HMSA Clinic by Dr-Hind Ayoub

08/02/2026

أنا مش ساحرة⚕️ بس عارفه إنك بتأكلي قليل ومش بتخسي بالعكس ممكن بتزيدي كمان 🤦!
طيب ماتيجي أقولك ع اللى فيها ;

عجز السعرات الكبير مرة واحدة يعتبر دايت قاسي جسمك بيفقد معاه كل العناصر الغذائية والفيتامينات
كمان كمية البروتين اللى بتاخديه مش كافية

بالتالي الجسم يقلل من معدل الحرق عشان يحافظ على نفسه ويبدأ يكسر ف البروتين الموجود في العضلات عشان يحصل على الطاقه ويدخل في استرس يرفع الكورتيزول كمان واللى بيزود تكوين الدهون
فالمحصلة؟
ماتنزليش طبعا غير عضلات ويحصل ترهلات وتزيدي دهون وتفقد فيتامينات ومعادن تخلي وشك باهت🙃

⚡عشان تخس محتاج تأخد سعرات بحسبة أقل مش أكل بجودة أقل والفرق كبيررررررر
ودا الفرق بين نظام الدكتورة الشاطرة و أي نظام من ع النت 😎
#متابعة

06/02/2026

فى حالات بتقع وتقوم وحالات تقع ماترجعش تاني
الحالة هنا بتقوم وتتفوق ع نفسها كمان🍓
هتعملي ايه بكرا منتظرة نتيجتك الجديدة بحماس🌻

05/02/2026

فاكرين الحالة دي صاحبة ال٥٦سنة
هحكيلكم ازاي خلتني اقف واتعلم منها الإصرار والثقة
هي ست بسيطة جميلة جات بسمنة وللأسف التهاب مفاصل وخشونة مأثرة جدا ع حركتها وحكتلي قد ايه حياتها اتقلبت من يوم اللى قالها الدكتور (ماتتعبيش نفسك مفيش رجوع لحالتك)
بتقولي أنا مش فاكرة أنا ازاي نزلت من كتر الدموع اللى كانت ف عيني حسيت كأنه حكم عليا بالاعدام يا دكتورة 😥
(الست طول عمرها نشيطة) ودّعت الشارع وروحت مع بنتي اللى طيبت خاطري وقالتلي أكيد ياماما ربنا مش هيحرمك من اللى بتحبيه ولازم هيبعتلك اللى يخفف عليكي
وسبحان الله فعلا ربنا بعتك ليا ولا اتحرمت من أكل ولا اتحرمت من حركة وخروج لهوا ربنا الطبيعي ربنا يحسن مابين ايديكي ...
مش عارفه اوصف احساسي منها وكلامها ... لكن أفضل انطباع سابته ليا
ان الاصرار بيوصّل
والثقة بالله ثم نفسك بتوصّل
ومهما قابلك محبطين خليهم هوا قصادك ❎️
كااامل احترامي لحضرتك يا طنط وهفضل أشجعك وتشجعيني❤️✌🏻

04/02/2026

لما نزلت بوست المفاجأة كله اتشجع بزيادة و أنا هتدبس بزيادة 🤔😂
وهختار أكتر حالتين ملتزمين و بيبعتو صور وجباتهم من تحدي #دايت ٨٠
كل سنة والجميع بخير ان شاءالله ❤️

#أكل #صحي #مسابقة #متابعة

03/02/2026

اعادة #نشر

ازاي ترضعي وتفضلي قمر 🙈💝؟
بما إني أم فأنا عارفه كويس احساسك بعد الولادة وحيرتك بين #الرضاعة و الدايت وياترى هكون بضر ابني !!

و بما إني أخصائية تغذية علاجية فكمان عارفه قد ايه مهم ليكي ولحياتك استعادة جسمك وصحتك بالتدريج🍏
فخليني أقولك الأول ان هدفنا مزدوج : توفير أحسن غذا لطفلك وخسارة زيادة الحمل والرضاعة✌🏻
وده تحدي بيحتاج لخطة احترافية سيبتهالك آخر البوست دا🔚
عشان الاول عايزاكي تعرفي اساسيات التغذية السليمة أثناء الرضاعة ومتكونيش تايهة 🐣

