19/04/2026
سؤال مهم ومتكرر
ليه الامهات بتقول دايما
انا لبني قليل
ومش مكفي الطفل 😔
في أم بتفتكر إن رضيعها لما يطلب يرضع بعد نص ساعة
يبقى لبنها مش مكفّي
بس الحقيقة مختلفة تمامًا…
الرضيع ممكن يخلص رضعة كاملة☺️
وبعدها بفترة قصيرة يطلب تاني
وده طبيعي جدًا
السبب الأول 👇
لبن الأم سهل الهضم
دراسات فسيولوجيا الرضاعة بتوضح إن معدة الرضيع بتفضى أسرع مع حليب الأم
لأن بروتيناته أسهل في التكسير
ونسبة الشرش فيه أعلى
وده بيخليه يمتص بسرعة
يعني مش بيقعد تقيل في معدته
فيجوع أسرع
السبب التاني 👇
الطلب المتكرر مش صدفة
كل مرة بيحصل تحفيز للحلمة
الجسم بيستقبل إشارة عصبية
توصل للغدة النخامية
فيزيد إفراز هرمون البرولاكتين المسؤول عن تصنيع اللبن
وده مثبت في أبحاث تنظيم الإدرار
إن الإنتاج بيعتمد على مبدأ العرض والطلب
كل ما الطفل يطلب أكتر
الجسم ينتج أكتر🤚🤚
الطلب هنا مش إزعاج
ده نظام دقيق ربنا خلقه
عشان يحافظ على استمرار اللبن
شجعوا الامهات علي الرضاعة الطبيعية
دي كنز وهدية من ربنا
للاطفال والأمهات معا
