Dr Mohamed Gabr

13/08/2025

🥗 "الخضار مش مجرد الوان فى طبقك"

دايما طبق الخضار بيكون حاجه جانبية على السفرة بس بالعكس ده أساس الصحة والطاقة! 🌿

✅ طيب هوا انا ليه لازم اضيف خضار فى كل وجبة ؟

علشان الألياف اللى هتشبعك وتحافظ على وزنك.

وكمان الفيتامينات والمعادن اللي هتقوي مناعتك وتحسن مزاجك.

كمان مضادات الأكسدة اللى بتأخر علامات الشيخوخة وتحمي جسمك من الأمراض.

كمان هيساعدك تنظيم السكر وتحفاظ على طاقتك ثابتة طول اليوم.

🍅 طيب اى فايدة الالوان اللى فى الخضار :

الأحمر (طماطم، فلفل أحمر): لصحة القلب والجلد.

الأخضر (جرجير، سبانخ): لمناعة قوية وعظام صحية.

الأصفر/البرتقالي (جزر، فلفل أصفر): لصحة العينين والبشرة.

البنفسجي (باذنجان، بنجر): لصحة المخ والذاكرة

💡علشان كدا لازم تخلى الخضار أساسى فى وجبتك 👌💚

📩 ولو عاوز تبدأ مشوارك وتاكل أكل صحي بطريقة بسيطة ؟ ابعتلي رسالة على الصفحة أو تواصل معايا على واتساب، وأنا هساعدك تبدأ من النهارده! 💪🥦
📞 رقم الواتس: [ 01070283127 ]
📥 ومتنساش تتابعني علشان توصلك كل النصايح أول بأول🤝

12/08/2025

المية مش بس سر الحياة💦 دي هي البطل الصامت اللي بيشغل جسمك بكفاءة💯
لكن الأهم من كمية المية هو إزاي توزعها صح على مدار اليوم.

🔹طيب ليه توزيع المية مهم؟

لأنه بيحافظ على ترطيب جسمك باستمرار.

هيمنع الصداع والجفاف اللي بيجي فجأة.

بيساعد على تحسين الهضم ومنع الانتفاخ.

بيدعم الحرق ويحافظ على النشاط العقلي.

🔹طيب اى هيا الخطة اللى تمشى بيها كل يوم :
1️⃣ الصبح بدري (بعد ما تصحى): كوباية كبيرة تشغل الجسم وتنبه الحرق👌.
2️⃣ قبل الفطار بنص ساعة: كوباية تساعد في الهضم وتقلل الشهية الزيادة 😉.
3️⃣ بين الوجبات: كل ساعة ونص–ساعتين اشرب كوباية.
4️⃣ قبل التمرين بـ 30 دقيقة: كوباية أو اتنين حسب احتياجك🤔.
5️⃣ بعد التمرين: لتعويض السوائل المفقودة🥵.
6️⃣ قبل النوم بساعة: كوباية صغيرة تكفي لترطيب جسمك وانت نايم😴.

💡 وافتكر إن شرب كمية كبيرة مرة واحده دا مش هيستفيد منه جسمك … الأهم هو التوزيع👌💚.

📩 ولو عاوز تبدأ مشوارك وتاكل أكل صحي بطريقة بسيطة ؟ ابعتلي رسالة على الصفحة أو تواصل معايا على واتساب، وأنا هساعدك تبدأ من النهارده! 💪🥦
📞 رقم الواتس: [ 01070283127 ]
📥 ومتنساش تتابعني علشان توصلك كل النصايح أول بأول🤝

10/08/2025

🍽️ ليه لازم نأكل ببطء؟

الأكل مش بس حاجة بنعملها عشان نشبع، ده عملية معقدة بيشارك فيها الجسم والعقل. لما تاكل بسرعة، عقلك ما بيلحقش يستقبل إشارات الشبع من معدتك، وده بيخليك تاكل أكتر من احتياجك.

📌 طيب اى هيا فوائد الأكل ببطء:

1. تحكم أفضل في الكمية 👈بتدي وقت لعقلك يعرف إنك شبعت.

2. هضم أفضل 👈 المضغ الجيد بيخلي الهضم أسهل ويقلل مشاكل المعدة.

3. استمتاع أكبر بالأكل 👈 بتحس بطعم ونكهة الأكل أكتر.

4. توازن في الوزن 👈يساعدك تقلل السعرات بدون حرمان.

💡 ونصيحتى ليك :
جرب تحط المعلقة من ايدك بين كل لقمة والتانية، وخد نفس عميق، وخلي الوجبة تاخد على الأقل 20 دقيقة 👌

📩 ولو عاوز تبدأ مشوارك وتاكل أكل صحي بطريقة بسيطة ؟ ابعتلي رسالة على الصفحة أو تواصل معايا على واتساب، وأنا هساعدك تبدأ من النهارده! 💪🥦
📞 رقم الواتس: [ 01070283127 ]
📥 ومتنساش تتابعني علشان توصلك كل النصايح أول بأول🤝

08/08/2025

جوع بطنك ولا جوع مشاعرك؟ تعالا نعرف الفرق 👇

في أوقات بنجوع فعلاً،
وفي أوقات تانية إحنا بس "حاسّين" إننا جعانين
بس الفرق كبير جدًا بين الجوع الحقيقي والجوع العاطفي.