📌 جسمك محتاج طاقة إضافية لإنتاج اللبن حوالي ٤٠٠ل٥٠٠ كالوري أول ٦شهور و٣٠٠ل٤٠٠ كالوري بعد السادس وده خط أحمر لازم تراعيه
📌التنوع و نوعية الاكل هم اللى بتعتمد عليهم الرضاعة الطبيعية الجيدة
📌البروتين هتدوسي فيه براحتك لانه ضروري لتعافي جسمك بعد الولادة ولنمو البيبي👩‍👦 ( اللحوم والبيض والبقوليات ومنتجات الألبان والسمك )
📌 الدهون الصحية ركزي على الأوميجا-3 DHA وEPA اللي بتيجي من الأسماك الدهنية أو المكملات وده عشان التطور العصبي للنونو👶🏻
📌السكريات يُفضل تتجنبيها لان أضرارها أكتر من فايدتها 🚫
📌الرضاعة بتسحب كتير من مخزون جسمك من الفيتامينات والمعادن ولازم نعوض النقص ده وتاخدي المكملات دي او تزودي من تناول مصادرها :
١ الكالسيوم مهم جداً عشان ما يتسحبش من عظمك 🫣أنتِ
٢ الحديد لمحاربة الإرهاق والتعب Postpartum Fatigue هتاخديه مع فيتامين C في الجوافة أو ✅️الفلفل الالوان لتحسين امتصاصه
٣ فيتامين د طبعا هتحتاجي تستمري عليه بعد الولادة انت وطفلك
تعالي بقا #للخطة البسيطة أهي ⬇️
نزول الوزن لازم يكون بطيء وآمن عشان ما يأثرش على كمية اللبن وجودته فمثلا :

🍏 نظام الوجبات: اعتمدي على ٥ وجبات صغيرة
في اليوم (٣ رئيسية و٢ سناك) ده بيحافظ على معدل الحرق🔥
🍽 هتعتمدي طبق كبير لأكلك وتقسميه نص للخضار وربع بروتين و ربع نشويات 🥗
🥤 السوايل: هاتشربي حوالي 12 كوباية قسميهم ٣ميه ٣لبن ٣مشروبات دافيه ٣عصير فريش يومياً هيحافظ على إدرار اللبن ويزود الشبع
🍞 هتغيري الكربوهيدرات البسيطة زي العيش الأبيض والمخبوزات وتركزي على الحبوب الكاملة زي الشوفان والفريك والمعقدة زي الرز البني او البسمتي عشان الألياف اللي بتديكي إحساس بالشبع وبتساعد في صحةال GIT
🏃🏻‍♀️ ابدأي بعد الاربعين بممارسة المشي السريع أو تمارين المقاومة الخفيفة الرياضة تحسن ال Mood والطاقة
🍓لو استمريتي على العادات الصحية دي هتخسي بأمان وبطريقة طبيعية من غير ما تحرمي البيبي من أحسن غذاء ونعمة في الدنيا🥛

دايماً استشيري الطبيب أو أخصائي التغذية عشان تلاقي أنسب خطة ليكي🗓
للمتابعة وعمل خطة متفصلة لحالتك ابعتي ع رسايل البيدج أو الواتساب للحجز بالعيادة 💌💌
#الرضاعة #دايت #تغذية

03/02/2026

جاية بمفاجأة -لا مفاجأتين يعتبر- لأكتر حد كان بيبعتلى نسبة التزامه واكله خلال شهر تحدي

أولا فرحانه انكم وصلتو لهنا وخلاص كلها أسبوع ونوصل لهدفنا 📈✅️
ثانيا المفاجأة هتكون خطة للتثبيت في شهر رمضان مجانا وعمل #إنبودي بالعيادة مجانا كمان🤗💝


مع
#الأسبوع #الرابع

29/01/2026

دلع دا مش دايت خااالص👇🏻
مدلعين
مكملين
مش واقفين
الاسبوع ال٣

الدايت للأبطال 📈✌🏻

29/01/2026

باقي المشتركات اتشجعو وطلبو الاسبوع الثالث 🏃🏻‍♀️🍍
هينزل دلوقتى تابعي وأبدأي✌🏻
هتلاقينى بساعدك تستمري ازاى

27/01/2026

27/01/2026

بعض وجبات تحدي ال٨٠🍱
تشجيع و أحلى عاااش
أي هدف بيبدأ بخطوة بس والإصرار هو اللى بيخليك تكمل ✌🏻✅️

25/01/2026

الذكاء في اختيار التسالي أو السناك مش بينقذ الدايت وبس دا بينقذ :
️صحتك✅️
قلبك✅️
شرايينك✅️
جهازك الهضمي✅️