعب ان نفسيتك تتشفى بسرعه ممكن يمر على اللحظه فتره تعدى الشهور والسنين ولكن آثرها لسه موجود لحد دلوقتى وكل ماتفتكر الموضوع اللى مزعلك ممكن تحس بخنقه ووجع متقدرش تحكيه لحد بمرور الوقت.
عشان كده عايزه اقولك الحفاظ على صحتك النفسيه اهم بكتيرر من اى حاجه تانيه
-أوعك تسمح لحد انه يجرحك بكلمه او يأذيك بفعل مش كويس عشان بعد كده ممكن تعتبرها هزار بس بعد كده هتحس من جواك بإنك متضايق او زعلت من اللى حصل
-ولو حد جرحك بكلمه قاومه مش كل مره تعتبرها هزار، عبر عن مشارعك قول للشخص اللى ضايقك ان الكلمه اللى هو قالهالك ضايقتك بالفعل خليه يعرف انك زعلت عشان ممكن بالفعل كان قاصد يجرحك ويقولك كلمه تضايقك فلو ضايقك متسكتش وعبر عن مشاعرك بأنك اتضايقت ولكن بأدب
الحياه عباره عن فرصه واحده لكل شخص مننا عايشها لازم نستغل الفرصه دى صح طب ازااى؟!
ان احنا طبعا منتمسكش بحد ايا كان مين ومنوقفش حياتنا على حد.
لأن الشخص نفسه مش موقف حياته عليك اصلا من البدايه
ثانيا: خلى دايما باب قلبك مفتوح للى عايز يدخله بس لو الشخص ده هيخرج بمزاجه من حياتك يبقى متزعلش عليه سيبه يطلع ومتوقفش حياتك على حد ابداا
لأن جايز ان ربنا باعد الشخص ده عن طريقك عشان اكيد مش بيحبك او مش رضيلك الخير فى حياتك فأكيد متجريش انت وراه وتتمسك بيه
ثالثا: زى مأنا قولتلك فوق متسمحش لحد انه يقولك كلمه وحشه او يجرحك او يأذيك بفعل حافظ على نفسيتك شويه
نفسيتك مهمه اوى عشان صحتك الجسديه
عشان لو جالك حاله نفسيه او مرض نفسى ممكن يجيلك مرض جسدى وساعتها محدش هينفعك
محدش ضامن عمره اصلا فرح نفسك بنفسك ومتستناش حد يجى ويسعدك ومتزعلش نفسك ومتوقفش حياتك على حد ميستاهلش انك تعمل كل ده عشانه
الحياه مش بنعيشها غير مره واحده بس فعيشها صح 🤍