https://www.facebook.com/108586024310784/

Dr. Mohamed Sayed Hantera Clinic - دكتور محمد سيد حنتيرة, شارع البحر . أمام مستشفى الجامعة . أعلى البنك العقاري, Tanta (2025)

06/03/2023

السلام عليكم ورحمه الله
تحذير هام وعاجل
احذر جميع اصدقاء الصفحه انه تم اختراق صفحه العياده وتم عمل اكونت من شخص مجهول باسم د.محمد حنتيره ووضع صوره د.محمد حنتيره على الاكونت و يقوم بارسال رسائل مجهوله لجميع اعضاء الصفحه ونحن غير مسئولين عنها تماما لذا وجب علينا التحذير من التعامل معه مع العلم ان د.محمد سيد حنتيره استاذ الامراض الصدرية ووكيل كلية الطب لشئون الدراسات العليا والبحوث ليس له اى حسابات على الفيسبوك نهائيا غير الصفحه الرسميه للعياده ....
ارجو من سيادتكم حذر هذا الاكونت اذا تم مخاطبتكم وابلغنا ضرورى لاتخاذ الاجرائات اللازمه

08/07/2022

دكتور محمد حنتيرة يهنئكم بحلول عيد الأضحى المبارك أعاده الله علينا وعليكم وعلى الأمة الإسلامية بالخير والبركة وكل عام وأنتم بخير ❤️

04/07/2022

إيه علاقة الكحة بالحساسية؟ 🤔

وهل لو ابني فضل يكح كتير هتجيله حساسية؟
بدايةً كدة الحساسية سببها الرئيسي غير معروف لكن هي بتنتج لما جهاز المناعة عند طفلك يبدأ يتفاعل بشكل زايد مع الأجسام الغريبة اللي بتدخله زي الأتربة وحبوب اللقاح، فيحصل التهاب في جدران الشعب الهوائية.

🔹 في محفزات للحساسية دي زي إن ابنك يجيله دور برد ويبدأ يكح فتظهر عنده بعدها أعراض الحساسية، لكن المحفزات دي مش هتجيبله حساسية لو هو معندوش من الأصل.

🔹 وأعراض حساسية الصدر هي:
- صوت تزييق في الصدر.
- صعوبة في التنفس.
- الم في الصدر.
- كحة.
🔹 واللي بيميز الحساسية إنها بتحصل في نوبات عند التعرض للمحفزات وابنك مابين النوبات دي بيكون سليم تمامًا، وكمان الأعراض بتزداد سوءًا أثناء فترة الليل.

⚠️ وأخيرًا لو أي حاجة من الأعراض دي زادت يبقى لازم تتوجهي فورًا للطبيب.

📲للحجز والاستفسار :
- 0403309020
- 01068877986

📌العنوان :
الغربية . طنطا . ش.البحر . أمام مستشفى الجامعة . أعلى البنك العقاري

🧘‍♂️

#صدر

03/07/2022

The countdown for our mega event
has begun..⏱️

The 37th international congress of faculty of medicine-Tanta university "FMTU 2022" ✨

Hurry up and get your place to participate in one of the most important medicine congresses in Egypt..

🗓️ Date: 26 - 29 July 2022

📍 Venue: Tanta University

02/07/2022

سمعت قبل كدة عن ارتفاع ضغط الشريان الرئوي؟ 🫁

ارتفاع ضغط الشريان الرئوي ده لفظ شائع جدًا وكتير من الناس متخيلين إنه مرض قائم بذاته لكن في الحقيقة هو دايمًا بيجي نتيجة لأمراض تانية.

🔹 أيه الأعراض اللي ممكن يحس بيها المريض؟

- الأعراض بتزيد ببطء وممكن تقعد فترة كبيرة متلاحظهاش ومعظم الأعراض بتكون نتيجة للسبب الأصلي للمرض، وهي:

١- ضيق في التنفس، والموضوع بيبدأ لما تيجي تعمل مجهود وبيتطور إنه يحصل حتى وانت مرتاح.

٢- ألم في الصدر.

٣- تورم في الرجل وممكن يحصل استسقاء في البطن.

٤- دوخة وإغماء والشعور بالإرهاق دايمًا.

٥- الإحساس بسرعة ضربات القلب.

🔹 طيب أيه هي الأسباب الرئيسية اللي بتعمل ارتفاع في ضغط الشريان الرئوي؟

١- أمراض في الصدر زي:
- داء الإنسداد الرئوي المزمن.
- التليف الرئوي مجهول السبب.
- انقطاع النفس الإنسدادي النومي.

٢- أمراض في القلب زي أمراض الصمام المترالي.

٣- أمراض الجهاز المناعي.

٤- أمراض بالدم.

🔹 عشان تكتشف الموضوع بدري، لازم تبقى عارف أيه الفحوصات اللي ممكن تعملها:

١- اختبار وظائف التنفس.

