02/03/2026
"اذهب وحدث بكم صنع الله بك"
نجاح عملية استئصال ورم سرطانى خبيث بالقولون الصاعد واعادة توصيل الامعاء (right hemicolectomy) لمريض يبلغ ٧٩ سنة واى جراح عارف حجم المخاطرة لمريض فى السن ده خصوصا لو انت لسه بتبنى فى سمعتك..انت شايل risk انه ميصحاش بعد التخدير وحتى لو صحى توصيلة الامعاء ممكن متنجحش تحت ظروف السن وامراض الشيخوخة.
بس انا قررت ادخل التحدى وحجزت المريض قبل العملية وعملنا optimization للمريض على كل النواحى لتحسين حالته الصحية قبل العملية .
ربنا وفقنا فى العملية وتم استئصال الورم جذريا بنجاح بحواف امان وارسال العينة لمعمل تحليل الانسجة اللى اكد ان المريض اصبح خالى تماما من الورم .
تمت متابعة المريض بشكل يومى بعد العملية للتأكيد على نجاح توصيلة الامعاء حتى خرج من المستشفى باحسن حال ليمارس حياته بشكل طبيعى.
حابب اشكر الراجل الجميل ده واولاده لأنهم متأخروش عليه بحاجة وكانوا ملتزمين بكل التعليمات اللى كانت سبب فى شفاء والدهم بعد ربنا .
