Magdy Dental Clinic - Dr.Ahmed Magdy

21/08/2025

سمعت قبل كده مصطلح اسمه "كيس دهني"؟ 🤦🏻‍♂️

⚜️ الكيس الدهني أو Periapical Granuloma هو عبارة عن التهاب مزمن بيظهر حول جذر السن، وبيكون غالبًا نتيجة إهمال تسوس أو التهاب عصب متعالجش بالطريقة الصحيحة.
⚜️ حضرتك بيجيلك ألم في أسنانك أو خراج و بتاخد مضاد حيوي يهدي الموضوع وخلاص، مع الوقت بيحصل تكوّن لأنسجة التهابية مكان العدوى (Granulation tissue) علشان الجسم يحاول يحاصر البكتيريا.
⚜️ لو اتساب من غير علاج، ممكن يتطور لكيس أو خراج ويعمل مشاكل أكبر
⚜️ طيب و إيه الحل في مشكلة زي دي؟
• تنظيف القنوات العصبية بشكل كامل و دقيق.
• إزالة البكتيريا والأنسجة الميتة.
• حشو القنوات بشكل محكم.
• في بعض الحالات ممكن نحتاج لعمل اجراء اسمه apicoectomy أو استئصال نهاية الجذر.

في النهاية بلاش إهمال في أي حاجة تخص أسنانك لأن كل ما المشكلة بتكبر كل ما بتكلفك وقت و مجهود و كمان فلوس!
بنتمنالكم دوام الصحة و العافية♥️

📍العنوان: نفيا - حي السماح - خلف محطة وقود السماح - منزل د. مجدي عبد الصادق

📞 للتواصل: ٠١١٤٦٠٩٥٢١٥ - ٠٤٠٣٤٦٠٢٥٧

11/08/2025

يا دكتور معنديش مشكلة في أسناني بس برضو مش عارف اضحك🤔
في لون اسود في اللثة بيقلل ثقتي في ضحكتي و مش عارف الحل ايه!

متشيلش هم، حلك بسيط
تصبغات اللثة ليها أسباب كتير منها وراثية، و منها عادات زي التدخين، و أسباب تانية كتير.
دلوقتي تقدر تعمل توريد لثة في جلسة واحدة فقط، بنتيجة فورية، و بدون ألم.

تواصل معنا عبر رسائل الصفحة للإستفسار و حجز موعد

📍العنوان: نفيا - حي السماح - خلف محطة وقود السماح - منزل د. مجدي عبد الصادق

📞 للتواصل: ٠١١٤٦٠٩٥٢١٥ - ٠٤٠٣٤٦٠٢٥٧

25/07/2025

يا دكتور دي أسنان لبنية ما كده كده هيخلعها، هنصلحها ليه؟🤔

جملة بنسمعها شبه يوميًا في عيادة الأسنان .. تعالوا نتعرف على جانب بسيط من أسنان الأطفال و نفهم ليه مضطرين نحافظ على أسنان الأطفال…

🙋‍♂️ هيحصل إيه لو أهملنا أسنان الأطفال و سيبنا التسوسات بدون علاج؟

🦷 تسوس الأسنان المبكر (تسوس الرضاعة) ده من أكتر المشاكل الشائعة، خصوصًا لو الطفل بينام بالببرونة أو بياكل سكريات كتير في سن صغير، ده هيتسبب في تسوس كل أسنانه في سن صغير جدًا.
🦷 الأسنان المسوسة ممكن تسبب خراج أو التهابات في اللثة، و ده هيأثر على صحة الطفل العامة بشكل مباشر.
🦷 الألم المستمر ممكن يخلي الطفل عصبي، وميعرفش يركز أو ينام كويس، و بالتالي هيأثر على كل تصرفاته و أسلوب حياته.
🦷 مشاكل في النطق و الكلام، تسوس الأسنان و فقدانها مبكرًا ممكن يأثر على نطق الطفل ويخليه يتأخر في الكلام.
🦷 صعوبة في المضغ و التغذية، الطفل مش هيعرف ياكل كويس، وده ممكن يسبب سوء تغذية أو ضعف في النمو.
🦷 الأسنان اللبنية بتحافظ على مكان الأسنان الدائمة، لو وقعت بدري بسبب التسوس، الأسنان الدائمة ممكن تطلع في مكان غلط، ويسبب تزاحم أو اعوجاج في الأسنان و بالتالي احتياج تدخل التقويم.
🦷 الطفل اللي عنده مشاكل في أسنانه ممكن يتحرج يضحك أو يتكلم قدام الناس، ممكن يأثر عليه في المدرسة ومع أصدقائه و يتسبب في ضعف ثقته في نفسه.

🙋‍♂️ طيب بعد ما عرفنا خطورة إهمال أسنان الأطفال، نحافظ عليها ازاي؟

🦷 العناية تبدأ من قبل ظهور الأسنان، يعني من أول ما الطفل يتولد، نظفي لثة الطفل بقطعة شاش مبلولة يوميًا.