تعال اشرحلك ببساطة:

🔵 الجوع الحقيقي:

✅ بييجي تدريجيًا
✅ بتحس بتقلصات في معدتك
✅ بتقبل أي أكل متاح
✅ بيظهر بعد آخر وجبة بـ 3-4 ساعات
✅ بعد ما تاكل، بتحس بالشبع والراحة

🔴 الجوع العاطفي:

❌ بييجي فجأة
❌ بيخليك تشتهي نوع أكل معين (غالبًا سكريات أو أكل مالح)
❌ بيظهر وقت التوتر، الزهق، أو الحزن
❌ حتى بعد ما تاكل، بتحس بالذنب أو إنك لسه مش مرتاح

💡 تعالا اشرحلك بمثال بسيط:

لو لقيت نفسك زهقان ومش عايز غير شوكولاتة دا اكيد هيكون جوع عاطفي
انما لو لقيت نفسك تقدر تاكل أي حاجة حتى لو خفيفة دا ساعتها جوع حقيقي

🎯 طيب والحل اى :

✅ اسأل نفسك: "هل أنا فعلاً جعان؟ ولا زهقان؟"
✅ اشرب ميه واستنى 10 دقايق
✅ جرّب تمشي أو تلهي نفسك بحاجة تانية
✅ ولو لسه جعان؟ كل وجبة متوازنة تشبعك

📢 الخلاصه :

الوعي هو أول خطوة لحياة صحية.
خليك ذكي واختار أكلك بإدراك مش بمزاج اللحظة 💚

💬 شاركنى بقا في الكومنتات…
هل أنت بتجوع بجد ؟ ولا مشاعرك اللي بتلعب بيك؟ 😅

📩 ولو عاوز تبدأ مشوارك وتاكل أكل صحي بطريقة بسيطة ؟ ابعتلي رسالة على الصفحة أو تواصل معايا على واتساب، وأنا هساعدك تبدأ من النهارده! 💪🥦
📞 رقم الواتس: [ 01070283127 ]
📥 ومتنساش تتابعني علشان توصلك كل النصايح أول بأول!

07/08/2025

"هل فعلاً الأكل بعد 6 مساءً بيخزن دهون؟"🤔🤔

🔸 الخرافة:
بنسمع كتير إن الأكل بعد الساعة 6 بيخزن دهون وبيزود الوزن.

🔸 الحقيقة:
جسمك مش بيبص للساعة!
اللي هيحدد زيادة أو نقصان وزنك هو مجموع السعرات الحرارية على مدار اليوم، مش الساعة اللي أكلت فيها.

🔸 يعني اقدر أكل بالليل يا دكتور ؟
طبعا تقدر ، طالما الأكل من ضمن احتياجك اليومي ومش زيادة، يبقى فين المشكلة.

✋بس خلينى أحذرك من شويه حاجات :

👈الأكل قدام التلفزيون

👈أكل وجبات سريعة بالليل

👈الاكل من غير ما يكون فى جوع حقيقي

🔵 الخلاصة:

الأهم هو "كمية" الأكل مش "توقيته".
لو عاوز تحافظ على وزنك، ركز على جودة أكلك وسعراته مش الساعة بس ⏱️

📩 ولو عاوز تبدأ مشوارك وتاكل أكل صحي بطريقة بسيطة ؟ ابعتلي رسالة على الصفحة أو تواصل معايا على واتساب، وأنا هساعدك تبدأ من النهارده! 💪🥦
📞 رقم الواتس: [01070283127]
📥 ومتنساش تتابعني علشان توصلك كل النصايح أول بأول!

06/08/2025

عاوز تبدأ تاكل أكل صحي؟ ✅
ابدأ بالعادات دي 👇

1️⃣ ابدأ فطارك ببروتين

البروتين في الفطار بيشبعك وبيقلل نهم الأكل طول اليوم
🧀 يعنى مثلا خلى دايما فى فطارك 👈بيضة مسلوقة + جبنة قريش + خيار

2️⃣ اشرب مياه قبل كل وجبة

بتساعد على تحسين الهضم وتقلل كمية الأكل
🥤 جرّب كوب مياه قبل الأكل بـ10 دقايق

3️⃣ اقسم طبقك صح

استخدم قاعدة "نص خضار – ربع بروتين – ربع كارب".
🍽️ كده هتحصل على وجبة متوازنة من غير حرمان.

4️⃣اختار سناك الصح

بدل البسكوت والشيبسي، اختار حاجة مفيدة
🍎 زى الفاكهة، مكسرات، زبادي يوناني

5️⃣ خليك واقعي ومتدرج

يعنى ما تحاولش تغيّر كل حاجة مرة واحدة
ابدأ بعادة واحدة وكمّل عليها كل أسبوع

✅ الخلاصة:

الأكل الصحي مش حرمان دا أسلوب حياة!
💪ابدأ خطوة خطوة، ومع الوقت هتشوف الفرق

ومتنساش اللايك والشير علشان غيرك يستفيد ✨💛
.

04/08/2025

28/05/2025