30/08/2022
هنكمل فى البوست كلامنا الاصابات الرياضيه..
هنبدأ كلامنا بسؤال ممكن ييجى على دماغ ناس كتير مننا هو ازاى ممارسه الرياضه ممكن تسبب لينا اصابات برغم من كل الفوايد بتاعتها؟؟؟؟
1-الاصابات الرياضيه: هى اى شكل من اشكال الضغط او التحميل الزايد على جسمك و انت بتلعب اى رياضه او انك بتمارس التمرين الرياضى بشكل خاطئ و بدون خطه ممنهجه لشكل التمرين بناء على بعض التقييمات و الاختبارات بتاعتك و اللى بيمنع ان جسمك يقوم بالنشاط اللى بتمارسه بالاداء الكامل و المثالى اللى منتظره و كمان بيحتاج بعدها وقت من الراحه و عدم ممارسه اى نشاط قوى او عنيف عشان يقدر يتعافى من الاصابه اللى حصلت دى...
2-معظم الاصابات الرياضيه اللى بتحصل بتأثر بشكل اساسى على الجهاز العضلى الهيكلى لتاعنا و اللى بيتكون من ( عضلات-عظام- اربطه و اوتار- و غضاريف و مفاصل)و كمان معظم الاصابات بيحصل معاها الم و ورم و عدم قدره على استخدام او تحريك الجزء المصاب...
3-لقينا كمان فيه بعض الاسباب الشائعه الىى بتسبب الاصابات اثناء ممارسه الرياضه و اللى منها الاتى:
1-انك متكونش بتعمل تمارين الاحماء (التسخين) للوقت الكافى و ده بيسبب عدم استجابه العضلات بتاعتك لاى تدريب بشكل سليم و ده بيعرضها للمزق و التهتك
2-ضعف العضلات و عدم قدره جسمك انه يحافظ على الاتزان بتاعه
3-نقص فى المرونه الجسديه و ده بيحجم حركه المفصل بتاعك و قدره جسمك انه يعمل بعض التمارين الرياضيه
4-انك مش بتتبع احتياطات وقواعد السلامه الخاصه بكل رياضه
5-انك تكون اتعرضت لاصابات متكرره فى نفس المكان و ده بيزود فرصه حدوث نفس الاصابه او اصابات مختلفه فى نفس المكان
6-انه يكون فيه ارتخاء فى المفاصل و ده بيخلى فيه صعوبه عند الشخص انه يسيطر او يتحكم فى الاتزان و الحركه بتاعت جسمه و بيعرضه للاصابه بشكل كبير
7-بعض العوامل الوراثيه الىى بتأثر على التكوينات الجسديه للشخص او تركيب الجهاز العضلى الهيكلى ليه
من التعريف اللى فات ده اقدر اطلع باستنتاج و اجاوب على السؤال اللى قولته فى الاول و هو انى لو مارست الرياضه بشكل مبالغ فيه و ضغطت على نفسى جامد فى التمرين او اتمرنت من غير اشراف شخص متخصص و بدون وضع خطه تدريبيه صحيحه و ممنهجه بناء على بعض الاختبارات البدنيه المناسبه للحاله الجسديه و الصحيه قبل ما ابدأ اى نوع رياضه انا كده ساعتها الرياضه هتبقى سبب للضرر و ليس الاستفاده الجسديه و الصحيه....
