22/11/2022
بوست مهم جدا لاي حد محتاج يخس:😉
انا بكتب الكلام ده عشان بعض المدربين ودكاترة التغذية اللي بقوا بيتاجروا بالمرض.
السمنه او الوزن الزايد مرض مش شئ عادي ولازم يتعالج زيه زي اي مرض تاني بس ده علاجه مختلف.😁
نركز مع بعض شويه مش مطلوب منك ابدا تعيش حياتك كلها عامل دايت علشان تخس والا دي مبقيتش عيشه وخلينا متفقين علي ده
اي حد يقولك انك لازم تفضل ماشي علي دايت ولو بوظته هتتخن ده شخص فاشل
شغل انك تخس وتعمل تثبت والكلام الفارغ ده ملوش لازمه وملوش اي اساس من الصحه
واللي ميحددلكش السبب اللي خلاك طخين متكملش معاه لانه اصلا ميعرفش المرض علشان يعالجه
طبعا مع كل احترامي للدكاتره والمدربين اللي بيتبعوا الاسلوب ده 😊❤
لازم الاول نحدد سبب السمنه اصل اشمعنا انا باكل واطخن وصاحبي بياكل اكتر مني ومبيطخنش ومفيش حاجه اسمها هو كده لازم في سبب.
طيب ايه هي الاسباب، في اسباب كتير بس هنتكلم عن ال٣ اسباب الرئيسيه في الموضوع:
١-وجود خلل في افرازات الغده الدرقيه T3 , T4
٢-حساسية الانسولين
٣-وجود خلل في نسبه هرمون التستستيرون
بمجرد مبنحدد الخلل فين بنبدا نحط خطه علاجيه عن طريق برنامج تغذيه متوازن ملئ بمصادر الطاقة والبروتين والفيتامينات والالياف والدهون الصحيه 😋 لان الصحه اولا 👌🏼
طبعا ده بيختلف علي حسب روتين حياة كل واحد ودرجة السمنه اللي عنده وبيقا الهدف انك تخس وانت مرتاح وجسمك ميضعفش والاهم انك متتخنش تاني حتي بعد متوقف دايت 😁
وبعدين نحط برنامج تمرين مقاومة مختلف الاحمال علي حسب قدرة كل شخص ومستواه
وطبعا كل ده محسوب بالجرام وبالثانيه
الهدف من البوست ده توعية ان السمنه مرض بس مش صعب علاجه وانه مش لعنه هتفضل قرفاك طول حياتك لا ممكن تخلص منها للابد وتعيش حياتك عادي بس تابع مع حد بيفهم ومتروحش لحد يستغلك ويدفعلك الوفات عالفاضي 😊😊❤
يارب تكونو استفادتو حاجه من البوست البسيط ده 💪🏼