٢- دراسة أضطرابات النوم.

٣- التصوير المقطعي عالي الدقة.

🔹 لو حاسس إن الأعراض دي عندك اتوجه للطبيب عشان تعمل الفحوصات وبالتالي تمشي على خطة علاجية تعالج بيها السبب ومن ثم علاج النتيجة اللي هي ارتفاع ضغط الشريان الرئوي

📲للحجز والاستفسار :
- 0403309020
- 01068877986

📌العنوان :
الغربية . طنطا . ش.البحر . أمام مستشفى الجامعة . أعلى البنك العقاري

🧘‍♂️

#صدر

28/06/2022

تعرف لو بطلت تدخين هتبقى بداية مهمة جداً ليك في علاج حساسية الصدر والربو ؟ 🚭

الاستمرار في التدخين بيزود من حدة الحساسية والربو على المدى الطويل وبيسبب أضرار دائمة في الرئتين، وعلى المدى القصير كمان بتسبب في زيادة نوبات الحساسية والربو والتهابات الجهاز التنفسي.

▪️ ليه التدخين مضر وخاصةً لمرضى الحساسية

لأن دخان التبغ بيحتوي على أكتر من 4000 مادة كيميائية، تشمل أول أكسيد الكربون اللي بيخلي عملية نقل الأكسجين صعبة في الجسم، ويستنشق المدخن المواد دي للرئتين وبالتالي بتسبب تهيّج وتحسس للشعب الهوائية والرئتين، فتظهر أعراض الربو والحساسية على الشخص المدخن، ويحتاج للمزيد من الأدوية لتقليلها.

▪️طيب تعرف إن أول ما تبطل تدخين هتبدأ أول وأهم خطوة في علاج الحساسية وهتبدأ صحتك بالتحسن على الفور لإن:

- هتبدأ ضربات القلب في الهبوط لمستواها الطبيعي.

- مستويات أول أكسيد الكربون هتتراجع في حين أن مستويات الأكسجين في الدم هتبدأ في الارتفاع.

- انخفاض إصابتك بنوبات الحساسية والربو.

- تحسن في حاستي الشم والتذوق بشكل ملحوظ.

- انخفاض فرص الإصابة بأمراض القلب والجلطات القلبية والدماغية.

▪️وأخيراً لازم تتابع عند دكتور مختص عشان تقيس وظائف التنفس بعد الإقلاع عن التدخين ويحددلك جرعات جديدة للعلاج مناسبة لحالتك

📲للحجز والاستفسار :
- 0403309020
- 01068877986

📌العنوان :
الغربية . طنطا . ش.البحر . أمام مستشفى الجامعة . أعلى البنك العقاري

🧘‍♂️

#صدر

23/06/2022

لازم تعرف فشل وظائف الجهاز التنفسي بيحصل ليه! 🫁

فشل وظائف التنفس هي حالة مرضية بيكون فيها حركة تبادل الغازات في الجهاز التنفسي غير كافية، وبيتقسم لنوعين هما:-

🔹 النوع الأول:
لما مستوى الأكسجين في الدم يقل بشكل خطير مع اعتدال مستوى ثاني أكسيد الكربون.

🔹 النوع الثاني:
كمان ممكن يحصل لما مستوى الأكسجين في الدم يقل مع ارتفاع كبير في مستوى نسبة ثاني أكسيد الكربون.

طيب إيه هي أهم الأعراض للنوعين؟

لكل نوع فيهم أعراض بتميزه زي:
- في النوع الأول:
▪️ ضيق في التنفس.
▪️السعال والشعور بعدم القدرة على تنفس الهواء الكافي.
▪️ تغير لون الجلد والشفتين والأظافر إلى اللون أزرق

- أما في النوع الثاني:
▪️ التنفس السريع.
▪️ارتفاع ضغط الدم.
▪️النعاس أو فقدان الوعي.
▪️الصداع.
▪️عدم انتظام ضربات القلب.

وبتتمثل عوامل الخطورة اللي ممكن تحول الحالة للأسوء في:
- التدخين.
- وجود أمراض تنفسية مزمنة.
- وجود تاريخ عائلي مرضي.

عشان كدة لازم تكون عارف إيه الإسعافات الأولية اللازمة في هذه الحالة وهي:
- قياس العلامات الحيوية.
- نخلي المريض وضع الجلوس.
- تهدئة المريض.
- استخدام الأدوية إذا تطلب الأمر.
- استخدم الأكسجين تحت إشراف الطبيب المتخصص. ( لإن النوع الثاني ينتج عن مرض مزمن في الرئة والعضلات ويحتاج للتعامل مع الأكسجين بطريقة معينة لخطورة ذلك على المخ).

