الأستاذ الدكتور محمد حسن أبوزيد أستاذ الروماتيزم

18/09/2025

✨ "فيبروميالجيا… خطوات بسيطة تصنع فرق كبير" ✨

💪 العلاج مش دايمًا دواء فقط… في الفيبروميالجيا مهم نهتم بأسلوب حياتنا:

🏃‍♀️ الرياضة المنتظمة الخفيفة (مثل المشي أو السباحة) تساعد على تقليل الألم وتحسين النوم.

😌 تقنيات الاسترخاء (يوجا – مساج - چاكوزى أو دش دافئ - تنفس عميق – تأمل) تقلل التوتر وتخفف الأعراض.

💤 النوم الجيد: حاول تنام في وقت ثابت وتبعد عن الكافيين قبل النوم.

🍎 التغذية المتوازنة: وجبات صحية غنية بالخضار والفواكه، وتقليل السكريات.

👥 الدعم النفسي والاجتماعي: التحدث مع أصدقاء أو مجموعات دعم يقلل الإحساس بالعزلة.. مهم جدا جدا تقليل التوتر والعصبية

✨ التغيير في نمط الحياة بيخلي التعامل مع الفيبروميالجيا أسهل وبيحسن جودة الحياة بشكل واضح.

طبعا مع بعض الأدوية اللى ممكن نتكلم عنها فى بوست تانى 😎😎

❤️ دمتم سعداء و مبسوطين ❤️

ا.د محمد حسن أبوزيد
استاذ م واستشارى الروماتيزم جامعة طنطا
#فايبرو #فايبرومايالجيا

23/08/2025

: معلومة على الماشى 👀👀🔥🔥🔥
العلاج اللى الناس بتقول عليه علاج جديد وأمل جديد لمرضى فيبروميالجيا
هو ببساطة ملتى ريلاكس وده باسط عضلات مشهور وموجود من زمان فى مصر
الجديد أنه أخد تصريح باستخدامه فى الفيبروميالجيا
وللأسف الناس بتشير وبتلعب بعواطف المرضى علشان الريتش والتريند😞😞😞

08/03/2025

02/03/2025

🌙 رمضان والروماتويد 🌙
🌹 كل عام وأنتم بخير ورمضان مبارك 🌹
مريض الروماتويد ورمضان
يصوم وللا مايصومش؟
وايه تاثير الصيام على نشاط المرض؟🤔......
الإجابة هتكون عن طريق استنتاجات الأبحاث العالمية اللى استنتجت أن صيام شهر رمضان قد يقلل من علامات وأعراض المرضى الذين يعانون من التهاب المفاصل الروماتويدي......
وبالنسبة للأدوية:
ميثوتريكسات حقن ممكن تؤخذ فى نهار رمضان ولا تفطر
بالنسبة للمرضى الذين يتناولون الكورتيزون يستحسن تناول الجرعة بعد السحور.....
بالنسبة للأكل: ينصح بالاكثار من المياه والخضروات والفواكه الطازجة وكمان الزبادى فى السحور مع عدم تناول الدهون والأطعمة المحفوظة وينصح بالاعتدال فى الحلويات وعدم تناول المخللات.....
🌙🌹وكل عام وانتم بخير 🌹🌙

الاستاذ الدكتور محمد حسن أبوزيد
أستاذ م الروماتيزم والمفاصل والعمود الفقري و المناعة بجامعة طنطا

16/02/2025

مشاركة الأستاذ الدكتور محمد حسن أبوزيد فى مؤتمر الجمعية المصرية للروماتيزم والمفاصل (أكبر مؤتمر للروماتيزم فى الشرق الأوسط) وسط لفيف من أساتذة وأطباء الروماتيزم بمصر والوطن العربى

08/02/2025

فاكر انت الاوردر اللي كان ممكن تنزل تجيبه من تحت بيتك من السوبرماركت وكسلت تنزل تجيبه، وطلبت الاوردر يوصلك دليفري؟! 🤔

بلاش دا، فاكر انت كمية التاسكات اللي وراك، وكل ما تيجي تشتغل عليها تحس بخمول وكسل، والموضوع يبدأ يتحول معاك لتـسويف متواصل، وبسبب التسويف دا بتلاقي نفسك بدأت تتشتت مش عارف تخلص إيه ولا إيه، ثم الموضوع يبدأ يتحول معاك لضغط نفسي بسبب كمية الشغل اللي مش قادر إنك تخلصها! 🤔😥