🦷 مع ظهور أول سنّة في فم الطفل استخدمي فرشاة صغيرة ناعمة ومعجون أسنان بحجم “حبة أرز” فقط.
🦷 من سن 3 سنوات، زوّدي الكمية لحجم “حبة بازلاء” و ساعدي الطفل في غسل أسنانه مرتين يوميًا، خصوصًا قبل النوم.
🦷 قللي السكريات والمشروبات المحلّاة، لأنها السبب الأساسي للتسوس، وفري أكل غني بالكالسيوم زي اللبن والزبادي والخضروات الورقية.
🦷 زيارة طبيب الأسنان بصِفة دورية كل ٦ شهور على الأقل، أول زيارة لازم تكون في حدود عمر سنة أو عند ظهور أول سنّ، الكشف المبكر بيمنع التسوس وبيعلّم الطفل يتعود على الطبيب من بدري.
🦷 جلسات الفلورايد بشكل فوري هتساعد في تقوية الأسنان و تقليل معدل التسوس، الفلورايد مادة موجودة في الطبيعة، في المياة، و في معجون الأسنان، لكن بنسب ضعيفة، ممكن نعمل جلسات فلورايد مكثفة عند طبيب الأسنان لتقوية و تعزيز صحة الأسنان.
🦷 ممكن نستخدم اجراءات وقائية زي مادة حشو اسمها “Fissure Sealent” و دي بتكون مادة بتسد الفراغات العميقة في الضروس اللي بتساعد على بداية التسوس بشكل أسرع.

خليك دايمًا فاكر إن صحة أسنانك و أسنان أطفالك مش رفاهية، بنتمنالكم دوام الصحة و العافية 🦷♥️

📍العنوان: نفيا - حي السماح - خلف محطة وقود السماح - منزل د. مجدي عبد الصادق
📞 للتواصل: ٠١١٤٦٠٩٥٢١٥ - ٠٤٠٣٤٦٠٢٥٧
📩 أو تواصل معانا من خلال رسائل الصفحة

06/07/2025

جربت تغسل أسنانك قبل كده و لقيتها بتنزل دم فـ بطلت تغسلها؟ جربت تصحى من النوم و تلاقي رائحة الفم كريهة و ده بيقلل ثقتك في نفسك؟ 🤔
تعالوا نتعرف على المتهم المتسبب في كتير من مشاكل الفم، وهو جير الأسنان (CALCULUS).

🔹 تعالى نتعرف الأول إيه هو الجير و ازاي بيتكون؟
الجير هو طبقة صلبة بتتكوّن من بقايا الطعام والبكتيريا و إفرازات اللعاب اللي فيها كالسيوم اللي بتتراكم على الأسنان لفترات طويلة بسبب إهمال التنظيف أو التنظيف غير الصحيح

🔹 إيه هيحصل لو الجير اتساب من غير تنظيف لفترات طويلة؟
-نزيف وإلتهابات في اللثة
-رائحة فم كريهة بشكل مستمر
-إصفرار دائم و تصبغات في الأسنان
-تآكل في عظام الفك و اللثة و تخلخل الأسنان وفقدانها
-إنحسار اللثة (الأسنان تبان أطول من الطبيعي و يكون فيها حساسية شديدة)
-ممكن تزيد نسبة حدوث التسوس بسبب السطح الخشن اللي بتتجمع عليه البكتيريا

🔹 هل لازم أعمل تنظيف الجير باستمرار؟ ولا كفاية أستخدم الفرشاة و المعجون؟
ضروري نعمل تنظيف جير كل ٦ شهور على الأقل، لأن الترسبات الجيرية بعد فترة بتتحول من بقايا أكل و بكتيريا إلى صورة صلبة صعب للفرشاة الوصول ليها و إزالتها.

🔹 هل تنظيف الجير خطوة فيها ألم؟
تنظيف الجير خطوة سهلة و بسيطة مفيهاش أي ألم و مش بتحتاج بنج، أحيانًا لو حاصل انحسار في اللثة بيكون في حساسية بعد الجلسة نتيجة انكشاف الجذور اللي مغطيها الجير، لكن بعد إزالة الجير و الإهتمام بنظافة الأسنان بيكون في تحسن سريع و ملحوظ.

🔹 هل تنظيف الجير في منه أنواع؟
في نوعين من تنظيف الجير، أول نوع بنستخدم فيه جهاز بيعمل موجات اهتزازية فوق صوتية علشان يوقّع كل الجير من على الأسنان، تاني نوع بنستخدم فيه أدوات بشكل يدوي علشان نقدر نوصل للأجزاء العميقة تحت اللثة و تنظيف الجيوب اللثوية.

🔹 هل تنظيف الجير بيأثر بالسلب على الأسنان و ممكن يسبب كسرها أو لخلختها؟
ده مفهوم خاطئ عند كتير من الناس، تنظيف الجير هو أول خطوة في علاج أمراض اللثة و الأسنان، آمن تمامًا ومش بيأثر على طبقة المينا ولا بيتسبب في كسر الأسنان، لكن أحيانًا بتكون الأسنان حصل حواليها تآكل في اللثة و العظام و كل اللي ساندها هو الجير اللي لو فضل في مكانه المشكلة هتزيد، مجرد ما نعمل تنظيف عميق للأسنان دي في كتير منها بتمسك تاني و بتقل درجة اللخلخة و بنقدر نحافظ على الأسنان.