أكيد بتسأل نفسك دلوقتي طيب يا ترى أنا كدة هتعود على استخدام الأكسجين!
في الحقيقة فكرة تعود المريض على استخدام الأكسجين بشكل دائم غير صحيحة، لإن المريض العادي بيستخدم جلسات الأكسجين مرة أو مرتين على الأكثر يعني بشكل مؤقت بجانب الأدوية وبعدها غالباً مش بيحتاجها تاني طوال حياته.

- لكن في بعض الحالات يعتبر الأكسجين ضروري ومهم استخدامه كعلاج على المدى الطويل مش بس مؤقت زي المصابين بالانسداد الرئوي المزمن الشديد، التليف الكيسي وفشل القلب.

📲للحجز والاستفسار :
- 0403309020
- 01068877986

📌العنوان :
الغربية . طنطا . ش.البحر . أمام مستشفى الجامعة . أعلى البنك العقاري

🧘‍♂️

#صدر

21/06/2022

سمعت عن حالة تليف رئة قبل كدة؟ 🫁

الفترة دي انتشر جدًا لفظ تليف الرئة خاصةً بعد ارتباطه بڤيروس كورونا، هيتم توضيح كام معلومة عنه.

🔹 مرض التليف الرئوي بيحصل لما تتلف أنسجة الرئة وتصبح سميكة وقاسية، وده اللي بيصعّب على المريض عملية التنفس.
وللأسف المرض ده منتشر في أسوان بسبب وجود عوادم المصانع، ومنتشر الفترة دي بسبب حدوثه بعد الإصابة بڤيروس كورونا.

🔹 أعراض المرض تختلف من كل درجة للأخرى وممكن تبدأ بسيطة وتشتد مع مرور الوقت والأعراض تتراوح مابين:
- ضيق في التنفس
- كحة ناشفة
- إرهاق
- فقدان في الوزن

* أما عن مضاعفات المرض فهي خطيرة وممكن تصل الى:
- ارتفاع ضغط الرئة
- فشل الجانب الأيمن من القلب
- فشل الجهاز التنفسي
- سرطان الرئة

🔹 تشخيص تليف الرئة بيتم عن طريق:
- الفحوصات التصويرية: الأشعة المقطعية لتحديد نوع التليف.
- اختبار وظائف التنفس.
- أخذ عينة من الرئة.

🔹 والعلاج بيكون عن طريق وضع خطة للمريض طويلة الأمد بناءًا على نوع التليف.

🔹 وأخيرًا تقدر تحمي نفسك منه بعد الإصابة بڤيروس كورونا بإنك تتابع عند طبيب مختص وتعمل وظائف التنفس، ويمكن تفاديه باستمرار العلاج.

📲للحجز والاستفسار :
- 0403309020
- 01068877986

📌العنوان :
الغربية . طنطا . ش.البحر . أمام مستشفى الجامعة . أعلى البنك العقاري

🧘‍♂️

#صدر

16/06/2022

يا ترى هل الكورتيزون فعلاً مُضِر؟

🔹 الكورتيزون هو علاج بيستخدم في كثير من الأمراض، بل بالعكس في أمراض بيكون علاجها الوحيد الفعال هو الكورتيزون، وهو بيعمل كمضاد قوي للالتهاب.

🔹 الكورتيزون كمان بيتصنع في جسمنا بكميات محسوبة جدًا وعدم وجوده أو نقصه في الجسم بيؤدي الى أمراض خطيرة زي داء اديسون.

🔹 أنواع الكورتيزون:
- النوع الأول هو الكورتيزون الموضعي، مثل بخاخات الأنف والصدر، وهو آمن تمامًا مهما زادت فترة الاستخدام؛ لإن تأثيره موضعي فقط، ولا يؤثر على باقي أعضاء الجسم.
- النوع الثاني هو أقراص عن طريق الفم أو حقن وده بيستخدم تحت إشراف طبي كامل وفي حالات معينة، بيتم استخدامه لفترة محسوبة ولو استخدمناه لفترات طويلة فلا يمكن إيقافه فجأة، والسحب بيكون تدريجيًا على يد طبيب متخصص.

⚠️ وأخيرًا الكورتيزون علاج مهم جدًا في حالات كتير، فمينفعش تنصح حد انه مياخدهوش ومينفعش تاخده من غير اشراف طبيب.

📲للحجز والاستفسار :
- 0403309020
- 01068877986

📌العنوان :
الغربية . طنطا . ش.البحر . أمام مستشفى الجامعة . أعلى البنك العقاري

🧘‍♂️

#صدر

14/06/2022

‏‎لو جبت آخرك من الأدوية ومفيش فايدة، اقرأ البوست ده. 🚶

‏‎ناس كتير بتيجي تقول باخد أدوية كتير والحساسية مبتتحسنش، الموضوع ده ليه أسباب متعددة زي:

‏‎- عدم الانتظام على العلاج الوقائي، فبتعرض نفسك لنوبات حساسية أكتر.