المشاكل دي كلها سببها إنك مش بتمارس رياضة! 🤞

الناس اللي بتمارس رياضة الصبح او بشكل عام بيحاولوا انهم ينتظموا على ممارسة الرياضة مش شرط أبدًا بالمرة إن يكون هدفه إنه يخس، او يزيد وزن او يبني فورمة، بالعكس الناس دي بتحاول تمارس الرياضة عشان تحافظ على حالتها الذهنية بأنها تكون صافية وتتغلب على الخمول والكسل والتسويف والتشتت اللي ممكن يتعرضوله في الشغل او في الحياة اليومية…

ولو هتسألني دا بيحصل إزاي!
فخليني أقولك إنك لما تبدأ تمارس رياضة فـ اللي بيحصل لجسمك إنه بيبدأ يفرز هرمونات زي هرمون الدوبامين، السيروتونين، الأندروفين، اللي بدورهم بيبدأوا :

⬅يحسنوا المزاج
⬅يقللوا الأفكار السلبية
⬅بيساعدوك تتغلب على الخمول
⬅بيساعدوك تتغلب على التسويف والكسل، لان جسمك بيبقي في حالة نشاط طبيعية وكويسة جدا

موضوع الرياضة مش بيأثر بس على التركيز، بالعكس دا بيأثر على كل جوانب حياتك في الحقيقة.
لو تفتكر كدا وانت بتطلع السلم للدور التالت، هتلاقي نفسك بدأت تنهج ونفسك بدأ يتقطع وكأن عندك تسعين سنة..
دور الرياضة هنا، إنها بتحسن الدورة الدموية وصحة القلب، فلذلك لما بتتمرن هتلاقي :

📌قلبك بيشتغل بكفاءة أعلى
📌كفاءة الرئة بتتحسن
📌الدم بيوصل لكل أعضاء جسمك
📌هرمون التيستيرون بيزيد، واللي بيخلي طاقتك طول اليوم زايدة
📌نسبة تعبك وإرهاقك تقل
📌لو متزوج هتلاقي حياتك الزوجية بتتحسن بشكل طبيعي بدون أي تدخلات خارجية،

تخيل معايا ان نص ساعة يوميًا تمارس الرياضة ممكن تحول حياتك بالشكل دا، ما بالك لو ماشي على نظام أكل صحي، وماشي على رياضة مناسبة ليك ولجسمك ولهدفك اللي عايز توصله

الكلام دا مهم لكل الناس، مابالك بأه بمرضى الفيبروميالجيا وأمراض الروماتيزم ....
خلينا واخدين بالنا أن ممارسة الرياضة لمريض الروماتيزم مهمة لكن رياضة مش عنيفة وفى حدود الألم والالتهاب
لكن مريض الفيبروميالجيا يجي على نفسه شوي. ويستحمل الألم فى الأول شوية وهيلاقى نتايج هائلة بإذن الله

دمتم سالمين❤️
ا.د محمد حسن أبوزيد
استاذ م واستشارى الروماتيزم جامعة طنطا

26/11/2024

💦💦ألم المفاصل وفصل الشتاء 💦💦
ألم المفاصل هو من الآلام المزمنة والتى غالبا ما تزيد مع الجو البارد
والعمل ايه مع الجو البارد ده؟🤔🤔

احرص دائماً على تدفئة جسمك خلال الشتاء عن طريق:
- لبس ملابس ثقيلة، وشرابات وجوانتيات.
- أخذ حمام دافئ.
- تدفئة المنزل بشكل جيد.
- تجنب الوضوء بماء بارد او استخدام الماء البارد فى شغل البيت
- تدفئة اليدين والقدمين بوضعهم فى ماء دافئ.
- ممارسة الرياضات الخفيفة لتجنب الإصابة بخشونة المفاصل، والحفاظ على قوة ومرونة العضلات، وتلطيف الألم، ومنها:
السباحة.
- تجنب البقاء على وضع واحد لفترة طويلة
- حافظ على وزنك.
- تجنب حمل الأشياء الثقيلة.
- احرص على اتباع نمط حياة صحي من حيث النظام الغذائي، والحصول على قسط كاف من النوم........
دمتم سالمين 🌹🌹🌹🌹
ا.د محمد حسن أبوزيد
استاذ واستشارى الروماتيزم جامعة طنطا م
نائب رئيس الجمعية الأفريقية للروماتيزم
01020871816

أستاذ الروماتيزم والمفاصل بجامعة طنطا م
نائب رئيس الجمعية الأفريقية للروماتيزم
عضو الجمعية الأفريقية لروماتيزم الأطفال
عضو الجمعية الأوروبية للروماتيزم
عضو الجمعية الدولية لهشاشة العظام
عضو المجموعة الأوروبية لالتهاب العضلات المناعى

12/10/2024

يوم الروماتيزم العالمى
World arthritis day
ا.د محمد حسن أبوزيد
الأكل والروماتيزم