🔹 هل تنظيف الجير بيبيّض الأسنان؟
تنظيف الرواسب الجيرية و إزالة التصبغات من الأسنان بترجّع الأسنان للونها الطبيعي و ترجعلها حيويتها و نضارتها، لكن التحكم في لون الأسنان بيكون عن طريق التبييض (BLEACHING) هنتكلم عنه في بوست تاني.

خليك دايمًا فاكر إن صحة أسنانك مش رفاهية، بنتمنالكم دوام الصحة و العافية 🦷♥️

📍العنوان: نفيا - حي السماح - خلف محطة وقود السماح - منزل د. مجدي عبد الصادق

📞 للتواصل: ٠١١٤٦٠٩٥٢١٥ - ٠٤٠٣٤٦٠٢٥٧

📩 أو تواصل معانا من خلال رسائل الصفحة

09/06/2025

يتم استئناف العمل بالعيادة غدًا الثلاثاء بعد انتهاء إجازة عيد الأضحى المبارك
مواعيد العمل يوميًا من الساعة ٤ عصرًا إلى ١٠ مساءً ما
عدا الجمعة

• د/ أحمد مجدي عبد الصادق
السبت - الأحد - الإثنين - الخميس

• د/ كريم منير الفيومي
الثلاثاء - الأربعاء

بنفكركم بخدماتنا المقدمة على مدار الأسبوع:

• حشو العصب و علاج الجذور بدون ألم وبأحدث الأجهزة الديجيتال في عالم طب الأسنان
• حشو الليزر التجميلي
• التركيبات الثابتة (بورسلين، زيركونيا، إيماكس)
• جميع خدمات طب أسنان الأطفال (بما في ذلك التخدير الكلي)
• ⁠إزالة الرواسب الجيرية والتصبغات وتلميع الأسنان
• ⁠الخلع العادي و الجراحي
• ⁠تبييض الأسنان
• ⁠زراعة الأسنان
• ⁠تقويم الأسنان

📍العنوان: نفيا - حي السماح - خلف محطة وقود السماح - منزل د. مجدي عبد الصادق

📞 للتواصل: ٠١١٤٦٠٩٥٢١٥ - ٠٤٠٣٤٦٠٢٥٧

05/06/2025

الله أكبر الله أكبر الله أكبر، لا إله إلا الله
الله أكبر الله أكبر ولله الحمد

نهنئكم بحلول عيد الأضحى المبارك، أعاده الله علينا و عليكم بالخير و اليُمن و البركات.
كل عام و أنتم بخير♥️

25/04/2025

مستمرين معاكم في آخر أسبوع من عروض الإفتتاح

- الكشف مجاني و فحص شامل للأسنان
- خصم ٥٠٪؜ على تنظيف الجير و تلميع الأسنان
- خصم ٢٠٪؜ على جميع خدمات العيادة

• د/ أحمد مجدي عبد الصادق
السبت - الأحد - الإثنين - الخميس
(٣-٩ مساءً)
• د/ كريم منير الفيومي
الثلاثاء - الأربعاء
(٣-٩ مساءً)

📍العنوان: نفيا - حي السماح - خلف محطة وقود السماح - منزل د. مجدي عبد الصادق

📞 للتواصل: ٠١١٤٦٠٩٥٢١٥ - ٠٤٠٣٤٦٠٢٥٧

04/04/2025

﷽

تم بحمد الله تعالى افتتاح عيادة
د/ أحمد مجدي عبد الصادق
أخصائي طب و جراحة الفم و تجميل الأسنان

🦷 الخدمات المقدمة بالعيادة:

• حشو العصب و علاج الجذور بدون ألم وبأحدث الأجهزة الديجيتال في عالم طب الأسنان
• حشو الليزر التجميلي
• التركيبات الثابتة (بورسلين، زيركونيا، إيماكس)
• جميع خدمات طب أسنان الأطفال
• ⁠إزالة الرواسب الجيرية والتصبغات وتلميع الأسنان
• ⁠الخلع العادي و الجراحي
• ⁠تبييض الأسنان
• ⁠زراعة الأسنان
• ⁠تقويم الأسنان

- بمناسبة الإفتتاح الكشف مجاني لمدة شهر من تاريخ الإفتتاح
- خصم ٥٠٪ على تنظيف الجير وتلميع الأسنان
- خصم ٢٠٪ على خدمات العيادة

⏱️مواعيد العمل: يوميًا من الساعة ٣ عصرًا إلى ٩ مساءً ما عدا الجمعة

• د/ أحمد مجدي عبد الصادق
السبت - الأحد - الإثنين - الخميس
• د/ كريم منير الفيومي
الثلاثاء - الأربعاء

📍العنوان: نفيا - حي السماح - خلف محطة وقود السماح - منزل د. مجدي عبد الصادق
📞 للتواصل: ٠١١٤٦٠٩٥٢١٥ - ٠٤٠٣٤٦٠٢٥٧

30/03/2025

15/03/2025

TIC TAC ⏳