‏‎- في مرض تاني مع الحساسية عاملك مشكلة ولازم تعالجه الأول زي:
‏‎* إن يكون عندك لحمية ومحتاجة تتشال جراحيًا.
‏‎* أو يكون عندك انسداد في التنفس وبيزيد أثناء النوم وهنا محتاج تعالج المشكلة دي الأول.

‏‎- لو عندك زيادة في الوزن.

‏‎- إن ميكونش عندك حساسية وفي سبب آخر لضيق النفس وهنا محتاج تتشخص صح الأول.

‏‎🔹 وأخيرًا لو عندك حساسية وشايف إنها مش بتتحسن يبقى لازم تروح لدكتور عشان يحدد معاك السبب 🤔

📲للحجز والاستفسار :
- 0403309020
- 01068877986

📌العنوان :
الغربية . طنطا . ش.البحر . أمام مستشفى الجامعة . أعلى البنك العقاري

🧘‍♂️

#صدر

09/06/2022

لو انت مريض حساسية صدر، خلي بالك من التكييف ⚠️

الحرارة العالية بتخلي معظمنا يلجأ انه يفتح التكييف معظم الوقت، ففي البوست ده هنقولك ايه هي أضرار التكييف

مبدأيًا التكييف لو كان مظبوط على درجة عالية بيسبب مشكلة بسبب اختلاف الحرارة الشديد ما بين الداخل والخارج، ده غير انه عشان في رطوبة بيساعد على نمو البكتيريا والفطريات وانتشارها، وبالتالي بيسبب:
- نوبات حساسية.
- نزلات برد.
- كحة.
- احتقان بالحلق.
- سيلان بالأنف.
- التهاب جيوب أنفية.
- التهاب رئوي حاد.
- نزلات شعبية حادة.
- ده غير انه بيزود أعراض الأزمة الربوية.

🔹 وفي النهاية دي نصايح ليك عشان تتجنب أضرار التكييف :
* نضف التكييف أول بأول عشان ميتراكمش فيه البكتريا.
* ظبط درجة الحرارة بحيث ميكونش في اختلاف كبير بينه وبين البيئة الخارجية.
* متخليش الهواء متوجه عليك بشكل مباشر
* احرص على فتح الشبابيك وتهوية المكان

📲للحجز والاستفسار :
- 0403309020
- 01068877986

📌العنوان :
الغربية . طنطا . ش.البحر . أمام مستشفى الجامعة . أعلى البنك العقاري

🧘‍♂️

#صدر

07/06/2022

🚨متى يكون السعال مصحوباً بدم ؟

⬅️السعال المصحوب بالدم لا يدعو دوماً للقلق فالالتهابات هي السبب الأكثر شيوعاً وعندها يكون العرض لفترة محدودة وكمية الدم قليلة جداً
🔙وأحيانا تكون الكمية كبيرة يعني تزيد عن قطرات قليلة وفي كل الحالات يجب مراجعة الطبيب

🎯أسبابه

🔸 قد يحدث بسبب التهاب قصبات هوائية أو التهاب رئة

🔸أيضاً من يعانون من توسع القصبات الهوائية سبب متكرر لخروج الدم

🔸في حالات نادرة قد يكون بسبب ارتجاع المريء

🔸 الانصمام الرئوي أو تخثرات الأوعية الدموية في الرئة

🔸السل يسبب كحة وأحيانا مصحوبة بدم وربما مع نقص وزن و ربما تعرق ليلي و حمى

🔸 الأمراض الرئوية المزمنة مثل التليف كثيراً ما تكون مصحوبة بتوسع قصبات مما يجعل المريض عرضة لهذا العرض

🔸سرطان الرئة هو الأخطر الذي يجب التأكد من سلامة المريض منه فخروج الدم يمكن ان يكون أول علامة في بداياته وعلاجه المبكر يمكن أحيانًا الشفاء النهائي منه

🔸 و عدة أسباب اخرى

✅لذلك يجب مراجعة الطبيب المختص لمعرفة السبب وعلاجه

📲للحجز والاستفسار :
- 0403309020
- 01068877986

📌العنوان :
الغربية . طنطا . ش.البحر . أمام مستشفى الجامعة . أعلى البنك العقاري

🧘‍♂️

#صدر

Dr. Mohamed Sayed Hantera Clinic - دكتور محمد سيد حنتيرة

06/03/2023

08/07/2022

04/07/2022

03/07/2022

02/07/2022

28/06/2022

23/06/2022

21/06/2022

16/06/2022

14/06/2022

09/06/2022

07/06/2022

Address

Telephone

Website

Alerts

Contact The Practice

Shortcuts

Share

Category